कविता-गझल-चारोळी-वात्रटिका

उघडेल कधी दरवाजा,पक्षी पिंजऱ्यातून उडेल,
संपतील तणाव चिंता,
स्वातंत्र्य असे उपभोगेल आनंदाच्या त्या क्षणा, ----
मोल देत कसा नाचेल ,
भरारी घेत आभाळा,
उराशी आपुल्या कवटाळेल, स्वातंत्र्याची नुसती कल्पना,
सतत रुंजी घालत राहील,--- इवल्याशा त्याच्या मनात,
*मुक्तीचा आनंद भरेल,
विश्वास ठेवू तरी कसा,
मनी भावना उफांळेल,---
सुटली ही भयानक कारा
ज्याक्षणी त्याला आंकळेल, भोवतालच्या साऱ्या जगां,
आता आपल्या कवेत घेईल, झुगारून तुटक्या बंधनांना,
जगावर साऱ्या राज्य करेल,---
आता कशा असंख्य वाटा,
जीव कसा आनंदेल,
स्वर्गीय स्वरूपीं समाधानां,
हृदयात तो सांभाळेल,---
अवलोकत पूर्ण क्षितिजा ,
कसा‌ मग तो भिरभिरेल,
पाहून येईल मोक्षद्वारा ,
जिथे जाणे अंती असेल,--!!!

© हिमगौरी कर्वे.

भिज नां जराशी नखशिखांत
मना नाहूदे चिंबचिंब पाऊसात...

हा ऋतुच बहरलेल्या प्रीतीचा
ओलेती ये भावनांच्या मिठित...

निर्मळ स्पर्शात चैतन्य आगळे
ब्रह्मानंदाची, साक्ष त्या सुखात...

निसर्गाचे, अविष्कार पांघरावे
भिजुनी रिमझिमल्या सरिसरित...

ही कोजागिरी, चंद्र चांदण्यांची
कोजागर, कोजागर मनांमनात...

-- वि.ग.सातपुते (भावकवी)

9766544908

रचना क्र. २५३

९/१०/२०२२

अंहकाराचा पेटून वणवा, थैमान घातिले त्या मेघांनी
तांडव नृत्यापरि भासली, पाऊले त्यांची दाही दिशांनी...१,

अक्राळ विक्राळ घन दाट, नी रंग काळाभोर दिसला
सूर्यालाही लपवित असता, गर्वपणाचा भाव चमकला...२,

पृथ्वीवरती छाया पसरवूनी, चाहूल देई आगमनाची
तोफेसम गडगडाट करूनी, चमक दाखवी दिव्यत्वाची...३,

मानवप्राणी तसेच जीवाणे, टक लावती नभाकडे
रूप भयानक बघून सारे, कंपीत त्यांची मने धडधडे...४,

त्याच वेळी वादळ सुटूनी, देह घनाचा टाकी विखरूनी
गर्व हरण होऊन जाता, अश्रू पडती नयनामधूनी....५

डॉ. भगवान नागापूरकर
९००४०७९८५०
bknagapurkar@gmail.com

-- वर्षा कदम.

सप्तसुरांनी ब्रह्मांड वेढिले
शब्दही आले नाचत नाचत...

चंद्रफुलांची उधळण झाली
निळ्यासावळ्या गगनात...

भावफुलांना ठावुक नव्हते
मनांतील हे आत्मरंग सात...

शब्द कोणते, भावरंग कोणते
हृदयी, प्रीती कुणाची गात...

आळविता गीतात सुरांना
गंधर्वाची तान अवकाशात...

प्रभु तुजपुढे लावियली मी
गाभारी निरांजनी फुलवात...

आता उजळू दे मनगाभारा
भावनांच्या निष्पाप मंदिरात...

-- वि.ग.सातपुते (भावकवी)

9766544908

रचना क्र. २५१

८/१०/२०२२

जीवनातील परमानंद,

केंव्हां लाभतो त्या जीवना ?

मातेच्या त्या उदरामध्ये,

शांत झोपला असताना ।।१।।

असीम ‘आनंद’ अनुभव,

घेत असे तो जीवात्मा

सोsहं निनाद करूनी,

सांगतो मीच परमात्मा ।।२।।

आनंदाने नाचू लागतो,

मनांत येता केंव्हां तरी,

मातेलाही सुखी करती,

त्याच्याच आनंदी लहरी ।।३।।

पुढे त्याचे प्रयत्न होती,

मिळवण्या तोच आनंद

सुख, दु:खाच्या चक्रामध्ये,

विसरूनी जातो तो नाद ।।४।।

डॉ. भगवान नागापूरकर

९००४०७९८५०

वेगाने तो जात असता, घटना एक घडली ।

तुडवले गेले जीव जंतू , त्याच्या पाययदळी ।।

ज्ञात नव्हते कांहीं त्याला, त्याच्या कृत्याचे ।

स्वकर्मा मध्ये गुंतले होते, एक चित्त त्याचे ।।

नजर गेली अवचित त्याची, एका सरड्यावरती ।

दगड मारूनी बळी घेतला, असूनी अंतरावरी ।।

पापाचा बने भागीदार, मारूनी सरड्याला ।

अकारण कृत्य जे केले, पात्र ठरे शिक्षेला ।।

अगणित जिवाणू जेंव्हां मेले, कृत्य नव्हते त्याचे ।

जाणतेपणातील कर्म आणिते, हिशोब पाप पुण्ण्याचे ।।

डॉ. भगवान नागापूरकर

९००४०७९८५०

तुमचे जीवन अवलंबूनी,
ग्रहराशीच्या दशेवरती
तेच होई जीवनी तुमच्या,
जसे ग्रहमंडळ फिरती...१,

मित्र मंडळी सगे सोयरे,
शत्रू असोत वा प्रेमाचे,
जीवनातल्या हालचालीवरी,
परिणाम ते होई सर्वांचे...२,

हेच सर्व ते ग्रह असूनी,
सतत स्थान ते बदलती
परिस्थिती बघूनी तुमची,
वागण्यात तो फरक करती...३

अपयशाला कारणीभूत तो,
असतो कुणीतरी नजीकचा
राहू-केतू शनि वा मंगळ,
ग्रहमान बनतो त्या घडीचा...४,

यशाची चालता घौडदौड ती,
मदत लाभते काही जणांची
हे तर सारे इष्ट ग्रह ते,
फूलवी सुमने जीवनाची...५

डॉ. भगवान नागापूरकर
९००४०७९८५०
bknagapurkar@gmail.com

रविवारला नवरा स्वयंपाकखोलीत घुसला
चल ...आजतरी तुला मदत करतोच म्हणाला

मी म्हणाले ,मला आधी दिवाणखान्यात जावू द्या
पेपर वाचता वाचता तुमच्यासारख्या बातम्याही बघू द्या..

अगं, तुला मदत करायला आलो तर तुच बाहेर जाते!
भाजी पोळी करायला मला एकट्याला कुठे येते?

रोज कसं तुम्ही आँर्डर सोडता तशा आॅर्डरी मला करु द्या
कसं वाटतं मनामधी तुम्हालाही.. जरा अनुभव तर येवू द्या!

तो तयार झाला....लागला स्वंयपाकाच्या कामाला
हजार वेळा... डबा कुठाय,मसाला कुठाय..पातेलं कुठे वगैरे विचारत राहिला.

मला मेलीला, आॅर्डर करायची वेळच नाही दिली ..
येथून सांगण्यापेक्षा आत गेलेलं बरं.. म्हणून मीच खोलीत गेली

नवर्‍यांला संधी मिळाली तसा तो बाहेर सोफ्यावर पळाला
एक दिवस म्हणून आराम नाही आम्हा बायकांच्या जातीला

उद्यापासुन दिवाणखान्यातच गँस,ओटा,भांडे ठेवणार आहे
स्वंयपाकखोली नांवाचे तुरुंगाला सुंरुगच लावणार आहे!

-- श्रीकांत पेटकर

अस्तित्वशक्तीला बाधा येणें,

अति भयंकर घटना ती

तयांना मृत्यूची वाटे भीति....।।धृ।।

गरिबीत जगती कित्येक,

भ्रांत पाडे ती भाकरी एक

जगण्यासाठीं झगडा देती,

तयांना मृत्यूची वाटे भीति....१,

आरोग्याला धक्का बसतां

शरिर जर्जर होवूनी जातां

देह तारण्या धडपड होती,

तयांना मृत्यूची वाटे भीति....२,

समाज रचना बघा कशी,

लौकिक जाई तो राही उपाशी

कुणी न दाखवी सहानुभूती,

तयांना मृत्यूची वाटे भीति...३,

प्रवास करिता वाहनातूनी

अपघात शंका येई मनी

अवलंबून जे दुजावरती,

तयांना मृत्यूची वाटे भीती....४

डॉ. भगवान नागापूरकर

९००४०७९८५०

bknagapurkar@gmail.com