कविता-गझल-चारोळी-वात्रटिका
-
महानायिका
हो!!!!
हो मी महानायिका बोलतेय
नाव माझे सावित्रीबाई
माझी जन्मदात्री लक्ष्मीआई
३जानेवारीला सुदिन उगवला
खन्दोजी नेवसे यांच्याघरी कन्यारत्नास "पहिली धनाची पेटी"चा मान मिळाला.
आजच्या सारखा गर्भपाताचा शाप नाही मिळाला.हो !!!!!!!
हो मी महानायिका बोलतेय
उपवर होताच १८४०सात ज्योतिरावांच्या घरचा उंबरठा ओलांडला.
संरक्षक,समर्थक गुरू लाभता साक्षरतेचा वसा घेतला.हो!!!!
हो मी महानायिका बोलतेय
मी तर ज्ञानदानाचा झेंडा रोविला
कर्मभुमी माझी युद्धभुमी
प्रतिकुलतेत अनुकुलतेसाठी लढा दिला
विधवा विवाह,अस्पृश्यता,
महिला स्वातंत्र्य,दिलीत महिलांचे साक्षरीकरण
यासाठी मी विष्ठेचा नि दगडांचा मार सोसलाहो!!!!!!
हो मी महानायिका बोलतेय
सामाजिक सुधारक,पहिली महिला शिक्षक होण्या स्वातंत्र्याचा पायंडा रचला
पण माझा पोषाख मी नाही पाश्चिमात्य केला
आधुनिक बाला स्वातंत्र्याला नको लागू दे स्वैराचाराची बाधाहो!!!!!
हो मी महानायिका बोलते
नको मजला देवत्व इथे
नको माझ्या फोटोस हारतुरे
मला माझे स्वप्न हवे
अजूनही बऱ्याच निरक्षर दिसतात इथे
त्यांच्यासाठी थोडा वेळ द्या की गडेहो!!!
हो मी महानायिका बोलतेय
आपल्या उत्कृष्ट मार्गावर चालत राहू
मृत्यूलाही घाबरवूहो!!!!!!
हो मी महानायिकाच आहे
मी महानायिकाच बोलतेय
कारण.....................
१०मार्च १८९७ला महामारीत प्लेग ऋग्णांची सेवा करता करता प्लेगग्रस्त होऊनच ही क्रांतीज्योत समाजासाठी विझली असेल
पण ...................
पण ही धगधगती ज्ञानमशाल सावित्रीच्या लेकींनो तुमच्या रुपात धगधगत आहे
उठा..........
उठा अन् माझा ज्ञानयज्ञात प्रयत्नांच्या पराकाष्ठेची आहूती द्या
आहूती द्या-- सौ.माणिक शुरजोशी
नाशिक
January 4, 2020
-
सुखाचा छंद
सुखाचा छंद,न लागो जीवालाआहे तो निवारा, अपुला बरामोहविते कायम, सुखाची जरतारवेदनेचे ठिगळ, मिरवूया जरासुखावते सारे,फुलणारे रंगपिसारेएकचि रंग सावळा, अपुला बरादुखावते मन, यातना कठीणगोंजारु तयाला, लाडाने जरासुख हे क्षणिक, मृगजळ जाणशोधावा निवारा, समाधानी खरातुझे माझे काही, कमी नि अधिकआहे त्यात सुख, मानावे जरा!-- वर्षा कदम. November 12, 2021
-
मायेचा हात
पहाटे जाग येते तेव्हा
खिडकीतून चंद्रप्रकाश
अंगभर पसरलेला असतो
जणू आईच्या मायेची
अंगभर चादर पसरतोशीतल शांत निराकार
आईची कुशी उबदार
जावेसे वाटते फार चंद्रा
तिच्या मायेच्या मांडीवरचंद्रा तुझ्या शितल
चांदण्याचा स्पर्श
जणू मायेने तोंडावर
फिरतोय आईचा हस्तआहे ना रे आई माझी
तुझ्या संगे देवापाशी?
तिच्या मायेचा हात
असेच येऊ दे तुझ्या किरणात!-- विनायक अत्रे.
July 15, 2022
-
चहास्तोत्र
शीणसुस्ती महानिद्रा
क्षणात पळवी चहा,
प्रभाते तोंडधुवोनी,
घेता वाटे प्रसन्नता !!१!!अर्धांगीनीहस्ते घेता,
निद्रा तात्काळ विरघळे,
पुन्हा स्नानांतरे घेता
अंगी चैतन्य सळसळे !!२!!लिंबुयुक्ता विना दुग्धा
अरूची पित्त घालवी,
शर्करेविना घेता,
मधुमेह न गांजवी !!३!!शितज्वर शिर:शुळा ,
खोकला नाक फुरफुरा,
गवतीपत्र अद्रकायुक्ता,
प्राशिता जाई सत्वरा !!४!!भोजनपुर्व प्राशिता,
मंदाग्नी पित्तकारका,
घोटता घोटता वाढे,
टँनीन जहरकारका !!५!!चहाविना आप्तस्नेह्यांचे,
स्वागतासी अपुर्णता,
यास्तव भूतलजन हे,
म्हणती त्यासी अमृता !!६!!इति चहाभक्त विरचितम् चहास्तोत्रम्
चहाबाजप्रित्यर्थम् समर्पयामी !!७!! June 13, 2017
-
मी आणि WhatsApp
मला WhatsApp वापरायला लागून वर्ष झाले तरी ...
मी 'लाइक' केला नाही, मी 'ईमोजी' निवडली नाही,
मी एकही साधा मेसेज 'फॉर्वर्ड' केला नाही ||1||
मी उपदेश केला नाही, मी सुवचन धाडले नाही,
मी आजवर विनोदी चुटका रवाना केला नाही ||2||
मी 'दैनिक शुभेच्छा' चालवले नाही, मी भविष्य कथिले नाही,
मी ‘नेट'वरची रंगीत फुले पाठविण्यात रंगलो नाही ||3||
मी सेल्फी काढला नाही, तो डीपीत टाकला नाही,
मी वर्षभरात माझा स्टेटस बदलला नाही ||4||
मी साहित्यिक धुंडाळला नाही, मी बातमी प्रसारली नाही,
मी राजकरण्यांच्या करणीत कधीच डोकावलो नाही ||5||
मी केक वितरला नाही, मी बुकेही बांधला नाही,
मी वाढदिवशी कोणावरही ‘Wish’ प्रयोग केला नाही ||6||
मी 'HBD' केला नाही, मी 'वा.दि.हा.शु.' ही केला नाही,
मी 'वाढदिवसाच्या हार्दिक शुभेच्छा' करायला मात्र चुकलो नाही ||7||
मी काहीच केले नाही, मी तरीही निर्दोष नाही,
मी आलेले मेसेज डिलीट करण्याच्या शापातुन मुक्त नाही ||8||
- - - - - - - - - - - - - - - - - - - - - - - - - - - - - - - -
श्री. संदीप खरे यांच्या काव्य रचनेशी साधर्म्य राखून लिहिले आहे.
-- रविंद्रनाथ गांगल
May 11, 2020
-
तेज
किरणात चमक ती असूनी,
तेजोमय भासे वस्तूंचे अंग,
सूक्ष्म अवलोकन करीता,
कळे तेज ते, वस्तूचाच भाग ।।१।।जसे तेज असे सूर्यामध्यें,
पत्थरांतही तेज भासते
दृष्टी मधले किरणे देखील,
सर्व जनांना हेच सांगते ।।२।।तेजामुळेंच वस्तू दिसती,
विना तेज ती राहील कशी,
तेज रूप हे ईश्वरी असूनी,
तेज चमकते वस्तू पाशी ।।३।।डॉ. भगवान नागापूरकर
संपर्क - ९००४०७९८५०
bknagapurkar@gmail.com January 14, 2016
-
कधी हसावे कधी रडावे
कधी हसावे कधी रडावेजीवन गाणे गात रहावेआयुष्याच्या वेलीवर मगचार माणसे हसत जोडावेकोण न कुणाचा असा इथेदुःखाचे थेंब हास्यात बुडावेरडता रडता पटकन हसावेहसता हसता मरणं यावेऔट घटकेचा खेळ साराजमतील सगे सोयरे सारेमरणं येईल कधी समोरशब्दांतून हास्य अलगद खुलावेअसतील आपले नाते कुठलेकाव्यांत ओळख उरेल जराशीहसता हसता उलगडे बंधमरणं यावे अलगद पाऊलीउरतील खुणा अलगद काहीस्मरतील चांदण शब्द अबोलीहसत हसत दुःखात भिजतीलतुमच्या माझ्या ओळख गाठी-- स्वाती ठोंबरे. January 30, 2022
-
चिमणीची निद्रा मोड
चिंगी
'पहाट झाली,
चिव चिवते चिमणी
उमज येईना,
उठविले तिजला कोणी.....१,
आई आहे कां ?
जी उठवी शाळेसाठी,
गुदगुदल्या करूनी
कुरवाळिते हळूंच पाठी....२,
घड्याळ उठवी
घण घण करूनी नाद
घरट्यामधुनी,
नाही ऐकला असा निनाद.'..३,
चिमणी –
' उषाराणी येते,
साऱ्यांची आई बनूनी
प्रेमानें मोडी झोंप,
नाजूक करकमलांनी.....४,
घड्याळ आमचे,
दवबिंदू पडतां पानावरूनी
चाळविती निद्रा,
टपटप आवाज करूनी' .....५
डॉ. भगवान नागापूरकर
९००४०७९८५०
March 7, 2021
-
ती पण तशीच
ती पण तशीच
तो पण तसाच..
दोघेही विकृतच
म्हणावे लागतील...
त्याने समाजाची,
पैसा मिळावा म्हणून
वाट लावली तर तिने
स्वतःच्या भुकेसाठी...
दोघांच्या भुका घातकच
आज दोघांचे चेहरे
त्यांच्या विकृतीमुळे
संध्याकाळी विझू पाहत आहेत
अजूनही लंगडत लंगडत
तो त्याची विकृती सांभाळून आहे...
त्याला माहित आहे..
आपला शेवट जवळ आहे..
तरी पण विकृतीला चिकटून आहे
त्याची सत्तेची हाव..पैशाची हाव
तशीच आहे...
हे पण स्वतःवरचेच
प्रेम आहे पण विकृतच
असे अनेक तो आणि ती
आपल्याला आपल्याच
आजू-बाजूला
दिसतात तेव्हा जाणवते...
कालाय तस्मे नमः.....-- सतीश चाफेकर.
December 6, 2021
-
भातुकली
बालपणीची मैत्रीण माझी
भातुकलीतील ती सवंगडी
निरागस तो खेळ आगळा
मी राजा, ती राणी भाबडी ।।कितीतरी हा काळ हरवला
पण आज तीच राणी मनी
ती दूर, दूर तर मी हा इथे
आठवण, तिची नित्य मनी ।।मला वाटते, भेटावे तिजला
अन बोलावे सारे गुज मनीचे
जे घडले ते आता घडुनी गेले
पुनर्जन्मी! खेळ खेळू मनीचे-- वि.ग.सातपुते.(भावकवी)
9766544908
रचना क्र. २४.
२४ - १ - २०२२.
February 3, 2022
सौ. माणिक दिलीप शूरजोशीCopyright © 2025 | Marathisrushti