कविता-गझल-चारोळी-वात्रटिका
-
काव्य कलश
ही दया कुणाची झाली, सापडे शब्दांचा झरा ।
उपसतो जरी सतत, होत नसे निचरा ।।
गोड पाणी शब्दांचे, ओठी अमृत वाटे ।
पेला भरता काठोकाठ, काव्य हृदयी उमटे ।।
पेला पेला जमवूनी, कलश भरून आला ।
नाहून जाता त्यात, देह भान विसरला ।।
सांडता पाणी वाहे, परसते चोहीकडे ।
आस्वाद घेई जो जो, विसर जगाचा पडे ।।
डॉ. भगवान नागापूरकर
९००४०७९८५०
December 30, 2019
-
पाऊस
दुष्काळानंतरचा पाऊस गारवा देणारा असतो,
प्रेयसीने प्रियकराच्या जखमेवर प्रेमाने फुंकर घालावी तसा...
तापलेली जमिन पावसाने थंड झाल्यावर आनंदाने हिरवा शालू नेसते,
साखरपुड्यात नववधू नेसते तसा...
सृष्टीचे हे बदलेले रूप शेतकरी डोळेभरून पाहातो,
प्रियकर आपल्या प्रेयसीचे अप्रतीम सौंदर्य चोरून पाहातो तसा...
शेतकर्याच्या स्वप्नांना पावसात नवीन पालवी फुटून तो आनंदी होतो,
प्रेयसीशीच लग्न ठरल्यावर प्रियकर होतो तसा...
कवी – निलेश बामणे
202, ओमकार टॉवर, बी – विंग, गणेश मंदिरा जवळ, श्रीकृष्ण नगर, संतोष नगर, जन.ए.के.वैद्य मार्ग, गोरेगांव ( पूर्व ), मुंबई – 400 065.
मो. 8652065375 / 8692923310
Email- nileshbamne@yahoo.com
nileshbamne10@gmail.com
June 30, 2016
-
मी तेथेच असेन !
जेव्हा तू आनंदाच्या क्षितिजी होतीस ,
तेव्हाही मी तेथच होतोआज तू दुःखाच्या सागरी आहेस ,
तेव्हाही मी तेथेच आहे !तू कितीही दुर्लक्षीलेस , टाळलेस तरी ,
मी तेथेच आहे !तुझ्याच मनाच्या एका कोपऱ्यात ,
तू मान्य कर कि नको ,
पण हे तुलाही माहित आहे !तमा नाही केली कधी ,तुझ्या नकारा ,होकाराची ,
मी केले फक्त प्रेम तुजवरी ,
हे तुलाही माहित आहे !जगात असेन ,नसेन ,
पण त्या 'कोपऱ्यात ' नक्की असेन ,
हे मला आणि तुलाही माहित आहे !-- सु र कुलकर्णी
June 11, 2018
-
मयुरा तूं आहेस गुरु
मयुरा तूं आहेस गुरु, तुला आम्हीं वंदन करु ।।धृ।।
नदी कांठच्या वनीं,
थुई थुई नाचूनी,
पिसारा फुलवुनी,
तुझे पाहूनी नृत्य, ताल धरु
मयुरा तूं आहेस गुरु तुला आम्हीं वंदन करु ।।१।।मोरपिसे सुंदर,
रंग बहारदार,
दिसे चमकदार,
बघुनी रंगाची विविधता, कुंचल्यांनी सप्तरंगी छटा भरुं,
मयुरा तूं आहेस गुरु तुला आम्हीं वंदन करु ।।२।।रुप डौलदार,
चाल ऐटदार,
भासे रुबाबदार,
बघुनी तुझा आनंद, सुखी जीवनाची कला अंगीकारुं,
मयुरा तूं आहेस गुरु तुला आम्हीं वंदन करु ।।३।।डॉ. भगवान नागापूरकर
संपर्क - ९००४०७९८५०
bknagapurkar@gmail.com December 25, 2015
-
जागतिक कामगार दिवस
भारतातील पहिला कामगार दिन तत्कालीन मद्रास शहरात १ मे १९२३ रोजी पाळण्यात आला. ‘लेबर किसान पार्टी हिंदुस्थान’ या संघटनेने हा दिवस पाळला होता. कामगार नेते सिंगरवेलू चेत्तीअर यांनी कामगार दिन कार्यक्रमाच्या आयोजनात पुढाकार घेतला होता. मद्रास उच्च न्यायालयासमोरील जागेत हा दिवस साजरा झाला होता.
May 1, 2022
-
होकार तिने देताना मानेस वळविले झटकन्
प्रदीप निफाडकरांची गझल
April 19, 2010
-
बाळाची निद्रा
चिंव चिंव करुं नकोस चिमणे, बाळ माझे झोपले
काय हवे तुज सांग मला ग, देईन मी सगळेकपाट सारे उघडून ठेवले, समोर ओट्यावरी
मेवा समजून लुटून न्यावे, डाळ दाणे पोटभरीघरटी बांध तूं माळ्यावरती, काडी गवत आणूनी
कचरा म्हणूनी काढणार नाही, ही घे माझी वाणीनाचून बागडून खेळ येथे, निर्भय आनंदानें
परि शांत न बसलीस तूं तर, जागेल बाळ तान्हेंचिंव चिंव करणे गीत आहे कां ? अंगाई तुमची
गावूनी आपल्या पिल्ला करीतां रमवी मने त्यांचीअसे असेल तर चालू ठेव तूं चिंव चिंव ते गाणें
शाहणा माझा बाळ तो ठावे त्याला सोसणेडॉ. भगवान नागापूरकर
९००४०७९८५०
bknagapurkar@gmail.com May 20, 2017
-
स्वप्न मजला आवडते
ये ! प्रियकरा स्वप्नात माझ्या,
स्वप्न मजला आवडते भावते
कल्पनेचे राज्य जरी,
आनंददायी वाटते....II धृ II
तव प्रतिमा मनी बसवली,
आठवण सदैव येऊ लागली ।
जागेपणी मिळे न मजला,
स्वप्नी सारे तेच अनुभवते.......१
स्वप्न मजला आवडते ,
पूर्णत्वाचे सुख आगळे,
जीवन प्रवाही येती अडथळे ।
हवे हवेसे मनी ठरवी ते,
केवळ स्वप्नची मिळवूनी देते....२
स्वप्न मजला आवडते ,
कल्पना, भाव- तरंगे उठूनी,
रात्री गेल्या कित्येक रंगूनी ।
क्षणीक असूनी भ्रामक जरी,
स्वप्न दिलासी देवून जाते....३
स्वप्न मजला आवडते,
विश्वपसारा मायेचा हा,
जीवन गुंता दिसतो पहा ।
किरण आशेचे त्यात चमकूनी,
स्वप्न हे वरदान ठरते....४
स्वप्न मजला आवडते
डॉ. भगवान नागापूरकर
९००४०७९८५०
bknagapurkar@gmail.com
July 3, 2016
-
श्री कृष्ण जन्मी सेवेसाठी स्पर्धा
चालली स्पर्धा साऱ्यांची, प्रभूची सेवा करण्याची....।।धृ।।
निशाराणी संचारी
निद्रीत जाई पहारेकरी
खट्याळ वारे धावूनी
दारे दिली उघडूनी
विज चमकूनी आकाशी मदत होई वसुदेवाची....१
चालली स्पर्धा साऱ्यांची प्रभूची सेवा करण्याची
पावसाच्या पडती सरी
पक्षी नाचती तालावरी
कोकीळेचे सुरेल गान
आनंदाने वातावरण
नागराजा फना काढूनी काळजी घेई नव बाळाची....२
चालली स्पर्धा साऱ्यांची प्रभूची सेवा करण्याची
स्पर्श होता पायाचे
पाणी दुभंगले यमुनेचे
वाट त्याची करूनी
काढूनी साऱ्या अडचणी
नंदाघरची कन्या माया दाखवी रूपे चमत्काराची...३
चालली स्पर्धा साऱ्यांची प्रभूची सेवा करण्याची
-- डॉ. भगवान नागापूरकर
9004079850
bknagapurkar@gmail.com
April 5, 2016
-
काजळी धरल्या वाती
तेवत होती ज्योत दिव्याची, प्रकाश देवूनी सर्व जनां
आनंदी करण्या आनंद वाटे, तगमग दिसे तिच्या मना,
शांत जळते केंव्हां तरी, भडकून उठते कधी कधी
फडफड करित मंदावते, इच्छा दाखवी घेण्या समाधी
जगदंबेच्या प्रतिमेवरती, प्रकाश टाकूनी हास्य टिपते
हास्य बघूनी त्या देवीचे, चरण स्पर्शण्या झेपावते
अजाणपणाच्या खेळामधली, स्वप्न तरंगे दिसूनी येती
दिव्यामधले तेल संपता, काजळी धरल्या दिसे वाती
-- डॉ. भगवान नागापूरकर
९००४०७९८५०
December 10, 2020
डॉ. भगवान नागापूरकरCopyright © 2025 | Marathisrushti