मंद श्वासांची ऊब थरथरे तुझ्या ओठांवर,
चांदण्यांची धुंदी अलगद सरे तुझ्या ओठांवर.
नजरेतून उतरते जळती एक हळवी चाहूल,
देहाची कोमल लहर विसावे तुझ्या ओठांवर.
स्पर्श तुझा जसा मदिर संध्या वितळती,
माझी प्रत्येक धडधड झुके तुझ्या ओठांवर.
बोल न उच्चरता सारे काही घडते,
अधीर गुपित हळूच फुले तुझ्या ओठांवर.
माझ्या बोटांची रेषा थांबे गालांशी,
आणि श्वासांची रात्र झुके तुझ्या ओठांवर.
क्षण तो विरघळतो उष्ण मिठीत शांत,
सारे जग थांबून बघे तुझ्या ओठांवर.
आता इतकीच माझी दुनिया,
जन्मोजन्मीची प्रीती साठे तुझ्या ओठांवर.
•ॲड.कीर्तिराज शैलेंद्र आगलावे, पुणे
July 31, 2026
कोणी म्हणेल खुर्ची सारखी खुर्ची, त्यात सांगण्यासारखे काय असणार. राजकारणी लोक ज्या संदर्भात खुर्चीसाठी भांडतात ती खुर्ची ही नव्हे. माझ्या आयुष्यात मात्र एका खुर्चीने मला खूप आराम आणि प्रसिद्धी मिळवून दिली होती.
July 31, 2026
आकाशवाणीच्या इतिहासातील सर्वात लोकप्रिय कार्यक्रम म्हणजे गीतरामायण. गेल्या पाच पिढ्यांपासून मराठी माणसांच्या मनावर अधिराज्य करणारे महाकाव्य म्हणजे गीतरामायण.. गीतरामायणाला यावर्षी ७० वर्षे पूर्ण झाली.
July 31, 2026
शून्य होऊन जगता यावं,
कुणाची वाट पाहत नाही,
कुणाच्या आठवणींनी
रात जागवावी असंही नाही.
कोणी भेटलं तर ठीक,
नसलं तरी चालेल,
मनाला एवढंच कळलं पाहिजे
आपण पुरेसे आहोत,
हे कुणी सांगायला नको.
हसू येईल तेव्हा हसावं,
डोळे भरले तर
त्यांना थांबवू नये,
दुःख आलं
म्हणून स्वतःवर रागही नको.
कुणी सोबत राहिलं
तर आभार मानावेत,
कुणी निघून गेलं
तर दोष कुणालाच नको,
सगळं होतंच,
म्हणून होतं
इतकंच समजून घ्यावं.
शून्य म्हणजे एकटेपणा नाही,
ते म्हणजे मनाचं
हलणं थांबणं,
जिथे काही हवं नसतं,
आणि तरीही
श्वास शांत चालू असतो.
शून्य म्हणजे पोकळी नाही,
तो एक अथांग आकाश आहे,
जिथे ‘मी’ हळूहळू विरघळतो,
अहंकाराचा आवाज मंदावतो,
आणि इच्छांची राख
शांतपणे खाली बसते.
जिथे नाती, अपेक्षा, शब्द
सगळं विरून जातं,
आणि उरतो फक्त
निर्विकार साक्षीभाव,
एक खोल, निःशब्द अस्तित्व…
जिथे नाती, अपेक्षा, शब्द
सगळं विरून जातं,
आणि उरतो फक्त
निर्विकार साक्षीभाव,
एक खोल, निःशब्द अस्तित्व…
जिथे काही मिळवायचं नसतं,
काही सिद्ध करायचं नसतं,
आणि तरीही
असण्याची जाणीव
पूर्णत्वाने धगधगत राहते.
•ॲड.कीर्तिराज शैलेंद्र आगलावे, पुणे
July 30, 2026
तू गेल्यावर माझ्यात मी उरलोच नाही,
श्वास चालू आहेत,
पण जिवंतपणाच नाही.
तुझ्या पावलांच्या खुणा अजून दाराशी आहेत,
घर रिकामं आहे,
तरीही एकटेपणाच नाही.
रात्र विचारते मला,
“किती रडशील अजून?”
अश्रू सुकलेत आता,
पण कोरडेपणाच नाही.
तुझं नाव घेताच वेळ थांबतो क्षणभर,
घड्याळ पुढे सरकतं,
पण काळ सरतच नाही.
आरशात पाहतो तेव्हा चेहरा तसाच दिसतो,
डोळ्यांत मात्र पूर्वीसारखा उजेडच नाही.
जखमा झाकून ठेवतो हसऱ्या शब्दांनी,
कोणी ओळखत नाही,
पण दुखणं कमीच नाही.
प्रेम इतकं खोल होतं, की विरहही पवित्र झाला,
तू नसणं स्वीकारलं,
पण विसरणं शक्यच नाही.
•ॲड.कीर्तिराज शैलेंद्र आगलावे, पुणे
July 29, 2026
भाग्यश्री चंद्रकांत रसाळ या प्रिन्सिपॉल डिजिटल रिपोर्टर ने महाराष्ट्र टाइम्स वेब पेज वर सोनालिका जोशी यांच्या विवाहपूर्व कांबळे या आडनावा संदर्भात पोस्ट टाकली आहे. या बातमीचा मथळा ” ही कांबळे, आपल्या ग्रुपमध्ये बसत नाही, आडनावामुळं कामं गेली..सोनालिका जोशीनं केली मराठी सिनेइंडस्ट्रीची पोलखोल” असा आहे.
July 29, 2026
इंद्रायणी चंद्रभागेसोबत एक दिवस
आषाढी वारीला आली
भक्तीमध्ये तल्लीन होत
विठ्ठल दर्शनाला गेली
विठ्ठल दर्शनासाठी सोबत
रांगेत उभा राहिली
चंद्रभागा सोबतीला
विठ्ठल नामी दंग झाली
तेवढ्यात अचानक समोरून एक
विठ्ठल भक्त आला
दोघींकडे बघत तो
अचंबित झाला .....
अशा कशा ग तुम्ही इथं
अस्वच्छ होऊन आल्या
ट्रकभर निर्माल्य घेऊन
इथं उभ्या राहिल्या
चंद्रभागा इंद्रायणीकडे बघत
हसत हसत म्हणाली
तुझ्या विठ्ठलासाठीच मी हे
निर्माल्य घेऊन आली
जशा आम्ही उभ्या आहोत
तशाच स्वीकारा आम्हाला
तुमच्यामुळेच आमची ही
अवस्था झाली आहे बघा
चालता चालता रांगेत इंद्रायणी
वारकऱ्यांशी बोलू लागली
तुमच्या निर्माल्यांमुळेच आमची
अशी अवस्था झाली ....
बोलत बोलत विठ्ठलाच्या
पायापाशी गेली
साकडे घालतो विठ्ठला तुला
चंद्रभागा बोलली .....
तुझ्याच वारकऱ्यांनी आमची
अशी अवस्था केली ....
गलिच्छगात्र होऊन मी
तुझ्या दर्शनाला आली
कामरेवरचा हात काढून
विठ्ठल तिला बोलला
तुमच्या स्वच्छतेची जबाबदारी
मी प्रशासनाला दीली .......
वारकरी माझा भोळा भाबडा
काय करील सांग ....
सोई सुविधेला मुकलाय तो
मग कसा राहील सांग ...
वरुणराजाला साकडं घालून
करतो तुम्हाला स्वच्छ
होऊ दे वारी वारकऱ्यांची
मग देतो तुमच्याकडे लक्ष
उमेश तोडकर ......
July 29, 2026
उच्चाराच्या संदर्भात एका भारतीय व्यावसायिकाची व्यथा: उच्चार हे ज्ञानाचे निकष आहेत का?
July 29, 2026
आपले प्रत्यक्ष वय किती हे आपलेच मन ठरविते, असे वाचनात आले होते. पण याची देही त्याचा प्रत्यय येण्याचा योग २००६ साली आला. माझा शेवटचा जॉब चीनमध्ये होता. नोव्हेंबर २००५ मध्ये, एक मोठ्या जबाबदारीचे काम करून भारतात परतलो आणि पूर्णवेळ कामातून निवृत्त झालो. एकदम कसे मोकळे मोकळे वाटत होते. सुदैवाने मन आणि शरीर पूर्णपणे तंदुरुस्त होते. सहाजिकच विचारांना पंख फुटू लागले. माझी पत्नी [मीना] पण निवृत्त झाली होती. दोघांनी ठरविले की काहीतरी एकदम हटके करायचे.
July 29, 2026
तळपतो रात्रंदिन
कण कण तप्त ज्वाला
श्वासातही निर्मितीचा
नवा ध्यास आहे त्याला..
तेजःपुंज आदित्याचे
अग्निहोत्र निशी दिन
रूप रंग उर्जा दान
सृष्टी नवसंजीवन...
उगवल्या दाही दिशा
अंधकार मिटवून...
झळाळून सोने येते
प्रभातीस सजवून..
माथ्यावरी पोहचता
शीघ्रकोपी प्रभाकर
सांजवेळी अस्ताला तो
शीत भासे प्रभाकर..
नवग्रह अधिपती
पंचतत्व व्यापकता..
बुद्धी तेज आशीर्वाद
वर लाभे अर्घ्य देता
प्रतिभा चौगले यांच्या प्रतिभास या कवितासंग्रहाच्या इ-पुस्तकातील ही कविता.
हे इ-पुस्तक आपण खालील लिंकवर खरेदी करु शकता.
किंमत : रु.८०/-
सवलत किंमत : रु.५०/-
July 29, 2026
Copyright © 2025 | Marathisrushti