मावा हाताने कुस्करून घ्यावा. नंतर कढईत मावा टाकावा व पाच मिनिटे मंद आचेवर परतून घ्यावा. आता त्यात पिठीसाखर टाकून व्यवस्थित मिसळावे.

साहित्य- एक वाटी तुरीची डाळ, दोन वाट्या बारीक चिरलेली मेथीची पाने, एक चमचा धनेपूड, अर्धा चमचा जिरेपूड, आवडीप्रमाणे तिखट पूड, मीठ, साखर, दोन ते तीन आमसुले, फोडणीसाठी चमचा भर तेल, मोहरी, हिंगपूड, तीन-चार लाल सुक्याे मिरच्या, १०-१२ लसूण पाकळ्या.

कृती- तुरीची डाळ व चिरून घेतलेली मेथी एकत्रितपणे कुकरमध्ये शिजवून घ्यावी.
मेथीमिश्रित डाळ शिजल्यावर घोटून घेऊन त्यात धनेपूड, जिरेपूड, तिखटपूड, मीठ, साखर व आमसुले घालावीत. आमटी जशी घट्ट वा पातळ आवडत असेल त्याप्रमाणे पाणी घालावे व उकळून घ्यावे.
नंतर त्यावर मोहरी, हिंगपूड, १०-१२ लसूण पाकळ्या, ३-४ लाल सुक्याघ मिरच्या घालून तेलाची फोडणी द्यावी.

संजीव वेलणकर पुणे.
९४२२३०१७३३

प्रथम सर्व साहित्य घालून कढी उकळून घ्या. मग हिंग, जिरे आणि मिरच्यांची फोडणी द्या. फार गोड ताक असल्यास कढी फुटते आणि चविष्ट लागत नाही. बदल म्हणून फोडणीत २ लवंगा, १ तुकडा दालचिनी घालता येईल. मेथी दाणे व थोडे धने, लाल मिरच्याही घालतात. कढीच्या फोडणीत हळद न घालता चिमूटभर हळद तशीच घाला, म्हणजे रंग चांगला येईल.

कांदा, आले व लसूण वाटून तेलात परतून घ्या. त्यात टोमॅटोपेस्ट, मीठ, हळद, लाल तिखट व धनेपूड मिसळून व्यवस्थित परतून घ्या. यात बेबी कॉर्न व एक कप पाणी घालून उकळा व पाच मिनिटे मंद आचेवर शिजू द्या. नंतर गरम मसाला, उभ्या चिरलेल्या हिरव्या मिरच्या व कोथिंबीर मिसळा. क्रीमने सजवून खाण्यास द्या.

बदाम आणि पिस्ते ३ तास भिजत घालावेत. नंतर सोलून पातळसर काप करावेत. एका जाड बुडाच्या पातेल्यात दुध उकळत ठेवावे. वर जी साय जमेल ती कालथ्याने मोडावी.

साहित्य : दोन पिकलेली (सालीवर काळे ठिपके पडलेली) केळी, दोन वाटया भरून तापवून थंड केलेले दूध, चहाचे तीन चमचे भरुन साखर, वेलदोडयाची पूड असल्यास ती चिमूटभर.

कृती : एका पातेलीत दूध घेऊन त्यात साखर घालून ती विरघळेपर्यंत हलवावी. एका बशीत केळी सोलून ती हाताने खूप कुस्करावीत. कुस्करलेली केळी नंतर साखर घातलेल्या दूधात घालून नीट मिसळावीत व सर्वात शेवटी त्यात वेलदोडयाची पूड घालवून हलवावे. झाले शिकरण तयार.

टीप : हे शिकरण लगेच संपवायचे आहे. फ्रीजमध्ये ठेवले तर काळे पडते. याबरोबर ३-४ पोळया सहज खाता येतात.

साहित्य:- दोन वाट्या सोयाबीन पीठ, अर्धा वाटी तांदळाचे पीठ, अर्धी वाटी बेसन, धने, जिरेपूड, हळद, लाल तिखट, तीळ ,कांदा, कोथिंबीर, अर्धा लिंबू, थोडेसे हिंग, तेल.

कृती -: प्रथम सर्व पीठ एकत्रित करून, एक पळी गरम तेलाचे मोहन करावे. धने,जिरे पावडर, तिखट किंचित हळद,चवी नुसार मीठ, तीळ, बारीक चिरलेला कांदा, कोथिंबीर व लिंबूरस पिळावा. हे सर्व पिठात घालून कोमट पाण्याने घट्ट भिजवावे. अर्धातास मूरत ठेवल्या नंतर तेलाच्या हाताने पीठ थोडे थोडे मळावे. त्याचे प्लास्टिक च्या कागदावर थापून थोडे चापटसर वडे बनवावेत, हे वडे मध्यम आचेवर तळावे. गरमागरम वडे फार चविदार लागतात.

संजीव वेलणकर
९४२२३०१७३३

साहित्य- एक जुडी मेथीची पाने धुवून बारीक चिरून, एक वाटी उकडलेले मक्या चे दाणे, एक वाटी मॅकरोनी शिजवून

व्हाईट सॉससाठी:- लोणी, एक छोटा कांदा, दोन मोठे चमचे मैदा, दोन ते अडीच कप दूध, कपभर किसलेले चीज, मीठ, मिरे, दोन चमचे टोमॅटो सॉस.

कृती:- लोण्यामध्ये बारीक चिरलेली मेथी परतून घ्यावी, त्यात उकडलेले मक्यामचे दाणे व मीठ मिरेपूड घालून ठेवावी. एक वाटी मॅकरोनी उकडून घ्यावी. व्हाईट सॉस बनवण्यासाठी पॅनमध्ये थोडे लोणी घालून त्यावर बारीक चिरलेला एक कांदा परतून घ्यावा. त्यात मैदा घालून थोडा परतावा व नंतर हळूहळू दूध घालत गाठी होऊन देता सतत ढवळत हा सॉस बनवावा. मीठ, मिरेपूड, अर्धे चीज व मॅकरोनी त्यात मिसळा. ओव्हनमध्ये ठेवण्याच्या डिशमध्ये मॅकरोनी व्हाईट सॉसचा एक थर लावावा.

त्यावर मेथी-मक्या च्या दाण्याचा थर घालावा व शेवटी पुन्हा मॅकरोनीचा थर घ्यावा. वरून उरलेले चीज पसरून ओव्हनमध्ये २० मिनिटे बेक करून घ्यावे. वरून सजावटीसाठी थोडा टोमॅटो सॉस घालावा.

संजीव वेलणकर पुणे.
९४२२३०१७३३

साहित्य: ३/४ कप उपवासाची भाजणी, १ टिस्पून ड्राय यिस्ट, १/२ टिस्पून साखर, १/२ टिस्पून मिठ, १/४ कप कोमट पाणी, थोडी भाजणी पिझ्झा लाटताना.

कृती:
१) एका बोलमध्ये २ टेस्पून कोमट पाणी घ्यावे, त्यात १ टिस्पून ड्राय यिस्ट व १/२ टिस्पून साखर घालून मिक्स करावे. हे मिश्रण १० मिनीटे झाकून ठेवावे. ५ ते १० मिनीटात हे मिश्रण फेसाळेल.
२) ३/४ कप भाजणी वाडग्यात घेऊन हे फेसाळलेले मिश्रण त्यात घालावे, मिठ आणि थोडे तेल घालावे. गरजेनुसार थोडे कोमट पाणी घेऊन पिठ एकदम मऊसर मळून घ्यावे (साधारण ७-८ मिनीटे) . मळलेले पिठ एकदम इलेस्टिक झाले पाहिजे. मळलेल्या पिठाच्या गोळ्याला तेलाचा हात लावून एका काचेच्या किंवा इतर कोणत्याही, बर्‍यापैकी खोलगट भांड्यात ठेवून वरून निट झाकावे. उबदार ठिकाणी हे भांडे दिड तास ठेवावे म्हणजे पिठ फुगून येईल.
३) मळलेले पिठ व्यवस्थित फुगले कि ओव्हन ४८० F (२५० C) वर प्रिहीट करावे. यिस्टमुळे पिठात हवेचे बुडबुडे तयार होतात, म्हणून पिठ परत एकदा निट मळून घ्यावे . मळताना थोडा तेलाचा हात लावावा.
४) सुकी भाजणी भुरभूरवून जाडसर पोळी लाटावी . काट्याने पूर्ण पोळीवर टोचावे म्हणजे बेक करताना फुगणार नाही. पोळीला वरून थोडे तेल लावावे.
५) साधारण ६-८ मिनीटे बेक करून घ्यावे.

पाव किलो हिरव्या लांबड्या जाड मिरच्या, दोन चमचे आले-लसूण पेस्ट, 50 ग्रॅम चिंच, एक चमचा हळद, कढीपत्ता, तीन चमचे तेल, फोडणीसाठी मोहरी, मेथी, जिरे, 100 ग्रॅम सुके खोबरे भाजून, 100 ग्रॅम तीळ भाजून, 100 ग्रॅम भाजलेले शेंगदाणे, 50 ग्रॅम जिरे भाजून, 50 ग्रॅम धने भाजून.