निळ्याशार समुद्री,
चालली कुठे नाव,
पुढे पुढे जाई अगदी,
घेत जीवनाचा ठांव, -!!!
जीवन आहे पसरलेले,
असीम आणखी अथांग,
निसर्गाची ,जादू सगळी,
फेडावे कसे त्याचे पांग,-!!!!
नाव चालली संथ अगदी,
खाली पारदर्शी पाणी,
सूर्यराजे उगवलेले वरती,
निळ्या निळ्या नभांगणी,
सोनेरी किरण त्यांचे,
अंबरात मुक्त विहरती,
पाण्याची सफर करायला,
चटाचटा उतरून येती,
सोनेरी रंगाची नक्षी,
पाण्यावर रेखाटत,
छोट्या बिंदूंची शलाका,
वरून खाली ओघळत,
ओजस्वी दिनकराचे कसे,
पाण्यावरती प्रतिबिंब,
नुसते त्याला पाहुनी वाटे,
तेजाचाच तो स्फुल्लिंग,-!!!!
वर खाली,- खालवर,
लाटा किती उचंबळती,
सोनेरी नक्षा हालत- हालत,
ठिकठिकाणी रांगोळी काढती, सोनेरी रंगावर कधी,
जळाची निळाई चढे,
कधी निळसर पाण्यामध्ये, सोनसळीरंग खेळे,-!
जीवनीही अशाच लाटा, वरवर किती उठती,
निळे सोनसळी थेंबही,
कधी सुखाचे होती मोती,-!!!

हिमगौरी कर्वे

काढूनी झाडाच्या सालींचा आडोसा घेतला ज्या कुणीं
स्वांतंत्र्याच्या कल्पनेला बंधन पडले त्या क्षणीं ।।१।।

नग्नपणें फिरत होता श्र्वानासारखा चोहींकडे
सुसंस्कृतीची जाण येतां स्वच्छंदाला बाधा पडे ।।२।।

स्वतंत्र असूनी देखील पडते परिघ भोवती
जीवन जगण्या करितां बंधने ती कांहीं लागती ।।३।।

स्वांतत्र्याची तुमची व्याप्ती असावी दुजांना जाणूनी
दिव्य करण्याच्या ईर्षेने संस्कृतीस होइल हानी ।।४।।

ओंगळपणाचे चित्रण करती जे लेखक- कवि
आगळेपणाची भूमिका मनांत त्याच्या असावी ।।५।।

बाध न येतां बंधनाला भव्य असे करुं शकतात
चाकोरी मध्येंच राहूनी आकाशाला भिडूं शकतात ।।६।।।

निर्माण करुन गीतेला हजारों वर्ष ती झाली
तोच विषय पुन्हां घेउनी ज्ञानोबांनी बाजी मारली ।।७।।

सोडा तुम्हीं वेडा विचार स्वचछंदी त्या जगण्याचा
गढूळ होता वातावरण गुदमरेल जीव तुमचा ।।८।।

जेव्हां कुणी स्वातंत्र्य मागे त्याच्याही मर्यादा असती
दुजे त्याच्या पाठीमागचे एक पाऊल पुढे टाकती ।।९।।

दुसऱ्याचे हेच पाऊल पहिल्यास ठरे घातक
दुष्टचक्र स्वच्छंदाचे पोखरुन टाकील कित्येक ।।१०।।

तयार करित आहात बेतालपणाचा भस्मासूर
तुम्हांलाही नष्ट करील हात ठेउनी शिरावर ।।११।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

`आम्ही साहित्यिक’ या फेसबुकवरील लोकप्रिय ग्रुपवरील कवी योगेश उगले  यांची माजी राष्ट्रपती डॉ. अब्दुल कलाम यांच्यावरील ही कविता खास वाचकदिनाच्या निमित्ताने…

असा कसा फसवशी कृष्णा,
जाऊन बसतोस कदंबावरी, पाण्यात आम्ही सचैल,
घेऊन गेलास वसने वरी,--!!!

थंडगार वार्‍याच्या झुळका,
अंगागाला कशा झोंबती,
पाण्यातून बाहेर येण्या,
अशक्य वाटे आम्हा किती,--!!!

काय हवे तुझं सांग तरी,
आमुची वसने दे‌ झडकरी,
कितीदा कराव्या विनंत्या,
काकुळतीला आलो आम्ही,--!!!

अर्ध्या पाण्यात उभे राहुनी,
दमलो आम्ही साऱ्या सख्या,
किती छळणार अजून सांग,
नाही कुणीच निर्जनस्थळी,--!!!

मुरली तुझी नको वाजवू ,
नको आम्हास असे खेचू,
वारंवार तुज हात जोडूनी,
आर्जवे करतो क्षणोक्षणी,--!!!

तुझ्या हातात आमुची लाज,
अरे वय कोवळे रे तुझे आज,
शोभते का तुला नंदलाला,
गोपिका तर आम्ही खानदानी,--!

वस्त्रांशिवाय कसे राहू,--
शिक्षा ही आम्ही कशी साहू,-?
पाण्यातून बाहेर कशा येऊ,
विचार करा तुम्ही थोडातरी,--!!!

सवंगड्यांना गोळा करुनी ,
सतत आमच्या खोड्या काढशी,
जाता-येता मस्करीत उगीच,
आमच्याशी छेडाछेडी करीशी,--

कळत नाही आम्हा,तुम्ही
कसे, केव्हा,उगवता सामोरी,
गांगरून जातो आम्ही,
तुमचे हे पवित्रे पाहुनी,--!!!

नको रे,नको, कान्हा ,
अंत असा आमचा पाहू,
दिली नाहीस जर वस्त्रे तर,
घरी कशा आम्ही जाऊ,--!!!?

हिमगौरी कर्वे©

सारेच आहेत दुबळे

कुणाते नसे शक्ति

वेळ येतां दुर्बल ठरे

जे सबळ समजती ।।१।।

विचार मनी येतां

दुसरा शक्तिशाली

समजोनी जावे तेव्हां

हार तुमची झाली ।।२।।

मनाची सबलता

हेच शक्तीचे मापन

काय कामाचा देह

दुर्बल असतां मन ।।३।।

सुदृढ देह व मन

यांची मिळून जोडी

जीवनातील यश

तुमच्या पदरीं पाडी ।।४।।

-- डॉ. भगवान नागापूरकर
९००४०७९८५०
bknagapurkar@gmail.com

मर्यादेचा बांध घालूनी,मर्यादेतचि जगती सारे ।
अनंत असता ईश्वर,मर्यादा घाली त्यास बिचारे ।।

जाण जगाची होई इंद्रियांनी,त्याला असती मर्यादा ।
विचार सारे झेपावती,ज्ञान शक्ती बधूनी सदा ।।

अथांग वाटे विश्वमंडळ,दाही दिशांचा भव्य पसारा ।
ईश्वर आहे थोर त्याहूनी,मोजमापाच्या उठती नजरा ।।

कशास करीतो तुलना सारी,भव्य दिव्यता आम्हा दाखवूनी ।
अज्ञानाने पडती मर्यादा,अनंत तत्वास त्याच क्षणी ।।

डॉ. भगवान नागापूरकर
९००४०७९८५०
bknagapurkar@gmail.com

नामघ्या हो तुम्ही, प्रभूचे सतत ।
नामस्मरण ते, अशू द्या मुखांत ।।१।।

काय सांगावी मी, नामाची थोरवी ।
दगडही जेथे, तरंगून जाई ।।२।।

राम नामामध्ये, प्रभुचा संचार ।
बनून कवच, रक्षती शरिर ।।३।।

नामाची लयता, मन गुंतवून ।
एकहोता चित्त, जाई आनंदून ।।४।।

अंतीम ते ध्येय, ईश समर्पण ।
नामानी साधती, प्रभू सर्वजण ।।५।।

डॉ. भगवान नागापूरकर
९००४०७९८५०
bknagapurkar@gmail.com

नक्षत्रांचे दीप उजळले
अवनीवर आकाश उतरले
अशा घडीला अवघी सृष्टी
मंगलमय झाली

शरीर एक साधन, साध्य करण्या प्रभूला,
शुद्ध देह- मनांत आठवा त्याला ।।१।।

व्यायाम आहार, नियमित वेळी,
शरीर तंदुरस्त, सुदृढ ठेवी ।।२।।

सुदृढ असता देह, करावे मनाला शांत,
टाळत असतां मोह, न येई तो भावनेत ।।३।।

षडरिपू हे विकार, काढा विवेकांनी,
निर्मळ ठेवा शरीर, पवित्रता राखूनी ।।४।।

देह आहे मंदीर, गाभारा तो मन,
आत्मा तो ईश्वर, आनंद देई आंतून ।।५।।

डॉ. भगवान नागापूरकर
संपर्क - ९००४०७९८५०
bknagapurkar@gmail.com

चित्र दिसते दर्पणी ,

जसे असेल तसे,

धूळ साचता त्यावरी,

अस्पष्ट ते होतसे ।।१।।

दर्पणा परि निर्मळ मन,

बागडते सदैव आनंदी,

दूषितपणा येई त्याला,

भावविचारांनी कधी कधी ।।२।।

निर्मळ ठेवा मन आपले,

झटकून द्या लोभ अहंकार,

मनाच्या त्या पवित्रपणाने,

जीवन होत असे साकार ।।३।।

डॉ. भगवान नागापूरकर

९००४०७९८५०

bknagapurkar@gmail.com