थांबव गंगा यमुना मुली आपल्या नयनातल्या

हंसण्यात जन्म घातला मग ह्या कोठूनी आल्या ? //

हांसत गेले जीवन तुझे फूलपाखरा परी

तसेच जाईल भविष्यातें आशिर्वाद देतो शिरीं //

समजतील दुःखी तुजला नसता तो तुझा स्वभाव

हासून खेळून आनंदाने फूलवित रहा भाव //

जाणून घे स्वभाव सर्वांचे रमुन जा संसारी

चाली रितीचे पालन करावे तुझ्याच नव्या घरी //

आई बाबा दुरावले बाळगु नकोस खंत

पाहशील आम्हाला सासू सासऱ्याच्या रुपांत //

डॉ. भगवान नागापूरकर

९००४०७९८५०

bknagapurkar@gmail.com

एक ती झोप स्वप्न बघत राही
शिणवून शरीर ताप जीवास सुख देई

स्वप्न जाई विसरुन जाग येता मनां
जागे मन स्वप्नांत भासवी वेगळेपणा

एकाच मनाच्या दिसे ह्या दोन भुमिका
भिन्नता त्यांत भासे जाऊन दोन टोकां

स्वप्न आणि जागेपण देहाच्या दोन स्थिती
नाण्याच्या बाजू दोन एकमेका न मिळती

डॉ. भगवान नागापूरकर
२४- १११२८३

समजण आणि असणं
याच्यात तिनशे साठ
अंशाचा कोन होतो

त्यांच्या समीकरणातून
माणूस शून्यात जाऊन पोहचतो ||

कर्तबगारीच्या जमेतून
प्रौ़ढीची वजाबाकी करतो
त्यावेळी माणूस परत
शून्याकडेच वळतो ||

सत्कर्माच्या गुणाकराला
अनितीने भागतो त्यावेळी
माणूस परत शून्याकडे वळतो ||

हरिस्मरणाचे बीजगणीत
श्रध्देने सोडवत जातो त्यावेळीही
माणूस शून्याकडे जाऊन पोहचतो ||

-- चंदाराणी कोंडाळकर

शंभर वर्षे जगा तूम्हीं, काका आमच्यासाठीं

बाबांच्या रुपांत रहा, तुम्ही सर्वांच्या पाठीं १

भाऊ तुम्हीं त्यांचे असूनी, रुप लाभले बाबांचे

तुम्हास बघतां दिवस आठवती, त्यांच्या सहवासाचे २

उशीर झाला होता, जेंव्हा जीवन उमगले

कुणा दाखवूं वाट यशाची, बांबानी तर डोळे मिटले ३

आंबा गेला मोहरुनी, लाविली होती त्यांनी झाडे

दुर्दैवाने आमच्या, बघण्यास नाही ते फळाकडे ४

मध्येच सोडूनी गेले, नाटक चालू असतां

रंगवूनी बाबांची भूमिका पूर्ण करां ते आतां ५

चालू ठेवा मार्गदर्शने, तुम्हीं आपल्या घराण्याची

जोपासण्या शिकवा तुम्ही, जीवनाविषयीं तत्वें त्यांची ६

डॉ. भगवान नागापूरकर

९००४०७९८५०

होता एक गरीब बिचारा ।

किडूक मिडूक ते जगण्या चारा ।।

कौलारु जुनी पडवी निवारा ।

जन्म दरिद्री दिसे पसारा ।।

परिस्थितीनें गेला गंजूनी ।

आर्थिक विवंचना पाठी लागूनी ।।

शरीर जर्जर झाले रोगांनी ।

जगण्याची आशा उरे न मनीं ।।

अवचित घटना एके दिनीं ।

धन सापडे जमिनीतूनी ।।

मोहरांचा तो होता रांजण ।

गेले सारे दारिद्य निघूनी ।।

जन्मभर ते त्याने भोगले ।

घरांत लक्ष्मी, परी सोसले ।।

अज्ञानातची हे घडले ।

असून पाण्यांत तरी तहानेले ।।

शोधा ईश्वरी गुप्त धनाचा सांठा ।

लपला आहे अंतर्यामीं मोठा ।।

नसेल तेथे आनंदा तोटा ।

मिळतील सदैव यश वाटा ।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

येता पहाट चैतन्याची
जीव अलवार जागतो
प्रसवता किरण रविचे
आत्मा, ब्रह्मांडी रमतो...

स्पर्श जाणिवांचा नित्य
मनभावनांशी खेळतो
इच्छा प्रत्येकाची वेगळी
जो तो स्वसुखा शोधतो...

कालचक्र हे पूर्वकर्माचे
जीव नित्य इथे भोगतो
क्षण सारेच अनोळखी
ओंजळीत झेलित राहतो...

जीवाजीवा उद्याची चिंता
हा बेभरोसा असह्य होतो
नियती चक्र सांजाळणारे
अंतरी अंधार दाटुनी येतो...

–वि.ग.सातपुते. (भावकवी)

9766544908

रचना क्र.२१०

२०/८/२०२२

धावपळीचे जीवन सारे,
मिळे न कुणा थोडी उसंत
विश्रांतीच्या मागे जाता,
दिसून येतो त्यातील अंत ।।१।।

चैतन्यमयी जीवन असूनी,
चक्रापरी ते गतीत राही
चक्र थांबता क्षणभर देखील,
मृत्यूची ते चाहूल पाही ।।२।।

थांबत नसते कधीही जीवन,
अंत ना होई केंव्हां त्याचा
निद्रा असो वा चीर निद्रा,
विश्रांती ही भास मनीचा ।।३।।

थकून जाई शरिर जेंव्हां,
प्रयत्न करि ते विश्रांतीचा
चैत्यन्य आत्मा देह सोडूनी,
घेई आसरा पुन्हा दुजाचा ।।४।।

आत्मा देखील थकून जाता,
परमात्म्याशी विलीन इच्छितो
चैतन्यातूनी विश्रांतीचा
‘मुक्ती’ मार्ग अखेरचा तो ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

-- स्वाती ठोंबरे.

श्री विठ्ठल अवतार श्री विठ्ठलाचे चरणीं विनम्र होऊनी दर्शन घेई मागुनी मी तुझा भक्त १ पुंडलीकास देई दर्शन नसूनी भक्ती तव चरण सेवा माता-पित्यांची करुनी तुजसी पावन केले २ सेवा आई-वडीलांची करीसी परी प्रभू पावन झालासी ही भक्तिची रित कैसी समज न येई कुणा ३ तपाचे मार्ग वेगवेगळे सर्व प्रभू चरणी मिळे हे कुणास न कळे प्रभूविना ४ असोत ती गुरुसेवा माता पिता वा मानव सेवा कुणी करी प्राणी सेवा अर्पण होई प्रभूते ५