बंधन मुक्तीसाठीं असतां,
बंधनात ते पाडी
कर्मफळाचे एक अंग ते,
टिपे दुसरे बाकी ।।१।।

साध्य करण्या जीवन ध्येय,
देह लागतो साधन म्हणूनी,
सद्उपयोग करूनी घेतां,
साध्य होईल हे घ्या जाणूनी ।।२।।

हिशोब तुमचा चुकून जाता,
तोच देह बनतो मारक,
विनाश करीतो मागें लागतां,
मिळविण्यास ते ऐहिक सुख ।।३।।

बंधन पडते आत्म्याभोंवती,
शरिरांतल्या वासने पायी,
वासनेच्या आहारी जातां,
बंधनास ती बळकटी येई ।।४।।

तपसाधनेचे कष्ट करूनी,
देह करीतो आत्म्यास मुक्त,
देहाचे बंधन पडते,
जेव्हां बनतो वासनायुक्त ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

मनाची शांति । मिळेना कुणा

कुठें शोधूं ती । प्रश्न सर्वांना ।।

जीवन ध्येय । शांततेसाठीं

प्रयत्न होय । त्याच्याच पाठी ।।

शांतीचे घर । अंतःकरण

नसे बाहेर । कधीं चूकून ।।

शत्रू शांतीचा । अशांति असे

ठिकाणा त्याचा । बाह्यांत वसे ।।

विरोधी दोघे । दूर राहती ।

वाईट बघे । एकमेकाती ।।

अशांत वाटे । मन तुम्हांला ।

बोचती काटे । घेता तिजला ।।

बाह्य असूनि । त्वरित दिसे ।

चंचल मन । तिजला फसे ।।

अशांती मनीं । येता तुमचे ।

घ्या समजूनी । फळ बाह्याचे ।।

बाहेरी मिळे । असे अशांति ।

शोधा सगळे । आंतिल शांती ।।

यत्न सुखाचे । अशांती आणी ।

व्यर्थ तुमचे । श्रम होऊनी ।।

प्रयत्न होतां । अशांति येई ।

सोडून देता । शांतीच राही ।।

शांति ईश्वर । रूप आगळे ।

आनंद फार । कुणा न कळे ।।

डॉ. भगवान नागापूरकर

९००४०७९८५०

सकाळी गारवा थंडीचा
किलबिलाट घुमतो पक्षांचा
सखी गुथलेली कामात
रुणुझुणुतो ताल पावलांचा

@ शरद शहारे
वेलतूर

चंद्र आज एकला नभी उगवला ।

रात पुनवेची मधूर भासला ।। १

मेघांचा गालीचा आज नाहीं दिसला ।

शितल वारा अंगी झोंबू लागला ।। २

उलटून गेली रात्र मध्यावरती ।

लुक लुकणारे तारे आतां दिसती ।। ३

पेटल्या गगनीं असंख्य फुलवाती ।

तीव्र-मंद प्रकाशानें त्या चमकती ।। ४

त्या असंख्यात चंद्रमा एकची सापडे ।

जो लोभसवाणा म्हणूनी सर्वा आवडे ।। ५

उघडूनी देई मनाची प्रेम कवाडे ।

निघूनी जाई रात बघतां त्याजकडे ।।

डॉ. भगवान नागापूरकर

९००४०७९८५०

तुम्ही गेला आणि गेले सुकूनी माझे काव्य
समजूनी आले रूप तुमचे होते जे दिव्य

तुमच्या अस्तित्वाने मजला येत असे स्फूर्ती
प्रफूल्लीत ते भाव सारे ओठावर वाहती

कोकीळ गाते गाणे जेंव्हां वसंत फुलतो वनी
मोर नाचे तालावरती श्रावण मेघ बघूनी

हासत डोलत कळी उमलते प्रात: समयी
दवबिंदूच्या वर्षावाची किमया सारी ही

गात नाचत फुलत राहतो चैतन्याने कुणी
स्फूर्ती देवता हवी तयाला येण्या उचंबळूनी

-- डॉ. भगवान नागापूरकर
९००४०७९८५०
bknagapurkar@gmail.com

घटना घडली एके दिवशी प्रभू बसले जेवण्या,
रुख्मिणी त्यांचे जवळी होती वाढण्या ।।१।।

चट्कन उठूनी ताटावरुनी धावत गेले दारीं,
क्षणिक थांबूनी तेथे येऊनी बसले पाटावरी ।।२।।

प्रश्न पडला रुखमिणीस काय गडबड झाली,
श्रीकृष्णाची धावपळ तिजला नाही कळली ।।३।।

चौकशी करतां कृष्ण बदले कहाणी एका भक्ताची,
हरिनाम मुखी नाचत होता काळजी नव्हती लोकांची ।।४।।

वेडा समजोनी त्यासी दगड कुणी होते मारीत,
हरिनाम नाही सोडले वाहात असूनी रक्त ।।५।।

धावलो होतो त्याचेसाठीं करण्या त्याला मदत,
परि लहू बघूनी अंगावरती दगड घेतला हातात ।।६।।

समर्थ झाला आता तो रक्षण करण्या स्वतःचे,
हरिनाम सोडता मुखातून कारण नव्हते मदतीचे ।।७।।

ही झाली छोटी कहाणी सांगे जीवनाची तत्वे,
सर्वस्व अर्पिता प्रभूसी विश्वास ठेवा त्याते ।।८।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

प्रदीप निफाडकरांची गझल

केमिस्ट्रीच्या यशाची केमिस्ट्री
जास्तीत जास्त प्रश्न सोडविण्यात आहे.....
तर फिजिक्सच मॅजिक
सामान्य विज्ञान समजण्यात आहे.......!!!

करा गणिताचे फॉर्मुले तोंडपाठ
तरच तुम्ही परीक्षेवर कराल मात.......
सी-ई-टी.ची परीक्षा करता तुम्ही पास
इंजीनिअरिंगमध्ये प्रवेश तुमचा हमखास....!!!

-- मयुर तोंडवळकर

मनी वाटते नाम तुझे, सदैव मुखी यावे,
कर्तव्या माजी एकाग्र असतां, कसे बरे हे व्हावे ?
कोडे हे उकलून घ्यावे......।। धृ ।।

श्वास चालतो रात्रदिनीं,
लक्ष्य न घेई खेचूनी,
ऊर्जा मिळते देहातूनी,
परि मनास बंधन नसावे....१, कोडे हे उकलून घ्यावे

एकचि कार्य एके क्षणी,
एकाग्रता येई दिसूनी,
अवसर मिळे मग कोठूनी,
त्याच घडीला कसे नाम घ्यावे......२, कोडे हे उकलून घ्यावे,

संसाराचे ‘जू’ मानेवर,
ओढण्यासांगे ईश्वर,
मार्ग सारे असता खडतर,
कसे त्यास वळवावे पाहावे......३, कोडे हे उकलून घ्यावे.

डॉ. भगवान नागापूरकर
९००४०७९८५०