नाचत होत्या दोन बाहुल्या, इकडून तिकडे ।

टकमक पाहात हांसत होत्या, चोहीकडे ।।

झीम्मा खेळे, फुगडी खेळे, गरगर फिरती ।

हातवारे करुन त्या, माना डोलावती ।।

जवळ येवून गुजगोष्टी, सांगे एकमेकींना ।

सासू नणंद यांच्या, कुलंगड्या काढतांना ।।

सुख दुःखाच्या कथा, सांगितल्या त्यांनीं ।

कांहीतरी करुन दाखवूं, वदल्या दोघीजणी ।।

अज्ञानी गरीब बिचाऱ्या, जेंव्हा संकल्प करती ।

कळसूत्री बाहुल्या त्या, दोर इतरां हातीं ।।

डॉ. भगवान नागापूरकर

९००४०७९८५०

योजना तुमची चुकून जाते, जीवनाच्या टप्प्याची ।

अखेरचा क्षण जवळीं येतां, आठवण होते त्याची ।।

जोम असतां शरीरीं तुमच्या, करीता देहासाठीं ।

वृद्धत्वाचा काळ तुम्हीं ठेवता, ईश चिंतना पोटीं ।।

गलित होऊनी गेली गात्रे, अशांत करी मनां ।

एकाग्रचित्त होईल कसे तें, मग प्रभू चरणां ।।

दवडू नका यौवन सारे, ऐहिक सुखामागें ।

त्या काळातील प्रचंड ऊर्जेस, लावा सत्कर्मे ।।

सदृढ असते शरीर जेव्हां, एकाग्र करा चित्त ।

मिळणाऱ्या ऊर्जेला, खर्च करा योग्य चिंतनांत ।।

डॉ. भगवान नागापूरकर

९००४०७८५०

कोण लागतात माझे,
नाते ते ठाऊक नाहीं,
देऊनी जातात मात्र,
बरेच मजला काहीं ।।१।।

विठ्ठल- रामाचा नाद,
गुंजन करितो येथें,
पवित्र वातावरण,
येण्यानी होवून जाते ।।२।।

देवाण घेवाण आत्म्याची,
आपसामध्यें चालती,
शब्द फुलांची गुंफण,
त्वरीत होऊन जाती ।।३।।

फुले देऊनी मजला,
हार गुफूंन घेतात,
दोघे मिळूनी तो हार,
प्रभूस अर्पूं सांगतात ।।४।।

अदृश्य असले नाते,
असावे दोघांमध्ये,
भाषा आत्म्याची जाणतां,
मन नाचते आनंदे ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

खरं सांगते बरा आहे
नवरा माझा नवरा आहे

थोडासा तो कोडगा आहे
जणु माझा पोरगा आहे

कधी तो माझा पप्पा आहे
मनातला नाजूक कप्पा आहे

थोडासा तो चिडका आहे
पण मायेचा झरा आहे

खरं सांगते बरा आहे
नवरा माझा नवरा आहे

लहानांशी त्याची गट्टी आहे
थोडासा तो हट्टी आहे

त्याला वाटतं तो धाडसी आहे
मला वाटतं तो आळशी आहे

थोडासा तो हळवा आहे
माझ्या जिवनाचा वारा आहे

खरं सांगते बरा आहे
नवरा माझा नवरा आहे

थोडासा तो भावनिक आहे
राग त्याचा क्षणिक आहे

नव्या कल्पनेत उडणारा आहे
जुन्या आठवणीत रमणारा आहे

नव्या स्वप्नात रंगणारा आहे
त्याच्यामुळे सौख्य घरा आहे

खरं सांगते बरा आहे
नवरा माझा नवरा आहे

थोडासा तो ज्ञानी आहे
सुखी आणि समाधानी आहे

संयम थोडासा कमी आहे
जिभेनं थोडा कडवा आहे

पहिल्यापेक्षा बरा आहे
मी कुठं म्हणते हिरा आहे

खरं सांगते बरा आहे
नवरा माझा नवरा आहे.

- डॉ. सुभाष कटकदौंड

On YouTube

तिचे अस्तित्व आज तीच शोधत होती

कधी काळाच्या ओघात रडत होती

युगे युगे लोटली तिच्या या लढाईला

स्त्रीचं ती प्रश्न समाजास विचारत होती

कधी गर्भात खुळल्याजात होती

ती गर्भात समाजाला नकोशी होती

तिच्या रडण्याचा आवाज नाही ऐकला कोणी

निरागस कळी ती जगणे शोधत होती

कोण करेल ग माझे स्वागत असे घर शोधत होती

अन् मिळालाच तोही आनंद एक आई तिची वाट पाहत होती

नको नको म्हणता म्हणता आलेच मी आयुष्यात

या हळव्या प्रश्नाने ती आज फारच खुश होती

चिमुकल्या पावलांनी ती अंगणात खेळत होती

मंद मंद वाऱ्यासवे फुलासमान डोलत होती

निरागस तिच्या हसण्याने हसत होते अंगणही

पण लगेच तिच्या खेळण्यावर निर्बंध लादले जात होती

पोरींची जात तू या शब्दाने ती हिनल्याजात होती

अन् परक्याच धन तिला आपलेच करीत होती

शाळेचे दिवस कसे भरकन उडून जातात

पण निरागस चेहऱ्यावरून आसवे वाहत होती

जगणे बदलते पण रित मात्र तीच होती

लवकरच ती सासरी जाणार होती

वाजले सनई चौघडे पडल्या डोई अक्षदा

नव्या आयुष्याचे ती स्वप्न पाहत होती

दिवस गेले सुखाचे पण आता ती हुंड्यासाठी जळत होती

जळता जळता त्या आसवाला हलकेच पुसत होती

आता पुरे झाले होते आयुष्य संघर्षच जगता जगता

पण माझा स्त्री असणे हा काय गुन्हा हा प्रश्न ती विचारत होती

-- अॅड विशाखा समाधान बोरकर

रा पातूर जी अकोला

(सत्तेची खुर्ची एक वेगळी मजबूत होती. चार पायांवर भक्कम उभी होती. आताची खुर्ची - ?)

एक खुर्ची चार पाई
भक्कम मजबूत एके ठाई

एक खुर्ची तीन पाय
एक गळाला कळलं नाय

एक खुर्ची दोन पाय
दोन गळाले, खुर्ची तर हाय

एक खुर्ची एक पाय
काय बिगडलं फिरती हाय

कुटं बी वळीवलं तर
काय बी बिगडत नाय

आजकाल अशाच खुर्चीची
तर राव चलती हाय!

-- विनायक अत्रे.

वेदनांना फक्त साथीदार असतात, भागीदार नसतात,
अंतरीच्या जखमांचे कुणीही हक्कदार नसतात.

हास्य सारे वाटतात मेळ्यातल्या गर्दीसारखे,
अश्रूंच्या या वाटेवर मेळे, बाजार नसतात.

खांद्यावरती हात ठेवून बोलणारे लाख भेटती,
मन जपाया शब्दांचे एवढे आधार नसतात.

रात्र माझी, चंद्र माझा, सावलीही सोबत असते,
दुःख पेलण्या चांदण्यांचे हातभार नसतात.

जन्मभर मी शोधले जे नाव नात्यांच्या वळणावर,
काळ म्हणतो वेदनांना कुठले व्यवहार नसतात.

वादळांनी शिकविले, झाड व्हायचे खोल मुळांचे,
फांद्यांवरी विसावणारे सारे संसार नसतात.

एकट्याने चालताना एवढेच उमगून गेले
स्वतःपाशी हरलेल्यांचे कधी पराभव नसतात.

वेदनांना फक्त साथीदार असतात, भागीदार नसतात,
मन जळाले की राखेचेही कुणी वारसदार नसतात.

•ॲड.कीर्तिराज शैलेंद्र आगलावे, पुणे ✨
मो:- 9011841212

आला, आला, आला श्रावण