e Sahitya 1

बघ उघडूनी दार अंतरी, उभा कटीवर हात,
माझ्या श्वासांच्या तालावर, विठ्ठल धरितो नाद।
ना पंढरीची वाट इथे, ना चंद्रभागेचा घाट,
हृदयाच्या त्या वाळवंटी, उमलतो भक्तीचा थाट॥१॥

डोळे मिटता सावळा तो, तेजोमय भासे,
अश्रूंच्या त्या ओवाळीने, चरणी मन हे वसे।
नाही मागणे काही आता, नाही इच्छा ठायी,
तुझ्या नामाच्या गजरात, देहभान हरपून जाई॥२॥

अहंकाराची वीट काढुनी, रचिले अंत:करण,
त्या भक्तीच्या रांगोळीत, उमटले तुझे चरण।
लोभ-मोहाची धूळ झटकुनी, स्वच्छ केले द्वार,
ये रे माझ्या अंतरी आता, पांडुरंगा आधार॥३॥

वादळ येवो दुःखांचे, काळोख दाटो भोवती,
नाम तुझे दीप बनूनी, उजळे माझी प्रीती।
तूच दाता, तूच माता, तूच जीवाचा श्वास,
तुझ्या कृपेच्या सावलीत, संपतो जन्मांचा त्रास॥४॥

बघ उघडूनी दार अंतरी, पंढरपूर हेच झाले,
भक्त आणि भगवंतामध्ये, अंतर काहीच न राहिले।
कटीवर हात ठेवुनी म्हणे, “भिऊ नको रे जिवा”,
मीच तुझ्यात, तूच माझ्यात हा अनुभव चिरंतन नवा॥५॥

•ॲड.कीर्तिराज शैलेंद्र आगलावे, पुणे ✨
मो:- 9011841212

पाऊलोपाऊल चालत जाते,
मनामधली एक वारी,
ना टाळ, ना मृदुंग हाती,
तरी भक्तीची गोड तयारी.

रस्ता नाही धुळीचा येथे,
ना दिंडींची गर्दी भारी,
अंतर्मनाच्या शांत वाटेवर,
अखंड सुरू ईश्वराची वारी.

सुख-दुःखांचे डोंगर ओलांडत,
आशा-निराशेच्या पलीकडे सारी,
प्रत्येक श्वासात नाम गुंजते,
हीच खरी जीवनवारी.

अहंकाराचे ओझे टाकून,
प्रेमाची घेऊन शिदोरी,
करुणा, श्रद्धा, सत्य सोबती,
नेते आत्म्याला प्रभूच्या दारी.

कधी अश्रूंनी पाऊल भिजते,
कधी आनंदाची फुले फुलती,
तरी न थांबे हा अंतःप्रवास,
ओढ लागलेली पंढरीची न्यारी.

शेवट नसतो या प्रवासाला,
ना थांबे कधी ही स्वारी,
ईश्वर भेटतो अंतःकरणी,
जेव्हा पूर्ण होते मनाची वारी.

•ॲड.कीर्तिराज शैलेंद्र आगलावे, पुणे ✨
मो:- 9011841212

kishor pdf

[dflip id="138030"][/dflip]

त्यांच्या कुटुंबामध्ये अनेक जण स्थानिक क्रिकेट खेळत असत कारण त्या सगळ्यांना कोणत्या ना कोणत्या खेळात रुची होती. लेन हटन तेथील लिटीलमूर कौन्सिल शाळेच्या मैदानामध्ये खेळत असत. लेन हटन हे १९२१ ते १९३० पर्यंत त्या शाळेमध्ये होते. वयाच्या १२ व्या वर्षी ते पुडसें सेंट लॉरेन्स क्रिकेट क्लबमध्ये जाऊ लागले.

Saudi Arabia Video

पालखीचा सोहळा । नामाचा गजर ।
पुणे झाले घर । पांडुरंगा ॥

टाळांचा तो नाद । मृदुंगाची साथ ।
हरिनामे वाट । उजळली ॥

दिंडीचा तो मेळा । प्रेमाचा सोहळा ।
भेदाभेद गेला । नामघोषे ॥

सेवा करी जन । मानिती नारायण ।
वारीचे कारण । प्रेम एक ॥

इंद्रायणी भाव । चंद्रभागा ठाव ।
विठ्ठलाचा गाव । अंतरी ॥

दोन दिवसांचा । लाभला हा योग ।
भक्तीचा संयोग । सर्वांसी ॥

धन्य पुण्यभूमी । वारकऱ्यांची माऊली ।
चरणधूळी झाली । भाग्यवंत ॥

विठ्ठल विठ्ठल म्हणे । ओलावली वाचा ।
पुण्यनगरी साचा । पंढरीचा ॥

•ॲड.कीर्तिराज शैलेंद्र आगलावे, पुणे ✨
मो:- 9011841212

Denmark

प्रेम जिथे निःस्वार्थ फुलते, तिथे विठ्ठल हसरा दिसे,
श्रद्धेच्या त्या निर्मळ ओंजळी, रुक्मिणीचे प्रेम वसे.

नसती तिथे शब्दांची भाषा, डोळेच बोलती साऱ्या कथा,
एका स्पर्शात विश्व सामावे, प्रेमच ठरते जीवनव्यथा.

अहंकाराचे गळुनी बंधन, मन जेव्हा निर्मळ होते,
विठ्ठलनामाच्या गजरामध्ये, भक्तीचे गगन उजळते.

सुख-दुःखाच्या प्रत्येक वाटे, हातामध्ये हात असावा,
रुक्मिणीच्या अढळ श्रद्धेने, विठ्ठल अंतरी नांदावा.

प्रेम म्हणजे देह नव्हे रे, आत्म्याचा तो श्वास असतो,
श्रद्धेच्या अखंड ज्योतीमधुनी, जीवनाचा प्रकाश फुलतो.

करुणा, क्षमा, समर्पण जेथे, देवत्व तेथे जागे होते,
प्रेम तिथे विठ्ठल नांदतो, श्रद्धा रुक्मिणी रूपे फुलते.

पंढरी दूर नसते कधीच, भाव जर अंतरी शुद्ध असे,
प्रेमाच्या त्या पवित्र मंदिरात, विठ्ठल-रुक्मिणी सदैव वसे.

•ॲड.कीर्तिराज शैलेंद्र आगलावे, पुणे
मो:- 9011841212