कविता-गझल-चारोळी-वात्रटिका

उडत उडत एक मक्षिका,
देवघरांत शिरली,
पूजा- साहित्य आणि मूर्तीवरी
स्वच्छंदानें नाचूं लागली ।।१।।

धुंदीमध्ये बागडत होती,
मूर्तीच्या बसे शिरावरी,
धूप, गंध आणि सुमनावरूनी,
जाई मध्येच प्रभू चरणावरी ।।२।।

पंख चिमुकले हलवीत ती,
मूर्तीपुढें गांऊ लागली,
प्रसाद दिसतां पंचामृताचा,
प्रभू अर्पिण्यासी झेपावली ।।३।।

नैवेद्याच्या क्षीर सागरीं,
आत्मसमर्पण तिने केले,
प्रभू सेवेत तल्लीन होऊनी,
जन्माचे सार्थक केले ।।४।।

-- डॉ. भगवान नागापूरकर
९००४०७९८५०
bknagapurkar@gmail.com

(गुरुदेव रवीन्द्रनाथ ठाकुर यांच्या एका कवितेचा स्वैर भावानुवाद )

अहो सुरांच्या गुरुराया, द्या मला तुम्ही दीक्षा ।।

बनुन सुरांचा दीन भिकारी,
गुरुराया, आलो मी दारीं
सरितेच्या लाटांना तुम्ही शिकवलेत जें गान
स्वरलहरींचें कोकिळास जें दिलेत तुम्ही ज्ञान
त्या ज्ञानाची घाला माझ्या झोळीमधिं भिक्षा ।।
द्या मला तुम्ही दीक्षा ।।

पसरवीन मी तुमचे सूर
जगीं अशान्ती करीन दूर
सूरज्ञान देउन, संगें मज घेउनिया, स्वामी,
असेल कोलाहलच निरंकुश, तिथें चला तुम्ही
तेथें नेउन घ्या माझ्या ज्ञानाची पुरी परीक्षा ।।
द्या मला तुम्ही दीक्षा ।।

- - -
( पु.ल. देशपांडे यांनी केलेल्या गद्य भाषांतरावर आधारित )
-
- सुभाष स. नाईक.
Subhash S. Naik
Ph-M – (91)-9869002126

प्रेम करुन लग्न करणं

आज जुनं झालंय

लग्नापूर्वी पोर काढणं

आज फॅशन झालंय

झाकण्यासाठी अंगभर कपडे घालणं

आज जुनं झालंय

कपडयासाठी अंग उघडं ठेवणं

आज फॅशन झालंय

बापापुढं पोरानं नम्र राहणं

आज जुनं झालंय

पोरासंगे बापानं बिअर पिणं

आज फॅशन झालंय

पोरीसंगे आईनं देवळात जाणं

आज जुनं झालंय

आईसंग पोरीनं डिस्कोत जाणं

आज फॅशन झालंय

आई बाबा आजी आजोबा

आज जुनं झालंय

मॉम डॅड ग्रॅंडफा ग्रँडफा ग्रॅंडमॉ

आज फॅशन झालंय

डोक्याचं सोडून कंबरेला बांधणं

आज जुनं झालंय

कंबरेच सोडून डोक्याला बांधणं

आज फॅशन झालंय

जपण्यासाठी संस्कृती प्रयत्न करणं

आज जुनं झालंय

विरोधात संस्कृतीच्या बबाल करणं

आज फॅशन झालंय

© कवी – निलेश बामणे ( एन.डी. )

नाम घ्या हो तुम्ही, प्रभूचे सतत

नामस्मरण , असू घ्या मुखांत ...१

काय सांगावी, नामाची थोरवी

दगडही जेथे, तरंगून जाई...२

रोम रोमामध्यें, प्रभूचा संसार

बनून कवच, रक्षती शरिर...३,

नामाची लयता, मन गुंतवून

एक होतां चित्त, जाई आनंदून...४

अंतीम ध्येय, ईश समर्पण

नामानी साधती, प्रभू सर्वजण...५

डॉ. भगवान नागापूरकर

संपर्क - ९००४०७९८५०

bknagapurkar@gmail.com

दिपूनी गेले नयन त्या क्षणी

बघता तिची सोज्वळ मुर्ती ।

हाक निघाली अंतःकरणीं

तुझ्याचसाठी निर्मीली कृती ।।

जरी बघीतल्या अनेक सुंदरी

ठाव मनाचे हिने जींकले ।

सहचारीणी ही होईल तुझी

अंतरमनी शब्द उमटले ।।

अनामिक जे होते पूर्वी

साद प्रेमाची ऐकू आली ।

योग्य वेळ ती येता क्षणी

ह्रदये त्यांची जुळुनी गेली ।।

शंका भिती आणि तगमग

असंख्य भाव उमटती मनी ।

विजयी झाले ऋणानूबंधन

बांधले होते भावबंधनी ।।

उचंबळूनी दाटूनी आला

ह्रदयामधला ओलावा ।

स्नेह मिळता प्रेम मिळाले

जगण्यासाठी दुवा ठरावा ।।

डॉ. भगवान नागापूरकर

९००४०७९८५०

माऊली मराठीच माझी मायबोली
ज्ञानयोगीयांची कनवाळू माऊली
ओम नमोजी आद्या वेद प्रतिपाद्या
स्वसंवेद्या मराठी माझी मायबोली

ज्ञानेश्वरी ही ज्ञानेश्वर माऊलीची
गाथा, जगतगुरू तुकाई माऊली
भाषाबोध सकल संतसद्गुरूंचा
माऊली मराठीच माझी मायबोली

शब्द मराठीच अस्मिता अंतरीची
गीता, भागवत, दासबोधादी ग्रंथाली
अक्षर अक्षर, साक्षात्कार स्वयंभू
माऊली मराठीच माझी मायबोली

माझ्या मराठीचा मला स्वाभिमान
जगतवंद्य! ती जगतवंद्य मानिली
प्राणांहूनही ती श्रेष्ठ आम्हा निरंतर
माऊली मराठीच माझी मायबोली

अती आदरे, मराठी अंतरी जपावी
मराठी मातृभाषा जी आम्हा लाभली
मराठी भाषा हा अलंकार वैखरीचा
माऊली मराठीच माझी मायबोली

-- वि.ग.सातपुते. (विगसा)

9766544908

२७ - २ - २०२२.

वाढदिवस स्वातंत्र्याचा, जो-तो बघ गात आहे –
‘सर्व लोक खूष येथें , सर्व सुशेगात आहे’ ।।

पुढे पुढे काळ चाले, पुढे पुढे दुनिया जाई
आणि पहा देश अपुला कसा कुठे जात आहे !

कोटि-कोटि देव ठाकत धनवंताच्यासाठी
कोण इथें दीनासाठी ? तो पुरा अनाथ आहे ।।

महापूर-भूकंपांनी जनजीवन नासे पुरतें
फक्त एवढेंच ? बाकी सर्व-सर्व शांत आहे ।।

कितिही आक्रंदा येथें , ढिम्म न कोणी हलतें
हात कटी ठेवुन निर्मम पंढरिचा-नाथ आहे ।।

कुठल्याही विषयामध्ये कितवा-ही असुं दे नंबर
उच्चरवें गर्जूं , ‘भारत पहिला जगात आहे’ ।।

- सुभाष स. नाईक. Subhash S. Naik
सांताक्रुझ (प), मुंबई. Santacruz (W), Mumbai.
Ph-Res-(022)-26105365. M – 9869002126
eMail : vistainfin@yahoo.co.in
Website : www.subhashsnaik.com / www.snehalatanaik.com

उंचावून झेप, नको घेवू उडी
खोल आहे दरी, पाय तुझा मोडी...१

अंदाज घे तूं, खोलीचा प्रथम
यश येई तुला, तया मध्यें ठाम...२

अनुमान काढ, आपल्या शक्तीचे
झेपेल कां ते, विचार युक्तीचे...३

निर्णय घ्यावेस, सदा विचारांनी
निराश न होई, त्यामध्ये कुणी....४

जाणून घे तूं, स्वत:ची पात्रता
यश असे पाठी, ज्याची जी योग्यता...५

डॉ. भगवान नागापूरकर
संपर्क - ९००४०७९८५०
bknagapurkar@gmail.com

ज्योतिष्याची चढूनी पायरी, जन्म कुंडली दाखवी त्याला ।

अडले घोडे नशिबाचे, कोणते अनिष्ट ग्रह राशीला ।।१।।

नशिबाची चौकट जाणूनी, आशा त्याची द्विगुणित झाली ।

मनांत येतां खात्रीं यशाची, जीव तोडूनी प्रयत्ने केली ।।२।।

प्रयत्नांती असतो ईश्वर, म्हणूनी मिळाले यश त्याला ।

आत्मविश्वास जागृत करण्या, 'भविष्य' शब्द कामी आला ।।३।।

डॉ. भगवान नागापूरकर

९००४०७९८५०

bknagapurkar@gmail.com