कविता-गझल-चारोळी-वात्रटिका
-
उपकार
कृष्ण कमळ-
-
आला पाऊस…..
पावसाची वाट बघता बघता
सरी लागल्या कोसळू
राने झाली हिरवीगार
नद्या लागल्या ओसंडू !
वाऱ्याची थंड झुळूक
करी मना आनंद
सगळा आळस क्षणात
जाई कुठे पळून !
मोरांचे थुईथुई नाचणे
सांगत होते आले मेघ दाटून
बरसला मनसोक्त
हातचे काही न राखून !
घरांच्या छपरावरून वाहणारे पाणी
पडत होते पाघोळ्यांनी अंगणात
प्रत्येक थेंबाचे होत होते बुडबुडे
साचलेल्या पाण्यात !
बुडबुड्यांचे वेगळे विश्वव
वेगळी चमक, आकार आणि रंग
थरथरणारे इंद्रधनुष्य
आणि न मावणारे जग !
बुडबुड्यांच्या फुटण्याचा एक वेगळाच नाद
वाटत होते एकमेकांशी करीत असावेत संवाद
एकमेकांच्या बोलण्याचे शब्द पडले कानात
वर्षानंतर भेटलो करावया पुन्हा सुसंवाद !
खळखळणाऱ्या नद्यांचे फेसाळणारे पाणी
ओसंडत होते धबधब्यातून
चिंब भिजताना
त्या आठवणी जाग्या झाल्या मनातून !
जगदीश पटवर्धन
-
दगड
दगड फुटतो, शिल्प बनतो
दगड रंगतो, रस्ता सांगतोदगड घडतो, घर बांधतो
दगड जमतो, डोंगर बनतोदगड बनतो, चंद्रावर जातो
दगड पळतो, चिंचा पाडतोदगड जोडतो , पूल बनतो
दगड सोसतो, साज सजतोदगड बोलतो, नावं सांगतो
दगड खुलतो , अंक मोजतोदगड पळतो, खेळ खेळतो
दगड कोरतो , गुहा बनतोदगड रूळतो, जातं पळवितो
दगड कष्टतो, उखळ बनतोदगड तापतो, भाकरी भाजतो
दगड डुलतो, कथा सांगतोदगड रडतो, अश्रू ढाळतो
मुलांच्या गाण्याला, सूर लावतोविठ्ठल जाधव
शिरूरकासार, जि.बीड
मो.9421442995 -
ऋतुचक्र सृष्टीचे
आरवलं कोंबड
-
कृष्णसखी
थांब थांब मोहना, आर्त वेणू वाजवू नकोसतुझ्याचसाठी वेडी ही , अजून तिला भारू नकोसथांब जरा मोहना, असा मल्हार छेडू नकोसहोऊन जाईल चिंब धरणी, का उसंतही देऊ नकोस?थांब जरा मोहना असा तू नाचू नकोसमनीच्या या झंकारल्या तारा, अजून त्या तोडू नकोसथांब आता मोहना असा तू बहरू नकोसभरल्या या तरुवर आता तू झुलू नकोसथांब थांब बास आता.... पुरे झाले बरसणेकुडीतले हे प्राण वाहिले तुझ्याचसाठी ओथंबले-- वर्षा कदम. -
एखाद्या मध्यरात्रीपासून….
एखाद्या मध्यरात्रीपासून रदद् व्हावी बेईमानी वागण्यातली
आणि चलनात यावी सच्चाई...एखाद्या मध्यरात्रीपासून बंद व्हावा अविश्वास मनामनातला
आणि नवीन ताजातावाना विश्वास भरावा ह्र्दयात...एखाद्या मध्यरात्रीपासून रद्दबातल व्हावा स्वार्थीपना संकुचित मनातला
आणि मनात उठावेत तरंग निःस्वार्थ भावनेचे....एखाद्या मध्यरात्रीपासून संपून जावा द्वेष घाणेरडा
आणि हृदय ओथंबून वहावे निर्मळ प्रेमाने...एखाद्या मध्यरात्रीपासून वाईट भावना ठराव्यात अवैध
आणि सद्भावना रुजावी प्रत्येक मनामनात...एखाद्या मध्यरात्रीपासून बेकायदेशिर व्हावी धोखेबाजी
आणि आपलेपणा अंकुरावा माणसाच्या अंत:करणात...एखाद्या मध्यरात्रीपासून नष्ट व्हाव्यात सर्व चिंता
आणि ऊगवावी एक सकाळ सकारात्मक विचारांची...एखाद्या मध्यरात्रीपासून माणूस बनावा
अगदीच माणसासारखा...जुन्या वाटा बदलायला त्याने घ्यावा काही दिवसांचा वेळ अधिकृतपणे
पण त्याने बदलावी आपली नियत एखाद्या मध्यरात्रीपासून ....आणि एकदा त्याच्या नियतीने वाटा बदलल्या की मग
पुन्हा पुन्हा नाही पडणार गरज नोटा बदलण्याची...हे मात्र घडावेच अगदी एखाद्या मध्यरात्रीपासून....
Forwarded Post
-
गेला आस्तालं सुरयं……
ना.धो.महानोर सर भावपूर्ण श्रद्धांजली
गेला अस्तालं सुरयं,काळवंडलं आभाळं
जिवं झाला कासावीसं,झाला काळुख आंधारं
उजेडाची हि लेखनं,कशी रूकली रूसली
आज सरोसती माय,हुंदका फोडून रडली
झाली पोरकी कविता, रानी आंधार आंधारं
कुठं शोधु तुलं आत्ता,कुठं गेलासी सोडूनं
युगां पडलं भगदाडं,झाला युगांत युगांत
वलावल्या पापण्यां त्या,वघळत वघळती
अवकाश मोठा झाला,त्यालं तुहीच गरजं
ये रे आता परतुनी,उजवं सरू मायची कुसं©गोडाती बबनराव काळे
9405807079 -
बाळकृष्ण
रंगले माझे मन मुरारी
नाम येई मुखीं श्रीहरी //धृ//काळा सावळा रंग
कोमल भासे अंग
हास्य खेळते वदनीं
तेज चमके नयनीं
ओढ लागतां शरिरीं //१//
रंगले माझे मन मुरारी, नाम येई मुखीं श्रीहरीकंठी माळा चमकती
मोर पिसे टोपावरती
पायीं नुपुरे घालूनी
नाचतो ताल धरुनी
हातांत त्याच्या बासरी //२//
रंगले माझे मन मुरारी, नाम येई मुखीं श्रीहरीमुरली वाजे मधूर
नृत्य ते बहरदार
खेळातील तुझ्या लीला
छबी राही मनावरी //३//
रंगले माझे मन मुरारी, नाम येई मुखीं श्रीहरीडॉ. भगवान नागापूरकर
९००४०७९८५० -
नको नको रे.. झोपु
मस्त झोपलाय देश, झोप त्याची मोडू नका “
गोळीबार बॉम्ब इथे फोडू नका,
मस्त झोपलाय देश झोप त्याची मोडू नका llभ्रष्टाचार पसरतोय.. पसरु दे
रुपया घसरतोय.. घसरु दे
अंगावरचे पांघरुण उगाचच ओढू नका,
मस्त झोपलाय देश झोप त्याची मोडू नका ll llलुटालूट, बलात्कार.. बघूच नका
रांगेमध्ये उभे रहा.. बोलूच नका
नेत्यांचेच पाय धरा बोल त्यांचे खोडू नका,
मस्त झोपलाय देश झोप त्याची मोडू नका ll llत्यांचे सारेच चांगले.. बोलत रहा
आपले मत पैशाने.. तोलत रहा
कमरेवरचे सांभाळा ते मात्र सोडू नका,
मस्त झोपलाय देश झोप त्याची मोडू नका ll llखायला नसले चालेल.. पुतळे बांधा
नाड्या हरवल्या तर.. सूतळे बांधा
असे हवे तसे नको उगाच चर्चा झोडू नका,
मस्त झोपलाय देश झोप त्याची मोडू नका ll llतेच लिहिणार भाग्य.. वाईट काय
पीत रहा दिवस आणि नाईट काय
सारेच धुंदीत आहेत...ग्लास त्यांचे फोडू नका,
मस्त झोपलाय देश झोप त्याची मोडू नका ll llसर्व रक्त पिपासु भ्रष्ट अधिकारी आणी निर्लज्ज राजकीय नेत्यांना व झोपलेल्या जनतेला समर्पित।।
-
गुंतता नयन हे
सांगते मी गुपीत तुला रे
सांगू नको तू कुणाकडे
नजरेत तुझ्या गुंतता नजर
का पाहू मी या जगाकडे ।
एक शब्द मज एक ध्यास
अशी नजरेत नजर राहू दे
जन्मोजन्मी साथ सजणा
सदैव अशीच राहू दे ।
हात तव मज हाती असता
अन नजरेत माझ्या नजर तुझी
भासते मज जग जिंकीले मी
असता मजला साथ तुझी ।।सुरेश काळे
मो.9860307752
सातारा
७ जुन २०१८
डॉ. भगवान नागापूरकरCopyright © 2025 | Marathisrushti