कविता-गझल-चारोळी-वात्रटिका
-
अर्पण
आशिर्वाद श्री जगदंबेचा, सहवास तुझ्या स्फूर्तीचा
रचिली ओवीबद्ध कथामाला, ती अर्पितो मी तुजला १विचारांच्या उठल्या लहरी, शब्द जुळता काव्या परी
कविता रूप धारण करी, ती अर्पितो मी तुजला २प्रभूचा असावा सहवास, हीच अंतर्मनातील आंस
विचारांची घालूनी शब्दरास ती अर्पितो मी तुजला ३प्रभू नसे जन्ममरण व्यथा, अवतारास संबोधूनी जन्मकथा
भावनेस व्यक्त करी कविता, ती अर्पितो मी तुजला ४II शुभं भवतू II
डॉ. भगवान नागापूरकर
संपर्क - ९००४०७९८५०
bknagapurkar@gmail.com
January 17, 2017
-
चिऊताई
चिऊताई चिऊताई भिजतोय गं मी, दार उघडतू नको माझ्या घरात,जा कुठेतरी दडचिऊताई चिऊताई कुडकुडतोय गं मी, दार उघडउठ जा इथून रे, मला नाही सवडचिऊताई चिऊताई खिडकीचे तरी कवाड उघडखिडकीतून येईल पाणी नकोचं ती धडपडचिऊताई चिऊताई मनाचे तरी दार उघडमला ऐकायचीचं नाही तुझी बडबडचिऊताई चिऊताई मी गेलो, आता तरी डोळे उघडयेशील तुही कधीतरी बंद दारावर करीत धडधडपापपुण्याच्या गाठोड्याची तुझी तूच केलीय बघ निवडइथे प्रत्येकालाच प्रत्येकाची कधी न कधी पडते बघ नड!!-- वर्षा कदम. November 14, 2021
-
क्रिकेट
क्रिकेट
May 24, 2013
-
एका झोपेची आस
आता एका झोपेची आस लागून राहिली,
डोळ्यांच्या काठाशी रात्र थांबून राहिली.विचारांचे वादळ अजूनही शांत नाही,
मनाच्या आभाळी ढगांची गर्दी दाटून राहिली.दिवसभराच्या जखमा शब्दांत मावत नाहीत,
मूक वेदना उशाशी अलगद बसून राहिली.चांदण्यांनी खूप समजावलं या मनाला,
पण तुझ्या आठवणींची चाहूल जागून राहिली.आता एका झोपेची आस लागून राहिली,
थकलेल्या श्वासांची वाट पाहत राहिली.कधीतरी येईल निवांत स्वप्नांची सर,
तोवर ही रात्र माझ्याशी बोलत राहिली.•ॲड.कीर्तिराज शैलेंद्र आगलावे, पुणे ✨
मो:- 9011841212 June 19, 2026
-
मी आहे छोटासा वारकरी
मी आहे एक छोटासाच वारकरीरांगत रांगत जाणार आहे पंढरपुरीआधी जाईन मी भिवरेच्या रम्य तिरीत्या पाण्यात असते मौज किती भारीबाकीचे सारे असतील अभंगात नाचण्यात दंगतोवर पोहचेंन मी रमत गमत मंदिरातघट्ट मिठी मारेन मी माऊलींच्या पायालारखुमाई धावतील मला उचलून घ्यायलापहिला वारकरी म्हणून मला मिळेल मोठा मानअसुनही सर्वातला वारकरी मी ना लहानपाहून हे होईल जयघोष जय जय रामकृष्ण हरित्यावेळी मी चिमुकल्या हाताने टाळी वाजवेन वरचेवरी-- सौ. कुमुद ढवळेकर. June 8, 2022
-
त्याची मर्जी
काडीही हलत नाही
त्याच्या मर्जीशिवाय
आणि मी जग बदलू पाहतोय !काडी हलण्यालाही
वारा निमित्त असतो
आणि मी स्वतःला बदलू पाहतोय !मी शांत
आणि स्थिर राहतो
तो माझी परीक्षा घेऊ पाहतोय !माझे प्रेम
आणि तिचे प्रेम
एकत्र करू पाहतोय!त्याची मर्जी
मी स्वीकारताना
आता तो पाहतोय !कवी - निलेश बामणे ( बी डी एन )
June 11, 2017
-
लक्ष्मीसूत
आशीर्वाद दे ग आई मजला, विनवितो मी तुझाच पूत्र ।
बाबा माझे नसती हयात, कोण मजला ह्या जगतात ।।
'केशव' माझे वडील असता, 'केवशसूत' हा ठरतो मी ।
तसाच बनता 'केशवकुमार', मोठे होण्याची युक्ती नामी ।।
जगावयाचे जर मोठ्या नामी, तूच मजला महान आहे ।
'लक्ष्मी' तुझे नाव असता, ‘लक्ष्मीसूत’ होण्यात पाहे ।।
डॉ. भगवान नागापूरकर
९००४०७९८५०
March 24, 2020
-
पाहताना तुला मनात
पाहताना तुला मनात,बिंब डोळियांत हाले,
सामावत साऱ्या चरांचरांत,
हृदयात प्रेमपक्षी बोले,--!!!जिथे तिथे तू दिसतेस,
खाणा-खुणा तुझ्याच ना,
गंधखुळा वेग मनाचा,
प्रीत पाखरू उडतेच ना,-!!!काळजातच तुझे अस्तित्व,
जिथे पाहतो तिथे तू,
हसून बोलाविशी मला,
जशी खूण करून तू ,--!!!!तुझ्या गाली पडे खळी,
गोड गुलाबी रंग तिचा,
पाहून तुला कोलमडती,
मी एकटाच का तसा,--!!!कुठून आणलेस लावण्य,
जिवा करते ते घायाळ,
पदोपदी तुझीच स्वप्नं,
किती गेला यातच काळ,--!!!*सौंदर्यवती तू देखणी,
लावण्याची असशी खाण*,
मी एक साधा भोळा,
कसे पटवू तुला सांग,--!!!!हिमगौरी कर्वे.©
May 12, 2019
-
स्नेह… तुझा माझा
तुझ्या माझ्या भावनांतुन
सदैव प्रेमानं आरवावं
नव्या सुंदर कल्पनांनी
घर आपल सारवावंतुझ्या सुंदर डोळ्यांनी
तू मला भुलवावं
प्रेमाच्या झोक्यावर
मी तुला झुलवावंकोलमडलो कधी तर
एकमेकांना सावरावं
आपल्या क्रोधाला आपण
संयमाने आवरावंगैरसमजाच्या खड्यांनी
समंजसपणे बुजावं
छोट्या छोट्या कुरबूरींना
तू दूरवर फेकावंतुझ्या माझ्या स्नेहाला
दोघांनी साचवावं
नात्याच्या बंधांना
तुटण्यापासून वाचवावंतू कधी खोटं खोटं
माझ्यासाठी हरावं
मी कधी तुझ्यासाठी
जग सारं जिंकावंझालेल्या तुझ्या चूकांना
मी अगदी सहज विसरावं
कधी माझ्या कुशीत शिरून
तू दूःखाला ओघळावंतुझ्या माझ्या प्रेमाला
ह्रुदयात खोलवर रूजवावं
दोघांच्या सहजीवनात
प्रेमाचे सुंदर फुल उजवावं- डॉ.सुभाष कटकदौंड
November 13, 2018
-
अव्यक्त गूढ
न बोलताच ती निघुनी गेली
मी उमजायचे उमजूनी गेलोकळलेच नाही तीचे वागणे
आठवणीत मी जगत राहिलोघडायचे ते ते घडुनी गेले
मौनाचा अर्थ मी लावित गेलोतिच्याच लोचनी भाव नि:शब्दी
मी उमजायचे उमजूनी गेलोपराधीनता हा शाप जीवनी
व्यर्थ जगणे जगी जगत राहिलोआज अव्यक्ताचे गूढ उकलले
हेच समाधान मानित राहिलो
*********
-- वि.ग.सातपुते (भावकवी)(9766544908)
रचना क्र. ३०६
२६/११/२०२२
December 5, 2022
Copyright © 2025 | Marathisrushti