मिळता मजला बाह्य एकांत, छळते गर्दी विचारांची
मन गुंतविण्या कुणी नसता, चलबिचल होते भावनांची...१,

शब्द वर्णांचा घेवून आधार, भावना काढी मार्ग आपला
आविष्कार घडविण्यासाठी, विचार करितो मदत तिला...२,

शब्दांना नटवी थटवी, ध्वनी लहरी नि सूर गेयता
अलंकार मिळता अंगी, रचली जाते एक कविता...३

डॉ. भगवान नागापूरकर
९००५०७९८५०
bknagapurkar@gmail.com

मी प्रेमात पडलो
की फक्त कविता लिहतो
पप्रेमाच्या नशेत...
नशा उतरल्यावर
तिच्या प्रेमाची
त्या एकदा वाचून बघतो...
तेव्हा मला कळत
मी नशेतही
बराच शुद्धीत असतो...
माझा प्रेमभंग
झाल्यावरही
मी फक्त कविताच लिहतो...
पण तेव्हा मी
पूर्ण शुद्धीत असतो...
माझ्या कविता
सतत वाचणाऱ्यानां
माझं प्रेमात पडणं
कधीच कळत नाही
पण माझा प्रेमभंग
मात्र लगेच कळतो...
माझ्या कविता
तिला कळतात
पण वळत नाहीत
म्हणून मी लिहतो...
ती कवितेत
भिजत राहते
मी कवितांचा पाऊस
पाडत राहतो...

कवी - निलेश बामणे ( बी डी एन )

लीन दीन ती होऊन पुढती,
झुकली होती त्यावेळी ।
हात पुढे आणि नजर खालती,
ज्यांत दिसे करूणा सगळी ।।१।।

लाचार बनूनी पोटासाठी,
हिंडे वणवण उन्हांत सारी ।
वादळ वारा आणिक पाऊस,
संगत घेवून फिरे बिचारी ।।२।।

मदतीचा हात दिसे,
जागृत होता भूतदया ।
जनसामान्यात असती
मानवतेतील ही माया ।।३।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

माझी पहिली कविता … अजुन खुप कविता आहेत पण ही कविता मनाच्या खुप जवळ आहे.

https://youtu.be/0rAv7mcDBwU

मित्रांनो, "हार-जीत बनुनी बघ " ही मराठी कविता आपल्यासाठी सादर करीत आहे.
मराठी कविता आवडली तर share करायला विसरू नका.
"माझी डायरी " या आपल्या चॅनलला अवश्य Subscribe करा.
"माझी डायरी" आपल्यासाठी आणखी नव्या कविता-गझल-कथा घेऊन येत आहे.

subscribe me : https://www.youtube.com/channel/UCWg4s4JepryoGlUdgiAFttQ

मराठी मना माझ्या नको अंत पाहू
पेटलेल्या युगी या नको मृत राहू ॥ धृ ॥

मराठी मना काय तुझी ही अवस्था
कशी अस्मितेची तुला ही अनास्था
मना-माझ्या मित्रा, ही कोणती रे निद्रा
जिवंतपणाला ही का आली सुस्तमुद्रा
मनोस्फुल्लिंगांना ही टाकतो मी ठिणगी
होण्यासाठी पुन्हा जिवंत, जाग पाहू ॥ १ ॥

कुणी आणावा राजा शिवाजी राणा
मराठी मनाचा ताठ बुलंदी कणा
तुम्हा का न स्मराव्या मराठी मर्दकहाण्या
का न आठवावा तुम्हा लोकमान्यांचा बाणा
आठवणींना उजाळा, का न स्फुरावेत बाहू ॥ २ ॥

कधी जीव जातो उसासून माझा
कधी जिजाई पुन्हा प्रसवेल शिवबा
तगमग जीवनाची भिडे काळजाला
आक्रंदे मन मी, किती वाट पाहू ॥ ३ ॥

मराठीस माझ्या न साहवे कोंडमारा
आवर्तनांची मनास सले वेदना ही
फुटावे काळीज उठावा धुमारा
पिसाटे मन, मी कसा मूक राहू ॥ ४ ॥

दुर्दैव; माते तुझी वेदना ही
तुझ्या अंतरीची, पूतां का न रुतावी
व्यर्थ जन्म त्यांचा क्षुद्र दुर्दैवी ते
कुठे न कळे कशी आग ही चेतवू ॥ ५ ॥

तुझ्यास्तव का न ते उरी फुटावे
तुझ्यास्तव का न मने बंडाने पेटावी
का न प्रतिज्ञा त्यांची रक्ताने सजावी
नको रे नको, असा निर्जीव होऊ
नको मराठी मना अस्मिता गहाण राखू ॥ ६ ॥

महद्भाग्य माझे, मातृभाषा ही माझी
फडकवीन ध्वजा अटकेपार जयाची
मराठी मना, घे हा तुझा पुढारी
उभारा हे बाहू, नका मागे राहू ॥ ७ ॥

-- यतीन सामंत

निराश झाले मन भरताचे, बघूनी रिक्त महाल.......।।धृ।।

लागली नाही, श्रीरामाची त्याला तेथें चाहूल ।।

झाली होती पितृज्ञा ती ।

पाठवी रामा वनीं ।।

माता कैकेयीच हट्ट करिते ।

दूजे नव्हते कुणी ।।

कुणास दाखवी राग मग तो, लोचनी आले जल....१,

निराश झाले मन भरताचे, बघूनी रिक्त महाल ।।

उंचबळूनी हृदय भरता ।

कंठी दाटला सारे ।।

शब्द फुटती मुखा मधूनी ।

जे होते हुंदके देणारे ।।

थरथरणाऱ्या ओठांमधूनी भाव कसे उमटतील....२,

निराश झाले मन भरताचे, बघूनी रिक्त महाल ।।

-- डॉ. भगवान नागापूरकर

९००४०७९८५०

bknagapurkar@gmail.com

तीन गुणांनीं युक्त असूं द्या, तुमचे जीवन सारे ।
जीवन यश पताका तुम्हीं, फडकवित रहा रे ।।१।।

असती सारे ईश्वरमय, याच भूतला वरचे ।
प्रथम मान द्या हो प्रभूला, कार्य समजून त्याचे ।।२।।

आनंद घेऊनी संसारांचा, लक्ष्य असावे जीवनीं ।
निसर्गाचे हे चक्र फिरावे, विचार असूं द्या मनी ।।३।।

दुसऱ्याचा बघूनी आनंद, दुप्पट होई आपला ।
आयुष्यातील कांहीं भाग, अर्पा तुम्हीं समाजाला ।।४।।

तीन दिशात्मक जीवन जगा, यश तुमचे हातीं ।
जीवनातील आनंद घेतां, समाधान ते लाभती ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

पत्र लिहावे मित्रा
पत्र लिहावे आप्ता
मित्र आणि आप्त
थोर नशीबाने प्राप्त

पत्र आनंद लिहिण्याचा
पत्र आनंद वाचण्याचा
पत्र आनंद खरडण्याचा
पत्र आनंद जाणावा घरोघरी

येता दिवाळी दसरा
पत्र आनंद पसरा
पत्र आनंदाची रांगोळी
पत्र खुसखुशीत कडबोळी - जाण बाबा

पत्र महिमा पुरातन
संस्कृतीचे साधन
मानवाचे भूषण
संस्कृतीचे लक्षण - जाणिजे

-- विनायक अत्रे.

सुखदुःखात मी नित्य डूंबलो
अंतरी वेदनांच उरली नाही

वाटसरु मी अनवट वाटेवरचा
चालायचे कधी थांबलो नाही

जगणारा मी एक मुक्त कलंदर
दु:श्वास कुणाचाच केला नाही

जीणे रिते , खरे सुखशांतीचे
मी हव्यासात गुंतलोच नाही

निर्माल्य जळात मुक्त वाहते
हे सत्य शाश्वत लपले नाही

जन्म उदरी तर अंत स्मशानी
हा न्याय कुणास चुकला नाही
********

--वि.ग.सातपुते.(भावकवी)

(9766544908)

रचना क्र. ३२०

५/११/२०२२