बदलून गेले जीवन

अर्थ कळल्यानंतर

परिस्थितीची आली जाण

जाग आल्या नंतर ।।१।।

श्रीमंतीच्या नादानें

ऐषआरामी झालो

पैशाच्या गर्वाने

माणुसकी विसरलो ।।२।।

तारुण्यातील उर्मीने

अहंकारी बनविले

शरिरातील गुर्मीने

निर्दयी मज ठरविले ।।३।।

धंद्यामध्ये येता खोट

निराश अति झालो

गरिबीची चालतां वाट

प्रेमळ मी बनलो ।।४।।

देह बनला दुर्बल

विकार तो जडूनी

जर्जर- पिडीतां बद्दल

सहानुभूती आली मनी ।।५।।

अनुभवासारखा

शिक्षक नाहीं कुणी

शहाणा करी अनेका

परिस्थीती समजावूनी ।।६।।

डॉ. भगवान नागापूरकर

९००४०७९८५०

रुजविता बियाणें
अंकूर फुटती
असतील दाणे जसे
तेच उगवती

पेरता आनंद
आनंदचि मिळे
प्रेमाची बियाणें
प्रेम आणी सगळे

शिवीगाळ करुनी
आदर येई कसा
शत्रुत्त्वासंगे नसे
मैत्रीचा ठसा

घृणा दाखवूनी
कसे येई प्रेम
क्रोधाच्या मोलाचे
शांती नसे दाम

पेरावे तसें उगवतें
नियम हा निसर्गाचा
सुख दुःखाला कारण
स्वभाव ज्याचा त्याचा

-- डॉ. भगवान नागापूरकर
९००४०७९८५०

मनी घोंगावते मोहोळ स्मृतींचे
जेंव्हापासूनी मज कळु लागले
मनहृदयी! ती सारीच ऋतुचक्रे
आज सारे सारे, आठवू लागले।।

वात्सल्य,प्रीत,मैत्र, सखेसोयरे
पुन्हा, या जीवा खुणावू लागले
क्षण सारे सारे, हृदयी कोरलेले
गुज अंतरी, आजला उकललेले।।

सुख, दुःख, आंनद, जिव्हाळा
भोग सारेच, जे प्राक्तनी लाभले
बंद पापण्यातुनी, सारे तरळलेले
अव्यक्त मनीचे, आज सांडलेले।।

रुजले, फुलले, गंधाळले जीवन
असाध्य, ते सारे दैवयोगे लाभले
खेळलो, बागडलो, मोठे झालो
वाटते, व्हावे ऋणातूनी मोकळे।।

-- वि ग सातपुते(भावकवी)

9766544909

रचना क्र ४२.

१० - २ - २०२२

निसर्गातील अनेक घटकांच्या योग्य, शाश्वत आणि नियंत्रित वापराबद्दल सर्वत्र जनजागृती करण्यासाठी आज जगभर जागतिक निसर्ग संवर्धन दिन पाळला जातो.

निसर्गातील अनेक घटकांचा वापर आपण आपल्या फायद्यासाठी करतो. परंतु, गरजेपलीकडे जाऊन असे घटक ओरबाडले जाऊ लागल्याने संपूर्ण सृष्टीचक्रातच अडथळे येऊ लागले आहेत. जीवनशैलीवर नियंत्रण ठेवणे आणि वस्तूंचा पुनर्वापर (३ आर म्हणजे रिड्युस, रियुज, व रिसायकल) हा उपाय सर्व पातळ्यांवर केल्यासच आशेचा किरण आहे.

संजीव वेलणकर पुणे.
९४२२३०१७३३
संदर्भ.इंटरनेट

वाटते सारे विसरुनी जावे
परी आठव व्याकुळ करते...

श्वासात रुतलीस तूं अशी
तुज उसविणे जीवघेणे असते...

रुधिरातील तुझीच सळसळ
लोचनातुनी अविरत पाझरते...

सांग कसे, तुज भुलुनी जावू
स्मरण तुझेच जगवित असते...

विस्मरणे कां असे इतुके सोपे
अंती सरणीही ते सोबत असते

वि.ग.सातपुते.( भावकवी )

(976654908 )

रचना क्र. २६९

२३/१०/ २०२२

नमन माझे श्री गणेशाला

वंदितो मी कुलस्वामिनी श्री रेणुकेला

भाव अर्पितो गुरु दत्तात्रयाला

परमात्म्याची विविध रुपें ।।१।।

परमेश्वराची लीला महान

घ्यावी सर्वानी जाणून

टाकून सारे ब्रह्मांड व्यापून

चालवितसे खेळ जीवनाचा ।।२।।

विश्वाचा तो अधिनायक

जीवन धर्माचा तो पालक

जीवन गाड्याचा तो चालक

परब्रह्म परमात्मा ।।३।।

नसे त्यासी मृत्यु- जन्म

कार्य करी तो अवतार घेऊन

कुणामध्यें अंशरुपे येऊन

जीवनचक्र चालूं ठेवी ।।४।।

प्रभूसी समजावे समर्थ

जाणून घ्यावा जीवन अर्थ

हेच आयुष्याचे सार्थ

आपल्या जीवनाच्या ।।५।।

।। शुभं भवतु ।।

डॉ. भगवान नागापूरकर

ती कशी सोडवतात, त्याकडे सजगतेने नजर ठेवावी

-- डॉ. भगवान केशवराव नागापूरकर

विश्वास माझा तव चरणी, भाव अपिर्तो तुझ्यावरी,

जगदंबे अवती-भवती, राहून माझे रक्षण करी ... ।। ध्रु ।।

सावध नसे निद्रेच्या काळी, धीर देते राहूनी जवळी,

झोपेमध्ये जगा विसरता, सर्ववेळी तू जाग्रण करी...।।१।।

जगदंबे अवती –भवती, राहून माझे रक्षण करी,

धावपळीत चाले जीवन, संकट भोवऱ्यात फिरून

दुर्घटनेची चाहूल देवून, मनास आमच्या दक्ष करी...२

जगदंबे अवती -भवती राहून माझे रक्षण करी,

पसरता दु:खाचा सागर, सुख रत्ने कशी शोधणार,

किरण दाखवून आशेचे, दु:ख आमचे दूर करी...३,

जगदंबे अवती –भवती, राहून माझे रक्षण करी

अगणित प्रश्न संसाराचे, कसे करू उकलन त्यांचे,

सोडविण्यासाठी सारे प्रश्न, मदत आम्हांला तूच करी..४,

जगदंबे अवती –भवती, राहून माझे रक्षण करी

डॉ. भगवान नागापूरकर

९००४०७९८५०

तू ‘ असं ' कर

मी "हो" बोल्लो

ती बोल्ली

तू ‘ तसं ' कर

मी "हो" बोल्लो

तिने बोल्ली

तूने असं ' कामून ' केलं

मिने बोल्लो "चुकलं"

तिने बोल्ली

तूने असं कामून 'नै' केलं

मिने बोल्लो "चुकलं"

ती बोल्ली

तूझ 'प्रेम'च नाही बुवा माझ्यावर

मी कळवळलो 'असं नाहीये गं '

तिची अजुनी आळी मिळी 'हुप्प' चिळी

मी गळ्यात अडकलेल्या आवाजात

अर्ज केला

तुला माझा भरवसा काय केल्यावर यील

ती बोल्ली

तू ' असं ' कर

-- कुप्रसाद

अस्वस्थ जीवा छळते घुसमट
मन मुक्त मोकळे करत रहावे

प्रहर व्याकुळलेला एकांताचा
अंतर्मुख होवुनी सत्य जाणावे

गतजन्माचे ऋणानुबंध जीवनी
जीवाजीवाला जपत रहावे

भावशब्दांचे लाघव प्रीतस्पर्शी
मुक्तहस्त्ये सदा उधळीत रहावे

अगम्य सारिपाट तो जीवनाचा
निःसंकोची खेळतची रहावे

आपुल्या हाती काहीच नसते
भाग्य भाळीचे झेलित रहावे

सुखदुःख आनंद खंत वेदना
कर्मफल म्हणुनी भोगत रहावे
*********

--वि.ग.सातपुते.(भावकवी)

(9766544908)

रचना क्र. ३१५

३०/११/२०२२