कविता-गझल-चारोळी-वात्रटिका

दलदल होता चिखल मातीची, पाय जाती खोलांत
प्रयत्न तुमचे व्यर्थ जाऊनी , न होई त्यावर मात...१,

सावध होवूनी प्रथम पावूली, टाळावे ते संकट
मध्यभागी तुम्ही शिरल्यानंतर, दिसत नाही वाट....२,

मोह मायेची दलदल असती, सदैव भोवताली
चुकूनी पडतां पाऊल तुमचे, खेचला जातो खाली...३,

जागृतपणाचा अभाव असतां, गुरफूटूनी जातो
मोहमायेच्या आकर्षक गुणाला, बळी तोच पडतो....४,

वेगवान त्या जीवन प्रवाही, खिळ बसे मोहाने
क्षणीक सुखाच्या मागे जातां, दु:खी होई जीवने....५

डॉ. भगवान नागापूरकर
९००४०७९८५०
bknagapurkar@gmail.com

॥आम्ही भारताचे शिल्पकार॥
आम्हीच घडवतो भविष्य
आम्हीच घडवतो वर्तमान
नव्या भारताच शिल्पकार
आम्ही नव्या भारताचे शिल्पकार
राजनेत्यांचे गुलाम आम्ही
पत्रकारांचे भक्त साकार
देशाचे ना आम्हाला काही
ना स्वप्नांना आकार
नव्या भारताचे शिल्पकार....
दंगे घडवु नेत्यांपायी
फोडु दुसरर्‍यांचे घरदार
सामान्यांचे आवाज दाबु
ना करु त्यांना सहकार
नव्या भारताचे शिल्पकारंं......
असुरक्षित भारत लक्ष आमुचे
अयोग्य मतदान
भविष्यात आमच्या अंधकार
तरीहि नव्या भारताचे शिल्पकार आम्ही
नव्या भारताचे शिल्पकार

— रुग्वेद जानभोर

पदार्थाचे गुण जाणता, एक गोष्ट दिसून येती,
सूक्ष्म भाग अणू असूनी, त्यांत सुप्त शक्ती असती...१,

ह्या शक्तीची तीन रुपे, तीन टोकावर राही,
अधिक उणे नी सम, विद्युतमय प्रवाही....२,

हेच तत्त्व त्या प्रभूचे, तीन गुणांनी बनला,
उत्पत्ती लय स्थीती, यांनी सर्वत्र व्यापला...३,

ब्रह्मा विष्णू महेश, प्रतिकात्मक ही रुपे
अणूरेणूच्या भागांत, समावताती स्वरूपे...४,

याच विद्युत शक्तीला, चेतना म्हणती कुणी,
अणूरेणूत लपलेली, ईश्वरमय गुणांनी...५

डॉ. भगवान नागापूरकर
९००४०७९८५०
bknagapurkar@gmail.com

आयुष्यात काही लोकांना एक जाणीव करून
देना खूप महत्वाचे असते....
कि त्यांच्या असण्याने काही फरक नाही पडत,
तेव्हा त्यांच्या नसण्याने तर कदापिही
फरक पडणार नाही....!!

-- मयुरी राम विखे

कळतंच नाही आजकाल काय झालोय आपण, कसे झालोय आपण !! तेच तेच रहाटगाडगं ढकलत “रटाळ” झालोय आपण !!

प्रेमात पडते
हे वेडे प्रेम पाखरू
तुझ्यावर ही प्रीत जडते
//१//

धुंदीत जगते
मन गुंतले स्वप्नात
स्वप्नी नभात ते विहरते
//२//

बागेत बागडे
फुलावर विसावले
फुलपाखरू स्वच्छंदी गडे//३//

मकरंद घेण्या
मन आज आतुरले
फुलाफुलातुनी हुंदडण्या
//४//

हुंदडले अती
हाती भरल्या ओंजळी
मधुओंजळ करना रिती
//५//

प्राशी मधुरस
हे प्रेम पाखरू खुश
प्रित-अंगणी लागे चुरस//६//

-- सौ.माणिक शुरजोशी
नाशिक

होता एक गरीब बिचारा ।

किडूक मिडूक ते जगण्या चारा ।।

कौलारु जुनी पडवी निवारा ।

जन्म दरिद्री दिसे पसारा ।।

परिस्थितीनें गेला गंजूनी ।

आर्थिक विवंचना पाठी लागूनी ।।

शरीर जर्जर झाले रोगांनी ।

जगण्याची आशा उरे न मनीं ।।

अवचित घटना एके दिनीं ।

धन सापडे जमिनीतूनी ।।

मोहरांचा तो होता रांजण ।

गेले सारे दारिद्य निघूनी ।।

जन्मभर ते त्याने भोगले ।

घरांत लक्ष्मी, परी सोसले ।।

अज्ञानातची हे घडले ।

असून पाण्यांत तरी तहानेले ।।

शोधा ईश्वरी गुप्त धनाचा सांठा ।

लपला आहे अंतर्यामीं मोठा ।।

नसेल तेथे आनंदा तोटा ।

मिळतील सदैव यश वाटा ।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

दोन थेंब गंगाजळ
मृत्युच्या दारी
स्वर्गाचे तिकीट

रोज पी गंगाजळ
त्वरित मिळेल
स्वर्गाचे तिकीट.

टीप: सरळ नदीचे जीवघेण्या रसायन युक्त प्रदूषित पाणी पिल्यावर विभिन्न रोगराई होऊन माणूस शीघ्र स्वर्गात जाईल.

ओठावरले गीत माझे, आज कसे हे रुकून गेले

गीतामधले शब्द रूकता, ओठ कसे हे सुकून गेले....।। धृ ।।

आकाशातील थवे पाहूनी,

चंचल माझी नजर झाली

भिर भिरणाऱ्या दृष्टी पटावर

असंख्य चित्रे उमटूनी गेली

चित्र बघूनी नाचे मन जे

पाषाणा परी स्थिर कां झाले....१

ओठावरले गीत माझे आज कसे हे रुकून गेले

गीतामधले शब्द रूकता ओठ कसे हे सुकून गेले

झूळझूळ वाहे सरीता पाणी

पाण्यावरती दिसे तरंग

हलके हलके भिजवी अंग

पुलकीत करी रोम रोम जे

थंड आज परि होता दिसले....२

ओठावरले गीत माझे आज कसे हे रुकून गेले

गीतामधले शब्द रूकता ओठ कसे हे सुकून गेले,

सारे कांहीं तसेच आहे

सभोवतालचा निसर्ग ठेवा

अंतर्मनही माझे आपले

लुटीत असे जो सुखद मेवा

परि दोन्हीमधले अंतर ते

आज भासते दूर जाहले...३

ओठावरले गीत माझे आज कसे हे रुकून गेले

गीतामधले शब्द रूकता ओठ कसे हे सुकून गेले

डॉ. भगवान नागापूरकर

९००४०७९८५०

bknagapurkar@gmail.com

रंगबिरंगी सुंदर ठिपके, पंखावरी

आकर्षक छटा त्या, मनास मोहीत करी...१,

नृत्य पहा कसे चालते, तालबद्ध होवूनी

फूलपाखरे बागडती, फुलाफुला वरूनी...२,

नृत्याचे आंगण त्यांचे, ते ही सुंदर नि मोहक

मखमालीच्या पाय घड्या, दरवाळताती सुवासिक...३,

दोघांमधली चढाओढ, नर्तक आणि नृत्यांगणा

कोण असे अधिक मोहक, प्रश्न सोडविल कोण ?....४

-- डॉ. भगवान नागापूरकर
९००४०७९८५०
bknagapurkar@gmail.com