अस्सा आमचा कट्टा बाई, अस्सा आमचा कट्टा
मिळून सार्‍याजणी करतो, गप्पा थट्टा ।।
अस्सा आमचा कट्टा

कोण म्हणतो ग्रूप करावा, फक्त तरुणांनी
आम्ही देखील करू शकतो, आमचि मनमानी
भेदभाव नाही येते, छोटा आणि मोठा,
अस्सा आमचा कट्टा

रोजचा नाष्टा वेगळा, अन् रोजचा बेत वेगळा
पावभाजी शेव चिवडा, शिरा चकली वडा
लोणची, संत्री केळ्यांचाही, होता चट्टामट्टा
अस्सा आमचा कट्टा

सणवार वाढदिवस, येतात वेळोवेळी
कुणी वाटे चॉकलेट, तर कुणी देई गोळी
कधी मधी हाती येतो, प्रसादाचा पेढा
अस्सा आमचा कठडा

सांधेदुखी पाठदुखी, यांची हकालपट्टी
हृद्रोग, मधुमेह सार्‍यांची करतो आम्ही छुट्टी
साखर, तेल, तूप, डाळ, जमते आमची गट्टी
नको नको म्हणत जी ती, घेते अअपल्या वाटा
अस्सा आमवा कट्टा

पुस्तक डबे पैसे पिशवी, चाले देव घेव
अमकी म्हणे तमकीकडे माझा डबा ठेव
कुणी कुणाला घेई चिमटा, पाठीत एक धपाटा
अस्सा आमचा कट्टा

कुणी घरची राणी, तर कुणी करूण कहाणी
एकीसाठी दुसरीच्या डोळ्यामध्ये पाणी
सुखदु:खाचा चाले येथे अस्सा रोड बटवडा
अस्सा आमचा कट्टा

घटकाभर सार्‍याजणी विसरून जातो वय
नंतर येते जिला तिला आपल्या घरची सय
पत्नी, आई, सासू-आजी, लेवून एक मुखवटा
प्रत्येकीच्या होती पुन्हा, वेगवेगळ्या वाटा.

-- स्वाती ठोंबरे.

कसे आले कुणास ठाऊक नाणे माझे हाती
गर्दीमधल्या कुण्या प्रसंगी खोटा शिक्का येती
प्रयत्न सारे व्यर्थ जाऊनी कुणी घेईना त्यातें
कसा आला नशिबी निराशा मनी येते
अंध व्यक्तीचे स्टॉल बघूनी तिकीट एक घेतले
लॉटरीसाठी घातला रुपया अंधाचे हाती दिले
मनी चरकलो शब्द ऐकूनी त्या अंध व्यक्तीचे
नशीब तुमचे थोर असूनी यश येईल तिकीटाचे
केवळ त्याने स्पर्श करुनी जाणले माझे नशिब
भाग्यवान ठरवूनी सांगे मिळेल धनलाभ
खोटा शिक्का घेऊन देखील शब्द बोलला प्रेमाने
नीच मनाचा असून मी पचविले ते हसण्याने
टिपून ठेवला नंबर त्याचा एका कागदावरी
कोटाच्या खिशांत ठेवले तिकीट जपून भारी
निकाल वाचूनी नाचू लागतो आनंदाने पुरता
लाखाचे ते बक्षिस लागूनी लाखोपती बनता
धावत गेलो ऑफिसातूनी तिकीट घेण्या घरी
कोट नव्हता दिसत तेथे रोजच्या जागेवरी
इतर कपड्यामध्ये टाकला धूण्या परीटाकडे
धावत सुटलो नदीवरती शोधण्या तो तिकडे
सुकवलेल्या कपड्यातूनी कोट काढला
तुकडे बघूनी त्या तिकीटाचे मुर्च्छा आली मला
खरय़ा शिक्क्यासम चालले नशिबही वेगाने
खोटेपणाची जाण येता थांबून गेले त्वरेने

डॉ. भगवान नागापूरकर
संपर्क - ९००४०७९८५०
bknagapurkar@gmail.com

मुंबईचा भाव म्‍हणजे ….गिरगांव….. गिरगांवच्या किवा गिरगांव चांगलं माहित असलेल्या आणि पाडगावकर माहित असलेल्या सर्वांसाठी…

माझाच जन्म व्हावा
म्ह्णून माझ्या आई-बापाचं मिलन झालेलं नव्हतं...

माझ्या जन्माचं कोडं
त्यांना आणि मलाही कधी उलगडलं नव्हतं...

माझा जन्म आता
मला, माझ्या आई-बाबाला आणि जगालाही ओझं ठरलं होतं...

मला शक्य असतं तर
या जगात जन्माला येणंच मी स्वतःहून नाकारलं असतं...

किती बरं झालं असतं
या जगात जन्माला येणं न येणं हे आपल्या हातात असतं...

© कवी – निलेश बामणे ( एन.डी.)
दिनांक – 9 मार्च 2016

दिवस रात्र मम नयनी वसते
स्वप्नात येऊनी मला छळीते
सांग रमणी हे सांग मला ग
तुझे नी माझे हे कसले नाते ।
जरी न दिसशी मला कधी तू
सैरभैर मन हे होऊनि जाते
तुला पाहिल्यावर मन हे माझे
सांग का ग आनंदीत होते ।
असशी जरी दूरवर तू तेथे
मम हृदयी तुझेच रुप येथे
आहे खरोखरी किती मधूर
तुझे नी माझे हे प्रेमळ नाते ।

-- सुरेश काळे
मो. 9860307752
सातारा.
२१ आक्टोंबर २०१८

आज तळ्याकाठी..
गुलाबी त्या क्षणांची
साक्ष घेऊन ओठी..

मंद तेजस्वी चंद्र
पाकळ्यांत भिजला..
नितळ प्रतिबिंब
पाहताच थिजला..

चंद्रास मोह झाला
पाहून ती चांदणी..
रूप तळ्यातील
तिचे घालते मोहिनी..

हरवला चंद्र
चांदणीच्या रूपात..
लखलखली चांदणी
लाजली नभांगणात..

मातीचा पुतळा एक
फोडला कुण्या वेड्यानी
जीवंत पुतळे अनेक
जाळून टाकले शहाण्यानी ।।

डॉ. भगवान नागापूरकर
९००४०७९८५०
e-mail- bknagapurkar@gmail.com

-- डॉ. भगवान नागापूरकर

मुखवटेच सारे रंगबिरंगी
खेळ, लीलया भावनांचा
भेटतात मुखवटे पांघणारे
हा अनुभव या जीवनाचा।

अनभिज्ञ, सारीच मनांतरे
नात्यातही भाव संभ्रमाचा
निकोप, निर्मलता संपली
स्वार्थी, हव्यास जीवनाचा।

भेटो, निरपेक्ष सत्य मुखवटे
दरवळावा गंध प्रीतभावनांचा
हीच सुखदा सदानंदी चिरंतन
रुजावा, बीजांकुर मानवतेचा।

-- वि.ग.सातपुते. (भावकवी)

9766544908

दिनांक :- १२ - ४ - २०२२

जीवन होते कृष्णाचे आगळे विविधतेनें भरलेले सगळे,
गूढ, घनदाट जंगलापरी सारे पैलू साकार करी ।।१।।

जंगलामध्यें झाडे वाढती छोटी छोटी झुडुपे उगवती,
पसरे सर्वत्र वेलींच्या जाळी जल सांचूनी बनली तळी ।।२।।

गोड, आंबट, तुरट फळे सुंगधी तशीच उग्र फुले,
राघू, मैना, ससे, हरणे तसेंच हिंस्र पशूंचे फिरणे ।।३।।

जंगल दिसते भरलेले पूर्ण बरे वाईट यांचे चूर्ण,
कृष्णाचे जीवन तसेंच नटलेले चोर ते संतापर्यत गेलेले ।।४।।

चोरी केली, खोड्या केल्या नटखट बनूनी घागरी फोडल्या,
प्रेमिकांचे जाळे भोंवती नाच नाचला तालावरती ।।५।।

मुरली वाजवूनी गुंगवी मधूर गीताने डोलवी,
राजकारणी म्हणून जगला युक्तीने नमवी शत्रूला ।।६।।

युद्धभूमिच्या प्रसंगी अर्जूनास तो गीता सांगी,
सोळा कलांचे रूप मिळाले पूर्ण अवतारी जीवन जगले ।।७।।

डॉ. भगवान नागापूरकर
९००४०७९८५०
bknagapurkar@gmail.com