कशांत दडले समाधान ते,
शोधत असतो सदैव आम्ही,
धडपड सारी व्यर्थ होऊनी,
प्रयत्न ठरती कुचकामी ।।१।।

बाह्य जगातील वस्तू पासूनी,
देह मिळवितो सदैव सुख,
क्षणीकतेच्या गुणधर्माने,
निराशपणाचे राहते दुःख ।।२।।

'समाधान' ही वृत्ती असूनी,
सुख दुःखातही दिसून येती,
चित्त तुमचे जागृत असतां,
समाधान ते सदैव मिळते ।।३।।

सावधतेने प्रसंग टिपता,
समाधान ते येईल हाती,
सुख दुःखाला दूर सारता,
अंतरभागी समाधान दिसती ।।४।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

मिळता मजला बाह्य एकांत, छळते गर्दी विचारांची

मन गुंतविण्या कुणी नसता, चलबिचल होते भावनांची...१,

शब्द वर्णांचा घेवून आधार, भावना काढी मार्ग आपला

आविष्कार घडविण्यासाठी, विचार करितो मदत तिला...२,

शब्दांना नटवी थटवी, ध्वनी लहरी नि सूर गेयता

अलंकार मिळता अंगी, रचली जाते एक कविता...३

डॉ. भगवान नागापूरकर

९००४०७९८५०

तिक्ष्ण दृष्टी दे घारीसम देवा तिजला

दूरवर बघत राहीन ती लेकीला

लेक चालली निरोप घेवूनी सासरी

भरल्या नयनी माय उभी शांत दारी

जड पावले पडता दिसती लेकीची

ओढ लागली त्याच पावलांना मायेची

उंचावूनी हात हालवीत चाले लेक

जलपडद्यामुळे दिसे तीच अंधूक

वाटेवरूनी जाता जाता दृष्टीआड झाली

अश्रूपूसून पदराने माय घरात आली

दूर गेले पाखरू ते आकाशी उडून

स्वैर जगण्या आपल्याच परि पंख फूटून

-- डॉ. भगवान नागापूरकर

९००४०७९८५०

भटकत जातो वाटसरू ,

जंगलामधील अज्ञात स्थळी,

आंस लागते जाण्याकरिता,

दूरवरच्या दिव्या जवळी ।।१।।

मार्ग जाण्याचे अज्ञात असूनी,

निराशेने वेळ दवडितो,

ध्येय दिसत असून देखील,

मार्गामुळे अडून पडतो ।।२।।

अज्ञानाच्या अंधारात ,

शोधत असतो असेच त्याला

मार्गदर्शन सद्‌गुरुचे,

न लाभता ध्येय मिळे कुणाला ।।३।।

वाट दाखवी सद्‌गुरु ,

प्रभूचरणी जाण्याचा,

दुवा साधतो आमच्यामध्ये,

त्यात एकरूप होण्याचा ।।४।।

डॉ. भगवान नागापूरकर

९००४०७९८५०

bknagapurkar@gmail.com

समर्थ नाहीं कुणी,जाणून घेण्या प्रभूला
थोटके पडतो सारे,घेण्यास त्याच्या दयेला

बरसत असे दया,प्रचंड त्या वेगाने
दुर्दैवी असूनी आम्हीं,झेलतो फाटक्या झोळीने

असीम होते कृपा,पात्र नसूनी कुणी
तो बरसत राही सतत,परि आहे सारे अज्ञानी

दयेच्या तो प्रवाह,वाहात राही नदीसारखा
डूबती कांहीं त्यांत,परि न दिसे अनेकां

नशीब लागते थोर,पेलण्यास दया ती
जलांत असूनी कांहीं,तहानलेली राहून जाती

शिवून तुमची झोळी,प्रथम पात्र व्हा सारे
सदैव उघडी आहेत,कृपेची त्याची द्वारे

डॉ. भगवान नागापूरकर
९००४०७९८५०
bknagapurkar@gmail.com

जगमोगन रेड्डी नी “घराणेशाही” साठी “भुकंप” घडवला ?

सारे दुर्गुण अंगी असूनी, गुंड होता तो
इतर जनांना त्रास देत, तुच्छ लेखितो
शक्ति सामर्थ्य त्यांत असतां, फार मातला
आया बहिणीना अपमानुनी, त्रासू लागला
बळजबरीनें पैसे घेई, स्वार्था करिता
हतबल होऊनी देऊ लागली, निराश होता
केवळ त्याच्या अस्तित्वाने, सारे घाबरती
पिसाट संबोधूनी तयाला, दुर्लक्ष करिती
एके दिवशीं अवचित ती, दुर्घटना झाली
उंचावरनी त्याची स्कूटर, खाली कोसळली
त्याच्या देहा भोवती जमले, सारे गांवकरी
आज शब्द जे बाहेर पडती, स्तुती त्याची करी
निच वृत्तीची पकड होती, त्याच्या देहाला
देहाबरोबर दुष्टपणा तो, नाश पावला
सुटका झाली आत्म्याची, त्याच्या हीन देहातूनी
स्तुति सुमनें उधळली गेली, हेच जाणोनी
जेव्हां कुणाचा मृत्यु होई, गुण गातो त्याचे
रुप ईश्वरी उरते जातां, वेष्टन देहाचे

डॉ. भगवान नागापूरकर
संपर्क - ९००४०७९८५०
bknagapurkar@gmail.com

भेट अशी की ती
जणू भेट झालीच नाही;
तू आलीस खरी पण
तू भासलीच नाही...!

होतीस समोर जरी तू
मनात तुझ्या वादळ वेगळे;
सोबत होतो आपण पण
मिलाप भासलाच नाही...!

जबाबदाऱ्यांचं ओझं म्हणू
की दुनियादारी च दडपण;
एकत्र होतो आपण पण
विरघळनं भासलच नाही...!

द्विधा मनस्थिती म्हणू की
घालमेल मनाची तुझ्या;
हात हातात तरी पण
साथ भासलीच नाही...!

नसेल तुला खात्री तरीही
सदैव तुझाच मी;
नसता कधी सोबत तरी पण
वेगळे असे भासलोच नाही....!

पण आज.....
तू आलीस खरी पण
तू भासलीच नाही...!

विशाल झावरे पाटिल
०९/१०/२०२३

आम्ही साहित्यिक फेसबुक ग्रुपचे लेखक

वेळ येता उकल होते,
साऱ्या प्रश्नांची ।
जाणून घ्या तुम्ही,
रीत निसर्गाची...१,

जेंव्हां यश ना मिळते,
एखाद्या प्रश्नी ।।
वेळ नसे योग्य आली,
हेच घ्यावे जाणूनी...२,

प्रयत्न सारे चालूं ठेवतां,
यश ना मिळे ।
कांहीं काळासाठी थांबवा,
प्रयत्न सगळे...३,

काळ लोटतां प्रयत्न होती,
पुनरपि सारे ।
उकल होऊन गुंत्यांची,
आख्खे निघती दोरे...४,

कुणी म्हणती ग्रह अनूकुल,
ह्या घटनेला ।
हीच तर वेळेची किमया,
कशी कळे कुणाला....५

डॉ. भगवान नागापूरकर
संपर्क - ९००४०७९८५०
bknagapurkar@gmail.com