कधी न पाहीले आजपावतो
तरीही येई आठवण कैसी
सभोवतालच्या खाणाखुणा
चित्रीत करीती त्यासी

जेंव्हा बघतो कलाकृती ही
नाविण्याने बहरली
दुर द्दष्टी मज त्यांत दिसे
कल्पकतेने भरलेली

दुःख दुजांचे शितल करणे
मानवतेच्या जीवनधीरा
व्यसनमुक्तीच्या अनुशंगाने
रसेल दाखवी मार्ग खरा.

(रसेल- सेवाधन व्यसनमुक्ती केंद्राचा संस्थापक)

डॉ. भगवान नागापूरकर
९००४०७९८५०
e-mail – bknagapurkar@gmail.com

प्रार्थना कर त्या ईश्वराकडे…

प्रार्थना कर त्या ईश्वराकडे,
माझ्याही नशिबात एक कोमल हात लिही,
ज्याच्या स्पर्शात आश्वासक ऊब असेल,
आणि डोळ्यांत माझ्यासाठीच राखलेली शांत नदी असेल.

मलाही कोणीतरी मिळू दे,
जी निस्वार्थ प्रेमाची ओंजळ उघडेल,
जिथे अपेक्षांची सावली नसेल,
फक्त साथ देणाऱ्या श्वासांची चाहूल असेल.

जी माझ्यासाठी वेळ काढेल,
गर्दीच्या या जगातही
क्षणभर थांबून म्हणेल,
“कसा आहेस तू? जेवलास का?”
आणि त्या साध्या प्रश्नांत
माझ्यासाठी संपूर्ण काळजी गुंफलेली असेल.

जिला माझ्या आवाजातील चढ-उतार कळतील,
शब्द न उच्चारताही
मनातील वादळांची चाहूल लागेल,
आणि शांततेतही संवाद सापडेल.

जिच्यासाठी मी पर्याय नसेन,
तर पहाटेच्या पहिल्या किरणासारखा प्राधान्य असेन,
जिच्या दिवसाची सुरुवात माझ्या आठवणीने
आणि शेवट माझ्या नावाने होईल.

जिला माझ्या भेटीची ओढ असेल,
जशी कोरड्या धरतीला पावसाची आस,
जशी समुद्राला चंद्राची प्रतीक्षा,
तशी तिच्या मनात माझी हलकीशी धडधड असेल.

ईश्वराकडे इतकीच विनंती,
नको सोने, नको वैभव,
फक्त एक मन दे
जे माझ्या मनाशी जुळेल.

जिथे प्रेम दिखाव्याचं नसेल,
तर साधेपणातली गोड सवय असेल,
जिथे “आपण” हा शब्द
“मी” पेक्षा मोठा असेल.

प्रार्थना कर त्या ईश्वराकडे…
की कधीतरी माझ्याही आयुष्यात
कोणीतरी अशी येवो,
जिच्या प्रेमाने माझं अपूर्ण आयुष्य
पूर्णत्वाला जावो.

•ॲड.कीर्तिराज शैलेंद्र आगलावे, पुणे ✨
मो:- 9011841212

गुलमुसलेल्या नभाळी
प्रतीक्षेत ही सांजवेळा
नेत्री, तुझे रूप लाघवी
श्वास! हा खोळंबलेला

बेभान तो पवन धुंदला
गंधता,दरवळ प्राजक्ती
मनमोर हा नाचनाचला
भाळुनी तव सौन्दर्याला

या क्षणी जवळी असावे
भावशब्द, तुझे अंतरीचे
प्रीतीत माळता, माळता
कवेत घ्यावे, प्रीतनभाला

-- वि.ग.सातपुते (भावकवी)

9766544908

रचना क्र. २१.

२१- १ - २०२१.

मयुरा तूं आहेस गुरु, तुला आम्हीं वंदन करु ।।धृ।।

नदी कांठच्या वनीं

थुई थुई नाचूनी

पिसारा फुलवुनी

तुझे पाहूनी नृत्य, नाचाचे ताल धरु ।।१।।

मयुरा तूं आहेस गुरु तुला आम्हीं वंदन करु

मोरपिसे सुंदर

रंग बहारदार

दिसे चमकदार

बघुनी रंगाची विविधता, कुंचल्यांनी सप्तरंगी छटा भरुं ।।२।।

मयुरा तूं आहेस गुरु तुला आम्हीं वंदन करु

रुप डौलदार

चाल ऐटदार

भासे रुबाबदार

बघुनी तुझा आनंद, सुखी जीवनाची कला अंगीकारुं ।।३।।

मयुरा तूं आहेस गुरु तुला आम्हीं वंदन करु

डॉ. भगवान नागापूरकर

९००४०७९८५०

कवि होणें सुलभ असावे रसिक होण्यापरि

जिवंत ठेविती कवितेला हीच मंडळी खरी

भावनेचे उठतां वादळ व्यक्त होई शब्दानीं

भाव शब्दांचा हार दिसतो काव्य ते बनूनी

भाव येणे सहज गुण तो मानवी मनाचा

परि बंदिस्त त्याला करणे खेळ हा कवीचा

शब्द पिंजरा नि भाव पक्षी ओळखी को रसिक

कवि मनाशीं 'स्व' भावांचे करी जुळवणूक

कविते वरली टीका टिपणी मूल्यमापन त्याचे

खरी चेतना रसिक असूनी भाव जागवी मनाचे

डॉ. भगवान नागापूरकर

संपर्क - ९००४०७९८५०

bknagapurkar@gmail.com

रस्त्यावरुन चालताना रुतले
पायात माझ्या काटे कितीक
चालत होतो अनवाणी मी
त्यात काट्यांचा काय दोष ।

दोष होता माझा खरा
अनवाणी मीच चाललो
दोष काट्याच्या मारुन माथी
चूक माझीच मी लपवितो ।

येथे दुबळ्यांचे जगणे असेच
नियम आहे या जगाचा
तुडऊन जातील ते तुम्हास
बघतील फक्त स्वार्थ स्वताचा ।

होऊ नका दुबळे तुम्ही कधी
झुकू नका कधी जीवनात
द्या टक्कर या बलवानांना
पदोपदी द्या काट्यासम ऊत्तर ।

-- सुरेश काळे
मो.9860307752
सातारा.
३ नोव्हेंबर २०१८

मोठ-मोठ्याने आरडत ओरडत, स्वत:शीच बोलत होता
विचार जरी गतिमान होते, विषय तोच तो घोळत होता.....१,

तऱ्हेवाईक बघूनी वागणे, खुळा त्याला समजत होते
वेडेपणाचा प्रकार समजूनी, दुर्लक्ष्य त्याजकडे करित होते...२,

वृक्षाखाली बसूनी एकटा, डोळे मिटूनी शांत दिसला
त्याच विषयाचा विचार मनी, चक्र गतीने घोळू लागला...३,

बाह्यांगाची बघूनी शांतता, ज्ञानी त्यास समजू लागले
मतप्रदर्शनी तर्क आधार, चुकीचे घेणारे ते ठरले...४

डॉ. भगवान नागापूरकर
९००४०७९८५०

कसे मानू उपकार, देवा तुझे
देऊन बुद्धि विसर, करी कल्याण माझे

खेळ आहे जेथें, हार जीत आहे
घर बांधणीते, पड झड पाहे

असे जन्ममरण, ह्याच देहीं
हेच असतां जीवन, सुख दुःखे पाही

एक दुःख येतां, मन होई निराश
काळ पुढे जाता,विसरे ते सावकाश

एका दुःखाचा चटका, दग्ध करी मनां
जमता दुःखे अनेक, नष्ट करील जीवनां

निसर्गाची रीत, दुःख तोची काढी
करता दुःखावर मात, दुःखाचा विसर पाडी

दुःख होते दुर, हेच आणिल समाधान
दुःख बुद्धि विसर, असे तत्व महान

डॉ. भगवान नागापूरकर

९००४०७९८५०

e-mail- bknagapurkar@gmail.com

-- डॉ. भगवान नागापूरकर

आत्मविश्वास जागृत ठेवूनी,
कार्य घेवूनी तडीस नेती ।
कधीही न राही अवलंबूनी,
मदतीसाठी दूजा वरती ।।

ईश्वर करीतो मदत तयांना,
मदत करी जे आपले आपण ।
आपल्यातची तो ईश्वर आहे,
असते याची जयास जाण ।।

विश्वासाने हुरूप येई,
जागृत करीती अंतर चेतना ।
लक्ष्य सारे केंद्रीत होता,
यश चमकते प्रयत्नांना ।।

डॉ. भगवान नागापूरकर
९००४०७९८५०
bknagapurkar@gmail.com