कविता-गझल-चारोळी-वात्रटिका
-
काहीही झालं तरीही….
काहीही झालं तरीही....
लोकलची गर्दी कमी होणार नाही....,.कितीही कायदा कडक केला तरी.....
सरकारी कर्मचाऱ्यांच लाच घ्यायच कमी होणार नाही...कितीही जागृती अभियान राबवले तरीही...
सुशिक्षितांचा मतदानाचा "आळस" कमी होणार नाही....प्रामाणिकपणे भरगच्च कर भरला तरीही ...,,
सरकारकडुन करांचा छळ कमी होणार नाही...कितीही लांब जायच झाला तरीही.., .,,
स्त्रियांच्या मेकअपची वेळ कमी होणार नाही..लग्न होऊन भरपुर वर्षे झाले तरीही....
पत्नींशी खोट बोलायची सवय पतीची कमी होणार नाही...सत्ताधारींनी कितीही राज्यात विकास केला तरी.....
विरोधकांचे जातीय राजकारण कमी होणार नाही..भारतीय आर्मीने मुस्लिम दहशतवाद्यांना ठेचुन कंठस्नास घातले तरीही.....
पाकिस्तान दहशतवाद्यांच्या भारतातील कारवाया कमी होणार नाहीत.....R.T.O कडे रिक्षाचालकांच्या कितीही तक्रारी केल्या तरीही..
या रिक्षाचालकांची मस्ती व मुजोरपणा कमी होणार नाही.....बघाना....
आपले कितीही कामे अडली असले तरीसुद्धा ...
सतत "अॉनलाईन" राहणे कमी होणार नाहीच...-- विवेक जोशी
October 4, 2016
-
राजस गर्जना
महाराष्ट्राच्या मातीतल्या कणाकणात जपलेला स्वाभिमान,
आणि डोळ्यांत पेटलेला महाराष्ट्राचा अभिमान,
असं व्यक्तिमत्त्व जेव्हा उभं राहतं,
तेव्हा व्यासपीठच रणांगण होतं.राज ठाकरे...
नावातच एक ठसका,
शब्दांत ज्वालामुखीचा ताप,
आणि विचारांत धारदार तलवारीची चमक.तो बोलतो तेव्हा
हवेचाही श्वास थांबतो,
कारण प्रत्येक वाक्य
थेट छातीत आदळतं.भाषेचा प्रश्न असो,
मराठी माणसाचा स्वाभिमान असो,
किंवा व्यवस्थेवरची करडी टीका.
तो मांडतो मुद्दा
तडफेने, निर्विकारपणे,
कोणाच्याही भीतीशिवाय.त्याच्या शैलीत आहे वारसा,
पण त्याची वाट मात्र स्वतःची.
रेषांच्या व्यंगचित्रांतून
तो उलगडतो सत्तेचं कुरूप सत्य, आणि
सभागृहात त्यांच्या विचारांनी हादरते सत्तेची भिंत.वाद त्याच्या मागे धावतात,
टीका त्याच्यावर कोसळते,
पण तो उभाच राहतो.
डगमगत नाही,
वाकत नाही.कारण काही नेते
फक्त राजकारण करत नाहीत,
ते घडवतात लाट
भावनांची, विचारांची, अस्मितेची.आणि जेव्हा इतिहास
महाराष्ट्राच्या राजकीय पानांवर
ठळक अक्षरांनी नोंद करेल
एक निर्भीड, ठाम, वेगळा आवाज तेव्हा त्या ओळीत
गर्जत उभं असेल.
त्या आवाजाचे एकचं नाव...
राजसाहेब ठाकरे•ॲड.कीर्तिराज शैलेंद्र आगलावे, पुणे ✨
मो:- 9011841212 July 13, 2026
-
पुण्यस्रोत
निसर्ग हा हिरवळलेला
पुण्यस्रोत शुभ्र जलाचा....दरीदरीतुनी झेपावतो
उंच धबधबा डोंगरीचा....निळ्यानिळ्या अंबरी
धुसर पांघर धुक्याचा....रंग कोवळे सप्तरंगले
धुंद सुगंध मृदगंधाचा....सांजाळल्या सांजवेळी
पापणीत भास तृप्तीचा....समोर वाहते कृष्णामाई
साक्षात्कार जणू गंगौघाचा....रचना क्र. ९२
३१/७/२०२३
-वि.ग.सातपुते.(भावकवी)
9766544908 August 20, 2023
-
गन्स ऑफ नेव्हरॉन’ हा इंग्रजी क्लासिक युद्धपट प्रदर्शित झाला
ॲ‍लिस्टर मॅक्लीन यांच्या ‘गन्स ऑफ नेव्हरॉन’ याच नावाच्या कादंबरीवर आधारित, जेली थॉमप्सन दिग्दर्शित हा चित्रपट सुमारे १६० मिनिटांचा असून यात ग्रेगरी पेक, डेव्हिड निवेन, अँथनी क्वीन, अँथनी क्वेल आदी एकापेक्षा एक मातब्बर कलावंत आहेत. या चित्रपटाला ऑस्करची ६ नामांकने मिळाली होती तर २ गोल्डन ग्लोब अवॉर्डसह १ ऑस्कर मिळाले होती.
April 27, 2022
-
एका नाट्यमय संसाराची ५० वर्षे
ही गोष्ट एका लग्नाची
गोष्ट प्रेमाची
लग्नाची बेडी नाटकाची
यशस्वी अर्धशतकी प्रयोगांची५० वर्षापूर्वी ह्या टॅामला
जेरीच प्रपोजल आल
आणि फायनल ड्राफ्ट तयार होऊन
स्वयंवरही झालतू तिथे मी ची शपथ घेऊन
ह्यांची वार्‍यावरची वरात निघाली
आणि नवा गडी नव राजं म्हणत
संसाराची नांदी झालीसुख म्हणजे नक्की काय असत
शोधताना जरा फॅमिली ड्रामा झाला
आणि सुखाशी भांडतो आम्ही दोघ म्हणाले
तरी अवघा रंग एकचि झालाआता विच्छा माझी पुरी करा
तिनही बेचकीत पकडल
एक यू टर्न आल्याच मात्र
एका क्षणात त्याला उमगलमग काय विचारता?
तो नाइट रायडर, ती व्हाईट लिलि
फुलराणीच्या वेलीवर
लेकूरे उदंड जालीपुढे मोरावळ्यासारख्या संसारात
थोडा संशयकल्लोळ थोड मानापमान
अगदी शाब्दीक वस्त्रहरण सुध्दां झालं
पण कुणासाठी कुणीतरी, हिमालयाची सावली ही बनलआणि बघता बघता ५० वर्षाचा हा संसार
असा सही रे सही झाला
भावी वैवाहिक जीवनासाठी
ऑल द बेस्ट तुम्हांला-- सौ. अलका वढावकर
February 8, 2016
-
पाऊस सरी पडतांना
पाऊस सरी पडतांनागारवा अंगास झोंबतो,मिठीत तू अलवार घेताघन ओथंबून पाऊस येतोमलमली मिठीत मी येताअश्रूंचा बांध अलगद फुटतो,डोळे हलकेच तू पुसतातो पाऊस मनात मोहरतोकिती मनोहर हा नजाराडोळ्यांत निसर्ग खुलतो,हा ओला हिरवा गालिचाथेंब पावसाचा हृदयात मिटतोघन व्याकुळ मी होतेचिंब पावसाळी नभात या,कधी भेटशील सख्या तूया कातरवेळी तू जवळी हवाधुक भरली ही वाट न्हालीतुझी वाट कितीक पाहवी,मन अधीर पाऊस सरीत यातुझ्यात चिंब भिजते मी सर होऊनी-- स्वाती ठोंबरे. May 30, 2022
-
नाते
तुझे नी माझे कसले नाते
अजून मला ते कळले नाही
एकदा तरी तुज पाहिल्यावीना
मजला काही करमत नाही ।
ऊजाडताच दिवस नवीन
रोज नव्याने तुला पाहतो
रम्य त्या गत आठवणीने
का पुन्हा रोमांचित होतो ।
आता तरी तू सांग मजला
काय आहे आपुले नाते
का आजही तव आठवणीने
मन माझे ग मोहीत होते ।सुरेश काळे
मो. 9860307752
सातारा.
दि. ३ आक्टोंबर २०१८ November 15, 2018
-
थोबडा
तुझा थोबडा पाहून मी
तुझ्या प्रेमात पडलोच नाही
तुला पाहून माझ्या हृद्याचे
ठोके चुकले पहिल्यांदाच...मला वाटते तुझे आणि माझे
काही नाते असावे गतजन्मीचे
पण ते नाते प्रेमाचे नाही
तर कदाचित असावे शत्रूत्वाचेचकारण क्षणात माणसांना
भुरळ घालणार्‍या मला
तुझ्या मागे उगाचच
धावत राहावे लागलेच नसते
वर्षानुवर्षे वेड्यागत...© कवी – निलेश बामणे ( एन.डी.)
May 16, 2016
-
तुझ्याशिवाय
तुझ्याशिवाय,
दिन भासे राती सारखा,
रात्र उजाडता भकास पसरे,
दिन उन्हासारखा,--!!!तुझ्याशिवाय,
पावसाळा अगदी कोरडा,
वर्षाव संजीवनाचा भले,
होत राही सारखा,--!!!तुझ्याशिवाय,
हेमंत ऋतू येता,
उदासपण भरलेले,
जीवन अव्याहत चालता,--!!!तुझ्याशिवाय,
आगमन होते शिशिराचे,
मन पालवी गारठून जाते,
दूर -- दूर तू राहता, -!!!तुझ्याशिवाय,
ग्रीष्म ही भासे रुक्ष पहा,
अधिक अधिक करत राहे,
काहिली जिवाची माझ्या,--!!!तुझ्याशिवाय,
ऋतू सगळे निष्काम बनतां,
आससून मी वाट पाहते,
माझ्यात मीच नसतां,--!!!हिमगौरी कर्वे.©
August 22, 2019
-
मानवतेचा पोशिंदा
लाख मोलाचे
आयुष्य आपुले,
कोटी जणांचे आधार.
अन्यायाविरुद्ध लढणारे सारे,
संघर्षमय जीवनसरोवर.घडविले आहे आपण
जन जीवनाला ...
देवूनी सुयोग्य आकार
वाढविले आहे आपुलकीने,
दीन-दुबळ्या बहुजनांना...
करुनी विषमतेचा प्रतिकार.शिकविले आहे आपण,
निरक्षरतेलाही...!
ओतुनी जीव शाहीचा निर्विकार.
मिटविले आहेत
अंधाराचे दिवे...!
पेटवूनी सप्तरंगी इंद्रधनुविष्कार.संघटीत केले आहे आपण,
विखुरलेल्या शक्तीहीन शक्तीसही...!
पेरुनी बीज एकतेचे महाअपरंपार.
फुलविले आहे आपण....
रानफुलानांही...!
जिरवुनी ओसाड मातीत महाज्ञानसागर.लडविले आहेत, लढे
मानव मुक्तीसाठी...
घेवूनी तळहाती शिर.
काबीज केले आहेत, गड अनेक
राष्ट्र उभारणीसाठी....
खर्चुनी पोटचे प्राणप्रिय पोर.रुजविले आहेत, आपण
स्वातंत्र्य, समता....
बंधुत्व, न्यायाचे धडे
चराचरात विश्वभर
पोसीले आहे आपण,
दु:खी कष्टी
निराधार मानवतेलाच...!
अखंडपणे आयुष्यभर.- ©️ प्रा. शिवाजी आर. कांबळे (कवि, लेखक, संमिक्षक, संपादक, गीतकार)
☎️ मो.न.883 080 0335 ================================
Follow me on my Blog ID: https://kshivraj83.blogspot.com/ ================================ September 2, 2021
Copyright © 2025 | Marathisrushti