https://youtu.be/0rAv7mcDBwU

मित्रांनो, "हार-जीत बनुनी बघ " ही मराठी कविता आपल्यासाठी सादर करीत आहे.
मराठी कविता आवडली तर share करायला विसरू नका.
"माझी डायरी " या आपल्या चॅनलला अवश्य Subscribe करा.
"माझी डायरी" आपल्यासाठी आणखी नव्या कविता-गझल-कथा घेऊन येत आहे.

subscribe me : https://www.youtube.com/channel/UCWg4s4JepryoGlUdgiAFttQ

डांबले उरी, मी दुःखवेदनांना
आज विकल अव्यक्त भावनां

संवेदनांचे सारे स्पर्श वेगवेगळे
दाह अंतरी सोसू कसा सांगना

विधिलिखित! जरी हे ललाटी
भोगूनी संपणार कां? सांगना

सत्कर्मी! चालतोही मी विवेके
तरी अस्वस्थ मन हे कां सांगना

क्षण! तू तर सारेसारे जाणतेस
तरीही तू कां? अबोल सांगना

मीच शोधितो, स्वतःला अंतरी
जीवन! कधी उमगणार सांगना

जीव! हा व्याकुळ आज सारा
कृपावंत! कधी भेटणार सांगना

-- वि.ग.सातपुते (भावकवी)

9766544908

रचना क्र. ५४

२१ - २ - २०२२.

वरद गणपती, गुणद गणपती, सुखद गणपती रे

तव शुभ नामें बिकट पथा निष्कंटक करती रे ।।

चिवट दाट भवतापकर्दमीं जीवनशकट रुते

कुटिल भयप्रद संकट भेसुर विकटकास्य करते

नतद्रष्ट विघ्नांचें सावट, विकटा, हटव पुरें ।।

दुष्ट-कष्ट करतोस नष्ट तूं, हे मंगलमूर्ती

दासांच्या आशांची अविरत तूं करसी पूर्ती

क्लेशमुक्त होतात भक्तगण तव-गुण गाणारे ।।

पापाचरणीं गुरफटलो, प्रिय वासनाच वाटे

भरकटलो मी, उपभोगाचा मजला मार्ग पटे

प्रगट जाहला तूं, हृदयीं मिटले विभ्रम सारे ।।

महोत्कटा, मी घट्ट लगटण्यां चरणां, आसुसलो

तव पदरजभेटीसाठी किति वाट बघत बसलो

हट्ट पुरवुनी तुष्ट करिल मन तुजविण कोण बरें ?

सिद्धीविनायका, कर माझ्या सुखांमधें वृद्धी

अवगुण नाशुन, गुणस्वामी, दे मजला सद्बुद्धी

उघड अनंता या पतिताला चिदानंददारें ।।

- - -

- सुभाष स. नाईक. Subhash S. Naik

सांताक्रुझ (प), मुंबई. Santacruz (W), Mumbai.

Ph-Res-(022)-26105365. M – 9869002126

eMail : vistainfin@yahoo.co.in

Website : www.subhashsnaik.com / www.snehalatanaik.com

बंधनातले जग आमुचे हे जरी घातले कुंपण

कुणी भुंकली
कुणी थुंकली
कुणी म्हणालं, ‘जंगली’.
पण विधानसभा नाहीं भंगली.

अखेरीस एकानं केलं वॉक् आऊट,
अन्, दुसरी पार्टी ट्रस्ट-व्होट जिंकली

- सुभाष स. नाईक

संपलेल्या दिवाळीचे कवित्व अजून बाकी आहे
आहे पणती अजुनी वात तिची विझली आहे
दारातील आकाशदिवा अजूनही तसाच आहे
दिवा त्यात कोण लावील आता तो बेकार आहे ।

पाडवा आणी भाऊबीजेचे कोणास कौतुक आहे
कसले ऊटणे कसले तेल मोतीसाबण व्यर्थ आहे
आता आपला नेहमीचा हमाम साबण खरा आहे
गरम पाणी मिळणे आता नशीबाचा भाग आहे ।

दिवाळी संपली महत्त्व संपले हे असेच सुरु आहे
माणूस काय पणती काय नशिबी भोग तोच आहे
ऊपयोग संपून गेल्यावर किंमत त्याची शून्य आहे
घरातील एखादा कोपऱा हीच खरी जागा आहे ।

-- सुरेश काळे
मो. 9860307752
सातारा.
१२ नोव्हेंबर २०१८

मीच स्वतःला ओळखुन आहे
मी केवळ एक माणूस आहे

भौतिक सुखे सारीच लाभली
आत्मिक! सुखदा सत्य आहे

न आता मनी दुश्वास कुणाचा
आता स्पंदनी या तुप्तता आहे

नेत्री, आठव सारे दवबिंदू परी
अंतरी संवेदनांची जागृती आहे

ना आता सुखदुःखांची गणती
भोगप्रारब्ध, सारे भोगले आहे

हवे कशाला, कुठलेच हेवेदावे
हरिनामी आता मोक्षमुक्ती आहे

जे जगले, ती कृपा भगवंताची
त्याच ऋणात सदैव रहाणे आहे

-- वि. ग. सातपुते (भावकवी)

9766544908

रचना क्र. २५.

२५ - १ - २०२२.

हिशोबाची वही घेवूनी बसलो,
हिशोब करण्यासाठीं ।
जमाखार्च तो करित होतो,
जीवनाच्या सरत्या काठीं ।।

घोड दौड ती चालूं असतां,
सुख दु:खानी भरले क्षण ।
प्रसंग कांहीं असेही गेले,
सदैव त्याची राही आठवण ।।

कष्ट करूनी जे कमविले,
थोडे धन या देहाकरिता ।
उपयोग नव्हता त्याचा कांहीं,
जग सोडूनी देह जाता ।।

कधी काळचा निवांतपणा,
घालविला दुजाच्या सेवेत ।
पुण्य राहिले शिल्लकीमध्ये,
वाटते तेवढेच हिशोब वहीत ।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

उपास तापास करुनी, शिणवित होतो देहाला,
भजन पूजन करुनी, पूजीत होतो देवाला ।
कथा कीर्तनें ऐकूनी, पुराण मी जाणिले,
माळ जप जपूनी, प्रभू नामस्मरण केले ।
वेचूनी सुमनें सुंदर, वाही प्रभूचे चरणीं,
फुलांचे गुंफूनी हार, अर्पण केले कंठमणीं ।
जाऊनी तीर्थ यात्रेत, दर्शन घेतले तीर्थांचे,
प्रसिद्ध देवालयांत, चरण स्पर्षिले मूर्तीचे ।
मनामध्यें ठेऊन शांती, मूल्यमापन केले जीवनाचे,
कांहीं न मिळाले हातीं, व्यर्थ दवडिले क्षण वेळेचे ।
संसारातील प्रेम व राग, ह्यातच मन गुरफटले,
कर्तव्यातील एक भाग, प्रभू भक्तीसी संबोधले ।
परमार्थ आणि संसार, भिन्न नाहींत दोन,
प्रभूचाच आहे संसार, मनी तूं हे जाण ।
कर्म फळ आशा, बाळगूं नको मनीं,
तेंव्हा न येईल निराशा, कर्म करीता क्षणीं ।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

सरडा चढला झाडावरती, सर् सर् सर्, करित करित

लक्ष्य तयांचे फूलपाखरू, फुलाभोवती होते खेळत....१

भक्ष्यकाची चाहूल मिळतां, भर् भर् भर् गेले उडूनी

शोषीत असता गंध फुलांतील, चंचल होते नजर ठेवूनी....२

व्याघ्र मावशी मनी ही राणी, म्याँव म्याँव म्याँव करित आली

उंदीर मामा दिसत तिजला, झेप घेण्या टपून बसली...३

शंका येता त्याला किंचीत, झर् झर् झर् तो बिळात गेला

केवळ चित्त सावध असतां, प्राण आपले वाचवू शकला...४

निसर्ग देतो कला आगळी, बचाव करण्या शत्रू पासूनी

सावध असतां जीव जीवाणू, मारू न शकते त्याला कुणी....५

डॉ. भगवान नागापूरकर

९००४०७९८५०