सतत नाम घेण्यासाठीं, बुद्धी दे रे मजला

आठवण तुझी ठेवण्याची, वृत्ती दे रे मनाला ......।।धृ।।

श्वासात प्राण म्हणूनी, अस्तित्व तुझेच जाणी

श्वास घेण्याची शक्ती, तुझ्याचमुळे असती

जीवनातील चैतन्य, तुजमुळेच मिळते सर्वांना.....१

सतत नाम घेण्यासाठी बुद्धी दे रे मजला

अन्नामधले जीवन सत्व, तूच ते महान तत्व

सुंदर अशी सृष्टी, बघण्या ते दिली दृष्टी

आस्वाद घेण्या जगताचा, जागृत ठेवी भावनेला...२

सतत नाम घेण्यासाठी, बुद्धी दे रे मजला

निनादाच्या लहरी, तन्मयतेने श्रवण करी

आभार मान्यता मति, परि शब्दही कमी पडती

जगणेच कठीण वाटते, क्षणभर तुजविण कुणाला...३

सतत नाम घेण्यासाठी बुद्धी दे रे मजला

जाणून तव उपकार, मानावे सदैव आभार

ही भावना येते मनी, जावे तुझ्यात समावूनी

रोम रोमातूनी माझ्या, नामाच्या दे गतिला....४

सतत नाम घेण्यासाठी बुद्धी दे रे मजला

डॉ. भगवान नागापूरकर

९००४०७९८५०

चादण्या रात्री आम्ही भुलाबाई जागवल्या जागवल्या

सासू म्हणते सुने सुने तो पाटल्यांचा जोड काय केला काय केला

हरवला हरवला, तुमच काय जाते माझ्या बाबाने घडवला घडवला

चादण्या रात्री आम्ही भुलाबाई जागवल्या जागवल्या

कुणावर प्रेम करतेस, ते पाहायचंय्
स्वतःच्या भावनांवर
कि ओठातल्या शब्दांवर
नमलेल्या मित्रांच्या गर्दीवर
की कुणा वेगळ्यावर
निष्पाप तुझ्या डोळ्यांवरकी
तुला पाहणाऱ्या डोळ्यांवर
कुणावर प्रेम करतेस, ते पहायचंय्
नेहमी भिजणाऱ्या पावलावर
की नटलेल्या वनराईवर
मनाच्या संवेदनेवर
की कुणाच्या हृदयावर
राकट कुणाच्या देहावर की कोवळ्या मनावर
कुणावर प्रेम करतेस, ते पहायचंय्
समोर असलेल्या शत्रुवर
की कुण्या मित्रावर
उंच उडणाऱ्या पक्ष्यावर
की बागडणाऱ्या पाखरावर
रम्य उगवतीवर
की शरद चांदण्यावर
कुणावर प्रेम करतेस, ते पहायचंय्
दान करणाऱ्या खळावर
की भजन गाणाऱ्या संतावर
मोक्ष मिळणाऱ्या मृत्यूवर
की आयुष्य देणाऱ्या जन्मावर
ओंजळीतल्या निर्माल्यावर
की उमलणाऱ्या फुलावर
कुणावर प्रेम करतेस, ते पहायचंय्
स्वतःच्या त्यागावर
की कुणी केलेल्या त्यागावर
तुझे असलेल्या जगावर
की तुझ्यादारी सोडलेल्या जगावर
तू केलेल्या प्रेमावर
की तुझ्यावर असलेल्या निस्वार्थी प्रेमावर
कुणावर प्रेम करतेस,
पहायचंय्

सौरभ सुभाष दिघे, पनवेल

टिळक तुम्ही फिरुन एकवार
या हो जन्म घेऊन
हव तर ब्रम्हदेवाकडे शिफारस तुमची
मी देतो पाठवून

किती उदात्त हेतूने गणेशोत्सव
तुम्ही केला होतात सुरु
पण हल्ली त्याच स्वरुप पाहून
मीच लागलोय गुदमरु

मोठया आतुरतेने मी वाट पाहायचो
भाद्रपदातल्या चतुर्थीची
वाट आता पाहावी लागते
अनंत चतुर्दशीची

काय सांगू टिळक तुम्हांला?
संयोजकांनी मलाही केलय कार्पोरेट
उत्सवांत माझ्या दर्शनाचे
चढते झालेत रेट

गल्लोगल्ली स्थापना माझी
मंडपी बेगडी आरास,
सोन-चांदी अंगावरती
पुढयांत धनाची रास

बुध्दीदायक मी खर तर
बुध्दी देणेच माझ्या हाती,
इथल्या मागण्या नवस ऐकून
माझी कुंठीत झालेय हो मती

टिळक ह्यावर कळस म्हणजे
उत्सवांत खंडणीची वर्गणीरुपी दहशत
वर चोवीस तास माझ्या भोवती
पोलिसांची वसाहत

असली जीवघेणी भक्ती
नाही हो आता सोसवत,
विसर्जनाच्या मिरवणुकीतला
उन्माद नाही बघवत

म्हणून तर म्हणतोय टिळक तुम्हीं
घ्यावा अवतार फिरुन
अन् समाजकारण हाती घेऊन
हे बाजारीकरण टाका संपवून
उत्सवातल राजकारण टाका चिरडून
टिळक तुम्ही या हो
जन्म घेऊन, या हो जन्म घेऊन

-- सौ. अलका वढावकर

व्यथा साऱ्याच अंतरीच्या

कारूण्यामधूनी उगम पावला आद्य काव्याचा झरा

वदन करितो क्रौंच पक्षा तुज घे, मानाचा मुजरा....१,

गमविले नाही व्यर्थ प्राण ते, व्याध बाणा पोटीं

टिळा लावला काव्यश्वरीने, मानाने तुझ्या ललाटी...२,

हृदयस्पर्शी जी घटना घडली, तडफड तव होता

कंठ दाटूनी शब्द उमटले, पद्य रूप घेता....३,

उगम पावता काव्य गंगा ही, वाहू लागली भूलोकी

वाल्मिकी, व्यास, ज्ञानोबा, तुका, अशांचे आली मुखी....४,

काव्य प्रवाह हा सतत वाहे, किती जणांच्या शब्दामधूनी

अंशरूपाने काव्यश्वरी ही, बरसे व्यक्त होवूनी...५.

-- डॉ. भगवान नागापूरकर

९००४०७९८५०

आत्तापर्यंत संपूर्ण देशभर हिंडून मी गायलो होतो. भारताबाहेर कार्यक्रम सादर करण्याची माझी इच्छा होती. त्या दृष्टीने मी प्रयत्नही केले होते, पण एक अडचण येत होती.

नियोजनाच्या लागून मागें, भविष्याची आखतो चौकट

कल्पकतेच्या आहारी जावून, चालण्या विसरे पावूल वाट....१,

अनेक वाटा दिसूनी येती, भविष्यामधळ्या कल्पकतेला

वर्तमान त्या काळाकरिता, जावे लागते एकाच दिशेला...२,

उठूनी करा त्याच क्षणीं ते, वृत्ति असावी अशीच सदा

उद्यांवरती कार्य टाकतां, मनीं उमटती विचार द्विधा...३,

वर्तमान हा निश्चीत असता, यश लाभते अनेकदा

केवळ तुमची बघुनी धडपड, साथ देईल ईश्वर सदा....४

डॉ. भगवान नागापूरकर

९००४०७९८५०

घड्याळ होते भिंतीवरती

टिक टिक करुन चाले

सतत दिसली चाल काट्यांची

एकाच दिशेने हाले

धावत होता एक तुरु तरु

दुजा हळूच धांवे

छोटा जाड्या मंद असून

पळणे ना ठावे

पळत असती पुढे पुढे

समज देती काळ-वेळेचा

किती राहीला शिलकीमध्ये

प्रवास आपुला जीवनाचा

जीवन चक्रापरि फिरती

घड्याळ्यामधले सारे काटे

जाणीव करुन देती सतत

आपण कोठे अन् जीवन कोठे

डॉ. भगवान नागापूरकर

९००४०७९८५०

bknagapurkar@gmail.com