कविता-गझल-चारोळी-वात्रटिका

क्षिणले स्वर आता
थकलेली ही लोचने
जाहली कातरवेळा
वाटते तुजला भेटावे ।।१।।

बिंब ते तेजाळलेले
सांजेस गुलमुसलेले
गगनही अंधारलेले
वाटते तुजला भेटावे ।।२।।

उचंबळलेल्या भावना
मिठीस आसुसलेल्या
शिथिल सारीच गात्रे
वाटते तुजला भेटावे ।।३।।

क्षितीजी रंग केशरी
सत्यप्रीत ती आगळी
मन स्मरणात गुंतलेले
वाटते तुजला भेटावे ।।४।।

वि.ग.सातपुते.(भावकवी)

9766544908

रचना क्र. ८०

१९ - ६ - २०२१.

नववधू
नवासाज
लालेलाल
रंगी आज

खुले रंग
मेहंदीचा
प्रेमभाव
हा प्रीतीचा

हाती चुडा
भरला गं
येई आता
साजण गं

सलज्जता
वाढलीच
हाती हात
गुंफलीच

गौरवर्णी
हातावरी
मेहंदिची
नक्षी खरी

जाई आता
सासरला
गुंती मन
माहेराला

मनातुनी
बावरली
सख्या भेटी
आतुरली

मालत्यांनी
ओटी भरा
लेक जाई
तिच्या घरा

सौ.माणिक शुरजोशी
नाशिक

मी तुला स्वप्नात पाहू लागले
दूर रानी मोर नाचू लागले
दिवस हे नाहीत जरिही पावसाचे
का अवेळी मेघ बरसू लागले?
चाललो एकत्र इतुकी पावले
मी नव्याने तुज बघाया लागले
फिरुन का मी षोडषी झाले आता?
हृदय माझे धडधडाया लागले
काय हे माझे तुझे नाते असे?
हृदयास मी माझ्या पुसाया लागले
तू नको देऊ उजाळा आठवांना
काठ डोळ्यांचे भिजाया लागले

-सौ. राजलक्ष्मी देशपांडे

-- सूर्यकांत डोळसे

सोडूनी दिली मी पूजाअर्चा,समाधान मज ज्यात न लाभले
दैनंदिनीच्या कार्यक्रमातील,एक भाग तो सदैव वाटले

बालपणी मज कुणी शिकविले,पूजाअर्चा आन्हकी सारे
ठसले नाही मनात कधीही,भक्तीला हे पोषक ठरे

पूजाअर्चा ह्या विधीमध्ये,लक्ष आमचे केंद्रीत होते
हळदी कुंकू गंध फूले आणि,दीपधूप हे मधूर जळते

सुबकतेच्या पाठी लागूनी,यांत्रिकतेसम आम्ही झालो
अर्थ ज्याचा कधी न कळला,मंत्र मुखोदगत वदू लागलो

वास्तव्य ज्याचे सदैव सागरी,स्नान तयाला काय घालता
नैवैद्य ज्याला अर्पण करितो,तो विश्वाचा असे अन्नदाता

प्रेमभाव भक्तीसाठा उचंबळूनी,तेव्हा न आला
तांत्रिकतेच्या आहारी जावूनी,मुख्य गाभा विसरूनी गेला

पूजा विधी हा मार्गदर्शक,समरस होण्या प्रभू चिंतनी
रेंगाळूनी जाता वाटेवरती,वेळ दौडतो ध्येय विसरूनी

चिंतन मनन ध्यानामध्ये,पूजा अर्चा जावे विसरूनी
हेच खरे ते साध्य आहे,जे समर्पीत होते ईश्वर चरणी

डॉ. भगवान नागापूरकर
९००४०७९८५०
bknagapurkar@gmail.com

https://youtu.be/6jJb1bH8qmw

मित्रांनो, स्वातंत्र्य दिनानिमित्त "फक्त एका दिवसासाठी" हि कविता आपल्यासाठी सादर करीत आहे.
मराठी कविता आवडली तर share करायला विसरू नका.
"माझी डायरी " या आपल्या youtube चॅनलला अवश्य Subscribe करा.
"माझी डायरी" आपल्यासाठी आणखी नव्या कविता-गझल-कथा घेऊन येत आहे.

काळजाच्या भेटी,
आलीस सई गाठी,
खूण पटता आत्म्यांची,
किती आनंदी दिठी,--!!! ||१||

काळजाच्या भेटी
आलीस सखे राती
पूर गप्पांचा येता ,
वाढत जाय भरती,--!!! ||२||

काळजाच्या भेटी ,
आलीस मैत्रिणी,
जिवांचे दुवे सांधीत,
घट्ट हृदयाची नाती,--!!! ||३||

काळजाच्या भेटी,
आलीस सये पाठी,
सुखदुःखांच्या हिंदोळी,
दोघी बसू एकाच झुली,--!!! ||४||

काळजाच्या भेटी ,
आलीस तू सहेली,
सह राहुनी राहुनी,
केलीस दुःखे हलकी,--!!! ||५||

काळजाच्या भेटी,
आलीस माझ्यासाठी,
तुझ्यातील तू अन् ,
माझ्यातली मी,
द्वैतातील अद्वैतासाठी,--!!! ||६||

हिमगौरी कर्वे.©

प्रभू दयेची बरसात, चालू असते सतत ।।

ज्ञानाची गंगोत्री वाहते, पिणाऱ्यालाच ती मिळते ।।

प्रत्येक क्षण दयेचा, टिपणारा ठरे नशिबाचा ।।

जलात राहूनी कोरडे, म्हणावे त्यास काय वेडे ।।

फळे पडतां रोज पाही, त्याची कुणा उमज न येई ।।

परि न्यूटन एक निघाला, बघे गुरुत्वाकर्षण शक्तीला ।।

चहा किटलीचे झाकण हाले, स्टिफनसनने इंजीन शोधले ।।

जीवनातील साधे प्रसंग, शास्त्रज्ञांची बनले अंग ।।

प्रभू असतो सतत तयार, ठरवा तुम्ही दया कशी घेणार ।।

डॉ. भगवान नागापूरकर

९००४०७९८५०

bknagapurkar@gmail.com

वाहत असते जीवन सारे,
वाहणे जीवनाचा गुणधर्म,
स्तब्ध राहता जीवन आपले,
कसे घडेल हातून कर्म ।।१।।

वाहत होते, वाहत आहे,
भविष्याते वहात जाईल,
सतत चाले ही प्रक्रिया,
जीवन करण्यास सफल ।।२।।

आजही शास्त्रज्ञ हेच सांगतो,
निर्जीव वस्तूसुद्धा प्रवाही,
अणूची ती बनली असूनी,
प्रचंड हालचाल आत होई ।।३।।

अणूत असूनी तीन भाग,
अतिशय वेगाने फिरती,
केवळ त्यातील वेगामुळे,
स्थिर साऱ्या वस्तू त्या भासती ।।४।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com