कविता-गझल-चारोळी-वात्रटिका
-
तलम धागा
कळेना चालला आहे तुझा त्रागा कशाला
कधीचा राहिला आहेस तू जागा? कशाला ?जिथे चिटपाखरूही फारसे फिरकत नसावे
मला बोलावते आहे अशी जागा कशाला ?तुलाही वाटले होतेच की हे शेवटाला -
कुणाला वावगे वाटेलसे वागा कशाला !किती फुललेत रस्ते दाट गर्दीने सभोती
हव्या आहेत लोकांना तरी बागा कशाला ?असे झाकायचे आहे खरोखर काय नक्की ?
हवासा वाटतो इतका तलम धागा कशाला ?ठिगळ लावायचे इतकेच आहे काम केवळ
हवा आहे तरी इतका तलम धागा कशाला ?-- ॐकार जोशी
-
आज मन आनंदले
आज मन आनंदले,
सुखाच्याही पा--र गेले,
भंवसागरी तरणे खासे,
आता सोपे वाटले,--!!!दुनियादारी निभावणे,
असते किती कठीण,
तरीही तावून-सुलाखणे,
सहजी कसे जमले,--!!!मनमोर थुई थुई नाचे,
पदन्यासाची तऱ्हा वेगळी, डोळ्यातून दोन थेंब सुखाचे समस्यांची असून चलती,--!खंबीर,धीरगंभीर राहणे,
तटस्थभूमिका निभावावी,
येऊ देत वारे--वादळे,
मात्र एक झुंज द्यावी,--!तुझ्यापेक्षा मी सरस,
म्हणत त्यांन भिडावे,
संकटांचे सतत घोर,
जिवामुळी लावू न घ्यावेएक दत्तगुरु पाठीराखे,
राहावे निर्धास्त लेकराने, गुरुमाऊलीच्या कुशीत सगळे,
आपुले दुःख सांगावे,--!!!ते असतां मागे,
त्यांची जाणीव ठेवावी,
एक त्यांचे स्मरण,
सारी दुनिया विसरावी,--!!!आनंदाच्याही डोही बुडावे,
ओलेत्याने राहावे कोरडे,
पाणी जाताना नाकी तोंडी,
दत्तगुरूंनीच फक्त वाचवावे,--!!हिमगौरी कर्वे.©
-
परावलंबी
जीवन हर घडिला अवलंबूनी, आहे दूजावरी
व्यर्थ मग कां अभिमान, बाळगतोस उरीनऊ मास होता गर्भामध्यें, जेंव्हा आईच्या
शोषण केले अन्न सारे, रक्तामधूनी तीच्यामाता पित्याच्या कष्टाचा तो, घाम गळत होता
तुझे बालपण फुलविण्या, ओलावा देत होताघर गृहस्थीचे सुख भोवतीं, पत्नी मुला पासूनी
समाधान ते मिळतां तुजला, गेला बहरुनीवृद्धत्वाला काठी लागतें, स्थिरावण्या तोल सदा
हातभार तो देईल कुणी, विवंचना हीच अनेकदामृतदेह जर तसाच पडला, किडे मुंग्या खाती
त्याही क्षणी मदत लाभूनी, चिता-अग्नी देतीजन्मापासूनी मृत्युपर्यंत, परावलंबी जीवन
कुणी तरी दिले तुजसाठीं, हे घे जाणून-- डॉ. भगवान नागापूरकर
९००४०७९८५०
bknagapurkar@gmail.com -
आरसा
दाखवितोस हूबेहूब रुप आरशामध्ये मला
मीच माझे रुप बघूनी चमत्कार वाटला
सत्य स्थितीचे द्दष्य करुनी दाखविलेस सर्वाला
उणें अधिक न करितां तसाच दिसे आम्हाला
गुणदोष बघूनी देहाचे मुल्य मापन करितो आम्हीं
चांगले राहण्या शिकवी हीच युक्ती नामी
कांचेच्या आरशापरीं असे मनाचा अरसा
आत्म्याची मलीनता दाखवुनी चांगला बनवी माणसा
डॉ. भगवान नागापूरकर
९००४०७९८५०
-
मोहमाया दलदल
दलदल होता चिखल मातीची, पाय जाती खोलांत
प्रयत्न तुमचे व्यर्थ जाऊनी , न होई त्यावर मात...१,सावध होवूनी प्रथम पावूली, टाळावे ते संकट
मध्यभागी तुम्ही शिरल्यानंतर, दिसत नाही वाट....२,मोह मायेची दलदल असती, सदैव भोवताली
चुकूनी पडतां पाऊल तुमचे, खेचला जातो खाली...३,जागृतपणाचा अभाव असतां, गुरफूटूनी जातो
मोहमायेच्या आकर्षक गुणाला, बळी तोच पडतो....४,वेगवान त्या जीवन प्रवाही, खिळ बसे मोहाने
क्षणीक सुखाच्या मागे जातां, दु:खी होई जीवने....५डॉ. भगवान नागापूरकर
९००४०७९८५०
bknagapurkar@gmail.com -
प्रभूची खंत
मी आलो रे तुझ्या दारीं, मला म्हणतात श्रीहरी
झोपलो होतो सागरी, तंद्री मोडी कुणीतरी, ।।१।।
शांतीने पडू देईना, तुझी ती तपसाधना,
लक्ष माझे खेची कुणी, प्रश्न पडला मना ।।२।।
तूच दिसला पुंडलीका, आई-बापा मांडी देऊनी,
माझे लक्ष तुझकडे, परि तेच तूझ्या नयनी ।।३।।
आई – बापाच्या सेवेत, गुंगलास तूं सतत,
सेवा शक्ति मला छळे, तुला कांहीं न कळे, ।।३।।
थांबव पुंडलिका सेवा, सहन न होई तो ठेवा,
तुजकडे बघ आलो, मनी समाधानी झालो ।।४।।
उभा केलेस मजला तू टाकलेल्या विटेवरी,
मग्न आई-बाप सेवेत, निघूनी गेला दूरी ।।५।।
होऊनी गेली, अठ्ठावीस युगे,
आज देखील, मी वाट बघे ।।६।।
डॉ. भगवान नागापूरकर
९००४०७९८५०
-
स्वच्छंदी जीवन
चिमण्या आल्या दोन कोठूनी,
बांधून गेल्या घरटे ।
खेळूनी नाचूनी,
चिव चिव गाणे गात वाटे ।।१।।झाडावरती उंच बसूनी,
रात्र घालवी हलके हलके ।
दाणा टिपणे पाणी पिणे,
स्वछंदाचे घेवूनी झोके ।।२।।संसार चक्र भोवती पडता,
गेल्या दोघी त्यातच गुंतूनी ।
नव पिल्लाच्या सेवेसाठी,
घरटे केले काड्या आणूनी ।।३।।पिल्लांना त्या पंख फुटता,
उडूनी गेल्या घरटे सोडूनी ।
अल्प काळाचे बंधन तोडीत,
जगण्या पुनरपी स्वच्छंदानी ।।४।।डॉ. भगवान नागापूरकर
९००४०७९८५०
bknagapurkar@gmail.com -
देह ईश्वरी रूप
स्नान करूनी निर्मळ मनीं,
दर्पणापुढे येऊन बसला ।
जटा साऱ्या एकत्र बांधूनी,
भस्म लाविले सर्वांगाला ।।ओंकाराचा शब्द कोरला,
चंदन लावूनी भाळावरती ।
रूद्राक्षाच्या माळा बांधल्या,
गळा हात नि शिरावरती ।।वेळेचे भान विसरूनी,
तन्मय झाला रूप रंगविण्या ।
प्रभू नाम घेत मुखानें,
नयन आतूर छबी टिपण्यां ।।पवित्र आणि मंगलमय,
वाटत होते स्वरूप बघूनी ।
सजविला होता देह त्यानें,
प्रभूचेच एक रूप समजूनी ।।डॉ. भगवान नागापूरकर
संपर्क - ९००४०७९८५०
bknagapurkar@gmail.com -
आठवण आईची
माझी जन्मदात्री
होती अतिव सोशिक
जणू एक पावन गंगोत्री
//१//
पहाटे उठावे
आटपावे आन्हिके ही
पाल्यांसाठी आदर्श जपावे//२//
होती सुगरण
कोंड्याचा मांडाही करी
लेकरा मायेची पखरण
//३//
न दुर्मुखलेली
सदाच होती हसरी
नी अगत्यास आसुसलेली//४//
जाता सोडूनिया
ये आठवण आईची
ना करमे तिला सोडूनिया//५//
जाता अचानक
हळहळ दाटे मनी
स्वप्नी डोकाव ना क्षणएक//६//सौ.माणिक शुरजोशी
नाशिक -
नशीब
का असा धांवतोस तूं ,
नशिबाच्या मागें मागें,
यत्न होता भगिरथी,
नशीब येईल संगे ।।१।।प्रयत्न होतां जोमाने,
दिशा दिसताती तेथें,
यशाचे ध्येय सदैव,
योग्य मार्गानें मिळते ।।२।।प्रयत्न करूनी बघा,
ईश्वर देखील मिळेल,
इच्छा शक्ती प्रभावानें,
नशीबही बदलेल ।।३।।डॉ. भगवान नागापूरकर
९००४०७९८५०
bknagapurkar@gmail.com
ॐकार जोशीCopyright © 2025 | Marathisrushti