कविता-गझल-चारोळी-वात्रटिका
-
वेळेचे मूल्य
मूल्य नाही कुणा, तूं दिल्या वेळेचे
गमावून टाकी, जाणूनी फुकाचे....१,लागत नसते, दाम वेळेसाठीं
म्हणून दवडे अकारणा पोटीं....२,वस्तूचे मूल्य ते, पैशांनीच ठरते
समज सर्वांची, अशीच असते...३,वेडे अहा सारे, कसे होई मूल्य
वेळ जातां मग, आयुष्य जाईल...४,वेळ दवडतां, कांहीं न राहते
सर्वच जीवन, व्यर्थ तें ठरते....५
-- डॉ. भगवान नागापूरकर
९००४०७९८५० -
वेदना
जाणता वेदना जगातील
मम वेदनाही विरुन गेली
पाहता दुःख या जगीची
मम वेदनेलाही शरम आली ।होतो कवटाळून मी बसलो
लहानशी वेदनाही फक्त माझी
वेदना माझ्यहून किती कठोर
जगी आहे कुणी भोगलेली ।प्रत्येकाचे आहे दुःख वेगळे
आहे वेदनाही हर एक निराळी
पाहूनी तु सोसलेल्या वेदना
खरी वेदना मजला कळाली ।-- सुरेश काळे
मो.9860307752
सातारा.
७ ऑगस्ट २०१८ -
प्रीतिज्योत
सखे कसे सांगू शल्य अंतरीचे
श्वास तुजसाठी व्याकुळ आहेनित्य आलिंगीतो तुला अंतरात
मन हळवे तुजसाठी झाले आहेतुझ्या आठवांचे ओघळ लोचनी
सभोवती तुझाच सारा भास आहेविरहात तव अस्तित्वाची सुखदा
मी ,आजही मौनात भोगतो आहेस्मरती बकुळफुलांच्या ओंजळी
तव स्पर्शाठवात मी गंधतो आहेप्रारब्ध ! भोगले दैवयोग समजूनी
सांजवेदीवरी दर्शनाची आंस आहेआज याविण दूजी नाहीच याचना.
प्रीतज्योत ! अजूनही तेवतेच आहे-- वि.ग.सातपुते.(भावकवी)
9766544908
रचना क्र.१४४
१८ - ११ - २०२१.
-
साथ लतावेलींची
साथ लतावेलींची,
सोबत झाडफांद्यांची,
संगत तूप साखरेची,
तशी जोडी आपुली,
आपण दोघे पती-पत्नी
असूयांत जन्मोजन्मी,--!!!हिमगौरी कर्वे.©
-
यशाचं गणित
केमिस्ट्रीच्या यशाची केमिस्ट्री
जास्तीत जास्त प्रश्न सोडविण्यात आहे.....
तर फिजिक्सच मॅजिक
सामान्य विज्ञान समजण्यात आहे.......!!!करा गणिताचे फॉर्मुले तोंडपाठ
तरच तुम्ही परीक्षेवर कराल मात.......
सी-ई-टी.ची परीक्षा करता तुम्ही पास
इंजीनिअरिंगमध्ये प्रवेश तुमचा हमखास....!!!-- मयुर तोंडवळकर
-
शोध आत्मसुखाचा
जगलो जरी सारे खेळ प्राक्तनाचे
तरी अर्थ जीवनाचा कळला नाहीभाळीचे, भोग भोगले जरी सारे
हव्यास मनीचा अजूनी सरला नाहीजडली नाती, जगता जीवन सारे
गूढ नात्यांचे आजही उकलले नाहीसत्य ! जन्मदात्यांचेच ऋणानुबंध
अन्य रक्ताची नाती कळलीच नाहीसारेच माझे, म्हणता संपला काळ
ओढ प्रीतीची ती जाणवलीच नाहीसांगा, या मनालाच कसे सावरावे
काहूर ! वेदनांचे कधी शमले नाहीजखमा साऱ्याच अजूनही ओल्या
लेप प्रीतचंदनी कुठे भेटलाच नाहीशोधीतो, मीच वाट आत्मसुखाची
रुसली पाऊले, तरी थांबणार नाही-- वि.ग.सातपुते. (भावकवी)
9766544908
रचना क्र. ४८.
१५ - २ - २०२२.
-
शारदेस विनंती
हे शारदे ! रूसलीस कां तू, माझ्या वरती ।
लोप पावली कोठे माझी, काव्याची स्फूर्ती ।।
दिनरात्रीं तव सेवा केली, मनोभावें ।
कळले नाहीं आज शब्द ओठचे, कोठे जावे ।।
दिसत होते भाव मजला, साऱ्या वस्तूमध्यें ।
उचंबळूनी जाई मन तेव्हां, नाचत आनंदे ।।
तेच चांदणे तारे गगनी, आणिक लता वेली ।
पकड येईना टिपण्या सौंदर्य, परि या वेळी ।।
जागृत केली मम हृदयांतील, सुप्त जी शक्ति ।
अखंडित वाहूं दे शब्द प्रवाह, हे श्री सरस्वति ।।
डॉ. भगवान नागापूरकर
९००४०७९८५०
-
तू ज्याचा त्याचा कर्दनकाळ
आमचे नितीन नांदगावकर साहेब आजवर सदैव अन्यायाशी लढा देत आले आहेत. त्यांचे कार्यकर्तृत्व मोठे आहे दिवसेंदिवस ते वाढत चालले आहे . त्यांच्यावर केलेली एक कविता----
तू ज्याचा त्याचा कर्दनकाळ, अन्यायातला पाठीराखा,
काय म्हणावे तुला तेजा,
तुझ्यासम,-- या सम हा-!!!जनता जनार्दन भक्त होता,
तुला पाठिंबा सकलांचा,
दोस्त तू रंजल्या-गांजल्या,
जुलमीना दाखवीत बडगा,--!!!दिप्त प्रदीप्त होशी,
अन्याया समोर पाहुनी,
सलाम मराठी अस्मितेला,
विरोधात कार्यवाही करशी,--!!!निर्भिड निडर धच्चोट काम, जसे उधळत यावे तूफान,
समोर कोणीही उभे न राहती
ते पुरुषार्थाचेच काम,--!!!स्त्रीला संरक्षण तुझे,
गरीब, गरजू बनती समाधानी, दुःखितांचे अश्रू पुसत,
प्रेषित तू अंतर्यामी,--!!!फणसांगत वाटशी तू ,
वरून किती काटेरी दिसतो, काळीज तुझे, गोड गरा, अनुभवणारा चक्रावतो,--!!!मदतीचा हात तुझा,
चटकन पुढे येतो,
व्यथितांना देत दिलासा,
अत्याचारा नाहीसा करतो,-!!!अगतिक हतबल ते,
तुला शोधीत येती,---
रुपात तुझ्या मग सारे,
प्रत्यक्ष भगवंत बघती,--!!!हिमगौरी कर्वे.©
-
कुठे नाही स्वरूप देवा
कुठे नाही स्वरूप देवा, बघायला मिळत आम्हा,
काळीज नमते तुज पाहता,
चराचरातील या घटका, ---निसर्ग मज वाटतो,
तुझेच रुप देवा,
तिथेच आम्ही तुला मानतो,
स्वरूप कोणते का असे बा,ना तू कुठल्या देवळा,
ना कुठल्या मंदिरी,
प्रत्येकाच्या हृदयी
बसशी,असशी तू हरी,----
प्रेम, माया, ममता,
आपुलकी, जिव्हाळा,
कुठे तू नसशी
फक्त सांग मज गा ,---!!!!माणुसकी जे जपती,
त्यांच्या मनोमनी तू ,
दया करुणा अहिंसा,
दाखवीत प्रगटशी तू,--!!!.अनोळखी हात करता,
निरपेक्ष ती सहाय्यता,
बापुड्या दीन -दुबळ्या,
जिवांचा तू रक्षण कर्ता,--!!!संकटात कोण पुढे येई,
कोण देईल अमोल दिलासा,
कोण आपला हात देई,
असता कुठली अवघड वेळा,--!!!वैविध्य अन् वैचित्र्य ,
पाहुनी माणूस चकित होई,
कोण नेई शेवटास,
जिंकता जरी कुठली लढाई,--!!!नीतिमत्तेची चाड नसता,
कोण ओढे फटकारे,
आत्म्यातला परमात्माच दाखवी, आपुले अस्तित्व बरे,--!!!!© हिमगौरी कर्वे.
-
माझ्या कविता
माझ्या कविता वाचून
माझ्या प्रेमात पडू नकोस
विचार मला त्या कवितेतील
प्रत्येक ओळींचा अर्थ...
माझ्या कवितेची प्रत्येक ओळ
आहे एक प्रेम मंत्र
जीवनातील एक रहस्य
न सुटलेल्या साऱ्या
कोड्यांचं उत्तर...
प्रेमात पडणं सोप्प असत
पण जगण अवघड
ते अवघड सोप्प कस करायचं
ते सांगते ती माझी कविता...
म्हणून माझ्या कविता वाचून
माझ्या प्रेमात पडू नकोस
माझ्या प्रेमात पडून
मग माझ्या कविता वाच
तुझेच जगणे सोप्पे होईल...कवी - निलेश बामणे ( बी डी एन)
डॉ. भगवान नागापूरकरCopyright © 2025 | Marathisrushti