ये ! प्रियकरा स्वप्नात माझ्या,

स्वप्न मजला आवडते भावते

कल्पनेचे राज्य जरी,

आनंददायी वाटते....II धृ II

तव प्रतिमा मनी बसवली,

आठवण सदैव येवू लागली ।

जागेपणी मिळे न मजला,

स्वप्नी सारे तेच अनुभवते.......१

स्वप्न मजला आवडते ,

पूर्णत्वाचे सुख आगळे,

जीवन प्रवाही येती अडथळे ।

हवे हवेसे मनी ठरवी ते,

केवळ स्वप्नची मिळवूनी देते....२

स्वप्न मजला आवडते ,

कल्पना भाव तरंगे उठूनी,

रात्री गेल्या कित्येक रंगूनी ।

क्षणीक असूनी भ्रामक जरी,

स्वप्न दिलासी देवून जाते....३

स्वप्न मजला आवडते,

विश्वपसारा मायेचा हा,

जीवन गुंता दिसतो पहा ।

किरण आशेचे त्यात चमकूनी,

स्वप्न हे वरदान ठरते....४

स्वप्न मजला आवडते

डॉ. भगवान नागापूरकर

९००४०७९८५०

bknagapurkar@gmail.com

भेट तिची माझी थेट नभ-धराची
सुख क्षण भराचे आस जीवनाची

भेटण्यासाठी,प्राण गोळा कंठी
आठवांचा ताटवा,असे सदा सोबती
सुगंधीत मन जसे,कूपी अत्तराची

कोणास वदाव्या,दिलाच्या वेदना
कोण घेईल समजून,माझ्या यातना
माणसाचे जग की,दुनिया पत्थराची

जीव लावणाऱ्याचा,जग घेते जीव
कां तरी ह्या उरी,असे रूजे बिज
कोठे रिती करावी,व्यथा अंतरीची

भावना अनावर होती,सांज सकाळी
बावऱ्या मनाला, नच सुचे काही
जीवघेणी भासे, ती वेदना विरहाचि

© अरविंद टोळ्ये
९८२२०४७०८०
आपल्या अभिप्रायाचे स्वागत.
आवडली असेल तर नावासह जरूर शेअर करा.

तुझ्यासाठी ग फक्त तुझ्यासाठी
माझ्या मेंदूला कंप सुटतात
हृदयात वेदना रोज होतात...
तुझ्यासाठी ग फक्त तुझ्यासाठी
माझे डोळे अश्रूंनी ओलावतात
माझी स्वप्ने सारी भंगतात...
तुझ्यासाठी ग फक्त तुझ्यासाठी
माझे दिवस वाया जातात
माझे विचार स्वैर होतात...
तुझ्यासाठी ग फक्त तुझ्यासाठी
माझ्या क्षणांचे तास होतात
माझ्या जगण्याचे बारा वाजतात

कवी - निलेश बामणे ( एन. डी.)

श्रीकृष्णाचे जीवन बनली एक गाथा,
यशस्वी होई तुमचे जीवन चिंतन त्याचे करिता ।।१।।

तल्लीनतेच्या गुणामध्यें लपला आहे ईश्वर,
तल्लीनतेचा आनंद लुटा शिकवी तुम्हा मुरलीधर ।।२।।

बालपणीच्या खेळामध्ये जमविले सारे सवंगडी,
एकाग्रतेने खेळवूनी आनंद पदरीं पाडी ।।३।।

मुरलीचा तो नाद मधूर मन गेले हरपूनी,
डोलूं लागले सारे भवतीं मग्न झाल्या गौळणी ।।४।।

टिपऱ्या घेवूनी नाच नाचला गोपी साऱ्या जमवूनी,
लय लागूनी जातां सारी संसार गेली विसरूनी ।।५।।

राधा तर वेडी झाली तुझ्यावरील प्रेमानें,
लुटून जावे प्रेमामध्यें शिकविले श्रीकृष्णानें ।।६।।

गीतेचे तर ज्ञान आगळे उकलेले जीवन कोडे,
आत्मज्ञान घेतां त्यातील जीवनाचे दर्शन घडे ।।७।।

डॉ. भगवान नागापूरकर

९००४०७९८५०

bknagapurkar@gmail.com

चावी

एकदाच तिने माझ्या भेदक या नजरेला नजर दिली

माझ्याकडे पहात गालात लाल गोड हसली ….

नदी वाहे झुळझुळ झुळ,
पाणी तिचे थंडगार.
कचरा टाकू नका कुणी,
नदी रडते वारंवार.

नदी देते पाणी गोड,
झाडे, शेती, फुले फुलती.
नदी जर झाली स्वच्छ सुंदर,
पक्षी आनंदाने गाती.

चला मिळून वचन देऊ,
नदी नेहमी स्वच्छ ठेवू.
नदी हसली, आपण हसू,
आनंदी भारत घडवू.

पावसाचे थेंब पडती,
नदी आनंदाने हसते.
स्वच्छ नदी, सुंदर धरती,
सारे मिळून तिला जपू.

•ॲड.कीर्तिराज शैलेंद्र आगलावे, पुणे ✨
मो:- 9011841212

वाऱ्यावरती हलती तरुलता,पाने,फळे त्यातून बहरती,
निसर्गाची किमया सारी,
मानवा तू शिकणार कधी,-!!!

सारी संपत्ती निसर्गाची,
तुझा देह ही केवळ माती,
का एवढी अहंता बाळगी,
मातीमोल सारे,मिळता गती,-!!

मी, माझे, माझे करत राहशी,
वृत्ती का नसावी समाधानी,--?
धरातली नच तुझे काही, ---
तुज याची जाणीव नाही,--!!!

त्याग शिकवतो निसर्ग केवळ,
दातृत्व त्याचे मोठे किती,
कळले ज्याला तो कधीही,
स्वतःची न गाणार महती,--!

काय देशी तू झाडांना,
कचरा म्हणुनी खतपाणी,
झाड काय देते तुज,
विचार कर ध्यानीमनी,--!!!

ओरबाडशी तू त्यांना,
सरळ सरळ घाव घालीशी,
जे हवे ते तोडून नेशी,
निर्घृणता ही कायमची,--!!!

तरीही देती थंड सावली,
तक्रार त्यांची कुठलीच नाही,
अत्याचार त्यांच्यावर करशी,
बळी जाशी ना तूच शेवटी,--!!!

हिमगौरी कर्वे.©

शब्दभावनांची जुगलबंदी