समोर ये तूं केंव्हा तरी,
बघण्याची मज ओढ लागली,
फुलूनी गेली बाग कशी ही,
बीजे जयांची तूच पेरीली ।।१।।

कल्पकता ही अंगी असूनी,
दूरद्दष्टीचा लाभ वसे,
अंधारातील दुःखी जनांची,
चाहूल तुज झाली असे ।।२।।

शीतल करुनी दुःख तयांचे,
जगण्याचा तो मार्ग दाखविला,
सोडूनी सारे वाटेवरी,
आकस्मित तू निघूनी गेला ।।३।।

आस्तित्वाची चाहूल येते,
आज इथे केंव्हातरी,
तव आशीर्वादे जगतो सारे,
हीच पावती त्याची खरी ।।४।।

डॉ. भगवान नागापूरकर
९००४०७९८५०
bknagapurkar@gmail.com

तू जग तुझी स्वप्ने
मी जगतो माझ्या स्वप्नात

तू फक्त आंनद मिळव
मी जगतो माझ्या आनंदात

तू मिळव सारी सुखे
मी जगतो माझ्या सुखात

तू जग तुझ्या विश्वात
मी रमतो माझ्या जगात

तू मिळव तुझे प्रेम
मी जगतो तुझ्या प्रेमात

तू जग फक्त तुझ्यासाठी
मी जगतो तुझ्या जगण्यात

तू फक्त माझी नाहीस
मी नाही आता माझ्यात

© निलेश बामणे

श्रीकृष्ण सांगतो सुभद्रेला,

चक्रव्युंहामधली रचना,

हुंकार मिळे त्याला,

सुभद्रा झोपली असताना ।।१।।

गर्भामधले तेजस्वी बाळ,

ऐकत होते सारे काही,

जाण आली त्याची कृष्णाला,

वळूनी जेव्हा तो पाही ।।२।।

चक्रव्यूहांत शिरावे कसे,

हेच कळले अभिमन्यूला,

अपूरे ज्ञान मिळोनी,

घात तयाचा झाला ।।३।।

गर्भामधला जीव देखील,

जागृत केंव्हां होवू शकतो,

खरा ज्ञानी तोच असूनी,

सुप्तावस्थेत सदैव असतो ।।४।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

श्री हनुमान जन्मकथा वंदन तुज मारुतीराया तुझा आशीर्वाद मिळाया न कळे कुणास तुझी माया भक्ताविना १ रुद्राचे तू रुप असता शक्तीची तू देवता अचाट कामे क्षणांत ह्या पृथ्वीवरी २ शक्ती बुद्धी नि सेवा ह्याचा तूं मुर्तीमंत ठेवा भक्तीभाव मनीं यावा हीच माझी इच्छा ३ शक्तीचे तूं दैवत बुद्धीदाता तूं होत शक्ती नि बुद्धी एकांत मिळे तुझ्या आशिर्वादे ४ हनुमंताची जन्मकथा आनंद होई सांगता चितीं समाधान देता तुमच्या ठायीं ५ अंजनी एक वानरी भक्ती तिची शिवावरी रात्रंदिनी भजन करी सदाशिवाचे ६ प्रभू भक्तीचा भूकेला पावन होई भक्ताला लक्ष देई शंकेला भक्तांच्या ७ भक्तीचा महिमा थोर सर्वांसी उघडे द्वार असेल नर अथवा वानर कुणासही पावत असे ८ अंजनीची पाहून भक्ति शिव प्रसन्न होती आशिर्वाद तिजला देती विश्वनाथे ९ अंजनी होती वानरी इच्छा ती करी तुम्ही यावे उदरीं लाभावा प्रभू सहवास १०

आत्म्याचे मिलन परमात्म्याशी
हेच जीवनाचे ध्येय असे
आत्मा ईश्वरी अंश असूनी
त्यालाच मिळण्या उत्सुक असे

देह पिंजऱ्यांत अडकता
बाहेर येण्या झेप घेई तो
अवचित साधूनी वेळ ती
कुडी तोडूनी निघून जातो

कार्य आत्म्याचे अपूरे होता
पुनरपी पडते बंधन
चक्र आत्म्याचे चालत राही
मुक्त होण्याचा येई तो क्षण

डॉ. भगवान नागापूरकर
९००४०७९८४०

पावन हो तू आई तव चरण शरण येई ।।धृ।।
संसाराचा खेळ मांडला
खेळविसी तूं मजला
थकूनी मी जाई ।।१।।

पावन हो तू आई तव चरण शरण येई
रात्रंदिनीं ध्यास लागला
जीव माझा तगमगला
झोप तर येतच नाही ।।२।।

पावन हो तू आई तव चरण शरण येई
आळवितो मी तुजला
विसरुनी देहभानाला
नयनी तव रुप पाही ।।३।।

पावन हो तू आई तव चरण शरण येई
देह झिजविला
दुर सारुनी सुखाला
कां तप फळा न येई ।।४।।

पावन हो तू आई तव चरण शरण येई
साद दे हांकेला
पेटलो आहे हट्टाला
नसता परत जन्म घेई ।।५।।

पावन हो तू आई तव चरण शरण येई

डॉ. भगवान नागापूरकर
९००४०७९८५०
bknagapurkar@gmail.com

कबूल, आम्हीच त्यांना निवडून दिलेले!
कबूल, आम्हीच त्याबद्दलच भोगलेले!

-- श्रीकांत पेटकर
कौशल

सुखदुःखात मी नित्य डूंबलो
अंतरी वेदनांच उरली नाही

वाटसरु मी अनवट वाटेवरचा
चालायचे कधी थांबलो नाही

जगणारा मी एक मुक्त कलंदर
दु:श्वास कुणाचाच केला नाही

जीणे रिते , खरे सुखशांतीचे
मी हव्यासात गुंतलोच नाही

निर्माल्य जळात मुक्त वाहते
हे सत्य शाश्वत लपले नाही

जन्म उदरी तर अंत स्मशानी
हा न्याय कुणास चुकला नाही
********

--वि.ग.सातपुते.(भावकवी)

(9766544908)

रचना क्र. ३२०

५/११/२०२२

गीत माझेच मी गात असता

का लागती ना सूर माझे

आज प्रथमच तुझ्याविना मी

प्रेमगीत गातोय माझे ।

मैफीलही तीच आहे

सखे रात्रही तशीच आहे

परी आज माझ्या सुरांना

ना पुर्वीचे ते माधुर्य आहे ।

गेलीस मजसी सोडून तू

शब्दही पोरके करुन माझे

कसे रसिकांना मग भावतील

ज्यात नाहीत स्वर तुझे ।

शब्दांना माझ्या सवय होती

आपल्या युगलस्वरानी बहरण्याची

कसे मम कंठातून ते बरसतील

सवय त्यांना ग युगलस्वरांची ।

-- सुरेश काळे

मो.9860307752
सातारा.
२५ जुलै २०१८