सखया, किती वेळ
मी वाट तुझी पाहू रे....

जाहली तिन्हीसांजा
गाभारी दीप दीपले रे...

नको आता जीवघेणी
असह्य ती, प्रतीक्षा रे...

जीवलगा, जीवलगा
किती पाहू मी वाट रे...

तुलाच भेटण्यासाठी
कासावीस हा प्राण रे...

ये नां, सत्वरी धावत
बघ झाकोळले गगन रे...
*******

--वि.ग.सातपुते (भावकवी)

9766544908

रचना क्र.२१७

२७/८ /२०२२

आता सरु लागले आयुष्य हे सारे
तरीही तुझे मौन मात्र संपले नाही...

कसला हा असा दैवयोग भाळीचा
हे गूढ तुझे अजूनही कळले नाही...

शब्द तुझे अजूनही कां? अव्यक्त
हेच मजला अजूनही उमगले नाही...

नव्हते कधीच काहीच मागणे माझे
तुजवीण जगणे कधीच रुचले नाही...

श्वासासंगे, तुजवरी प्रेम करीत आहे
तुला कधीच विसरूही शकलो नाही...

तूही हे सारे, सारेच जाणतेस तरीही
तुझे व्रत मौनाचे आजही संपले नाही...

प्रीतिवीना कां? कधी जग हे जगते
हे सत्य, कधीच असत्य ठरले नाही...

रचना क्र.५४

२२/६/२०२३

-वि.ग.सातपुते. (भावकवी)

9766544908

गहिवरलेल्या अव्यक्ताला
भावनांचा फुटतो पाझर

भेटीसाठी आसुसलेले
शब्दशब्द होती अनावर

उलघाल अधरी मौनाची
नेत्री दाटुनी येते अंबर

सावळबाधी धूसर सारे
कातरवेळ कातर कातर

व्यथा मनीची बावरलेली
तरी प्रसवते काव्य सुंदर

शब्दाशब्दांची ओढ़ लाघवी
सुखावतो हा जीव निरंतर
*********

-- वि.ग.सातपुते (भावकवी)

(9766544908)

रचना क्र. ३०७

२६/११/२०२२

1

पाहिजे तेवढं Brain-Storm
पण, How will you avoid a storm
Brexit नावाचं ?

2

Brexitच्‍या प्रत्‍येक विकल्‍पाला
MP म्‍हणतात, ‘Not OK’.
अन् इकडे, फासावर चढलाय UK.

3

MP बसलेत डोकं खाजवत
UK च्‍या नांवाला लागतोय् बट्टा.
अरे, Brexit आहे की थट्टा !

4

ब्रेक्झिटचा प्रश्न असा आहे गूढ
की, मतदानावर मतदान चाललंय्
पण निघतच नाहीं तोड.

5

ब्रेक्झिट तर हवं
पण Backstopचा लागलाय फास
अन् प्रत्‍येक विकल्‍प होतोय्
Parliament मधें नापास.

6

डोकेफोड, उरस्‍फोड
सगळं सगळं व्‍यर्थ
‘House’ मधल्‍या ब्रेक्झिट-चर्चेला
उरला नाही अर्थ.

7

लंडन ते ब्रुसेल्‍स
किती तंगडतोड !
पण थेरेसा मे चं Deal
कुणालाच लागत नाहीं गोड.

8

‘House’ मधे बोलून बोलून
आवाज बसला
पण MPs घेत नाहींत
निर्णयच कसला!

9

हें ही नको तें ही नको
काय हवें तें मात्र कळेना
Deadlineचा लागला फास
तरी ब्रेक्झिट फळेना.

10

UK आणि EU
कोण रावण कोण सीता ?
मात्र दोघेही हरतील
लक्ष्‍मणरेषा ओलांडतां.
(- लक्ष्‍मणरेषा : ब्रेक्झिटसाठीची Deadline)

11

‘Quie..e..e..t’ ओरडून Speaker चा
घसा कोरडा झाला
तरी ब्रेक्झिट-मतदानाचा
पुरता राडा झाला.

12

ब्रिटिश राज्‍यावरती पूर्वी
सूर्य मावळत नसे
आतां indecisive UK चें
होई जगतीं हसें.

13

अर्धं जग होतं जागत
अन् लंडनकडे होतं बघत
पण Brexit चऽ जहाज
किनार्‍याला नव्‍हतं लागत.

14

भाष्‍यं सतराशेसाठ
अठरापगड गट
सगळे भुईसपाट.
Brexit सकट.

15

‘House’ च्‍या आंत अन् बाहेर
सगळेच anxious, भावुक
Brexit मध्‍यें काय हवंय् MPs ना,
तें त्‍यांनाही नाहीं ठाऊक.

16

Brexit साठी Deal
बनवुन तर आणली नामी
पण पार्लियामेंटचा feel
पडला कमी.

17

UK मध्‍यें आली ‘जगबुडी’
‘House’ मधील विस्‍कटली घडी
इकडे तळमळतेय्
Brexit ची कुडी.

18

Brexit च्‍या दोरावर हिंदकळतेय्
UK ची anxious कुडी
टीका करतायत् धेंड बडी बडी
ते ‘वैद्य’ बनून तपासतायत् UK ची नाडी.

कवितेचा कवी

कविते

आहेस प्राण तू

या वेडया कविचा

कवितेविणा

चालेल कसा श्वास

या वेडया कविचा

कवितेसाठीच

आहे देह जगी

या वेडया कविचा

कवितेमुळेच

होतो कवितेचा कवी

म्ह्णोनी सन्मान कविचा !

© कवी – निलेश बामणे ( एन.डी. )

कोपऱ्यांत तो पडला होता, शरिर जर्जर होऊन

जरी झाला हतबल देह, सदैव उत्साही त्याचे मन...१,

झगडा देवूनी आयुष्याशीं, जीवनाचे घरकूल बांधले

सुख दु:खाच्या विटा चढवूनी, त्याग श्रमाचे लिंपन केले...२,

कर्तृत्वाचे शब्द उमटती, घरकूलाच्या भिंती मधूनी

जगण्यासाठी उभारी देती, इच्छा शक्तीस जागवूनी...३,

गतकाळाच्या आठवणी त्या, जगण्याचा तो ठेवा बनला

सार्थकतेच्या जाणीवेनें, अंत दशेतील क्लेश विसरला...४

डॉ. भगवान नागापूरकर

९००४०७९८५०

कुठे कशी भेटू तुला,
घर भरले पाहुण्यांनी,
चोरटी ती पहिली भेट,
गेली मला थरथरवुनी ,!!

होता आपुली नजरानजर,
माझी न राहिले मी,
दुसरे काही नसे डोळ्यात,
जीव कातर कातर होई,--!!!

घर अपुरे पडे आता,
जरी असे ते दुमजली,
स्वतःचाच नसे पत्ता,
तुलाच शोधे ठिकठिकाणी--!!!

साजिरी मूर्त बघता,
अंत:करण फुलून येई,
आत होते चलबिचल,
छळते जिवाला अस्वस्थता,--!!!

पाहते तुझ्या प्रत्येक कृतीला, न्याहाळून ग बाई,
मनात मात्र उठे वादळ,
ढवळून निघते सारी शांतता,--!!

लागला रोग कोणता,
खाणेपिणे सुचतच नाही, काळजात उठते आवर्त,
रात्रीचा काळ तर जागता,--!!!

नुसते पहाया जीव पिसा,
ओढ किती तुझ्या स्पर्शाची,
डोळे फक्त भिरभिरत,
कुठे दिसशील ओझरता,--!!!

आवाज तुझा केवळ ऐकण्या, अधीर मी होते केवढी,
जिवाचा मग करून कान,
ऐकते रे मी बापुडी,--!!!

© हिमगौरी कर्वे

नको लागूस प्रसिद्धीच्या मागें मागे ।
येईल स्वयं ती तुझ्याच संगे संगे ।।

निराशूनी जावू नकोस रागें रागें ।
हिंमत बांधूनी जावेस आगे आगे ।।

विणाविस यशाची शाल धागे धागे ।
सुखाच्या छटा चमकूनी रंगे रंगे ।।

सतत रहावे जीवनी जागे जागे ।
तेव्हाच यश येत असते भागे भागे ।।

डॉ. भगवान नागापूरकर
९००४०७९८५०
e-mail- bknagapurkar@gmail.com