नको बनूस अविचारी

जाऊनी भावनेच्या आहारी ।।धृ।।

प्राणीमात्राच्या जगती श्रेष्ठत्व तुला लाभले

विवेक करण्या मनी यश तुला साधले

नको घेऊं ऊंच भरारी ।।१।।

जाऊनी भावनेच्या आहारी

प्राण्यास असे भावना साथ नसे विचारांची

विचार आणि भावना साथ मिळाली दोन्हीची

नको बनूस अहंकारी ।।२।।

जाऊनी भावनेच्या आहारी

बरे वाईट यांची जाण घ्यावीस तूं ओळखूनी

राहूं नकोस विसंबून आत्मविश्वास गमवूनी

नको जाऊस दारोदारी ।।३।।

जाऊनी भावनेच्या आहारी

प्रयत्न करिता यश मिळे विश्वास ठेवा मनी

ज्ञानानी प्रश्न सुटती सगळे महत्व घे तूं जाणूनी

कां मनाचा गोंधळ करी ।।४।।

जाऊनी भावनेच्या आहारी

डॉ. भगवान नागापूरकर

९००४०७९८५०

e-mail- bknagapurkar@gmail.com

अनामिक जे होते पूर्वी, साद प्रेमाची ऐकू आली

योग्य वेळ ती येतां क्षणी, हृदये त्यांची जूळूनी गेली

शंका भीती आणि तगमग, असंख्य भाव उमटती मनी,

विजयी झाले ऋणाणू बंधन, बांधले होते हृदयानी,

उचंबळूनी दाटूनी आला, हृदयामधला ओलावा

स्नेह मिळता प्रेम मिळाले, जगण्यासाठी दुवा ठरावा

मनी वसविल्या घर करूनी, क्षणीक सुखांच्या आठवणी

जगण्यासाठी उभारी देतील, शरीर मनाच्या दु:खी क्षणी

डॉ. भगवान नागापूरकर

९००४०७९८५०

“सुमनांजली” या काव्यसंग्रहातून…

चकोर पक्षी हा कोवळ्या चंद्रकिरणातील अमृत पिऊन जगतो अशी एक कल्पना आहे. चंद्रकिरणामधे शीतलता, मृदुता आणि संजीवकता असते. तिचा लाभ चकोराला होतो. असे हळुवार चंद्रकिरणांसारखे मृदुत्व योग्याच्या ठिकाणी असते. हे मृदुत्व आणखी कोणासारखे? तर पक्षिणीच्या पंखासारखे असते. आईच्या पंखांचा आश्रय हे पिलांचे सर्वस्व असते. कारण पंखांमुळे त्यांना उबारा मिळतो. पिलांमध्ये सुरक्षिततेची भावना निर्माण होते. योगी पुरुषांचेही असेच असते. त्यांच्यामुळे सर्वसामान्य माणसाला मानसिक आधार लाभतो..

शंभर वर्षे जगा तुम्हीं, काका आमच्यासाठीं,

बाबांच्या रुपांत रहा, तुम्ही सर्वांच्या पाठीं ।।१।।

भाऊ तुम्हीं त्यांचे असूनी, रुप लाभले बाबांचे,

तुम्हास बघतां दिवस आठवती, त्यांच्या सहवासाचे ।।२।।

उशीर झाला होता, जेंव्हा जीवन उमगले,

कुणा दाखवूं वाट यशाची, बांबानी तर डोळे मिटले ।।३।।

आंबा गेला मोहरुनी, लाविली होती त्यांनी झाडे,

दुर्दैवाने आमुच्या, नाही ते बघण्या फळाकडे ।।४।।

मध्येच सोडूनी गेले, नाटक चालू असतां,

रंगवूनी बाबांची भूमिका पूर्ण करां ते आतां ।।५।।

चालू ठेवा मार्गदर्शने, तुम्हीं आपल्या घराण्याची,

जोपासण्या शिकवा तुम्ही, जीवनाविषयीं तत्वें त्यांची ।।६।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

किती रात्री अशाच जागवल्या, राजसा तुझ्या स्मृतींमध्ये,
वाट पाहताना जीव थकला,
मन चिंतातूर आतमध्ये,---

सारखे हे काळीज उले,
चंद्र उगवे हा डोईवरी,---
का सवतीने वाट अडवली,
मोहात पाडत तुला सत्वरी,--!!!

कितीक दिन होऊन गेले,
ना निरोप कसला संदेश,
तू गेल्यावर भोवताली,
वाटे हा परकाच प्रदेश ,--!!!

भोवती आहेत नाती सारी,
आवडते ही मज सासुरवाडी,
राम नाही पण त्यात कुठला ,
एकली भासते मी संसारी,--!!!

रामरगाडा अवती असता,
सांगाया कोणास जावे ,
दुःख तुझ्या विरहाचे रे,
कोणापाशी मोकळे बोलावे,--!!!

आता येईल जीवा बेचैनी,
कसे त्यास रमवावे,
डोळे लावून बसू किती,
दूर तू त्या परागणी,--!!!

नसते तुला कधीच चिंता,
घरच्या आपल्या माणसांची,
ते सगळे मात्र जीव टाकती,
कशी तुझी बेपर्वा वृत्ती,--!!!

मनमोर माझा नाचेल खरा,
जेव्हा कधी येशील तू ,--
इतरांसाठी असेल ग्रीष्म, माझ्यासाठी फुलेल ऋतू --!!!

हिमगौरी कर्वे.©

ते जातील उडूनी पंख फुटता पाहत राहशील, डोळे भरुनी

आजवरी जे प्रेम दिले तू शक्ती त्याची उरी बाळगुनी

माया, वेडी कशी असे बघ वाटते तुजला तुझीच पिले ती

हसून, खेळून बागड्तील सदैव तुझ्या पदारा खालती

जेंव्हा पडले पाउल पहिले आधाराविण तुझ्या अंगणी

नांदी होती दूर जाण्याची तुजपासुनी त्याच क्षणी

परी दूर दृष्टी ही नव्हती तुजला मायेचा तो पडदा असता

टिपून घेशी अश्रू आज ते परिस्थितीची जाणीव होता

डॉ. भगवान नागापूरकर

९००४०७९८५०

ज्याच्यासाठीं व्याकूळ झाली, उभी अयोध्या नगरी,
कां धाडिला राम वनीं ? कैकयीला भरत विचारी ।।धृ।।

आम्ही बंधू चौघेजण,
झालो एका पिंडातून,
कसा येईल भाव परका ?
असतां एकची जीव, चार शरीरीं
कैकयीला भरत विचारी ।।१।।

वचनपूर्ती ब्रीद ज्याचे,
आदर्श जीवन रघूवंशाचे,
कसली शंका मनांत होती ?
पारख ना केलीस, त्या हिऱ्याची परी,
कैकयीला भरत विचारी ।।२।।

सर्व जणांचे प्राण होता,
जगणे कठीण झाले आतां,

रोष कशाला घेसी त्याचे,
अकारण ते आपल्या शिरावरी ?

कैकयीला भरत विचारी ।।३।।

डॉ. भगवान नागापूरकर
९००४०७९८५०