चो रु न बघणे माझे तसेच अन तुझेही तसेच

काही न जमणे माझे तसेच अन तुझेही तसेच /

संधी येती पुन्हा पुन्हा कितीतरी अनेकदा

धिटाई न करणे माझे तसेच अन तुझेही तसेच /

किती काळ जाई आणि किती भवताल हासे

काही न करणे माझे तसेच अन तुझेच तसेच /

खुणावी बट तुझी गालावर येऊन जरा

काही न घडणे माझे तसेच अन तुझेही तसेच /

पदर साडीचा वळवळतो उगाच का ?

काही न कळणे माझे तसेच अन तुझेही तसेच /

# कौशल

वेलींना आधार होता, वृक्ष वाटला दणकट परि

बुंधा ज्याचा किडूनी गेला, कोसळणार मग कधीतरी १

नष्ट करिल तरूवेलींना, धरणीवरती आडवा होता

सौंदर्य दिले लताफूलांनी, सारे कांहीं विसरूनी जाता २

वेलींनो आणि झुडपानों, सोडूनी घ्या आधार पोकळ

स्वतंत्रपणे तुम्ही जगण्या , स्वावलंबनाचे टाका पाऊल ३

डॉ. भगवान नागापूरकर

९००४०७९८५०

ध्यानाने काय साधले

ऐका सगळे लक्ष्य देऊनी

हेच साधले ध्यान लावूनी ।।धृ।।

संसारांत रमलो मोहांत गुंतलो

सुख दुःखात अडकलो

उकलोनी जीवन कोडे समर्पित झालो प्रभू चरणीं ।।१।।

हेच साधले ध्यान लावूनी

जाई पैशाच्या पाठीं देह सुखासाठीं

समाधानापोटीं

धडपडीतील चुक दिली दाखवूनीं ।।२।।

हेच साधले ध्यान लावूनी

धानाची समज उपदेशिला मज

ऐक मनाचा आवाज

तोड सर्व विचार चित्त एकाग्र करुनी ।।३।।

हेच साधले ध्यान लावूनी

एकाग्रतेची स्थिति ही ध्यानाची शक्ति

समाधान मिळविती

शांत करी मन देई चंचला घालवुनी ।।४।।

हेच साधले ध्यान लावूनी

सुख दुःखाची जाण तीव्रता कमी करुन

देऊनी तर्क ज्ञान

करी मनाची समज वाढवूनी ।।५।।

हेच साधले ध्यान लावूनी

डॉ. भगवान नागापूरकर

९००४०७९८५०

आता पुन्हा एकदा कृष्णविवरात काळ्या मांजराचा शोध
आता पुन्हा एकदा मिटत जाणाऱ्या पानात तारखांचा शोध

आपल्याच प्रत्येक चुकलेल्या खेळीला कुठे हक्काचा खांदा
कापलेल्या दोराची शिदोरी स्वर्गाला मिठीसाठी शिडीचा शोध

आयुष्याचा सारीपाट आणि डावास सुरुवातीस फितूर फासे
प्रत्येकाचं वेगळे महाभारत नि स्वतःसाठी कवचकुंडलाचा शोध

प्रत्येकाचा तळहात रेघ नि रेघ असते नियतीशी स्वतंत्र करार
गुलामांना अधिकार मृत्युपत्रावर सहीचा अबोध दैवी असा शोध

कुणाचे हात कुणा हाती किती वेळ नि नंतर हुंदके किती काळ
न संपणाऱ्या प्रवासात वेताळाच्या पाठीवरला नव्या गोष्टीचा शोध

मला नाही सोस कि माझ्या गाण्याला दाद देत कोसळावा आषाढ
कवितेच्या रानफुलात नांदावा ईश्वर माझ्या मुक्या आसवाचा शोध

-- रजनीकान्त

काही असले नसले,
तरी आनंदातच जगावे,
काय आणले, काय न्यायचे, सर्वांनाच आहे ठांवे ,--!!!

,मी मी करत करत,
कमरेला बांधून गोष्टी,
पैसाअडका, सोने-नाणे,
सारे ठेवायाचे पाठी ,--!!!

शेतीवाडी, जमीनजुमला,
भाईबंद हक्क सांगती,
भाऊबंदकी होऊन निव्वळ,
तुटतात सगळी नाती गोती,--!!!

हे माझे ते तुझे,
कशासाठी, आपपरभाव,-?
स्वार्थ आपमतलब शेवटी,
करून दु:खी होतो मानव,--!!!

सख्खे, सख्खे न राहती, परस्परांच्या जिवांवर उठती,
आपल्या पोळीवर तूप ओढुनी, दुसऱ्यास वाईट ठरवती,-!!!

काय मिळते असे करून,
जीवनी फक्त ताण तणाव,
शरीर मन नसते धड,
दुखण्यानाही चढतो भाव,--!!!
जगण्यातलानिखळआनंद निसर्गात खूप दडला असे,
पदोपदी शिक्षण देई ,
निसर्गासारखा गुरु नसे,--!!!

प्रत्येक घटक त्याचा,
त्याग समर्पण शिकवे, माणूस राही किती अडाणी, त्याचीभाषा समजत नसे,

हिमगौरी कर्वे.©

-- वि.ग.सातपुते.(भावकवी)

9766544908

रचना क्र. १५७

८ - ७ - २०२२

करू नकोस विचार त्याचा,

करणे नाही जेंव्हां तुजला

मोलाचे हे जीवन असता,

व्यर्थ दवडशी वेळ कशाला....१

दोन घडीचे जीवन सारे,

क्षणा क्षणाने जाईल निघूनी

कुणासाठी हा काळ थांबला,

उत्तर याचे घे तू शोधूनी....२

लहरी उठतील विचारांच्या,

आघात होता जेंव्हां मनी

विवेक बुद्धीने शांत करावी,

भाव तरंगे त्याच क्षणी....३

मर्यादेचे आयुष्य असता,

वाहू नकोस विचार प्रवाही

भगवंताचे स्मरण करण्या

वेळेची परि बचत करावी....४

डॉ. भगवान नागापूरकर

९००४०७९८५०

bknagapurkar@gmail.com

कधी कधी जुन्या रेडिओसारखं
आपलं मनही एकाच व्यक्तीला शोधत राहतं...

गर्दीतल्या हजारो आवाजांतून
एकच सुर कानाशी येत राहतो,
आणि आठवणींच्या लहरींवर
तोच चेहरा तरंगत राहतो.

कधी शब्द सापडत नाहीत,
कधी भावना हरवून जातात,
पण मनाच्या त्या जुन्या फ्रिक्वेन्सीवर
त्याच्याच आठवणी वाजत राहतात.

वेळ पुढे सरकत असतो,
ऋतू बदलत राहतात,
पण काही नाती अशी असतात
जी मनाच्या कोपऱ्यात शांतपणे जगत राहतात.

जुन्या रेडिओचा खडखडाट जसा
एक दिवस अचानक सुरेल होतो,
तसंच कधीतरी एखादं स्मित
संपूर्ण आयुष्य उजळून टाकतं.

आणि मग कळतं...
शोध संपलेला नसतो कधीच,
कारण काही माणसं
दूर गेल्यावरही मनातच राहत असतात.

अशी काही नाती अंतराने तुटत नाहीत, ती फक्त आठवणीत अधिक खोल रुजत जातात.

•ॲड.कीर्तिराज शैलेंद्र आगलावे, पुणे ✨
मो:- 9011841212

कुठे काय अन कुठे काय

         पैशाला येथे फुटले पाय 

दीड-दोन दमडी साठी

ईमान येथे विकला जाय

कुठे काय अन कुठे काय

सत्य झाले मिथ्य, मिथ्यस मानले तथ्य

मक्कारी दुनिया करे खोट्याचे नेपथ्य

चौका चौकां मध्ये असत्या चा

पोवाडा आता गायला जाय

कुठे काय अन कुठे काय

जुने गीत, नवीन संगीत

चोरीस आम्ही नाही भित

नाविण्य आला नाही संधी

हुन्नर येथे लयाला जाय

कुठे काय अन कुठे काय

कसला छंद, ही कसली धुंदी

नशेच्या बाजारातील हे सगळे नंदी

दिवसा ढवळ्या या पोळ्यांचा

रंगा नाच रचला जाय

कुठे काय अन कुठे काय

लोकांचे राज्य, पोसले राजे

जाे तो स्वार्थाची पोळी भाजे

तळागाळातील लोकांन साठी

येथे कोणी वाली नाही

कुठे काय अन कुठे काय

तर्काचा बाेध, उत्तरांची शोधा शोध

विज्ञानाच्या नावे सोडला प्रबोध

आधुनिकतेच्या पायाखाली

नैतिकता ही चिरडली जाय

कुठे काय अन कुठे काय

नवा दिवस नवीन प्रीत

रोज हवा नवीन मित

वासनेच्या लाटेवरती

मन मात्र पोहोत जाय

कुठे काय अन कुठे काय

कुठे काय अन कुठे काय

सगळच येथे जुनेच हाय

तुम्हीच तुमचं बघा विनोद बाबू

बाकी दुनिया भाड मे जाये

-- विनोद खराडे