खाद्ययात्रा

साहित्य:- १ टोमॅटो ,१ हिरवी मिरची आणि १ तुकडा आले, बारीक चिरलेली कोथिंबीर, १०० ग्रम मटार, २०० ग्रम सोया चंक्स, जीरे, हिंग , हळद पावडर , धने पावडर, लाल मिरची पावडर, गरम मसाला, तेल, मीठ.
कृती:- टोमॅटो , हिरवी मिरची आणि आल स्वच्छ धुवून मिक्सर मध्ये घालून त्याची पेस्ट करून घ्या.

सोया चंक्सचे तुकडे करून घ्या. पॅन मध्ये तेल घालून गरम करुन घ्या. गरम तेलात तुकडे केलेले सोयाबीन चंक्स घाला. सोया चंक्स मध्यम आचेवर ब्राउन होई पर्यंत परता. सोया चंक्स चांगले परतून झाल्यावर १ कप पाणी घाला. पॅन वर झाकण ठेवून मंद आचेवर चंक्स शिजू द्या. दुसऱ्या पॅन मध्ये उरलेले तेल घालून गरम करायला ठेवा. तेल गरम झाल्यावर त्यात जीरे घालून परता.

जीरे परतल्यावर मग हिंग , हळद पावडर , धने पावडर घालून हलक परता. आता टोमॅटो , मिरची आणि आल्याची तयार केलेली पेस्ट, लाल मिरची पावडर घालून तेलाचा तवंग येईपर्यन्त परता.

दुसऱ्या पॅन मध्ये शिजत ठेवलेले सोया चंक्स मध्ये मध्ये तपासत रहा.सोया चंक्स मधील पाणी आटे पर्यंत आणि चंक्स मऊ होई पर्यंत शिजवा. मसाला चांगला परतून झाल्यावर त्यात मटार दाणे, गरम मसाला आणि मीठ घालून मसाला मिनीट भर एकजीव करा. मग त्यात १/२ कप पाणी घालून झाकण ठेवून मंद आचेवर शिजवा. थोड्या वेळानंतर तपासून पहा. मटर चेक करून पहा. जर शिजले असतील तर सहज दाबले जातील. शिजलेले सोया चंक्स मटर मसाल्यात घालून नीट एकत्र करा.

झाकण ठेवून २ मिनीटे भाजी शिजू द्या. भाजी शिजल्यानंतर त्यावर बारीक चिरलेली कोथिंबीर पेरा.

संजीव वेलणकर
९४२२३०१७३३

साहित्य:- फोडी उकडून काढलेला गाळलेला रस किमान एक लीटर, एक किलो साखर, दोन लिंबांचा रस.

कृती:- पेरूचा रस आणि साखर एकत्र उकळा. गार झाल्यावर त्यात लिंबाचा रस घालून हे मिश्रण तयार करा. पेरूचा ज्यूस ग्लासमध्ये देताना नेहमी चिमूटभर मीठ घाला, त्यामुळे पेरूची चव अप्रतिम लागते. गुलाबी रंगाच्या पेरूचा वापर केल्यास अधिक चांगले.

संजीव वेलणकर पुणे.
९४२२०१७३३

सीकेपी कुटुंबांमध्ये अगदी नियमितपणे.. कोणत्याही खास प्रसंगी केला जाणारा प्रकार म्हणजे वालाचं बिरडं…

साहित्य: बटाटे - भाजीसाठी, मोड आलेली कडधान्ये, टोमॅटो, कोबी, मटार, गाजर, बीट वगैरे, बेसन, तेल तिखट, मीठ, हिंग, हळद, ओवा, धनेजिरे पावडर, बारीक चिरलेली कोथिंबीर.

कृती: बटाट्याची कोणत्याही प्रकारे केलेली भाजी घ्यावी. उकडलेल्या बटाट्याची भाजी प्रकार १, Potato Sabzi Type 1 उकडलेल्या बटाट्याची भाजी प्रकार २, Potato Sabzi Type 2 मोड आलेली कडधान्ये, टोमॅटो, कोबी, मटार, गाजर, बीट याशिवाय इतरही भाज्या घेण्यास हरकत नाही. सर्व मिक्स करून मिरपूड घालावी. या मिश्रणाचे छोटे गोळे बनवावेत. ब्रेडच्या एका स्लाइसला पाणी लावून हाताने दाबावे. यामुळे जास्तीचे पाणी निघून जाईल व ब्रेडला हवा तास आकार देता येईल. अशा मऊ झालेल्या स्लाइसवर भाजीचा गोळा ठेऊन त्याभोवती ती स्लाइस wrap करावी व बटव्याचा आकार द्यावा. एका भांड्यात बेसन घेऊन त्यात तिखट, मीठ, हिंग, हळद, ओवा, धनेजिरे पावडर, बारीक चिरलेली कोथिंबीर हे सर्व घालावे. थोडे थोडे पाणी घालत गुठळ्या होऊ न देता मिश्रण भिजवावे. अगदी सैलसर नको. दाट असले पाहिजे. गरम तेलाचे २ चमचे मोहन घालावे. हा बटवा - पोटली - या बेसन मिश्रणात घोळवून त्याच आकारात तळावा.

साहित्य : एक हापूस आंबा, पाव किलो खवा, वेलची पावडर, काजू-बदाम काप, दूध पावडर १०० ग्रॅम, साजूक तूप.

कृती : खवा कढईत मंद आचेवर गुलाबीसर भाजावा. गार झाल्यावर त्यात आंब्याच्या बारीक फोडी घालाव्यात. हलक्या हाताने मिश्रण एकजीव करावे. त्याच्या छोटय़ा छोटय़ा टिक्क्या बनवाव्यात. दूध पावडरीत घोळवाव्यात. मंद आचेवर पॅनमध्ये साजूक तूप घालून त्यावर टिक्क्य़ा ठेवाव्यात. हलक्या हाताने परताव्यात. तूप सोडावे. नातवंडांपासून आजी-आजोबांपर्यंत सर्वाना आवडेल असे खास पक्क्वान्न!

साहित्य:- १ मोठे वांगे, १ झुकिनी, ३ मध्यम टोमॅटो, २ मध्यम कांदे, लाल, पिवळी, हिरवी ढोबळी मिरची लहान असल्यास प्रत्येकी एक मोठी असल्यास प्रत्येकी अर्धी, लसणीच्या पाकळ्या २ ते ३, १ टेबलस्पून ऑलिव्ह ऑइल,१ टीस्पून विनेगर किवा लिंबाचा रस, २ टेबलस्पून हर्ब्ज दे प्रोविन्स. रोझमेरी, बेसललिव्ज पावडर, ओरेगानो, फेनेल (बडिशेप), दालचिनी पावडर असं सगळंकिवा ह्यातलं जे मिळेल ते थोडं थोडं घेऊन साधारण २ टेबलस्पून होतील एवढं घेऊन एकत्र करा आणि त्यात एक तमालपत्र घाला. मीठ आणि मिरपूड चवीनुसार.

कृती:- सर्व भाज्यांचे चौकोनी मोठे तुकडे करा. लसूण बारीक चिरा. एका पसरट पॅन किवा कढई मध्ये ऑलिव ऑइल गरम करा. त्यात वांगे, झुकिनी व बेल पेपर्सचे तुकडे घाला व साधारण ५ मिनिटे परता. तुकडे गोल्डन व्हायला हवेत पण पूर्ण शिजायला नकोत, क्रंची हवेत. मग हे वेगळ्या वाडग्यामध्ये काढून ठेवा. आता पॅनमध्ये कांदा, लसूण आणि हर्ब्ज दे प्रोविन्स घाला,तमालपत्र घाला आणि कांदा गोल्डन होईपर्यंत परता. मग त्यात टोमॅटो घाला आणि २-३ मिनिटे परता.

आता ह्यात वाडग्यात काढून ठेवलेले वांगे+झुकिनी+बेलपेपर्स घाला. मीठ व मिरपूड घाला. लिंबाचा रस किवा विनेगार घाला. आता एअर फ्रायर २०० अंश से वर प्रिहिट करा. सर्व भाज्या व मसाले एकत्र केलेले बास्केट त्यात ठेवा. १० मि. एअर फ्राय करा. मग बास्केट बाहेर काढून भाज्या ढवळून घ्या थोडेसे ऑलिव्ह ऑइल ब्रश करा व परत ५ ते ६ मिनिटे एअर फ्राय करा. २ ते ३ मिनिटे फ्रायर मध्येच भाजी राहू द्या. नंतर सर्व्ह करा. गरम रटाटौलीचा अस्वाद भात, ब्रेड, न्यूड्ल्स तुम्हाला हवे असेल त्याबरोबर घ्या. एअर फ्रायर मधील रटाटौली मस्त क्रंची होते.
संजीव वेलणकर पुणे.
९४२२३०१७३३

साहित्य :- १०० मिली गरम पाणी, ३०० मिली दूध, २ चमचे इन्स्टंट कॉफी, २ चमचे व्हॅनिला एक्सट्रॅक्ट, १ चमचा मध, १ चमचा साखर, १ वाटी बर्फाचे तुकडे.

कृती :- दोन चमचे इन्स्टंट कॉफी आणि १०० मिली गरम पाणी एकत्र करून ते मिक्सरच्या साह्याने छान घुसळून घ्या. जोपर्यंत कॉफी पूर्णपणे विरघळत नाही, तोपर्यंत घुसळा. त्यानंतर त्यामध्ये साखर, मध आणि व्हॅनिला एक्सट्रॅक्ट घाला. हे मिश्रण पुन्हा एकदा घुसळून घ्या आणि त्यामध्ये दूध घाला. दूध घातल्यावर पुन्हा घुसळा आणि त्यात बर्फाचे तुकडे आवश्यकतेप्रमाणे घाला. यानंतर पूर्ण मिश्रण पुन्हा एकदा घुसळा. तुमची कोल्ड कॉफी तयार झाली आहे. काचेच्या ग्लासमधून तुम्ही ती सर्व्ह करू शकता.

साहित्य : चार चमचे मोड आलेली मेथी, एक वाटी किसलेले गाजर, एक वाटी बारीक चिरलेली भोपळी मिरची, एक वाटी कॉर्न, एक वाटी डाळिंबाचे दाणे, मेयोनीज, मिरेपूड, लिंबाचा रस.

कृती : मेथी, गाजर, भोपळी मिरची, कॉर्न व डाळिंबाचे दाणे एकत्र कालवा. त्यात आवश्य कतेनुसार मेयोनीज घाला आणि चवीप्रमाणे मीठ, मिरेपूड व लिंबाचा रस घालून सर्व्ह करा.

संजीव वेलणकर पुणे.
९४२२३०१७३३

गाजर व बीट स्वच्छ धुवून कच्चेच किसून घ्यावे. टोमॅटो व कांदा धुवून बारीक चिरून घ्यावा. एका भांड्यात गाजर, बीटचा किस आणि चिरलेला कांदा, टोमॅटो हलक्या हाताने एकत्र करून घ्यावे.

साहित्य:

२ वाट्या - जुने, सुवासिक आंबेमोहोर तांदूळ
थोडे तूप
मीठ
अर्धा टी स्पून - जिरे पूड
२-३ मिरी दाणे

कृती:

तांदूळ स्वच्छ धुवुन घ्या. फडक्यावर पसरा व सावलीत वाळवत ठेवा. वाळल्यानंतर अर्धवट कुटा. एका पातेल्यात तूप गरम करा. त्यात मिरी दाणे घालून तांदूळ, मीठ, जिरे पूड व पाणी घालून उकळी काढा. मऊसर शिजवा.

आजारी व्यक्तीसाठी कण्हेरी हे उत्तम व पचायला हलके अन्न आहे.