तेच दिवाळीचे दिस
तोच आनंद उल्हास
परि बाबा-आई माझे
मज दिसले उदास.....

कसे जुळावे गणित
नव्या खाऊ कपड्यांचे
अन् खुलेल मानस
सान कोवळ्या जीवाचे
इथे वाढती असोशि
तिथे मन कासावीस
तेच दिवाळीचे दिस....

कधी आईचा दागिना
कधी एखादा ऐवज
जाई सावकारा हाती
खुल्या मनाने सहज
अन् सजली दिवाळी
मला हवी तशी खास
तेच दिवाळीचे दिस...

आज काही नाही उणे
तरी उरलेच देणे
आई-बाबांनी दिलेले
सहजची मुकपणे
मग ओलावती डोळे
मनी उरतात भास
तेच दिवाळीचे दिस...
आणि आई- बाबा माझे
होते दिसले उदास...

.....मी मानसी

मित्रांनो, "तुझा चेहरा" ही मराठी प्रेम कविता आपल्यासाठी सादर करीत आहे. मराठी कविता आवडली तर share करायला विसरू नका.
"माझी डायरी " या आपल्या चॅनलला अवश्य Subscribe करा. "माझी डायरी" आपल्यासाठी आणखी नव्या कविता-गझल-कथा घेऊन येत आहे.

https://youtu.be/8s4BlfJ1-5U

पोस्ट...
काल मातृदिन झाला
पोस्टचा पाऊस पडला
बहुतेक फाँरवर्ड केलेल्या
काही कविता नव्याने लिहीलेल्या
काही जुन्याच नव्याने डकवलेल्या
पोस्टखाली इमोजीही तेच ते
अंगठे, नमस्कार, गुलदस्ते...

आज त्याने मोबाईल उघडला
तर पोस्ट आईचीच होती पण...
चार दिवस चालत
शहरातून गावात
थकून घरी आलेल्या
आपल्या एकुलत्याच मुलाला
कोरोनाच्या भयाने
घरात न घेणाऱ्या आईची...
पोस्टखाली थोडे इमोजी होते
काही आश्चर्याचे
काही दुःखाचे
बहुधा त्यांचे
काल आईची थोरवी सांगणाऱ्यांचे
त्याला आश्चर्य नव्हते
त्याने वाचली होती
गोष्ट बिरबलाची लहानपणीच
पाणी गळ्याशी येताच
पिलाला पायाखाली
घेणाऱ्या माकडीणीची

आणि त्याला ती पटलीही होती
तेव्हाच!

-- मी मानसी

माझा गं बाळ राजा, पाळणी खेळतसे
पैंजण वाजतसे, त्याच्या पायात छमछमा ।

माझा गं बाळ राजा, घरात रांगतसे
मनगटी रूततसे, त्याच्या हाताला सांभाळा ।

माझा गं बाळ राजा, पाऊल टाकतसे
सोनसरी चमकतसे, त्याच्या गळ्यात चमचमा ।

माझा गं बाळ राजा, दुडूदुडू धावतसे
साखळी रूळतसे, त्याच्या कमरेत रुणझुणा ।

माझा गं बाळ राजा, भुकेचा हळूवार
भरवते खीर, त्याला वाटीत चांदीच्या ।

माझा गं बाळ राजा, निजेचा अल्वार
करू नका गलबला, त्याला जोजवा लवकर ।

अंधार पडला आहे
उजेडाचे गाणे गा
वेदना असह्य आहे
सुखाचे गीत गा

रडणे आता भाग आहे
हसण्याचे गाणे गा
समोर नागफणा आहे
स्तब्धतेचे गीत गा

अपघात अटळ आहे
सावरण्या गाणे गा
मरणा जवळ आहे
जीवनाचे गीत गा

युद्धाचा ढग आहे
शांतीचे गाणे गा
निस्तेज मन आहे
प्रसन्नतेचे गीत गा

गाण्यांना संगीत आहे
मानवता रीत जगा
निसर्ग ढळतो आहे
समर्पणाचे गीत गा

-- विठ्ठल जाधव.

संपर्क: ९४२१४४२९९५

शिरूरकासार, बीड.

मिळता मजला बाह्य एकांत,

छळते गर्दी विचारांची

मन गुंतविण्या कुणी नसता,

चलबिचल होते भावनांची...१,

शब्द वर्णांचा घेवून आधार,

भावना काढी मार्ग आपला

आविष्कार घडविण्यासाठी,

विचार करितो मदत तिला...२,

शब्दांना नटवी थटवी,

ध्वनी लहरी नि सूर गेयता

अलंकार मिळता अंगी,

रचली जाते एक कविता...३

डॉ. भगवान नागापूरकर

संपर्क - ९००४०७९८५०

bknagapurkar@gmail.com

काळ येतां वृद्धपणाचा, विरक्तींची येई भावना ।

निरोप घेण्या जगताचा, तयार करीत असे मना ।।१।।

वेड्यापरी आकर्षण होते, सर्व जगातील वस्तूंवरी ।

नाशवंत त्या, माहित असूनी, प्रेम करितो जीवन भरी ।।२।।

जीवनांतील ढळत्या वेळीं, जेव्हां वळूनी बघतो मागें ।

मृगजळासाठीं धावत होतो, जाणून घेण्या सुखाची अंगे ।।३।।

प्रयत्न केले जरी बहूत, हातीं न लागे काहीं ।

पूर्ण कल्पना येई मनीं, जगण्यात आंता तथ्य नाहीं ।।४।।

उर्वरीत आयुष्याची रेखा, मर्यादेतच आखूनी काढी ।

समज येतां प्रभूचे सारे, समर्पण करीत जग सोडी ।।५।।

डॉ. भगवान नागापूरकर

९००४०७९८५०

bbknagapurkar@gmail.com

चंचल केलंस मन, स्थिर करण्यासांगे ।

दिलेल्या गुणाची मग, बदलेल कशी अंगे ?

निसर्ग नियमाच्या, कोण विरूद्ध जाईल ।

फायद्याचे ते का त्याचे परि होईल ?

चपळता जसा गुण, स्थिरपणा असे दुजा ।

आगळ्यातील आनंद, हिच त्यातील मजा ।।

देहा ठेवून चंचल, सांगे स्थिरावण्या मन ।

हा उलटा खेळ कसा, खेळण्या भासे कठीण ।।

-- डॉ. भगवान नागापूरकर

संपर्क - ९००४०७९८५०

bknagapurkar@gmail.com

माती
*अष्टाक्षरी ओवी*
शिर्षक
*मृदा*

मृदा तुझी रुपे भिन्न
चिकण,तांबडी,छान
पिके खुप तिथे अन्न
माती द्यावा मान पान ।।१।।

राबती तुझी लेकरे
अहोरात्र सेवा करी
खत पाणी ही देत रे
सोनं येई घरो घरी ।।२।।

मातीचा टिळा लाविती
बळी राजा तुझे भुषण
नाही उतत,मातत
तुच त्याचे आभुषण ।।३।।

हा सुगीच्या दिवसात
आनंद पर्वणी खास
चीज होता कष्टाचेच
विसरे साऱ्या कष्टास ।।४।।

कण न् कण मातीचा
परिस दगड पाहे
रुजता धान्याचा कण
कुस उजवली आहे ।।५।।

गुण गावे तरी किती
तुझी महान ही किर्ती
मनी नसे भय मुळी
स्वप्नांची होईल पुर्ती ।।६।।

-- सौ.माणिक शुरजोशी
नाशिक

एक लिंब झेलू बाई दोन लिंब झेलू

दोन लिंब झेलू बाई तीन लिंब झेलू

तीन लिंब झेलू बाई चार लिंब झेलू

चार लिंब झेलू बाई पाच लिंब झेलू

पाचाचा पानोडा माय गेली हन्मंता

हन्मंताचे --------------------------

---------------येता जाता कंबर मोडी

नीज रे नीज रे तान्ह्या बाळा

मी तर जातो सोनार वाडा

सोनार वाड्यातून काय काय आणले

----------------------------------------

एक गेला खारीला एक गेला खोबरीला

खारी खोबऱ्याच आल जीऱ्या मिऱ्याच काही नाही आल

आपडमं तापडमं चंद्राची मागे पडली बेलाची

बाळ लेकरू राजाच सीताबाई रामाची

पार्वती शंकराची पाळणा हाले झुईझुई

तामण बाई तामण अस कस तामण

भूलोजीला लेक झाला नाव ठेवा वामन

अडकित जाऊ खिडकीत जाऊ खिडकीत होता बत्ता

भूलोजीला लेक झाला नाव ठेवा दत्ता

.................................................. …………………।

……………………………………………………

…………………………… ………………………

अडकित जाऊ खिडकीत जाऊ खिडकीतून पाय घसरला

भूलोजीला लेक झाला साखरपाना विसरला

आणा आणा पारीस उगळा उगळा काथ

आज आमच्या भुलाबाईचा शेवटचा दिवस

शेवट च्या दिवशी बाळाला टोपी मोत्यांनी गुंफली झोझो रे

बाणा बाई बाणा सुरेख बाणा

गाणे संपले खिरापत आणा

आणा आणा लवकर खाऊ द्या पट्कन

कृपया हे गाण बरोबर करा … रिकाम्या जागा भरा