कविता-गझल-चारोळी-वात्रटिका
-
कवीची श्रीमंती
खंत वाटली मनास कळला नसे व्यवहार
शिकला सवरला परि न जाणला संसार
पुढेच गेले सगे सोयरे आणिक सारी मित्रमंडळी
घरे बांघूनी धन कमविले श्रीमंत झाली सगळी
वेड्यापरी बसून कोपरी रचित होता कविता
कुटुंबीय म्हणती त्याला कां फुका हा वेळ दवडीता
सग्यांच्या उंच महाली बैठक जमली सर्व जणांची
श्रेष्ठ पदीचा मान देवूनी कौतूके झाली कवितांची
व्यवहारी निर्धन जरी तो विराजमान मनीं दुजांचे
ईश्वरी चैत्यन्न स्फुरले जे जे गुंफूनी ठेविले हार तयांचे
डॉ. भगवान नागापूरकर
९००४०७९८५०
July 19, 2019
-
पाऊस
दुष्काळानंतरचा पाऊस गारवा देणारा असतो,
प्रेयसीने प्रियकराच्या जखमेवर प्रेमाने फुंकर घालावी तसा...
तापलेली जमिन पावसाने थंड झाल्यावर आनंदाने हिरवा शालू नेसते,
साखरपुड्यात नववधू नेसते तसा...
सृष्टीचे हे बदलेले रूप शेतकरी डोळेभरून पाहातो,
प्रियकर आपल्या प्रेयसीचे अप्रतीम सौंदर्य चोरून पाहातो तसा...
शेतकर्याच्या स्वप्नांना पावसात नवीन पालवी फुटून तो आनंदी होतो,
प्रेयसीशीच लग्न ठरल्यावर प्रियकर होतो तसा...
कवी – निलेश बामणे
202, ओमकार टॉवर, बी – विंग, गणेश मंदिरा जवळ, श्रीकृष्ण नगर, संतोष नगर, जन.ए.के.वैद्य मार्ग, गोरेगांव ( पूर्व ), मुंबई – 400 065.
मो. 8652065375 / 8692923310
Email- nileshbamne@yahoo.com
nileshbamne10@gmail.com
June 30, 2016
-
माझ्या कल्पनेतील विमान…
माझ्या स्वप्नातील विमान जमिनीवर स्थिरावताच माझ्यातील माणुसकीही क्षणात मेली होती… © कवी – निलेश बामणे
June 23, 2017
-
माझ्या कविता
माझ्या कविता वाचून
माझ्या प्रेमात पडू नकोस
विचार मला त्या कवितेतील
प्रत्येक ओळींचा अर्थ...
माझ्या कवितेची प्रत्येक ओळ
आहे एक प्रेम मंत्र
जीवनातील एक रहस्य
न सुटलेल्या साऱ्या
कोड्यांचं उत्तर...
प्रेमात पडणं सोप्प असत
पण जगण अवघड
ते अवघड सोप्प कस करायचं
ते सांगते ती माझी कविता...
म्हणून माझ्या कविता वाचून
माझ्या प्रेमात पडू नकोस
माझ्या प्रेमात पडून
मग माझ्या कविता वाच
तुझेच जगणे सोप्पे होईल...कवी - निलेश बामणे ( बी डी एन)
June 11, 2017
-
शहिदांच्या घरची दिवाळी
बाबा बघा ना..दिवाळी आलीय (शहिदांच्या घरची दिवाळी)
बाबा....
देशासाठी सिमेवर लढताना
शहीद झाले तुम्ही,
तुमच्या या विरमरणाने
मात्र पोरके झालो आम्ही.
तुमच्या शिवाय ऐन सणासुदित
घरावर अवकळा पसरलीय.!
बाबा...बघा ना दिवाळी आलीय.!!सांगितले होते तुम्ही
या दिवाळीला सुट्टी घेइंन,
माझ्या साठी फटाके
अन् चिंगीला कपडे आणीन.
वाट बघतोय तुमची आम्ही
खोटिच आशा लागलीय.!
बाबा..बघा ना दिवाळी आलीय.!!दररोज आजुबाजुचा परिसर
रोशनाइने उजळतोय,
आपल्या घरी मात्र फक्त
तुमच्या फोटो पुढील दीवा मिण मिंणतोय.
तुमच्या नसण्याने आमची
दिवाळी अंधारमय झालीय.!
बाबा..बघा ना दिवाळी आलीय.!!सुवासिनी त्या नटून-थटून
नववस्त्रानी सजत आहेत,
आईचे मात्र आमच्या दरोज
साड्यांचे पदर भीजत आहेत.
बिना रंगोळीच्या आपल्या अंगणा सारखी,
तिच्या कपाळाची भग्न दशा झालीय.!
बाबा..बघा ना दिवाळी आलीय.!!ते आजी-आजोबा सतत
चष्म्या आडुन अश्रु गाळतात,
विचारल्यावर त्याना 'धुर झोम्बतोय फटाक्यांचा'
असा खोटा बहाणा करतात.
न झोप त्यांच्या नयनाना
हुन्दक्यानी मात्र छाती घेरलीय.!
बाबा..बघा ना दिवाळी आलीय.!!भाउबीजेला तुम्ही नऊवारी घेऊन,
आत्या कड़े जाणार होता,
मिठाई ची भेट देऊन मग
ओवाळून घेणार होता.
अशी कशी तिच्या आरतीवर
दैवान फुंकर मारलीय.!
बाबा..बघा ना दिवाळी आलीय.!!पण बाबा..
आता मी ठरवलंय...
तुमच्या सारखाच मीही सैनिक होईन...
देशासाठी सिमेवर लढाईस जाइन..
दुष्मनावर विजय मिळविंन..
तेव्हाच मिठाई वाटेन,
तेव्हाच फटाके फोडेन,
आणि माझ्या स्वागताला
घरात रोशनाई असेल.
दारात रंगोळी असेल..
आईच्या हाती आरती असेल..
तीच आम्हा सर्वांची दिवाळी असेल..!!
खरेच बाबा आता मनाची तैयारी झालीय..
सलाम करतोय तुम्हाला...
अभीमानाने छाती भरून आलीय..
बघा ना...दिवाळी आलीय..!!
...दिवाळी आलीय..!!आवडल्यास शहीदांसाठी फक्त एक शेअर....प्लीज...
November 2, 2016
-
जाता जाता
-- विनोद July 15, 2010
-
प्रेम-स्वभाव
प्रेम-स्वभाव असे ईश्वरी गुण
मनीं ठसला हा आत्म्यांत राहून
प्रेम करावे वाटे आंतरिक ही ओढ
ज्याची मुळे खोल पडने अवघडआपसांतील प्रेम आत्म्यातील नाते
न दिसता देखील बांधलेले असते
सर्व जीवाविषयीं सहानुभूती भासे
ह्रदयामध्ये ती सुप्तावस्थेत दिसेआमचे राग लोभ बाह्य संबंधामुळें
षडरिपू विकार शारीरिक सगळे
वाईट गुणधर्म देहाशीं निगडीत
चांगले जे कर्म आंतरीक इच्छेतराग येऊन केंव्हां दुष्कृत्य घडते
पश्चाताप वाटता मन शांत होते
कितीही दुष्ट असो प्रेम भाव असतो
आनंदाच्या प्रसंगीं उभारुन तो येतोडॉ. भगवान नागापूरकर
९००४०७९८५० May 6, 2019
-
मन आज शांत शांत आहे
का कुणास ठाऊकमन आज शांत शांत आहे,रिक्त क्षण सारे भवतीचेहृदय बावरे जरासे आहेसांज सावली हीगूढ गहन भासतं आहे,मी कोण खरी माझेचप्रतिबिंब विचारत आहेपडले प्रश्न मनात कितीककाहूर अंतरी दाटले आहे,दूर देवळात होतो घंटा नादमन कुठे अवचित हरवले आहेपडले प्रश्न कित्येक तेउत्तर कुठलेच न मिळतं आहे,येईल एक लाट वादळी अशीही शांतता वादळापूर्वीची आहेउठले काहूर मनात हलकेचमी पुरती निःशब्द आता आहे,वेड्या मनास कोण न समजेवेडे भाव इथे अंतरात मिटून आहेहृदयातील सल हळवी बोचरीहृदयस्थ भाव व्याकुळ आहे,चुकेलं जे त्याचा हिशोब मगदेवाला तो ज्ञात सारा आहेअंतिम इहलोकी जाताहिशोब सारा चोख तो आहे,आहे मंदिरात देव दगडाचापरी देवत्व मूर्तीत सामावून आहेका हुरहूरते मन अचानककातरवेळ काटेरी आज वाटे,कितीक मनात उठले तरंग सारेनशिबापुढे सारे पराधीन आहेकितीक व्याकुळ झाले मीतुझीच प्रतिमा अंतरी आहे,शल्य उरात लपले खोल असेवेदनेचे गाव कोणास कळणार आहेनाव एकाकी चालली अशीपाण्यात तरंग उठले आहे,खळबळ मनात कितीक सारीतुझीच कमी आज भासतं आहे-- स्वाती ठोंबरे. May 7, 2022
-
हट्टी अनु ( बाल गीत )
एक होती अनु
फुलासारखी जणूडोळे फिरवी गर्र गर्र
पाऊल टाकी भरभरतिला लागली भूक
गडू दिला एकबघितला रिकामा गडू
तिला आले रडूंआईने दुध भरले
कांठोकांठ ओतलेतिला हवय जास्त
दूध आहे मस्तरडरड रडली
आदळ आपट केलीसांडूनी गेला गडू
पाठींत बसला मात्र धम्मक लाडू-- डॉ. भगवान नागापूरकर
९००४०७९८५० May 30, 2019
-
लाच घेणे पाप आहे.. सांगणारे पाहिले मी
गझल
वृत्त :- व्योमगंगा
लाच घेणे पाप आहे सांगणारे पाहिले मी
वाट सत्याची धरूनी चालणारे पाहिले मीझोपडी माझी सुखाची खाण व्हावी वाटते मज ;
गर्व मोठ्या बंगल्याचा मानणारे पाहिले मीफाटका माझा खिसा पण दान देणे जाणतो मी
पावत्या छापून खोट्या मागणारे पाहिले मीलोकशाही श्रेष्ठ आहे हेच लोका सांगती ते
लोकनेते साफ खोटे बोलणारे पाहिले मीवाचवावी लेक, मित्रा फार झाले बोलणे हे
वारसासाठी सुनेला जाळणारे पाहिले मी© जयवंत वानखडे,कोरपना
भ्रमणध्वनी ९८२३६४५६५५ October 5, 2018
डॉ. भगवान नागापूरकरCopyright © 2025 | Marathisrushti