विसरू कसे , क्षण मी सारे

श्रावण एक पवित्र महीना
असे पुजा-पाठांचा
प्रत्येक वारी व्रत वेगळे
महिमा देवी-देवतांचा

ऊन पावसाचा खेळ चाले
नजारा इंद्रधनुष्याचा
सणासुदीची सुरुवात होई
पहीला सण नागपंचमीचा

नारळीभाताची लज्जत भारी
सण आगळा रक्षाबंधनाचा
कृष्ण जन्माष्टमी साजरी होई
तरुणाईत उत्साह दहीहंडीचा

अळूवडी आणि अळूचे फतफत
बेत शाकाहारी जेवणाचा
सत्यनारायण पूजा घरोघरी
साधकास लाभ श्रवणाचा

श्री.सुनील देसाई
१०/०८/२०२२

चिरंजीवी स्मरण तुझे

जीवनातील वाटे वरती, कडेकडेने उभे ठाकले

परि वाटसरूंना सारे ते, यशातील अडसर वाटले...१,

वाट चालतां क्रमाक्रमानें, बाधा आणून वेग रोकती

ध्येयावरल्या उच्च स्थळीं, पोहचण्या आडकाठी करिती...२,

षडरिपूचे टप्पे असूनी, भावनेवर आघांत होतो

सरळ मार्गाच्या विचाराला, आकर्षणाचा खेंच बसतो...३,

पवित्र निर्मळ भावनेमध्ये, रंगाच्या त्या छटा उमटती

गढूळपणाच्या वातावरणीं, सारे कांहीं गमवूनी बसती....४,

थोडे राहता गाफील तुम्ही, जाळ्यामध्ये अडकून जातां

जीवनाचे जे साध्य असते, स्वकर्माने गमवून बसतां...५

डॉ. भगवान नागापूरकर

९००४०७९८५०

जेथे जातो,
तेथे मी खातो,
संपूर्ण खात्याला
मी बरबटवतो,
ओळखा पाहू मी कोण?

भाषणबाजी करतो,
नारेबाजी करतो,
लोकांना भडकविण्याचे
काम मी करतो,
ओळखा पाहू मी कोण?

लोक येतात,
लोक जातात,
मागितलेली माहिती
देण्याचे टाळतात,
ओळखा पाहू मी कोण?

-- मयूर तोंडवळकर

काळोखातही सृष्टीची ही गंमत न्यारी

दिन दुबळे रोगी जर्जर, कितीक पसरले या संसारी

काटे काढूनी जीवनावरचे, सुगंध घ्या कुणीतरी....१

शून्यामधले कितीकजण, शून्यची सारे अवतीभवती

परिस्थितीच्या वणव्यामध्ये, धगधगणारे जीवन कंठती....२

आज हवे त्यांना कुणीतरी, फुंकार घालील दु:खावरती

सहानुभूतीचा शब्द, निर्माण करील सहनशक्ति....३

क्षीण होता दृष्टी, दिसेल कां धडपड

श्रवणदोष येण्यापूर्वी, ऐकून घे दु:खी ओरड...४

चपळ सारे अवयव असता, धावपळीचे जीवन बघ तू

संगे जावून जाण त्यांचा, जगण्यामधला हेतू...५

जेव्हां असशील विंवचनेत, लक्ष केंद्रीत स्वदेहा भवती

कोण जगतो कसा काय , जाणून घेण्या सवड कुणा ती...६

डॉ. भगवान नागापूरकर

९००४०७९८५०