कविता-गझल-चारोळी-वात्रटिका
-
देह मंदीर
शरीर एक साधन, साध्य करण्या प्रभूला
ठेवूनी ती आठवण, चांगले ठेवा देहाला...१
व्यायाम व आहार, असतां नियमित
सुदृढ ते शरीर, असते मग बनत...२
सुदृढ असता देह, करावे मनाला शांत
टाळत असतां मोह, न येई तो भावनेत...३
षडरिपू हे विकार, काढा विवेकांनी
निर्मळ ठेवा शरीर, पवित्रता राखूनी...४
देह आहे मंदीर, गाभारा तो मन
आत्मा तो ईश्वर, आनंद देई आंतून...५
डॉ. भगवान नागापूरकर
९००४०७९८५०
December 15, 2020
-
स्वागत नववर्षाचे
“सुमनांजली” या काव्यसंग्रहातून…
June 21, 2012
-
बाप विठूराया
आषाढी कार्तिकी
जसा पाहतसे वाट
तसा माझा बाप
गावी उभा राऊळी
डोळ्यात जशी विठूच्या
प्रतीक्षा लेकरांची
म्हाताऱ्या बापाचीही
अवस्था तीच
त्याला तरी आहे
विटेची सोबत
थकलेला माझा बाप
उरे एकाकी
आणावे वाटते
शहरात त्याला
पण नाही हवा
म्हणे मानवत
उमगते मला
तगमग त्याची
पण भ्रांत पोटाची
करी हतबल
गावच्या मातीशी
त्याची नाळ जुळलेली
अन् शहराच्या बेड्या
माझ्या पायी बांधलेल्या
समजून घेतो बाप
अडचणी साऱ्या
दडवून दुःख
ठेवी अंतरात
भक्ताच्या मनीचे विठू
जाणतसे गुज
तसे माझे मन जाणे
बाप विठूराया
- महेन्द्र कोंडे
(व्यास क्रिएशन्स च्या ज्येष्ठविश्व / ज्येष्ठत्व साजरा करणारा दिवाळी २०२२ ह्या विशेषांक मधून प्रकाशित)
April 5, 2023
-
ऋणमुक्त
मनी घोंगावते मोहोळ स्मृतींचे
जेंव्हापासूनी मज कळु लागले
मनहृदयी! ती सारीच ऋतुचक्रे
आज सारे सारे, आठवू लागले।।वात्सल्य,प्रीत,मैत्र, सखेसोयरे
पुन्हा, या जीवा खुणावू लागले
क्षण सारे सारे, हृदयी कोरलेले
गुज अंतरी, आजला उकललेले।।सुख, दुःख, आंनद, जिव्हाळा
भोग सारेच, जे प्राक्तनी लाभले
बंद पापण्यातुनी, सारे तरळलेले
अव्यक्त मनीचे, आज सांडलेले।।रुजले, फुलले, गंधाळले जीवन
असाध्य, ते सारे दैवयोगे लाभले
खेळलो, बागडलो, मोठे झालो
वाटते, व्हावे ऋणातूनी मोकळे।।-- वि ग सातपुते(भावकवी)
9766544909
रचना क्र ४२.
१० - २ - २०२२
February 26, 2022
-
आठवावे मृत्यूसी
निसर्गाची रचना, जन्म मृत्यृची योजना,
गती देई जीवन चक्रांना, ईश्वरी शक्ती १उत्पत्ती लय स्थिती, या त्रिगुणात्मिक शक्ती
याच तत्वे निसर्ग चालती, अविरत २ईश्वरी योजना महान, खेळ जीवनाचा चालवून
घडवी शक्तीचे दर्शन, निसर्ग रूपाने ३वस्तूचे निरनिराळे आकार, चेतना देवूनी करी साकार
यास जीवन संबोधणार, आपण सारे ४मातीची भांडी असती, विभिन्न रूपे मिळती
वापरून तीच ती माती, आकार देई पुन्हा पुन्हा ५दिसेल भांडी फुटलेली, अथवा नवी बनलेली
हीच हात चलाखी, सगळी त्याच्या खेळण्याची ६मृत्यू टळला न कुणा, हे अंतर्मनी जाणा
यशस्वी करा जीवना, मर्म ओळखूनी त्याचे ७राहीला नाही राम, उरला नाही शाम
मागे राही फक्त कर्म, तुमच्या जीवनातील ८जाणता मृत्यूची अटळता, घालवी ती मनाची चंचलता
आणील आयुष्या निश्चिंतता, समजोनी जीवन क्षणभंगूर ९ठेवा मनामध्ये बिंबवून, अनिश्चित आहे जीवन
मर्यादा धडपडीना देवून, आयुष्य मार्ग आक्रमाल १०नागडा उघडा येई येथे, तसाच जाई परत तेथे
कांहीं न तयाला नेता येते, सोडताना हे जग ११आत्म्यासंगे जाई कर्म, जगती राही देह धर्म
निसर्ग चक्राचे हे मर्म, ओळखावे सर्वांनी १२धडपड तुमची धनापाठी, कुणी झगडे सत्तेसाठी
आकर्षण सारे मायेपोटी, बाह्य गोष्टीचे १३संसार हा नाशवंत, सर्वासी आहे अंत
म्हणूनी जाणावा भगवंत, अविनाशी शक्तीस १४निद्रेस जाण्यापूर्वी, मृत्यूची आठवण करावी
मात्र त्याची भिती नसावी, मनामध्ये १५मृत्यूची करिता आठवण, चुकांना पडेल बंधन
बंधनात होईल महान, कार्य तुमचे कडूनी १६जाणोनी छोटा काळ, न दवडी तो फुकट वेळ
शोधण्यास तो जाईल, जीवनाचे प्रयोजन १७माहीत असते सर्वांना, मृत्यू टळला न कुणा
परी आठवण त्याची निर्भय मना, रोज येत राहावी १८भीऊ नका मृत्यूला, अपघात समजा त्याला
जीवनचक्र पूर्ण होण्याला, मदत होई त्याची १९जैसा आनंद जन्माचा, तैसा मानावा मृत्यूचा
यात सहभाग प्रभूचा, समजावे ही विनंती २०डॉ. भगवान नागापूरकर
९००४०७९८५०
bknagapurkar@gmail.com September 20, 2017
-
गाज सागराची धुंद वाऱ्याची
गाज सागराची धुंद वाऱ्याचीप्रणय गीत मंद सूर झंकारलेतप्त देह भाव गोड मोहकसेव्याकुळ लोचने अलगद मिटले..ये प्रिये अलगद अशी जवळीआस मनात लाज गाली विलसेस्पर्शात चांदणे बहरुन साजिरेलाज सोडून देहभान विसर प्रिये..रोमरोमातून उमटल्या भाव प्रीतीसमर्पित तू अलगद होशील प्रियेअलवार ओठ चुंबीता मी तुझेफुलतील क्षण मिठीत हळवे बावरे..प्रणय धुंद गंध मधुर मीलनीस्पर्शात वीण अबोल मिटेविरघळून जाशील तू तेव्हा प्रियेअधर चुंबनात सैलावतील गात्रे..हात हातात अलगद धरुनीतुझ्यात विसरलो भान प्रियेमुग्ध बावरुन प्रीत सर्वांग उमलेमदनाची रती तू शृंगार गाली विलसे..दोन देही अबोल आस मनीये मिठीत तू अलगद प्रियेओठ भिडतील ओठांना जेव्हागंधाळून जातील स्पर्शात भाव सारे..-- स्वाती ठोंबरे.
November 30, 2021
-
मुंगी
मग्न राही सतत आपल्याच कामीं
अन्नासाठी तूं फिरे दाही दिशानीजमवितेस कणकण एकत्र करुनी
दूर द्दष्टीचा स्वभाव दिला तुज कुणीसुंदर तुझी वास्तूकला वारुळ केले छान
सहस्त्रांच्या संखे राहतेस आनंदानंकष्ट करण्याचा गुण दाखवी साऱ्याना
कष्टाला पर्याय नसे ह्या जीवनाडॉ. भगवान नागापूरकर
९००४०७९८५० August 13, 2019
-
सव्यंग
दिव्यांग
या विज्ञानाची कास धरुनी
करू अडथळे सारे पार
पुढे जाऊ सदैव पुढती
झेंडा रोवूया अटकेपारसव्यंग असलो ,काय झाले
जगण्याचा आम्हा अधिकार
अव्यंगासम विक्रम मोडू
ही आमुची असे ललकारकृत्रिम पाय,श्रवण यंत्र
ब्रेल लिपी असे चमत्कार
अवयव रोपण हा मंत्र
सव्यंगांसाठीच साक्षात्कारसकारात्मक हा उर्जा वायू
सळसळतो या सर्वांगात
सहानुभूती सदैव टाळू
प्रगती करू सर्व क्षेत्रातसौ.माणिक (रुबी)
December 11, 2019
-
अनुभव
सुख दुःखाच्या लाटेमध्ये,
तरणे वा बुडणे,
जगेल तो त्या क्षणी,
ज्याला माहित पोहणे ।।१।।पोहणे जगणे कला असूनी,
अनुभव हा शिकवूनी जातो,
जागरुकतेने कसे जगता,
यशही त्याला तसेच देतो ।।२।।जीवनाविषयी ज्ञान मिळवण्या,
कष्ट लागती महान,
परि केवळ एक अनुभवी प्रसंग,
सारे देतो मिळवून ।।३।।अनुभवाचे ज्ञान श्रेष्ठ हे,
निसर्ग शिकवी क्षणोक्षणी,
सतर्कतेने वेचून घ्यावे,
दैनंदिनीच्या घटनामधूनी ।।४।।बोल सारे अनुभवाचे,
त्या बोलीची भाषाच न्यारी
सुख दुःखाच्या गुंत्यामधला,
अर्थ सांगतो कुणीतरी ।।५।।-- डॉ. भगवान नागापूरकर
९००४०७९८५०
bknagapurkar@gmail.com October 7, 2017
-
निसर्गाची शाळा
मह्या शेतातं जोंधळं,
डोले डौलं वार्‍यावरं
पानं हिरवे वल्लेचिंब,
सळसळती तालातं...!!!वारं गाई गाणं छानं,
घुमे शिळं कपार्‍यांत,
कणीस डोकाऊनं पाहते,
धुंडते शिळकर्‍यालं..!!!पानावर पानं सात,
पानं बसले चोपून
जसं नववारी लुगडं,
नेसलं नटुनं थटुनं.!!!दानं भरती कनसातं,
मोती पवळंयाची आरासं
लपत येई चिमना चोरं,
नेई दानं पळवुनं...!!!फुलपाखराच्या संगतीनं,
फुलं पहाती लपुन,
मध्ये लुडबुडे सुगरनं,
खोपा सांधत सांधत़...!!!भरली निसर्गाची शाळा,
पक्षी किटकांचा मेळं
झाडं बसले रांगेतं
रंगला सृष्टीचा खेळं....!!!©गोडाती बबनराव काळे
9405807079
August 10, 2023
Copyright © 2025 | Marathisrushti