मूळ हिंदी कविता ‘ जानती हूँ प्रेम कम-कम हो रहा है ‘ ; कवियत्री- शार्दूला झा नोगजा,सिडनी,ऑस्ट्रेलिया ; मराठी अनुवाद- विजय नगरकर

जपमाळ कशास हवी, सखये ? न हवे रुद्राक्षमणी, सखये
जप करतो आहे तुझाच, माळेविणाच मी सखये ।।

ईशप्राप्तिसाठी ऋषीमुनी जपतप करती खूप
ऋषी न मी, करि तुजसाठी जपतप परी, सखये ।।

जप केल्यानें प्रसन्न होउन, देई दर्शन देव
तुझ्या दर्शना मी आतुर, देशील कधी, सखये ?

उघड्या नेत्रीं वसतें कायम तुझेंच रूप, प्रिये
जपात, मिटल्या नयनां दिसते मूर्ति तुझी, सखये ।।

ओढुनही जपमाळ, न येणें मरणाचें थांबे
माळेवाचुन ना अडलें स्मरणाचेंही सखये ।।

जप करि मी, तूं ‘ज़प’ म्हणशी, पण तुजविण काय ज़पूं ?
‘जीवन झपझप संपो’ , एकच आस मनीं, सखये ।।
११.०७.२०१६

- सुभाष स. नाईक. Subhash S. Naik
सांताक्रुझ (प), मुंबई. Santacruz (W), Mumbai.
Ph-Res-(91)-(22)-26105365. M – (91)-9869002126
eMail : vistainfin@yahoo.co.in
Website : www.subhashsnaik.com / www.snehalatanaik.com

हे गणस्वामी, हे गणनाथा, हे श्रीगणराजा

विविध शुभंकर नामीं स्वीकार नमस्कार माझा ।।

हस्तिमुखा हे, महाकर्ण हे, हे श्रीगजानना,

वक्रुतुंड हे, एकदंत हे, हे श्रीगजवदना,

हेरंबा, श्रीगणेश, मोरेश्वरा, धुंडिराजा ।।

विविध शुभंकर नामीं स्वीकार नमस्कार माझा ।।

ऋद्धिसिद्धिस्वामी, विघ्नेश्वर, हे गौरीतनया,

हे चिंतामणि, भालचंद्र, दंती, श्रीगणराया,

धूम्रवर्ण हे, शूर्पकर्ण हे, नमन विघ्नराजा ।।

विविध शुभंकर नामीं स्वीकार नमस्कार माझा ।।

पार्वतीनंदन, शिवपुत्रा, सुखकर्ता, दु:खहर्ता,

गजमुख, गिरिजासुता, महोदर, विकट, विघ्नहर्ता,

मंगलमूर्ती, महोत्कटा, लंबोदर, चतुर्भुजा ।।

विविध शुभंकर नामीं स्वीकार नमस्कार माझा ।।

सत्यविनायक, हे गजवक्रा, हे पूर्णानंदा,

महेशपुत्रा, हे तत्कारट, हे भूस्वानंदा,

शब्दब्रह्मओंकार, अनंता, वंदन गिरिजात्मजा ।।

विविध शुभंकर नामीं स्वीकार नमस्कार माझा ।।

प्रभो कृष्णपिंगाक्ष, त्रिनयना, वरदमूर्ति, प्रथमेश,

नमो विघ्नराजेन्द्र, मोरया, उमापुत्र, विघ्नेश,

प्रणाम घे हे सिद्धिविनायक, हे उमांगमलजा ।।

विविध शुभंकर नामीं स्वीकार नमस्कार माझा ।।

पुष्टिपती हे, प्रथमपती, शारदापती, गणदेव,

सिंदुरवदना, महाकाय हे, अमेय देवाधिदेव,

मंत्रांसम तव-नामोच्चारण, हीच पाद्यपूजा ।।

विविध शुभंकर नामीं स्वीकार नमस्कार माझा ।।

- - -

- सुभाष स. नाईक. Subhash S. Naik

सांताक्रुझ (प), मुंबई. Santacruz (W), Mumbai.

Ph-Res-(022)-26105365. M – 9869002126

eMail : vistainfin@yahoo.co.in

Website : www.subhashsnaik.com / www.snehalatanaik.com

मनामध्ये पडघम सतत वाजतच रहातात
काळजाचे करावे कान तेव्हा ऐकू येतात

उमटतात त्यात मनाच्या गाभाऱ्यातले नाद
खोलवरुन येणारी आपल्या अंतराची साद

आयुष्याच्या वाटेवरले काही फुललेले श्वास
काळीजकुपीत जपलेले एकले एकले निश्वास्
एकमेकांवरचा असलेला गाढासा विश्वास
आसपास असण्याचा मग असेना का आभास

कधी राहते गुंजत विचारांची निःशब्द गाज
उलगडत कधी शब्दांत गुरफटलेली लाज

थिरकत थिरकत येणाऱ्या तरलतेचे लहरी ताल
गुणगुणारे, धुसफुसणारे, आसुसलेले आपले हाल

येतात मोहरवत उत्फुल्लतेचे प्रसन्न झंकार
कधी तुटत झिणझिणणारी वेदनांची तार

अंतरीच्या डोहात खोल साधून एकांतवास
आपला आपल्यातच विरघळण्याचा असतो हा प्रवास

- यतीन सामंत

धन्य ती महाराष्ट्र माऊली

अनेक थोरा जन्म देऊनी पावन तू झाली //धृ//

ज्ञानाचा तो मुकूटमणी, ग्रंथ रचिला ज्ञानेश्वरी

ओवीबद्ध साज प्राकृतीं चढविला, भगवतगीतेवरी

तेज चमकूनी सुर्यासम, दाही दिशा उजळली //१//

अनेक थोरा जन्म देऊनी पावन तू झाली

तुकाराम तो संत महान, अभंगाचा राजा

हासंत खेळत शिकवली, जीवनातील मजा

अभंगाची मधूर सुमने, सर्वत्र तुक्याने ऊधळली //२//

अनेक थोरा जन्म देऊनी पावन तू झाली

संवाद करुन विठोबाशी, नामदेव नाचला

तल्लीन होऊनी भजनासी, मधूर गाऊ लागला

भक्ति अर्पून प्रभूला, भावी निरंजने ओवाळली //३//

अनेक थोरा जन्म देऊनी पावन तू झाली

तसेच झाले एकनाथ, भागवत त्यानी लिहीले

श्री रामदास स्वामी, दासबोध रचिले

निवृती सोपान मुक्ताबाई , कित्येक झाली संत मंडळी //४//

अनेक थोरा जन्म देऊनी पावन तू झाली

शिवरायाची बातच न्यारी, दुमदुमला प्रताप

अंबेडकरांनी न्याय देऊनी, दलितास दिले योग्य माप

प्रतिकार करुनी जुलमाचा, अन्यायाला वाचा फोडली //५//

अनेक थोरा जन्म देऊनी पावन तू झाली

टिळक आगरकर साने गुरुजी, तसेच झाले फुले

सावरकर सेनापती बापट, ह्यानी शुरत्व दाखविले

सारय़ांनी महान होऊनी, देशाची मान उंचाविली //६//

अनेक थोरा जन्म देऊनी पावन तू झाली

डॉ. भगवान नागापूरकर

संपर्क - ९००४०७९८५०

bknagapurkar@gmail.com

आत्म्याचे मिलन परमात्म्याशी,

हेच जीवनाचे ध्येय असे,

आत्मा ईश्वरी अंश असूनी,

त्यालाच मिळण्या उत्सुक असे ।।१।।

देह पिंजऱ्यांत अडकता,

बाहेर येण्या झेप घेई तो,

अवचित साधूनी वेळ ती,

कुडी तोडूनी निघून जातो ।।२।।

कार्य आत्म्याचे अपूरे होता,

पुनरपी पडते बंधन,

चक्र आत्म्याचे चालत राही,

मुक्त होण्याचा येई तो क्षण ।।३।।

डॉ. भगवान नागापूरकर

९००४०७९८५०

bknagapurkar@gmail.com

माडी आमची चार तळाची,

डगमगते ती वाऱ्यानी.

पहिला तळ घराघराचा

रोज कष्टाच्या कामाचा,

वारा येतो इथे पहिला,

झळा घेऊन जाळायला.

कष्टकऱ्यांना जाळायला.

.....

चार तळ्याची माडी आमची

डगमगते ती वाऱ्यानी.

.......

दुसरी माडी सेवेची ,

आमच्या सेवेकरी पाहुण्याची.

वारा येता पहिले जाऊ ,

वाऱ्यावरी पहिले आम्ही.

.....

चार तळाची माडी आमची,

डगमगते ती वाऱ्यानी

........

तिसरा तळ रक्षेचा,

खाऊ पहिल्या दुसऱ्याला,

तुकड्यासाठी पैशाच्या,

चौथ्याचे पाय चाटू ,

.....

चार तळाची माडी आमची

डगमगते ती वाऱ्यानी,

........

चौथा तळ राजाचा ,

गार वाऱ्याच्या झोताचा,

पहिला दुसरा ठेचून टाकू,

तिसऱ्याला पाळत ठेऊ ,,,

चार तळाची माडी आमची,

डगमगते ती वाऱ्यानी....

.....

चार तळाची झाली बारी,

पाचवा तळ आधी गाडला ,

मग चौथा उभा ठेवला..

चार तळाची माडी आमची,

डगमगते ती वाऱ्यानी

जाळूनी रोज तीन तळ ,

चौथा तो वारा घेतो...

तरी आपण म्हणतो

चार तळाची माडी आमची

डगमगते ती वाऱ्यानी

क्षण तोच धुंद , बेभान
अस्तित्वा हरवुनी गेला
मी , तू सहज विसरूनी
मिठितच गुंतवुनी गेला

तो सोहळाच प्रीतस्पर्शी
अंतरंगी विर्घळूनी गेला
तादात्म्य ! भाव निर्मळी
स्वत्वास ! समर्पूनी गेला

तोच अवीट स्पर्शानंद
श्वासास सजवुनी गेला
खेळ साराच संचिताचा
जन्म , हा कृतार्थ झाला

--वि.ग.सातपुते ( भावकवी )

9766544908

रचना क्र.१८६

३/८/२०२२

पारवा म्हणजे कबूतर. घराच्या कौलारावर अथवा वळचणीला काहीही हालचाल न करता तासन्तास शांतपणे बसून राहिलेले कबूतर अनेकांनी पाहिले असेल. एखाद्या योग्याप्रमाणे जणू काही ध्यान लावल्यासारखे ते स्थितप्रज्ञ बसलेले असते. कबुतराचा आवाजदेखील घुमल्यासारखा धीरगंभीर असतो. अशा स्थितप्रज्ञ पारव्याचे चित्र बालकवी कसे रेखाटतात पहा