कां व्हावे निवृत्त मी ?
कुणी सांगतो म्हणूनी
निसर्गालाच सांगू द्या
वय झाले समजूनी

कार्यक्षमता माझ्या मधली
मोजमाप हे कुणी करावे ?
विकलांग होईल केंव्हा शरीर
निसर्गालाच हे ठरवूं द्यावे

सहजची जगतो ऐंशी वर्षे
संसार सागरी पोहता पोहता
स्थिरावले मन विचार करुनीं
निवृत्तीची जाणीव येता

सर्वासंगे जगता जगता
शेवटचा तो श्वास ठरु दे
हासत खेळत आनंदाने
ह्या जगाचा निरोप घेऊं दे

डॉ. भगवान नागापूरकर
संपर्क - ९००४०७९८५०
bknagapurkar@gmail.com

सुवर्णचंपक फुलला अंगणी, त्याची शोभा उठून दिसे,पिवळी सोनेरी केशरट फुले,
फांदोफांदी मोहक जुळणी,-!

नजर ठरेना झाडावरी,
उन्हाची मजा घेते सावली , ‌ फुलांतून इवले कवडसे,
डंवरून कसे झाड फुलोरी,--!

वरचा संभार सांभाळत
चाफा, खंबीर उभा राही,
सोनसळी अभिषेक फांद्यातून मग चालू होई,--!!!

फुलां -फुलांतील दरवळ, वाऱ्यावरती मस्त सुगंध,
कोणाचाही आत्मा तृप्त,
झाड स्वतः तरी तप्त, --!!!

सोनेरी पिवळट फुले,
बहरुन उठे पाकळी पाकळी, स्वर्गीय झाड असल्याने,
राजबिंडी तऱ्हा न्यारी,--!!!

ओंजळीत पडता सोनचाफा,
स्वर्ग मज तुच्छ भासे,
इंद्र वंचित या सुखा,
भाग्य मानवाचेच सरसें,--!!!

*जो रुसेल त्याला द्यावी,
अशी गोंडस सोनफुले,
खुलेल त्याची क्षणात कळी,
अगदी तुमच्याही नकळे*,--!!!

हिमगौरी कर्वे.©

*चारोळी क्रमांक १*
लेखणीतील शाई
कागद करी काळा
अर्थप्रवाही वाक्य
वाच सगळी बाळा

*चारोळी क्रमांक २*
लेखणीतून झरे
कागदावरी ज्ञान
तिथे अज्ञान सरे
लोका करी सज्ञान

*चारोळी क्रमांक ३*
ज्ञानगंगा वाहते
ही स्त्रवता लेखणी
सरस्वती रमते
साहित्यात देखणी

सौ.माणिक शुरजोशी

ई-बुक स्वरुपात -
(Sachin_Ebook)..................................रु.९९/- (वेब डाऊनलोड) ....
Purchase Now

We Use CCAvenue as our Secured Payment Gateway. If you do not wish to use the Credit / Debit Card Online, you may opt any of the following methods of payment

• You can send a Money Order.
• You can deposit Cash or Cheque in the following Account
  • Bank Name : Kotak Mahindra Bank
  • Branch : Naupada, Thane
  • Name of Account Holder : Ninad Arvind Pradhan
  • Account Number : 06550010002142
• You can send a Cheque / Demand Draft in favour of Dhanashree Pradhan to the following address. It is preferred that you send a Multicity Cheque, which is At Par at any branches in Mumbai. If you do not have a Multicity Cheque facility, please add Rs. 100/- in your cheque amount as Bank Charges.
• You can send a mail to us or call us on (022) 25421185 / 25339003 for an query.
• Address for sending DD / Cheque / Money Order
  • Marathisrushti.com, Chanakya, 3rd Floor,Behind Classic Plaza,Gokhale Road, Naupada,
    Thane 400602, Maharashtra, India
• The Book will be sent by courier after realization of the cheque.

रसर क्षणक्षण सरता
वर्षानुवर्षे सहजी सरती

भाळी भोग सुखदुःखांचे
चिरंजीव साऱ्याच स्मृती

निसर्गाची सारी किमया
अखंड कालचक्राची गती

स्मरणाचेच दान जीवाला
सत्कर्माचे संचित सदगती

सद्गुणांना रुजवीत जावे
सद्भावनां! सुखदाच अंती

क्षण! हरविले उरी जपावे
उसवित रहाव्या गतस्मृती

नवे वर्ष, ही नवी पालवी
ईश्वराची अगम्य अनुभूती

आनंदाने सुस्वागत करावे
हीच जीवनाची फलश्रुती

-- वि.ग.सातपुते.(भावकवी )

9766544908

रचना क्र. १६४

३१ - १२ - २०२१.

मागेन हिशोब तुझ्याकडे,
कधीतरी माझ्या एकटेपणाचा, सुरकुतलेली पुस्तकातली फुले, देतील साक्ष;
नि सांगतील तुलाच ,
आपल्या ओठांवर,
बघ ते गुलाब ठेवून,
सुगंधित निघेल ग अत्तर, सुरकुतलेल्या पाकळ्यांमधून ,
आपल्या प्रेमाचं,
त्या विफल प्रेमाचा,
करून टाक सौदा,
प्रेमातल्या आणाभाकांचाच व्यवहार*,---!!!

हिमगौरी कर्वे.©

आशीर्वाद दे ग आई मजला, विनवितो मी तुझाच पूत्र ।

बाबा माझे नसती हयात, कोण मजला ह्या जगतात ।।

'केशव' माझे वडील असता, 'केवशसूत' हा ठरतो मी ।

तसाच बनता 'केशवकुमार', मोठे होण्याची युक्ती नामी ।।

जगावयाचे जर मोठ्या नामी, तूच मजला महान आहे ।

'लक्ष्मी' तुझे नाव असता, ‘लक्ष्मीसूत’ होण्यात पाहे ।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

एकटाच बसलो होतो, खोलीमध्यें शांत

करमणूक करीत होते, दुरदर्शन आत..१,

दूरीवरील व्यक्ती बघूनी, शब्द त्याचे ऐके

केवळ चावी फिरवितां क्षणी, दृष्य दुजे देखे...२,

जगामधली सर्व ठिकाणें, खोलीत अदृष्य तीं

साधनांचा उपयोग करीता, जाण त्याची येती....३,

वातावरण निसर्गाने, व्यापले सर्व जगी

सुक्ष्मापासूनी अनंततेचे, गुण एकाचे अंगी....४,

तेथे आहे जे येथेही, व्यापूनी सर्व स्थळी

ब्रह्माडांची व्यापकता, बिंदूत एका सगळी....५

डॉ. भगवान नागापूरकर

९००४०७९८५०

विशालतेच्या गुणामध्यें उणीवतेचा लपतो भाग
चंद्रातील सौंदर्यामुळे आम्ही विसरतो त्याचा डाग

नदिकांठची चिखलमाती सांचलेली दिसते
परि निर्मळ प्रवाह वेगांत वाहून ती जाते

अथांग सागराच्या उदरीं नवरत्नाच्या खाणीं
विसरुन जातो खारेपणा दुर्लक्ष त्यास करुनी

सुंदर दिसे रुबाबदार तो पक्षी राज मोर
आवाज नसे चांगला परिं नाचतो बहरदार

आकर्षक वाटते मनास फूल गुलाबाच
लक्ष्य खेचले जातां विचार नसतो कांट्याचे

कित्येक आहेत विशाल ह्या भूतलावरती
जीवनांतील न्युनता भव्यतेत लय पावती

डॉ. भगवान नागापूरकर
संपर्क - ९००४०७९८५०
bknagapurkar@gmail.com