गुलाबी निशा आज
मंद धुंद गारवा...
ताऱ्यांना चढला साज
सांज गाते मारवा..
रातराणीचा सुगंध
असा दरवळला दूर..
रूप चंद्रमेचे शुभ्र
लाजून झाले चूर..
प्रीत गंधीत वारा
बटांना छेडीत जातो..
धवल मेघांचां पदर
तोरणे बांधून राहतो..
कलेकलेने न्हाले
मनविभोर चांदणे..
रूणुझुणू झंकारली
ह्रदयी प्रीत पैंजणे
July 25, 2026
पावसाच्या पहिल्या सरीत,
हातातली छत्री अलगद उघडली...
आणि नकळत तुझी आठवण
मनाच्या उंबरठ्यावर येऊन थांबली.
छत्री अजूनही पावसापासून जपते,
पण तू नसल्यापासून
मनाला भिजण्यापासून
कोणीच वाचवू शकलं नाही.
एक दिवस वाऱ्याच्या झोताने
छत्री उलटी झाली...
काड्या मोडल्या, कापड फाटलं,
आणि तेव्हाच समजलं
जगात काहीच कायमचं नसतं.
आजही पाऊस तसाच बरसतो,
हातात छत्रीही तशीच असते.
फरक एवढाच...
आता अंग भिजत नाही,
पण मन मात्र प्रत्येक सरीसोबत
चिंब भिजून जातं.
छत्रीची सावली अजूनही मिळते,
पण तुझ्या प्रेमाची ऊब
कुठेच सापडत नाही.
पावसाचा प्रत्येक थेंब
तुझ्या आठवणींचं नाव घेऊन
डोळ्यांत अलगद दाटून येतो.
आयुष्याच्या या अखंड पावसात
एकच इच्छा अजूनही जिवंत आहे,
एकदा तरी पुन्हा
तुझ्यासोबत एका छत्रीतून चालावं...
शब्द नकोत, स्पष्टीकरण नको.
फक्त तुझा हात हातात असावा,
आणि पाऊस मनमोकळा बरसत राहावा.
•ॲड.कीर्तिराज शैलेंद्र आगलावे, पुणे ✨
मो:- 9011841212
July 24, 2026
आपल्या मराठी भाषेवर प्रेम असणे आणि तिच्या समृद्ध असण्याचा अभिमान असणे अगदी साहजिक आहे. सद्ध्या इंग्रजी भाषेच्या वाढत्या प्रभावावरून बरीच उलटसुलट चर्चा ऐकू येते, त्यावर माझे काही विचार ! कोणाच्याही भावना दुखविण्याची जराही इच्छा नाही.
July 24, 2026
अनुदिन प्रकाशन परभणी तर्फे नुकताच प्रसिद्ध झालेला ‘फुलपाखरू’ हा मुलांसाठी लिहिलेला व मोठ्यांना अंतर्मुख करायला लावणारा बालकाव्य संग्रह आहे. कवितेच्या वेडातून अरुण प्रातिनिधीक कविता संग्रह संपादित व प्रकाशित केला. मुका फकीर, निळ्या हिरव्या तळ्यात, पोळा, अशी जिंदगानी हे कविता संग्रह ‘असे माझे हायकू संग्रह’ प्रसिद्ध आहेत. भगवान बुद्धांच्या शिकवणीवर आधारित धम्मपदांचा ओवीरूप धम्मपद या नावाने कविता संग्रह तर ‘फुलांच्या बागेत’ बालकविता संग्रह प्रकाशित आहे. ‘निसर्गसृष्टी’ तसेच ‘हायकू भिमाचे’ दोन हायकू संग्रह संपादित व प्रकाशित आहेत. हिंदी हायकूच्या अनुवादाची दोन पुस्तके ‘सूर्यनारायण गुप्त यांचे निवडक हायकू’आणि ‘हायकू आकाश के छोटे छोटे चांद’ प्रकाशित आहे. तांका प्रकार रूढ करण्यासाठी म्हणून लिहलेला सांज फुले १०११ तांका असलेला मराठीतील पहिला तालुका तांका संग्रह प्रसिद्ध आहे. तांका आणि गझल या काव्य प्रकारासाठी अनुदिन त्रैमासिक संपादित आणि प्रकाशित करतात.त्यांचे हिंदी हायकू लेखन अनेक हिंदी प्रातिनिधीक संग्रहातून प्रसिद्ध आहे.
July 24, 2026
शब्दांच्या पल्याड लपलेला
चंद्र ओंजळीत घेऊन तू जा...
टपोरं डोळ्यात चांदण्याची
बरसात साठवून तू जा..
धुंद लहरी वाऱ्याच्या
संगती वहावत तू जा...
पहाटेची स्वप्न कलिका
खुलवत तू जा..
कुंतली गजरा अन्
शब्द फुले माळत तू जा..
प्रतिक्षेच्या वाटेवरची
लाट मी अन् तू
किनारा होवून जा.
July 24, 2026
पाकिस्तानच्या निर्मात्यांचे नंतर काय झाले? | लेखक माधव भांडारी | Marathisrushti Talks फाळणीनंतर भारत आणि पाकिस्तानचा इतिहास आपण अनेकदा ऐकतो. पण पाकिस्तानची निर्मिती घडवून आणणाऱ्या व्यक्ती, नेते आणि संघटनांचे पुढे काय झाले? ज्यांनी पाकिस्तानच्या निर्मितीसाठी निर्णायक भूमिका बजावली, त्यांना नव्या राष्ट्राने नेमके कसे वागवले? या विचारप्रवर्तक चर्चेत लेखक श्री. माधव भांडारी त्यांच्या गाजलेल्या “पाकिस्तानच्या निर्मात्यांचे नंतर काय झाले?” पुस्तकाच्या माध्यमातून अनेक ऐतिहासिक संदर्भ, दुर्लक्षित घटना आणि धक्कादायक वास्तव उलगडतात. या चर्चेत आपण जाणून घेणार आहोत:
July 24, 2026
ऋतू हा बरवा, वसंत हा आला,
नवा गंध घेऊन आनंद फुलला.
हिरव्या पानांनी धरित्री नटली,
सुगंधी फुलांनी दिशा मोहरली.
मंद मंद वारे सुरेल गीत गाती,
वनी कोकिळा मधुर स्वर छेडिती.
नभी इंद्रधनू रंग उधळून जाते,
निसर्गात सारी सृष्टी न्हाऊन निघते.
शिवारात डोलती सोन्याची शेते,
श्रमिकांच्या मुखी उमलती हसू फुले.
नदीचे जल गाते प्रसन्न गाणी,
भरुनी जीवनी नवी चेतना आणी.
असा हा ऋतू दे सुखाचीच छाया,
मनी प्रेम, शांती, नवी मंगल माया.
निसर्गा तुझ्या या कृपेचा ठेवा,
सदा लाभो आम्हा ऋतू हा बरवा.
•ॲड.कीर्तिराज शैलेंद्र आगलावे, पुणे ✨
मो:- 9011841212
July 23, 2026
आज बरेच जण, बोलतात, लिहितात शैक्षणिक चर्चा करतात त्यात भाग घेतात पण प्रत्यक्ष शिक्षणासंबंधी कार्य रमेश पानसे व त्यांच्या विचारसरणी सारखे लोक करीत आहेत, त्यासाठी त्यांनी अर्थशास्त्राची प्राध्यापकी सोडून शिक्षण क्षेत्राला वाहून घेतले. श्रीमती अनुताई वाघ यांच्या प्रेरणेने व सानिध्यात राहून त्यांनी त्यांच्या अर्धवट कार्यास पूर्णत्वास नेण्याचे ठरवले आहे. ग्रामीण भागात शिक्षणाचा प्रसार नावीन्यपूर्ण पद्धतीने करण्यात ते सध्या कार्यरत आहेत. ग्राममंगल च्या माध्यमातून शिक्षणाची एक संकल्पना ते रुजवत आहेत व ती चांगली आकार घेत आहे. ग्राममंगल शाळा ऐना(ता. डहाणू) येथे आहे, तसेच विक्रमगड, भामरागड, पुणे येथेही त्यांनी शाळा सुरू केल्या आहेत.
July 23, 2026
आसक्ती सोडून सारी
पार्वती पूजिते शिवाला..
माथ्यावर चंद्र शीतल
नृत्य तांडव शिव लीला..
उपेक्षा नसावी म्हणून
पार्वती स्थापिले शिवलिंग..
लिंपण त्यास फुल पत्रीचे
स्विकारावे तिला अर्धांग..
ललाटी त्रिनेत्र स्थान
गळ्यात डोले भुजंग..
थंडी पाऊस वारा जरी
सतीचे व्रत अभंग
पार्वतीचे एक मागणे
शिव हाच लाभावा वर..
वैराग्याचा शेला सुंदर
शिवशक्तीचे मिटावे अंतर
July 23, 2026
*संत मुक्ताबाई*
ज्ञानाची गंगा अंतरी वाहिली,
भावार्थाची ज्योत जगात पेटविली.
वैराग्य, विवेक, करुणेचा संग,
मुक्ताई ठरली भक्तीचा रंग.
*संत जनाबाई*
दासी म्हणवली जगाच्या दारी,
पण विठ्ठल होता तिच्या अंतरी.
जात्यावर दळता अभंग फुलले,
श्रमातही विठ्ठल तिला भेटले.
*संत कान्होपात्रा*
रूपापेक्षा भक्ती श्रेष्ठ मानली,
विठ्ठलच जीवनसाथी म्हणून जाणली.
मोह, माया सारे दूर सारले,
पांडुरंगाच्या चरणी जीवन अर्पिले.
*संत सोयराबाई*
समतेचा दीप अखंड पेटविला,
भेदभावाचा अंधार दूर केला.
चोखोबांच्या संगतीत भक्ती खुलली,
विठ्ठलनामाने आत्मा उजळली.
*संत निर्मळाबाई*
निर्मळ मन, निर्मळ आचार,
विठ्ठलभक्ती हाच जीवनाधार.
प्रेम, दया, समतेचा श्वास,
अभंगांतून दिला भक्तीचा सुवास.
*संत बहिणाबाई*
संसारातही साधना जपली,
तुकारामांची भक्ती हृदयी रुजवली.
कर्तव्य, श्रद्धा, प्रेमाचा मेळ,
बहिणाबाईंचा जीवनदिवा अविरत तेवला.
या संतकन्या नव्हत्या केवळ इतिहासातील नावं,
त्या होत्या भक्तीच्या नभातील अमर चांदण्या.
कोणी ज्ञानज्योती अंतरी चेतविली,
कोणी श्रमात विठ्ठलमूर्ती भेटविली.
कोणी समतेचा अखंड दीप उजळला,
कोणी प्रेमाने माणुसकीचा गंध दरवळला.
त्यांच्या अश्रूंनी अभंगांना सूर मिळाले,
त्यांच्या त्यागाने जीवनाला अर्थ लाभले.
त्यांच्या ओठी अखंड नामाचा गजर,
आणि हृदयी विठ्ठलाचा प्रेमसागर.
आजही त्यांच्या पाऊलखुणा
वारीच्या वाटेवर फुलांसारख्या दरवळतात.
प्रत्येक टाळ-मृदंगाच्या नादात,
प्रत्येक "विठ्ठल... विठ्ठल..."च्या गजरात
त्या आजही जिवंत भासतात.
या संतकन्यांना त्रिवार वंदन...
ज्यांनी स्वतःचं आयुष्य विठ्ठलाच्या चरणी अर्पून,
साऱ्या जगाला प्रेम, समता, ज्ञान आणि भक्तीचा अमृतवारसा दिला.
जोवर चंद्रभागेचं पावन पाणी अखंड वाहत राहील,
जोवर वारकऱ्यांच्या ओठी हरिनाम निनादत राहील,
जोवर टाळ-मृदंगाच्या तालावर वारी चालत राहील,
तोवर या संतकन्यांचं तेज
प्रत्येक भक्ताच्या हृदयात, प्रत्येक अभंगाच्या स्वरात
आणि प्रत्येक "विठ्ठल... विठ्ठल..."च्या गजरात
अखंड दीपज्योतीसारखं तेवत राहील...
या संतकन्यांच्या चरणी कोटी कोटी प्रणाम...
•ॲड.कीर्तिराज शैलेंद्र आगलावे, पुणे ✨
मो:- 9011841212
July 22, 2026
Copyright © 2025 | Marathisrushti