आत्मविश्वास जागृत ठेवूनी,
कार्य घेवूनी तडीस नेती ।
कधीही न राही अवलंबूनी,
मदतीसाठी दूजा वरती ।।

ईश्वर करीतो मदत तयांना,
मदत करी जे आपले आपण ।
आपल्यातची तो ईश्वर आहे,
असते याची जयास जाण ।।

विश्वासाने हुरूप येई,
जागृत करीती अंतर चेतना ।
लक्ष्य सारे केंद्रीत होता,
यश चमकते प्रयत्नांना ।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

हपालेल्या निष्ठूर काळा,
समाधानी तू कसा होशील,
बळी घेण्याचे सत्र तुझे ते,
केंव्हां बरे तू थांबवशील ? ।।१।।

नित्य तुला भक्ष्य लागते,
वेध घेई टिपूनी त्याचा,
मिस्कीलतेने हासत जातो,
गर्व होई स्वकृत्याचा ।।२।।

अवचित कशी ही भूक वाढली,
मात करूनी त्या वेळेवरी,
सूडानें पेटूनी जावूनी,
बळी घेतले गरीबांचे परी ।।३।।

काळ येई परि वेळ न आली,
म्हणून सदा हताश होतो,
वेळेची ढिलाई बघूनी,
तांडव नृत्य करीतो ।।४।।

शांत होऊ दे क्रोध तुझा ,
बळी कुणाचा राग कुणावरी,
‘वेळवरती’ अवलंबूनी तूं,
जाण ठेव याची तरी ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

आज अचानक मी तुला पाहता
भावतरंग मनीचे, उमलुनी आले

निर्माल्याचाही तो गंधाळ सुगंधी
गगन, गतस्मृतींचे दाटुनी आले

सांग सखये, काय काय आठवू
लोचनी, तुझेच भास तरळलेले

खुणा! तुझ्या पावलो, पाऊली
आठव सारेसारे, हृदयी रुतलेले

अजुनही छळतो, तुझा अबोला
मन! अधीर हे तुझ्यात गुंतलेले

लाघवी प्रीती, चैतन्य स्पंदनांचे
मन! तव प्रतीक्षेत घुटमळलेले

आज अचानक मी तुला पाहता
भावतरंग मनीचे, उमलूनी आले

-- वि.ग.सातपुते .(भावकवी)

9766544908

रचना क्र.३८.

७ - २ - २०२२.

आजी वादी माजी वादी
समाजवादी प्रजा समाजवादी
लोकशाहीवादी हुकूमशाहीवादी
मवाळवादी जहालवादी
आस्तिक वादी नास्तिक वादी
धर्मवादी अधर्मवादी
भोगवादी चंगळवादी
राष्ट्रवादी राष्ट्रीयवादी
देशीवादी विदेशीवादी
खादी वादी विलायतीवादी
धर्मवादी धर्मनिरपेक्षवादी
आचार वादी भ्रष्टाचारवादी
जातीयवादी वंशवादी
वर्णवादी वर्णद्वेषवादी
काळेवादी गोरेवादी
अणुवादी अणुयुद्धवादी
वादी वादे जायते आतंकवादी

(प्रसिद्धी लोकप्रभा साप्ताहिक ७ मार्च २००३)

-- विनायक अत्रे.

दिनांक: ११/२/२००३.

११ सप्टेंबर २००१ रोजी अमेरिकेचे वर्ल्ड ट्रेड सेंटर आतंकवाद्यांनी विमानात घुसवून जमीनदोस्त केले. त्यामागे ओसामाचा हात आहे असे अमेरिकेने जाहीर केले. आणि त्याला जिवंत किंवा मृत पकडण्याची घोषणा प्रे. बुश यांनी केली. एकविसाव्या शतकातील भयंकर आतंकवादी.

ग्रामीण महाराष्ट्रातली युवकांची आजची मानसिकता आणि त्याचे होणारे परिणाम यावर भाष्य करणारा आणि जळजळीत अंजन घालणारा हा लेख.

ती – माझी छत्री
हल्ली असे होत नाही...
मी घराबाहेर पडल्यावर ती माझ्या सोबत नाही...
तिला माझ्या सोबत पाहून तो आलाच नाही...
तिला पाहताच तो कोठे दडून बसला मला माहीत नाही...
तो आल्याखेरीज तिच्या माझ्यासोबत असण्याला काही अर्थच नाही...
तो आल्याखेरीज ती ही कधी मोकळी होत नाही...
तो आल्यावर ती मोकळी झाल्याखेरीज राहात नाही...
आणि माझ्या डोक्यावर प्रेमाने मायेचा पदर धरायला ती विसरत नाही...
तेंव्हाच मला तिची माझ्यासोबत असण्याची खरी किंमत कळल्या खेरीज राहात नाही....
तो येतो तसा जातो... त्याच्या प्रेमात ओलीचिंब झालेली ती ही मग सुकल्याखेरीज शांत होत नाही...
मी तर सुकाच असतो... तिच्यामुळे....
पावसात भिजणार्‍या तिच्याकडे पाहात... ती भिजून ओलीचिंब झाल्याखेरीज मी काही जागचा हळत नाही...

-- कवी- निलेश बामणे ( एन.डी. )

अबोलतेच्या आठवणींनी,

भरलं होतं जुनं घर.....

गाई गुऱ्हांच्या आस्तित्वात,

फुललं होतं द्वार.....

चतुर बंधूंच्या नात्याला,

कष्टाची होती धार.....

माणुसकीच्या- जुन्या काळात,

इथं सुख होती दूर......

काळ्या मातीतल्या धान्यांन,

भरलं होतं जुनं घर......

कष्ट होतं भरपूर,

पण- "गरीबी होती फार".....

दोन बंधूच्या वाटणीनं,

बदललं पारं द्वार

आजोबा व वडिलांच्या माझ्या-कष्टाची,

आठवण येतं आहे फार.....

नाही राहिलं माझं,

गरिबाचं जुनं घर.......

-- गजानन साताप्पा मोहिते

तप्त होतां धरणी माता, शांत करी वर्षा तिजला

प्रफुल्लतेचे झरे फुटती, आंतूनी त्या मातीला.....१,

जलमय होती नदी नाले, दुथडी भरूनी वाहती

धबधब्यातील खरी शोभा, वर्षामुळेंच दिसती...२,

हिरव्या रंगीं शाल पसरते, धरणी माते वरी

ऊब यावी म्हणून मेघांचे, आच्छादन ती करी....३,

वर्षा धरती बहिणी असूनी, प्रभूची भावंडे

उचंबळूनी प्रेम येतां, धावून येते तिजकडे....७

डॉ. भगवान नागापूरकर
९००४०७९८५०
bknagapurkar@gmail.com