तुझ्या ओढीने आले इथवर
सांग जायचे आता कुठवर...

ओंजळ भरण्यासाठी एकदा
दान टाकशील का रे मूठभर..

बांध फुटतो सांग कितीदा
अश्रू ओघळे ह्या बांधावर ..

कवेत घ्यावे मला कुणीतरी
श्वासातून जीव माझा झरझर..

मुकेच गाते जीवन सरिता
सूर आळवण्या नाही प्रियकर..

दऱ्या खोऱ्यात आटली नाही
पाणी पिते स्वतः च घोटभर..

फुलली वनराई मळे बहरले
लाट उसळली अंतिम टप्प्यावर

चिरंतन तप करून युगांचे
समिप आला अनंत रत्नाकर

चष्मा लावूनी करित होतां, ज्ञानेश्वरीतील पारायण

दृष्टीमधले दोष काढले, चाळशीचा आधार घेवून....१,

फूटूनी गेला एके दिवशीं, चष्मा त्याच्या हातामधूनी

पारायणे ती बंद पडली, दृष्टीस त्याच्या बाध येवूनी...२,

चालत असता सरळपणे, दैनंदिनीचे कार्यक्रम

खीळ पाडूनी बंद पाडी, क्षुल्लक वस्तू क्षुल्लक दाम...३,

वस्तूचे ते मूल्य ठरते, तिच्या उपयोगिते वरती

तोलण्यास ते धन न लागे, मूल्य मापन जेंव्हां होती....४

डॉ. भगवान नागापूरकर

९००४०७९८५०

आई होऊन कळले मजला,

कष्ट आईचे आज खरे ।

स्वानुभवे जे जाणूनी घेई,

तुलना त्याची कोण करे ।।१।।

नऊमास तू जपला उदरी,

क्षणाक्षणाला देऊनी शक्ती ।

बाह्य जगातून शोषून सारे,

सत्व निवडूनी गर्भा देती ।।२।।

देहावरी आघात पडता,

झेलूनी घेई सारे कांहीं ।

बाळ जीवाला बसे न धोका,

हीच काळजी सदैव राही ।।३।।

संगोपन करीता करीता,

हासत होती अर्धपोटी तू ।

सुखी ठेवण्या सोशीली दु:खे,

कधी न कळला उद्दात हेतू ।।४।।

कसे फेडू मी ऋण मातेचे,

पेटविली ज्योत जिने ।

अर्पियले जरी जीवन सारे,

ऋण तिचे न फिटे ।।५।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

देह चिखलाचा गोळा,
माय बाप रे कुंभार
त्यासी देती ते आकार,
तसा तसा घडे जाय..!!!

लहानपणी माय बाप,
बहीन भाऊ गोतावळा,
मोठा व्हता बायको भार्या,
जिनं व्यापुनं टाकीते...!!!

लेकर बाळ आन संसारं,
दमछाकीचा तो खेळं,
किती धावशीलं पळशीलं,
भावना बाजाराचा मेळं...!!!

देवा बाजार मांडला,
सगळे बाव्हले बाव्हले,
मोह टाकुनिया त्यातं,
जिवं कामालं लावले...!!!

देवा देले दोनं हातं,
किती मावलं रे त्यातं,
येता येळ निरोपाची,
वंजुळ कायमचं रिती...!!!

येता शेवटची वेळं,
नच थांबीतो तो काळं,
आखरीची ओठी ओळं,
तीबी देहासंगं जळं !!!

©गोडाती बबनराव काळे
9405807079

संसारातील ऐहिक सुखे, धडपडीने मिळवीत असे

प्रयत्नातील आनंद खरा, भोगण्यांत तो दिसत नसे

उबग येई ह्याच सुखाची, जीवन खर्चीले ज्या करितां

त्या सुखांत समाधान नव्हते, जाणवले तेच मिळतां

प्रभू मिलनाचा आनंद तो, चिरंतर ते समाधान देयी

ईश्वरी मार्ग खडतर असूनी, क्लिष्टता येते मनाचे ठायीं

तसेच चाला उबग सोसूनी, कठीण अशा त्या मार्गावरती

यश येईल कष्टाचे परि, संपूर्ण समर्पण जेव्हां होती

डॉ. भगवान नागापूरकर

९००४०७९८५०

ज्या ज्या वेळी येई संकट, धांव घेत असे प्रभूकडे ।

संकट निवारण करण्यासाठीं, घालीत होता सांकडे ।। १

चिंतन पूजन करूनी, करीत होता प्रभू सेवा ।

लाभत होती त्याची दया, त्याला थोडी केव्हां केव्हां ।। २

संकटी येता करी पूजन, उपयोग होईना त्याचा ।

कामी येईल पुण्य , विचार करीतां भविष्याचा ।। ३

संचित पुण्य आजवरचे, कार्य सिद्धीला लागते ।

सुख दु:खाच्या हर समयीं, ठेवा मुखीं प्रभू नामाते ।। ४

डॉ. भगवान नागापूरकर

९००४०७९८५०

वातावरणी वस्तू पडतां,
नाश पावते लवकर ती,
हवा पाण्याच्या परिणामानें,
हलके हलके दूषित होती ।।१।।

ठेवूं नका उघडयावरती,
वस्तू टिकते निश्चितपणे,
दूषितपणाला बांध घालता,
कसे येई मग त्यात उणे ।।२।।

बाह्य जगातील साऱ्या शक्ती,
आघात करती मनावरी,
दूषिततेचे थर सांचूनी,
मनास सारे दुबळे करी ।।३।।

देहामध्यें बंदीस्त ठेवून,
एकाग्रचित्त करा मनाला,
कांहीं न करता येते तेव्हां,
राग लोभादी बाह्य गुणाला ।।४।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

वसंत ऋतूवर निलेश बामणे यांची एक कविता..

हिशोब तुजला घ्यावयाचा, मानव दरबारी थोडा,

दृष्य केले जे का येथे, मानव वाचील त्याचा पाढा ।।१।।

अदृष्य सारे कोण जाणती तुजवीण, ना कोणी येथे,

खरा हिशोब तोच कर्माचा, पाप असो वा पुण्य मग ते ।।२।।

नीती अनीतीच्या चाकोरीतून, जाई कुणीतरी असा एकटा,

मानवनिर्मित असेल बघून, उचलील तो मग त्यातील वाटा ।।३।।

बाह्यांगाचे कर्म निराळे, शरिरमनाशी निगडीत ते,

अंतकर्मे आत्म्याची जाणे, बंधन त्यावरी कुणाचे नसते ।।४।।

असेल जे का सत्य तेवढे, चिटकूनी राही आत्म्यासंगे,

शरिर मनाच्या विळख्यामधूनी, सोडवूनी घेई आपली अंगे ।।५।।

क्षणात जाईल जळून सारे, देह मनाचे जे जे वेष्ठण,

सोडून मागे केवळ राही, सत्य आधारीत असे ते जीवन ।।६।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

प्रयत्न करितां जीव तोडून, जेव्हां यश तुम्हा न येई
सोडून देता त्याला तुम्हीं, नशिबास दोष देत राही..१

दोष नका देवू नशिबाला, मार्ग निवडले तुम्ही चुकीचे
का न मिळाले यश तुम्हां, मूल्यमापन करा प्रयत्नाचे...२

चूक दिशेने प्रयत्न होतां, वाहून जातो सदा आपण
यश जेव्हा मिळत नसते, निराश होवून जाते मन...३

पुनः पुन्हा प्रयत्न करूनी, यश न आले तुमचे हातीं
प्रयत्नाची दिशा बदलतां, जुळून सहजच सारे येती...४

डॉ. भगवान नागापूरकर
संपर्क - ९००४०७९८५०
bknagapurkar@gmail.com