काढूनी झाडाच्या सालींचा आडोसा घेतला ज्या कुणीं
स्वांतंत्र्याच्या कल्पनेला बंधन पडले त्या क्षणीं ।।१।।

नग्नपणें फिरत होता श्र्वानासारखा चोहींकडे
सुसंस्कृतीची जाण येतां स्वच्छंदाला बाधा पडे ।।२।।

स्वतंत्र असूनी देखील पडते परिघ भोवती
जीवन जगण्या करितां बंधने ती कांहीं लागती ।।३।।

स्वांतत्र्याची तुमची व्याप्ती असावी दुजांना जाणूनी
दिव्य करण्याच्या ईर्षेने संस्कृतीस होइल हानी ।।४।।

ओंगळपणाचे चित्रण करती जे लेखक- कवि
आगळेपणाची भूमिका मनांत त्याच्या असावी ।।५।।

बाध न येतां बंधनाला भव्य असे करुं शकतात
चाकोरी मध्येंच राहूनी आकाशाला भिडूं शकतात ।।६।।।

निर्माण करुन गीतेला हजारों वर्ष ती झाली
तोच विषय पुन्हां घेउनी ज्ञानोबांनी बाजी मारली ।।७।।

सोडा तुम्हीं वेडा विचार स्वचछंदी त्या जगण्याचा
गढूळ होता वातावरण गुदमरेल जीव तुमचा ।।८।।

जेव्हां कुणी स्वातंत्र्य मागे त्याच्याही मर्यादा असती
दुजे त्याच्या पाठीमागचे एक पाऊल पुढे टाकती ।।९।।

दुसऱ्याचे हेच पाऊल पहिल्यास ठरे घातक
दुष्टचक्र स्वच्छंदाचे पोखरुन टाकील कित्येक ।।१०।।

तयार करित आहात बेतालपणाचा भस्मासूर
तुम्हांलाही नष्ट करील हात ठेउनी शिरावर ।।११।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

इटलीचे लिओनार्डो दा विंचीच्या यांचा आज जन्मदिन असतो. म्हणून आज जागतिक कला दिन(वर्ल्ड आर्ट डे) साजरा करावा म्हणून निश्चित करण्यात आले. दा विंचीची जागतिक शांतता, अभिव्यक्ती स्वातंत्र्य, सहिष्णुता, बंधुता आणि बहुसंस्कृतीवाद तसेच इतर क्षेत्रात कला महत्त्व म्हणून निवडण्यात आले.

मातृभूमीच्या शूर जवाना

स्वातंत्र्या आधी आणि नंतर

आमच्यासाठी किती खस्ता खाल्यास

याचा इतिहास विसरलो नाही आम्हीं !

मातृभूमीच्या शूर जवाना आप्तांसाठी

ऊन, पाऊस, बर्फाच्या वादळात

सीमारेषेचे डोळ्यात तेल घालून

चोवीस तास राक्षण करतोस !

शत्रूने केलेल्या मातृभूमीवरील भेकड हल्याचे

सर्जिकल स्ट्राईकने चोख उत्तर देतोस

आपल्या आप्तांचे रक्षणकरण्या

वीर मरण पतकरतोस !

मातृभूमीच्या शूर जवाना

तुझा जागता पाहारा आहे सीमेवर

म्हणून दैनंदिन व्यवहार सुरळीत होतात

आणि रात्री आप्त निश्चिंत झोपतात !

मातृभूमीच्या शूर जवाना

उत्सव आणि सणवाराला कुटुंबियांसमवेत नसतोस,

कारण तू सीमेवर मातृभूमीच्या रक्षणाचे

कर्तव्य पार पाडत असतोस !

मातृभूमीच्या शूर जवाना

आम्हीं काय करावे अशी तुझी अपेक्षा आहे?

मातृभूमीचा शूर जवान म्हणतो

करण्यासारखे बरेच आहे !

आपल्या आजूबाजूला काही

संशयास्पद वाटले तर

कायदा हातात न घेता

पोलिसांना कळवा !

मेल, फेसबुक, ट्वीटर, वॅाटसप

सोशल मिडियाचा वापर करण्यास शिका,

पण त्याचा गैरवापर होणार नाही

याकडेही लक्ष असू द्या !

डिझास्टर मॅनेजमेंटचे शिक्षण घ्या,

आपल्या बहादूर जवानांवर विश्वास ठेवा,

वीरमरण आलेल्या जवानांच्या

कुटुंबियांना आधार द्या !

देशाच्या अखंडतेला कुठे तडा जाईल

असे एकमेकांशी वागू नका

युद्ध प्रसंगी अफवा पसरवू नका

अफवांवर विश्वास ठेऊ नका !

-- जगदीश पटवर्धन

कळी लाजते पानात
तिला खुणावतो वारा
बसे डोलवित मान
अंगी फुटतो शहारा..

मी आलो रे तुझ्या दारीं, मला म्हणतात श्रीहरी

झोपलो होतो सागरी, तंद्री मोडी कुणीतरी, ।।१।।

शांतीने पडू देईना, तुझी ती तपसाधना,

लक्ष माझे खेची कुणी, प्रश्न पडला मना ।।२।।

तूच दिसला पुंडलीका, आई-बापा मांडी देऊनी,

माझे लक्ष तुझकडे, परि तेच तूझ्या नयनी ।।३।।

आई – बापाच्या सेवेत, गुंगलास तूं सतत,

सेवा शक्ति मला छळे, तुला कांहीं न कळे, ।।३।।

थांबव पुंडलिका सेवा, सहन न होई तो ठेवा,

तुजकडे बघ आलो, मनी समाधानी झालो ।।४।।

उभा केलेस मजला तू टाकलेल्या विटेवरी,

मग्न आई-बाप सेवेत, निघूनी गेला दूरी ।।५।।

होऊनी गेली, अठ्ठावीस युगे,

आज देखील, मी वाट बघे ।।६।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

हे यंत्रा !
तुझी जात कोणती?
तुझा धर्म कोणता?
तुझा पक्ष कोणता?
तू सनातन आहेस?
कि पुरोगामी आहेस?
तू सजीव आहेस?
कि निर्जीव आहेस?
का बनवतोस रस्ता?
धर्मनिरपेक्ष तुझे काम
संविधानावर तर चालतोयस..
मानवी कल्याणासाठी तू..
यंत्रयुगातील तू..
कोणती घ्यावी शिकवण?
हे यंत्रा !

विठ्ठल जाधव
शिरूर, जि.बीड
सं.९४२१४४२९९५

कुण्या लोकीचा पातला धरेवरी जादुगार?
गर्भातून मातीच्याही घुमू लागले हुंकार
तरुवेलींवर आली पुन: नवी तरुणाई
दूर राईत आंब्याच्या आर्त कोकिळाही गाई
इथे तिथे लोचनांना सृजनांचे साक्षात्कार
कुण्या लाजवंतीचे ग स्वप्न होतसे साकार?
गडे, माझ्या अंगणी वाजे वसंतपाउल
जडावल्या फांदीवर हळू उमलू ये फूल !

जेव्हां मी म्हणतो माझे, सोय माझी असते त्यांत,

देह जगविण्या कामीं, प्रयत्न हे सारे होतात....१,

देह वाटते साधन, प्रभूकडे त्या जाण्याचे,

त्यासी ठेवतां चांगले, होते चिंतन तयाचे.....२

भजन करा प्रभूचे, सूख देवूनी देहाला

परि केवळ सुखासाठीं, विसरूं नका हो त्याला......३,

देह चांगला म्हणजे, ऐश आरामीं नसावे,

ती एक सोय असूनी, त्यांने प्रभू मिळवावे.....४

डॉ. भगवान नागापूरकर

९००४०७९८५०

bknagapurkar@gmail.com

घक्के देऊन आली धरणीकंप करुन

भावना मनीं चमकली बनेल ही महान ।।

बालपणाची मुर्ति गोंडस तुझें भाव

तेज चेहऱ्यावरती घेती मनाचे ठाव ।।

शाळेतील जीवन दाखवी मार्ग विजयाचे

सर्वामध्यें चमकून प्रमाण मिळे यशाचे ।।

एकाग्रचित्त करुनी मिळवलेस तूं यश

प्रतिष्ठा टिकवूनी असेच जा सावकाश ।।

विजे सारखी चमकूनी झेप घे नभांत

प्रकाशमान होऊनी यशस्वी हो जीवनांत ।।

एका गोष्टीची जाण असावी तुझ्या मनीं

मिळण्यास हा मान पाठीराखे आहेत इतर कुणी ।।

डॉ. भगवान नागापूरकर

९००४०७९८५०

लाभला जीवा निखळ मैत्र
सुखावलो सदासर्वकाळ
सुखही होते , दुःखही होते
भोगभोगले प्रारब्धाचे खेळ.....
भाळी पान्हाच मातृत्वाचा
निर्भयी आधार पितृत्वाचा
नव्हती कशाची खंतवेदना
स्पर्श निर्मली सात्विकतेचा....
अंगणीचा सडा संस्कारांचा
मीत्वास , दूर सारित राहिला
नुरली अपपर भावनां अंतरी
बीजांकुर मानवतेचा रुजला....
लागला जन्म सारा सार्थकी
जाणवला साक्षात्कार ईश्वरी
ब्रह्मातची ब्रह्मनाद ब्रह्मानंदी
गीतातुनी स्त्रवली मधुर पावरी....

रचना क्र.
१३१/१/१०/२०२३
-वि.ग.सातपुते.(भावकवी)
( 9766544908 )