कविता-गझल-चारोळी-वात्रटिका

नकार देत होती माझ्या प्रेमाला,
बघून, मी आहे एक बेकार
जळत होते, जळत होते
तिच्या विणा माझे शरिर
सर्व शांत झाले आता,
फायर ब्रिगेड नोकरी मिळता

-- डॉ. भगवान नागापूरकर
९००४०७९८५०
bknagapurkar@gmail.com

तुझे नी माझे कसले नाते
अजून मला ते कळले नाही
एकदा तरी तुज पाहिल्यावीना
मजला काही करमत नाही ।
ऊजाडताच दिवस नवीन
रोज नव्याने तुला पाहतो
रम्य त्या गत आठवणीने
का पुन्हा रोमांचित होतो ।
आता तरी तू सांग मजला
काय आहे आपुले नाते
का आजही तव आठवणीने
मन माझे ग मोहीत होते ।

सुरेश काळे
मो. 9860307752
सातारा.
दि. ३ आक्टोंबर २०१८

भूतकाळाला विसरून,
वर्तमानात सुधारण्याच्या
सतत प्रयत्नात असतो डोळस
रचत स्वप्नांचे मनोरथ !

डोळसांनी बघितलेली असतात स्वप्न
त्यांच्या मनातली
त्यांनी पाहिलेली
उघडया डोळ्यांनी !

डोळसांनी जीवनात
रंगीत, काळं-बेरं, चांगलं-वाईट
बघितलेलं असतं, अनुभवलेलं असतं
पण स्वप्नातील वास्तवात नको असतं !

जन्मताच अंध असलेल्यांची
ओळखच नसते रंगांशी,
आकार, उकारांशी,
चांगल्या वाईटाची !

त्यांना कधी स्वप्न
पडत असतील का?
कसे असतील त्यांच्या
स्वप्नातील रंग, आकार, ऊकार !

काय असतील मनोरथ?
देवा त्यांचे दु:ख त्यांना ठाऊक
याच जन्मी बघ रे त्यांना
डोळस होता आलं तर !

बघूदे त्यांना तुझे चरण,
अनुभवूदेत तुझे अकारण कारुण्य,
हे विश्व, हा निसर्ग,
पुढच्या जन्मी तरी
नको रे त्यांच्या पदरी अंधार !

जगदीश पटवर्धन

१ - राजहंस

बाकावर एकटा तो
मागे गरीब बसतो
तरी राजहंस आहे
श्रेष्ठ बुद्धीत असतो

२ - शहामृग

आहे पंख भव्य दिव्य
नाही उडताच येत
देती दिलासा हे पाय
धावण्यास बळ देत

३ - गिधाड

तोंड वेंगाडती सारे
नाव ऐकताच माझे
स्वच्छ ठेवी परिसर
अरे मित्र आम्ही तुझे

-- सौ.माणिक शुरजोशी
नाशिक

स्मृतीलहरींच्या हिंडोळ्यावरी
तनमन झुलते , हरिच्या गोकुळी।।धृ।।

ब्रह्म ! मुरलीधरी हरि सावळा
मधुरम , मंजुळ घुमवी बासुरी
प्रसन्न ! गोकुळी राधाच बावरी
छुमछुम , छुमछुम छंद गोकुळी।।१।।

नादब्रह्म ! चराचरी हरेगोविंद
हरे , हरेराम , रामकृष्णगोविंद
हरिकृपाच ! तोषवीते आगळी
देवकीनंदन यशोदेच्या गोकुळी।।२।।

प्राजक्त ! डुले सत्यभामा द्वारी
सडा फुलांचा रुक्मिणी अंगणी
प्रीतीच निर्मळ , देवत्व निर्मळी
साक्ष ! अनामिकाची ही आगळी।।३।।

पुण्यप्रदी , अगम्य भूलभुलैया
द्वैत , अद्वैताचे नि:सिम मिलन
त्रिलोकी ! स्वर्गानंदाची उधळण
कृपा ! सर्वेश्वराची हीच गोकुळी।।४।।

--वि.ग.सातपुते.(भावकवी)

9766544908

रचना क्र. १४०

३० - १० - २०२१.

स्त्रीच्या भावनेचा सिटी स्कॅन केला तर
अपमानाच्या असंख्य घटनांचा
धोकादायक साकाळलेला डोह मिळाला असता,
निराशेच्या गंभीर जखमेतील
वाहती वेदना दिसली असती,
अगतिक बैचेनीची आकडेवारी
लक्ष्मण रेषा ओलांडताना दिसली असती
ताटातुटीच्या भयाने वाढलेली गती
अनेक रात्र जागलेल्या आसवांनी
बेफाण पुरात वाहाताना,
कंठात रुतलेले उत्तर दिसले असते
सकारण हारलेले वादविवाद
दयनीय अवस्थेत मिळाले असते
उपेक्षेच्या डंखाचे निशान

त्या मशीनला ऐकू आली असती
कोंडलेल्या हुंदक्यांची आर्तता
रिक्तपणाचे साचलेले मळभाचे घनदाट आकाश
अगतिक रात्रीच्या बदलेल्या असंख्य कुशी
धोक्याच्या निशानीच्या वर पोहचलेल्या,
प्रेम याचनेचा उच्च स्वर आकाशाला भिडणारा
वेदना लपवून ठेवण्याचा चिंताजनक ग्राफ

सहन केलेले टोमणे व टोचून बोलले स्वर
छिन्न भिन्न स्वप्नांचा एक मोठा पुंजका मिळाला असता
अनवरत टिकेचे खोल व्रण दिसले असते
भावना शोधणारी मशीन असती तर
सुहास्य मुद्रे मागील
वेदनेचे सत्य समोर आले असते

-- विजय प्रभाकर नगरकर

(अनुवादित कविता)

मुळ हिंदी कविता- " क्या क्या मिलता "

डॉ मधु चतुर्वेदी, स्क्रिप्ट लेेखिका , मुम्बई

दूर कुठेतरी बसलो होतो
दमून भागून
ते छोटेसे घर त्यावेळी
खरेच राजवड्यासारखे
वाटले...
मनात आले
श्वास मोकळा करण्यासाठी
असेच घर हवे
आणि अशीच
सावली..
जी सावली आपल्या
सावलीला देखील
सामावून घेते ..?

-- सतीश चाफेकर.

`आम्ही साहित्यिक’ या फेसबुकवरील लोकप्रिय ग्रुपवरील कवी योगेश उगले  यांची माजी राष्ट्रपती डॉ. अब्दुल कलाम यांच्यावरील ही कविता खास वाचकदिनाच्या निमित्ताने…

प्रेमिकांचे गीत गाऊं
आनंदात न्हाऊ //धृ//

बागेमधल्या फुलानीं
सुगंध आणिला वनीं
फुलपाखरासमान गंधशोषित जाऊ //१//
प्रेमिकांचे गीत गाऊं आनंदात न्हाऊ

कोकिळ गाते आम्रवनीं
कुहू ss कुहू ss स्वर काढूनी
नक्कल करण्या तिची उंच लकेरी घेऊं //२//
प्रेमिकांचे गीत गाऊं आनंदात न्हाऊ

श्रावणाच्या पडती सरी
अंग भिजते थोडे परि
सप्तरंगाचे इंद्रधनुष्य आकाशांत पाहूं //३//
प्रेमिकांचे गीत गाऊं आनंदात न्हाऊ

निरभ्र आहे आकाश
पौर्णिमेचा पडे प्रकाश
एक दिलानें एक सुराने नाचत ताल धरूं //४//
प्रेमिकांचे गीत गाऊं आनंदात न्हाऊ

डॉ. भगवान नागापूरकर
९००४०७९८५०

चमकत लपकत आली
कडकडाट करुनी गेली
प्रकाशमान केले जगासी
दूर केले अंधारासी
भयाण होता अंधःकार
लख्ख प्रकाश देई आधार
घेई सर्वांच्या मनाचा ठाव
भिती असूनही प्रसन्न भाव
करुनी शक्तीचे भव्य प्रदर्शन
निर्माण झाला मनी अभिमान
परि दुःखी होते तीचे मन
'क्षणिक' लाभले तिला जीवन

डॉ. भगवान नागापूरकर
९००४०७९८५०
e-mail- bknagapurkar@gmail.com