स्त्री – पुरूष हेएकमेकांच्या आकर्षणाचे केंद्रबिंदू
मग त्यांच्या आकर्षणावरचपश्नचिन्ह का निर्माण होते बरे...
स्त्रीने अंगप्रदर्शनकरावे आणि पुरुषाने त्याकडे आकर्षित होऊ नये
म्ह्णजे पुरुषाच्या पुरुषत्वालाकुलूप लावणे नव्हे बरे...
परुाषाने स्त्रीकडेपाहताना तिच्यात आई, बहीण, मुलगी पाहावी
आणि स्त्रीने पुरुषाकडेपाहताना... न बोललेले बरे...
स्त्रीला पुरुषाच्याज्याचे आकर्षण ते तो उगडे ठेऊ शकत नाही हे त्याचे दूर्दैव
आणि स्त्रीच्याडोक्यावरील केसापासून पायाच्या नखापर्यंत सारेच
पुरूषाला आकर्षित करतेहे स्त्रियांचे
दूर्दैव बरे...

कवी – निलेश बामणे

सुमनांजली या काव्यसंग्रहातून….. 

प्रेमात पडते
हे वेडे प्रेम पाखरू
तुझ्यावर ही प्रीत जडते
//१//

धुंदीत जगते
मन गुंतले स्वप्नात
स्वप्नी नभात ते विहरते
//२//

बागेत बागडे
फुलावर विसावले
फुलपाखरू स्वच्छंदी गडे//३//

मकरंद घेण्या
मन आज आतुरले
फुलाफुलातुनी हुंदडण्या
//४//

हुंदडले अती
हाती भरल्या ओंजळी
मधुओंजळ करना रिती
//५//

प्राशी मधुरस
हे प्रेम पाखरू खुश
प्रित-अंगणी लागे चुरस//६//

-- सौ.माणिक शुरजोशी
नाशिक

उठा उठा हो सकळजन

स्वागत करु या रविउदयाचे

फूलून जाते जीवन ज्याने

त्या सूर्य आगमनाचे //धृ//

उषाराणीची चाहूल येता

चंद्रतारका ढळल्या आतां

चराचराना जागे करण्या

चाळवी निद्रा हलके हाता

वंदन करु या लिन होऊनी

चरण स्पर्शुनी उषाराणीचे //१//

स्वागत करुया रविउदयाचे

रंगबेरंगी सुमने फुलली

वाऱ्यासंगे डोलू लागली

दरवळूनी तो सुगंध सारा

वातावरणी धुंदी आणली

मकरंदापरि चंचल होऊनी

स्वाद घेवूया त्याच फुलांचे //२//

स्वागत करुया रविउदयाचे

पक्षी येती किलबील करिती

उठा उठा ते सांगुन जाती

कुजबुज करिती राघू मैना

ताना मारित कोकीळ गाती

कुक्कुटाची ती बांग तुतारी

आरंभ करिती पक्षीगीतांचे //३//

स्वागत करुया रविउदयाचे

डॉ. भगवान नागापूरकर

९००४०७९८५०

bknagapurkar@gmail.com

योजना तुमची चुकून जाते, जीवनाच्या टप्प्याची ।
अखेरचा क्षण जवळीं येतां, आठवण होते त्याची ।।

जोम असतां शरीरीं तुमच्या, करीता देहासाठीं ।
वृद्धत्वाचा काळ तुम्हीं ठेवता, ईश चिंतना पोटीं ।।

गलित होऊनी गेली गात्रे, अशांत करी मनां ।
एकाग्रचित्त होईल कसे तें, मग प्रभू चरणां ।।

दवडू नका यौवन सारे, ऐहिक सुखामागें ।
त्या काळातील प्रचंड ऊर्जेस, लावा सत्कर्मे ।।

सदृढ असते शरीर जेव्हां, एकाग्र करा चित्त ।
मिळणाऱ्या ऊर्जेला, खर्च करा योग्य चिंतनांत ।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

माझे म्हणूनी जे मी धरले,

दूर होई ते मजपासूनी,

दूर ही जावूनी खंत न वाटे,

घडत असते कसे मनी ।।१।।

बहुत वेळ तो घालविला,

फुल बाग ती करण्यामध्ये,

विविध फुलांची रोपे लावूनी,

मनास रमविले आनंदे ।।२।।

कौतुकाने बांधी घरकूल,

तेच समजूनी ध्येय सारे,

कष्ट करूनी मिळवी धन,

खर्चिले ते ह्याच उभारे ।।३।।

संसार करूनी वंश वाढवी,

संगोपन ते करूनी त्यांचे,

थकूनी जाई देह आता तो,

चित्त लागते ईश चरणाचे ।।४।।

ओढ आतां उरली न काही,

ज्याच्यासाठी तगमगलो,

निवृत्तीची वृत्ती मिळूनी,

समाधानी तो होऊ शकलो ।।५।।

डॉ. भगवान नागापूरकर

९००४०७९८५०

ध्येय असावे तुमचे नेहमीं
आनंद मिळवण्याकडे
'आनंद ' हाचि ईश्वर असतो
समजून घ्याहो हे कोडे ।।१।।

शरीर देई 'सुख ' तुम्हांला
क्षणिक ते तर असती
सुखाच्या पाठीशी छाया असते
'दुःख ' तयाला संबोधती ।।२।।

सुखाबरोबर नाते असते
सदैव अशाच दुःखाचे
वेगळे त्यांना कुणी न करती
जाणा तत्त्व हे जीवनाचे ।।३।।

'आनंद ' भावना असे एकटी
नसे तेथे दुजी भावना
'मोक्ष' तयाला म्हणती कुणी
आस्तित्व त्याचे तुमच्याच मनां ।।४।।

व्यर्थ जातील प्रयत्न तुमचे
'आनंद' शोधता बाहेरी
विसरुन जाता जर देहाला
मिळेल तुम्हां ते अंतरी ।।५।।

डॉ. भगवान नागापूरकर
९००४०७९८५०
e-mail- bknagapurkar@gmail.com

अनामिक जे होते पूर्वी,

साद प्रेमाची ऐकू आली ।

योग्य वेळ येतां क्षणी,

हृदये त्यांची जूळूनी गेली ।।१।।

शंका भीती आणि तगमग,

असंख्य भाव उमटती मनी ।

विजयी झाले ऋणानुबंध,

बांधले होते हृदयानी ।।२।।

उचंबळूनी दाटूनी आला,

हृदयामधला ओलावा ।

स्नेह मिळता प्रेम मिळाले,

जगण्यासाठी दुवा ठरावा ।।३।।

मनी वसविल्या घर करूनी,

क्षणीक सुखांच्या आठवणी ।

जगण्यासाठी उभारी देतील,

शरीर मनाच्या दु:खी क्षणी ।।४।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

जीव भुलोकीचा पाहुणा
अनिश्चिती,या स्पंदनांचा
संपता, पाहुणचार दैवी
घेतो जगी निरोप सर्वांचा।।

गतजन्मांचीच सारी नाती
याच जन्मी, ऋणमुक्तीची
चित्रगुप्ताच्याच चोपडीत
चोख हिशेब सारा सर्वांचा।।

सलोख्याने ऋणमुक्त व्हावे
निजानंदी! निजसुख घ्यावे
निरपेक्षी सुखदा ही आगळी
मना ध्यास असावा मुक्तीचा।।

जीवनी, सुखरूपताच शांती
निर्मोही! प्रीतीस्पर्श सदानंदी
वरदान! कृपावंती तेच ईश्वरी
श्रद्धाभाव रुजवावा भक्तीचा।।

-- वि. ग. सातपुते.(भावकवी)

9766544908

रचना क्र. ४१.

९ - २ - २०२२.

भीतीपोटी सारे करतां
असेच वाटते....।।धृ।।
विवेकानें विचार करा, तुम्हांस हे पटते
त्रिकाळ चाले पूजा अर्चा
प्रभूविषयी होई चर्चा
बालपणींच पडे संस्कार
सारे देण्या समर्थ ईश्वर
कृपे वाचूनी त्याच्या, तुम्हां सुख दुरावते....१
भीतीपोटी सारे करता, असेच वाटते,
चूक असे हे ठसें मनाचे
कर्म ठरवीं तुम्हींच तुमचे
सहभाग नसे यात प्रभूचा
सारा खेळ असे तो मनाचा
अपयश मिळेल म्हणून टाकी, भार ईश्वरावरते.....२
भीतीपोटी सारे करता असेच वाटते
ऐषआरामाचे आम्ही पाठीं
धडपड चाले सुखासाठी
साशंक सदा मन असते
म्हणून सारे वंचित होते
मिळवण्यासाठीच त्याला भजावे, ही भावना मनी येते....३
भीतीपोटी सारे करता असेच वाटते
वाद नसे ईश्वर शक्तीचा
चालवी सतत गाडा विश्वाचा
खेळ बघे तो दूर राहूनी
सारे देई तुम्हावरती सोपवूनी
परि मन वेड्या आशेने, त्याजकडे धावते...४
भीतीपोटी सारे करता, असेच वाटते

डॉ. भगवान नागापूरकर
९००४०७९८५०
bknagapurkar@gmail.com