https://youtu.be/akw4ciQSbtg

ज्ञानदेव :
चला रे जाऊं पंढरिला
तिथें कधीचा अपुल्याकरितां श्रीहरि खोळंबला ।।

ज्ञाना ज़रि हठयोगी आहे
परी हृदय श्रीहरीस पाहे
योगेश्वर आनंदसिंधु तो, हें ठावें मज़ला ।।

कुणी तया म्हणती श्रीरंग
कुणि विठ्ठल, कुणि पांडूरंग
स्वयम् द्वारकानाथ आपुल्या पंढरीस आला ।।

मुगुट विराजे तोच शिरावर
मंद-हास्यही तेंच मुखावर
तीच रुळे वक्षावर मोहक वैजयंतिमाला ।।

पुंडलिकाचें निमित्त करुनी
उभा कटीवर हात ठेवुनी
निजभक्तांची वाट पाहतो हरी विटेवरला ।।

दिवस उगवला हा सोन्याचा
हरी कलियुगीं विठू आमचा
नकोच क्षणभरही विलंब त्याला भेटायाला ।।
- - -
(माझ्या, ‘ज्ञानियांचा राजा’ या आगामी गीतसंग्रहामधून)
-
- सुभाष स. नाईक. Subhash S. Naik
सांताक्रुझ (प), मुंबई. Santacruz(W), Mumbai.
Ph-Res-(91)-(22)-26105365. M – (91)-9869002126
eMail : vistainfin@yahoo.co.in
Website : www.subhashsnaik.com / www.snehalatanaik.com

हे घनश्यामा श्रीकृष्णा

कोणती जादू तुझ्यां हातीं सांग रे मनमोहना ।।धृ।।

बोटे फिरवूनी मुरलीवरी

सप्तसुरांची वर्षा करी

सर्वा नाचवी तालावरी

रंगून जाती हे श्रीहरी

बोटांमधली किमया तुझी, नाहीं कळली कुणा ।।१।।

कोणती जादू तुझ्यां हातीं सांग रे मनमोहना

बोटांत बोटे गुंतवी

राधेला तूं नाचवी

गोपींना तूं गुंगवी

गोपांना तू खेळवी

कशी लागते ओढ तुझी, कळले नाही सर्वाना ।।२।।

कोणती जादू तुझ्यां हातीं सांग रे मनमोहना

पर्वत उचलूनी बोटावरी

वष्टी पासूनी रक्षण करी

नाचूं लागूनी गोकूळपुरी

तुझ्या भोवती ताल धरी

वाहूनी नयनांतील झरे, व्यक्त होई प्रेम भावना ।।३।।

कोणती जादू तुझ्यां हातीं सांग रे मनमोहना

प्रसंग पडतां रणीं

सुदर्शन फिरे बोटातूनी

रक्षण करण्या सज्जनीं

आलास तूं धावूनी

शब्द भावना अपुरी पडतां, वाट फुटे अश्रुना ।।४।।

कोणती जादू तुझ्यां हातीं सांग रे मनमोहना

डॉ. भगवान नागापूरकर

९००४०७९८५०

विसरू नकोस मजला माझ्या भाऊराया
नाते अतूट असते घे, हे समजुनिया

हितगुज तुझिया मनीचे
मी सारे ओळखून आहे
छान मधाळ बोलतेस तूं
मी सारे ओळखून आहे।।

मी कां? धरु मौन आता
बावरल्या,काळजात या
तुझी अव्यक्त भावप्रिती
मी आज ओळखून आहे।।

प्रियतमे! नकोस गं लाजु
प्रीतीच! सार्थक जन्मांचे
एक अलौकीक सुखानंद
त्या दयाघनाचे दान आहे।।

-- विगसातपुते (विगसा)

9766544908

रचना क्र २२.

अभिमान अम्हा देशाचा
विश्वास असे ज्ञानाचा,
तो क्षणही दूरवर नाही
नव उदय महासत्तेचा

आव्हान संकटे आली
ना मानली कधिही हार,
त्वेषात पेटुनी लढलो
उघडले कीर्तीचे दार

संघर्ष जरीही केला
पण हात पसरले नाही,
अडखळलो पडलो उठलो
परि इमान विकले नाही

बुद्धीच्या जोरावरती
श्रम जिद्द आणि शांतीने,
उत्तुंग भरारी घेता
यश आले आनंदाने

त्यागाची लावुनी ज्योत
आत्मनिर्भर भारत बनवू,
करोनि स्वदेशी जागर
हा महान भारत घडवू

ही हिंद संस्कृती मोठी
संदेश विश्वशांतीचा,
अन् फडकत अविरत ठेवू
तिरंगा स्वाभिमानाचा

- विजय जोशी

आकाशीं सुर्य तळपला तेजस्वी त्याची किरणें

तप्त करुनी जमिनीला वाळून टाकी जीवने ।।

नभीं मेघ आच्छादतां रोकती रविकिरणे

तुफान पर्जन्य पडतां महापूर त्याचा बने ।।

सुटतां भयंकर वारा निघून जाती ढग

प्रचंड वादळाचा मारा पर्जन्य कसे होईल मग ।।

वादळास अडविती पर्वत वलय त्याचे रोकूनी

सारे करिती मदत आनंदी करण्या धरणी ।।

एकाची शक्ती बनते दुसऱ्यास पुरक

निसर्गचक्र शोधते संतुलन त्यांत एक ।।

डॉ. भगवान नागापूरकर

९००४०७९८५०

e-mail- bknagapurkar@gmail.com

तव बकुळफुलांच्या सुगंधात
अजुनही मी विरघळतो आहे..

कां? या प्रश्नाला उत्तर नाही
भाग्यच भाळीचे भोगतो आहे..

तव लडिवाळ स्मरण गंधाळ
चराचरातुनी दरवळतो आहे..

काय, काय, कसे विसरावे
याच संभ्रमी मी जगतो आहे..

घुसमट विरही असह्य जीवा
मनआभाळही गहिवरले आहे..

तव बकुळफुलांच्या सुगंधात
अजुनही मी विरघळतो आहे..

-- वि.ग.सातपुते (भावकवी)

9766544908

रचना क्र. २८१

२/११/२०२२

निसर्ग नियमें दया प्रभूची, सदैव बरसत असते ।
दयेचा तो सागर असता, कमतरता ही पडत नसते ।।

अज्ञानी ठरतो आम्हींच सारे, झेलून घेण्या तीच दया ।
लक्ष्य आमचे विचलित होते, बघून भोवती फसवी माया ।।

उपडे धरता पात्र अंगणीं, कसे जमवाल वर्षा जल ।
प्रयत्न सारे व्यर्थ जाऊनी, निघून जाईल वेळ ।।

भरेल भांडे काठोकाठ , केवळ धरता योग्य दिशेने ।
टिपून घ्या तुम्ही दया प्रभूची, अशीच केवळ शुद्ध मनानें ।।

डॉ. भगवान नागापूरकर
९००४०७९८५०
bknagapurkar@gmail.com