कविता-गझल-चारोळी-वात्रटिका
-
मुरब्बी
लोणच्याला चव येते,
थोडे मुरल्यानंतर ।
आंबाही स्वादिष्ट लागे,
आंबून गेल्यानंतर....१,
विचारांची मजा वाटे,
ऐकता ज्ञानी विचार ।
परिपक्वता त्यांच्यातील,
देई आनंदाला धार...२,
परिपक्वता येण्यासाठीं,
अनुभवाची भट्टी हवी ।
ज्ञान चमकते,
जेव्हां तर्कज्ञान पाही....३,
विचारांत मुरलेला,
मुरब्बी तो असतो ।।
अनुभवाच्या शक्तीनें,
योग्य पाऊल टाकतो...४
डॉ. भगवान नागापूरकर
संपर्क - ९००४०७९८५०
December 12, 2016
-
आस…
ओळीने चालल्या
बगळ्यांच्या रांगा
हा निरोप अमुचा
त्या ढगांना सांगातहान लागली
धरतीच्या लेका
थेंब पावसाचे
जमिनीत टाकापुरे झाली आता
दुष्काळाची सजा
पाषाणहृदयी तू
होऊ नको राजाझाडांना दे पाणी
जनावरांना चारा
धान्याची बरकत
जीवांना निवारा
ओळीने चालल्या...-- © विठ्ठल जाधव
शिरूरकासार (बीड)
सं. ९४२१४४२९९५ October 22, 2019
-
मन:शांती
जगायचे अजुनही राहिले कितीजगुनही जगती या कळले नाहीआठविती सारे क्षण ते भोगलेलेआसक्ती, लालसा संपली नाहीहव्यास, जीवनी असावा कितीयाचाच अंदाज बांधता येत नाहीसमाधानी वृत्ती सदा मनी असावीत्यावीण दुजी जगती सुखदा नाहीसुखदुःख, आनंद, दान भाळीचेभोगण्याविण दुसरा पर्याय नाहीजे जे लाभले ते ते दान भगवंताचेत्याच्या कृपेविण जीवा सद्गती नाहीहसत खेळत जगुनी जीवा जगवावेसंघर्षात कदापिही मन:शांती नाहीठेविले अनंते, तैसेची जगी रहावेयाविण दूजा, जीवनाचा अर्थ नाही-- वि.ग.सातपुते. (भावकवी)9766544908रचना क्र. १२८.५ - ५ - २०२२. May 29, 2022
-
विसरण्यातील आनंद
विसरण्यातच लपला आहे, आनंद जीवनाचा
आठवणीचे द्वार उघडता, डोंगर दिसे दु:खाचा...१
दृष्य वस्तूचे मिळता ज्ञान, असे जे बाह्य जगीं
आकर्षण त्याचे वाटत असते, सदैव आम्हां लागी....२
वस्तूच्या त्या होवूनी आठवणी, सुख देई आम्हांला
क्षणिक असती सारे सुख, दु:ख उभे पाठीला...३
उपाय त्यावरी एकची आहे, विसरून जाणे आठवणी
विसरूनी जातां त्या सुखाला, दु:खी होई न कुणी...४
एकाग्र मनाची स्थिती म्हणजे, दुसरे काही नसे
जाता विसरूनी स्वत:लाही, जगास विसरत असे ... ५
डॉ. भगवान नागापूरकर
९००४०७९८५०
March 2, 2021
-
ग्रह परिणाम
वळून बघता पूर्व आयुष्यी,
प्रखरतेने हेची जाणले
घडले नाही कधीही ते ते,
हवे असूनी मनी योजीले....१सभोवतालची देखूनी स्थिती,
आखती योजना कल्पकतेने
खेळामधली चाल नियतीची,
ध्यानी न येते दुर्दैवाने.....२मार्ग तिचे ठरले असूनी,
बांधलेले इतर जीवांशी
अपूर्व योजना निसर्गाची,
कळेल कुणाला सहज कशी....३जाळीतल्या धाग्याची टोके,
गुंतली असती ग्रह गोलाशी
फिरता फिरता खेच पडे,
वा ढीली होवून जाती कशी.....४सुख दु:खाचे परिणाम हे,
असेच दिसून येती मग
अनपेक्षीत हे जेव्हा घडते,
म्हणती त्यासी दैवी अंग....५डॉ. भगवान नागापूरकर
९००४०७९८५०
bknagapurkar@gmail.com May 22, 2016
-
सिंह झालेले गाढव
मी ह्या उघड्या डोळ्यांनी पाहिले —
जंगलात कित्येक गाढव सिंह होताना,
आणि कित्येक सिंह गाढव होताना...जंगलाचा खरा राजा सिंहच होता,
पण आज जंगलात गाढवालाही
राजाचं मान मिळालं आहे.
कारण जंगलात सिंहाचे नाही,
तर गाढवाचे समर्थक जास्त झालेत...आज गाढवाला मिळणारे समर्थन पाहून
सिंहही स्वतःला शेळी समजू लागला आहे.
प्रत्यक्षात नाही, पण मनाच्या आत
त्याचाही जणू लिंगबदल झाल्यासारखा आहे.शंभर गाढवे मिळून
एका सिंहाला मूर्ख ठरवतात,
त्याला नाममात्र राजा करून
वर्षानुवर्षं जंगलावर राज्य करतात...©कवी – निलेश बामणे
( दिनांक: 25/10/2025 )
November 2, 2025
-
व्रत मौनाचे
आता सरु लागले आयुष्य हे सारे
तरीही तुझे मौन मात्र संपले नाही...कसला हा असा दैवयोग भाळीचा
हे गूढ तुझे अजूनही कळले नाही...शब्द तुझे अजूनही कां? अव्यक्त
हेच मजला अजूनही उमगले नाही...नव्हते कधीच काहीच मागणे माझे
तुजवीण जगणे कधीच रुचले नाही...श्वासासंगे, तुजवरी प्रेम करीत आहे
तुला कधीच विसरूही शकलो नाही...तूही हे सारे, सारेच जाणतेस तरीही
तुझे व्रत मौनाचे आजही संपले नाही...प्रीतिवीना कां? कधी जग हे जगते
हे सत्य, कधीच असत्य ठरले नाही...रचना क्र.५४
२२/६/२०२३
-वि.ग.सातपुते. (भावकवी)
9766544908
July 21, 2023
-
सुरमयी गीत गाऊ – भावगीत
सुरमयी गीत गाऊ,चल आज प्रीतीत नाहू
चल प्रेममयी गाव पाहू,जाऊनी तिथेच राहू।।धृ।।तुझ्या सवे निशा ढळे,
धुंद पहाट वात येई
तिथे माझ्या मिठीत, येशिल का?
मिठीत येऊनी, स्वप्ननगरी रत होऊ
चल प्रेममयी गाव पाहू,जाऊनी तिथेच राहू।।१।।भाव तुझे मनातील,हलकेच वदशील का?
भावसुमांची महफिल ,तिथेच छान भरेल का?
प्रीतीचा गंध नवा,चल चौफेर उधळू
चल प्रेममयी गाव पाहू,जाऊनी तिथेच राहू।।२।।प्रीतीत नाहूया,सुखात लोळूया
तुझ्या-माझ्या प्रीतीचा,रंग बघुया
प्रीतीच्या रंगात,रंगुनीएकरुप होऊ
चल प्रेममयी गाव पाहू,जाऊनी तिथेच राहू।।३।।-- सौ. माणिक शुरजोशी
November 24, 2019
-
स्थिर वा अस्थिर
स्थिर आहे जग म्हणूनी, अस्थिर आम्ही जगू शकतो
अस्थिर आहे जग म्हणून, स्थिर आम्ही जगू शकतो....१,
पोटासाठी वणवण फिरे, शोधीत कण कण अन्नाचे
थकला देह विसावा घेई, कुशीत राहूनी धरणीचे....२,
धरणी फिरते रवि भोवतीं, ऋतूचक्र हे बदलीत जाते
जगण्यामधला प्राण बनूनी, चैतन्य सारे फुलवून आणते....३,
पूरक बनती गुणधर्म परि, स्थिर असतो वा अस्थिर ते
विश्वचक्र फिरवित राहणे, निसर्गाचे तत्वची असते......४
डॉ. भगवान नागापूरकर
९००४०७९८५०
March 14, 2021
-
पाहुणे
रोज येती घरा हो
असे पाहुणे
एकलेपणातही
नाही काही उणे August 19, 2026
Copyright © 2025 | Marathisrushti