Login Here Join Now

Month: July 2026

Sort By:

This articles are displayed in the order of publishing date
This articles are displayed in the order of modification date
The Articles are displayed in the order of publishing date. Oldest first.
The Articles are displayed in ascending order of title
The Articles are displayed in descending order of title
पोर्टलवरील नव्यांसोबत जुने लेखही वाचकांना दिसावेत यासाठी खालील यादी Random पद्धतीने आहे. विशिष्ट क्रमामध्ये यादी हवी असल्यास वरीलपैकी Radio Button क्लिक करा.
  • घासाघासातलं विश्व

    ताटासमोर बसताना
    हात जोडले जातात नकळत
    भूक फक्त पोटाची नसते,
    ती असते जगण्याची, ओळखीची, आपलेपणाची.

    भाताचा तो शुभ्र श्वास
    जमिनीच्या छातीतून उगवलेला,
    शेतकऱ्याच्या तळहातावरच्या घट्ट रेषांतून घरापर्यंत पोहोचलेला.
    तुपाची एक सोनेरी रेघ
    आईच्या मायेची सही घेऊन उतरलेली.

    डाळीत विरघळलेले उन्हाळे-पावसाळे,
    भाजीच्या हिरवाईत दडलेली
    मातीतली ओल आणि श्रमांची चाहूल.
    चटणीचा तिखट स्पर्श
    जिभेवरच नव्हे तर स्मृतीवरही उठणारा,
    लोणच्याच्या आंबटपणात
    काळाचा साठवलेला अनुभव.

    पोळीचा गोल चंद्र
    तव्यावरून आकाशात झेपावल्यासारखा,
    प्रत्येक फुगण्यात
    स्वप्नांची एक हलकी उसळी.
    दह्याचा थंड गारवा
    मनातल्या अस्वस्थतेवर हात फिरवणारा.

    हे वाढलेलं पान
    फक्त पदार्थांची मांडणी नसते
    ते असते हातांच्या कष्टांचं वर्तुळ,
    मायेच्या नजरेचं छत्र,
    आणि घर नावाच्या शब्दाची प्रतिमा.

    प्रत्येक घासात
    आपण कोण आहोत याची जाणीव असते,
    कुठून आलो याची आठवण,
    आणि कुणासाठी जगतो याचं उत्तर.

    शेवटचा घास घेताना,
    ताटात उरते शांतता.
    पण ती रिकामी नसते,
    ती भरलेली असते कृतज्ञतेने.

    कारण वाढलेलं पान म्हणजे
    देवापेक्षा मोठं काही असेल तर ते,
    आपल्याला रोज जगायला
    नव्यानं कारण देणारं
    घराचं उबदार विश्व.

    •ॲड.कीर्तिराज शैलेंद्र आगलावे, पुणे

      July 28, 2026


  • सरीता

    ओळ लिहिताना मला
    तुझा चेहरा दिसतो..
    स्तब्ध लेखणीत माझ्या
    भाव तुझाच असतो..

    शब्दातून व्यक्त व्हावे
    माझ्या मनातले कोडे..
    तूच जाणून घ्यावेस
    शब्दातील भाव थोडे..

    तुला पाहिलं दुरून
    ओढ लागली मनाला..
    शब्द वेडे झुरतात
    रोज क्षणा क्षणाला..

    एकदाच मला हवी
    भेट एकांतात तुझी
    कवितेत वाचशील
    व्यथा प्रेमळ मनाची..

    नको अंतर कसले
    पुर्ण करेन कविता..
    सागरास मिळताच
    पूर्ण होईल सरीता

      July 28, 2026


  • पुराव्याविना अनंत

    माझं तुझ्यावर अनंत प्रेम आहे,
    आकाशाच्या काठावर विसावलेल्या संध्येसारखं,
    दिसतं थोडंसं,
    पण पसरतं अथांग.

    पुरावा काहीच नाही माझ्याजवळ,
    ना शब्दांची
    शिक्कामोर्तब साक्ष,
    ना शपथांचा आवाज.
    फक्त हृदयाच्या गुहेत
    तुझ्या नावाचा मंद नाद.

    हे प्रेम दीपस्तंभासारखं,
    वादळातही शांत उभं.
    जळतं आतून अखंड,
    पण धूर कुठेच नाही.

    तुझी आठवण येते तेव्हा
    वेळ थांबत नाही,
    पण क्षण थबकतो;
    जणू पाण्यावर उमटलेलं चांदणं
    हलकंसं थरथरतं.

    मी तुला कधी सांगितलं नाही
    त्या नजरेतला समुद्र,
    त्या शांततेतली भरती.
    कारण लाटांना शब्द नसतात,
    त्या फक्त किनाऱ्यावर विरघळतात.

    माझं प्रेम असंच आहे,
    न लिहिलेलं, न बोललेलं,
    पण प्रत्येक श्वासात गुंफलेलं.
    तुझ्या अनुपस्थितीच्या सावलीतही
    प्रकाशासारखं जिवंत.

    आणि जर जगानं विचारलं
    “साक्ष कुठे?”
    तर मी आकाशाकडे पाहीन
    कारण अनंताला
    पुराव्याची गरज नसते.

    •ॲड.कीर्तिराज शैलेंद्र आगलावे, पुणे

      July 27, 2026


  • श्रावणसरी

    बरसल्या श्रावण सरी
    रोम रोम हर्षितो..
    पिसारा फुलवूनी
    मयूर आनंदे नाचतो..

    बरसल्या श्रावण सरी
    वेलींना आला बहर..
    सजली धजली धरा
    हिरवाईचा डोईवर पदर...

    बरसल्या श्रावण सरी
    फांद्यावरती झुलती झुले..
    माहेरच्या आठवणींची सर
    पाणावती डोळे ओले...

    बरसल्या श्रावण सरी
    गोपाळकाला कृष्णा करी..
    यशोधरा शोधत राही
    विश्वाचा पालनहरी..

    बरसल्या श्रावण सरी
    उन पाऊस खेळ अंगणी..
    रिमझिम उडवित तुषार
    आला इंद्रधनु रंगूनी..

      July 27, 2026


  • मातेच्या ऋणाची जाणीव

    आई…
    आज तुझ्या समोर उभा आहे मी,
    बालपण मागे ठेवून.
    तुझ्या कुशीत वाढलेलं लेकरू,
    आज गुरुमार्गी निघाले.

    तुझ्या अंगाईच्या सुरांनी
    माझं बालपण फुलवलंस.
    रात्रीच्या जागवणीतून तू
    माझं भवितव्य जपलंस.

    तुझ्या ओंजळीतील घासामध्ये
    मायेचा गोडवा होता.
    तुझ्या डोळ्यांतल्या स्वप्नामध्ये
    माझाच उद्या दडला होता.

    आज हा शेवटचा घास तुझा,
    बालपणीचा शेवटचा क्षण.
    उद्या जाईन गुरुकुली मी,
    धरीन ज्ञानाचा व्रतधन.

    माते, तुझ्या चरणी ठेवितो
    माझा हा लहानसा प्रणाम.
    तुझ्या कष्टांचा होईन मी
    एक दिवस योग्य परिणाम.

    तुझ्या डोळ्यांत पाणी नको,
    हसू दे ओठांवरती.
    तुझ्या आशीर्वादाच्या छायेखाली
    चालेन मी जीवनभरती.

    आई, तुझ्या ऋणातून सुटणे,
    नाही शक्य या जन्मी.
    पण तुझं नाव उजळवीन मी,
    हीच प्रतिज्ञा करितो प्रत्येकजन्मी.

    •ॲड.कीर्तिराज शैलेंद्र आगलावे, पुणे

      July 26, 2026


  • चंद्र आला विसाव्यास

    आज तळ्याकाठी..
    गुलाबी त्या क्षणांची
    साक्ष घेऊन ओठी..

    मंद तेजस्वी चंद्र
    पाकळ्यांत भिजला..
    नितळ प्रतिबिंब
    पाहताच थिजला..

    चंद्रास मोह झाला
    पाहून ती चांदणी..
    रूप तळ्यातील
    तिचे घालते मोहिनी..

    हरवला चंद्र
    चांदणीच्या रूपात..
    लखलखली चांदणी
    लाजली नभांगणात..

      July 26, 2026


  • मनतरंग

    ओलेत्या स्वराने गाती
    ओल्याचिंब श्रावणधारा..
    मन तरंग उठती नवेच
    तनमनात बेधुंद शहारा..

    पावसाचे थेंब बरसले
    स्पर्शाने केली कुजबूज..
    मनातल्या लाटेचे ऐकले
    जणू त्यांनी मधुर गुज..

    बहरल्या धरेचा रंग
    सरीतेच्या डोही जलधारा..
    पदराची खोड काढतो
    अवेळीच उनाड वारा..

    बंधनांची वादळे किती
    आभाळ दाटले पुन्हा
    आभास तुझा म्हणूनी
    भिजण्याचा केला गुन्हा

    घन व्याकूळ होऊन
    येतील वाऱ्या सवे..
    विरहाची सांगतील व्यथा
    पुसतील माझी आसवे..

    प्रतिभा चौगले यांच्या प्रतिभास या कवितासंग्रहाच्या इ-पुस्तकातील ही कविता.
    हे इ-पुस्तक आपण खालील लिंकवर खरेदी करु शकता.

    किंमत : रु.८०/-
    सवलत किंमत : रु.५०/-

    https://marathibooks.com/books/pratibhas-by-pratibha-chougale/

      July 26, 2026


  • निशब्द स्पंदन

    हातात तुझा हात,
    निशब्द स्पंदन जागे.

    मनाच्या खोल तळाशी
    अव्यक्त लहरी हलती.

    श्वासात तुझी चाहूल,
    अंतरी सावली उजळे.

    विरहाच्या राखेतून
    नवे धगधगते बीज.

    दुःखाच्या कडा झिजती,
    आसवांत ऊन मिसळे.

    हातात तुझा हात,
    अनंत अर्थ उमटे.

    •ॲड.कीर्तिराज शैलेंद्र आगलावे, पुणे

      July 25, 2026


  • 1971 च्या युद्धात मराठा रेजिमेंटने बजावलेली जबरदस्त कामगिरी.

    1971 च्या युद्धात मराठा रेजिमेंटने बजावलेली जबरदस्त कामगिरी.

    During the 1971 war, the Marathas saw action on both fronts. In the Western theatre, eight regular battalions and three Territorial Army battalions of the Maratha Light Infantry were involved. Six regular battalions of the Regiment took part in the Eastern theatre for the liberation of Bangladesh. Some were employed in the battle areas without actual combat; others were engaged in fierce fighting, inflicting and suffering heavy casualties.

      July 25, 2026


  • पडद्यामागचे निळू फुले कसे होते? गार्गी फुलेंशी खास संवाद

    पडद्यामागचे निळू फुले कसे होते? गार्गी फुलेंशी खास संवाद

    पडद्यामागचे निळू फुले कसे होते? गार्गी फुलेंशी खास संवाद

      July 25, 2026