
काव काव ही करुनी का हो
कावूनी गेला दोघे..
समजावूनी घ्या परस्परांना
भरू नका हो रागे...!
August 20, 2026

टोकदार या नख्या उभारून
रक्षण करिती कळ्या स्वतःचे
आणिक नंतर हळूच फुलती
नसते जेव्हा लक्ष कुणाचे
August 20, 2026

चंद्र एकच आकाशीचा
आणिक खाली चंद्र अनेक
कुणास त्याची सर नाही हो
त्या सम तोच,केवळ एक
August 20, 2026

किती मनोहर आहे
निसर्गाची रीतभात
छाया प्रकाशाचा खेळ
चाले इथे दिनरात...!
August 20, 2026

माझ्या देशाचे दारिद्र्य
येई असे रस्त्यावर
दिसे उघडा संसार
नाही त्याला घरदार...
August 20, 2026

नटवुनी रोज झाडांना
करतात उभे व्यापारी
रस्त्यावर आली झाडे
होऊनी अशी बाजारी
August 20, 2026

गल्लीबोळा हिंडून हिंडून
बरीच झाली फिरती
आणि सुखाची झोप लागली
इवल्या जागेवरती
August 20, 2026

दीपावलीचे स्वागत जरी हे
रोज उगवतो नेमाने
आकाशीचा दिवा लाविला
सर्वांसाठी देवाने
August 20, 2026

नक्षत्रांचे दीप उजळले
अवनीवर आकाश उतरले
अशा घडीला अवघी सृष्टी
मंगलमय झाली
August 20, 2026

आजोबांच्या आजोबांनी
लावलं होतं झाड
असं काही वाढलं म्हणता
अगदी ताडमाड
August 20, 2026
Copyright © 2025 | Marathisrushti