त्याला तपासण्यासाठी, नेले मेंटल हॉस्पीटलला
की तो आजकाल असंबद्ध बोलू लागला
पण डॉक्टर संतापून म्हणाले
तुम्हाला त्याची समज असावी,
की तो आहे एक ‘नवकवी’

-- डॉ. भगवान नागापूरकर
९००४०७९८५०
bknagapurkar@gmail.com

या हो स्वागताला
उंबरठ्यासी बाराच्या
सरता येता जल्लोष झाला//१//

दिन उगवला
नभात प्रभा फाकल्या
संकल्पांचा क्षण उजळला//२//

कुनिती,अनिती
विस्मरणात गाडल्या
आल्या की प्रगती,सुनिती//३//

शंखनाद होता
हा परिस स्पर्श झाला
नाही मिळणार कुठे गोता//४//

गुलाबी,शराबी
नव वर्षाची पहाट
पहा नसेल कुठे खराबी
//५//

सकारात्मकता
असो विचारात सदा
वाढो विश्वातली आत्मियता//६//

-- सौ.माणिक शुरजोशी
नाशिक

मैत्री असते आंबट गोड
हृदयाला हृदयाची जोड
मैत्री असते मायेची पाखर
तुझ्या सुखाला माझ्या आनंदाची झालर
मैत्री असते राधाकृष्णाची
बासरीच्या सुरात विरघळण्याची
मैत्री असते जिवाभावाची
मनातले गुपित हळूच ओळखण्याची
मैत्री असते हळवे पणाची
माझे अश्रु तिने पुसण्याची
मैत्री म्हणजे सतारीची तार
माझ्या वेदनेचे
तुझ्या काळजात झंकार
मैत्री म्हणजे आंधळ्याचा डोळा
रणरणत्या उन्हात बर्फाचा गोळा

-स्वप्ना साठे

व्यास क्रिएशन्सच्या कस्तुरी - महिला विशेषांकातून साभार

ज्यांचे घर फुलून आले ।।

त्यांनी आसरा द्यावा ।।

ज्यांना ज्ञान प्राप्ती झाली ।।

त्यांनी लोकांना शिक्षण द्यावे ।।

ज्यांचे नाते सूर्या बरोबर आहे ।।

त्यांनी थोडा उजेड द्यावा ।।

ज्यांचे नाते चंद्रा बरोबर आहे ।।

त्यांनी थोडा अंधार द्यावा ।।

निसर्गाने दिलेली जन्माची ।। देणगी स्विकारून घ्यावे ।।

।। जाता जाता मातीला समृद्ध आणि भेट देऊन जावे ।।

• कवी : सचिन राजाराम जाधव
• sachinrjadhav1992@gmail.com

चंद्रा तुझे रूप कसे रे, गोंडसवाने छान
टक लावूनी बघता, हरपूनी जाते भान
मधूर शुभ्र नभी चंद्र तो, जणू चांदीची थाली
अगणीत वाट्या विखूरलेल्या, दिसे भोवताली
टपोर चांदणे वाहूनी जाते, त्या थाली मधूनी
स्वाद लूटता धुंद होतो, घेता ते झेलूनी
रिक्त होते एक वाटी
ती, भरूनी जाई दुजी
प्राशन करिता सीमा नसे मग, आनंदा माजी
अतृप्त सदा मन तरीही, त्या चांदण्यापाई
आतूरतेने दुजा रात्रीची, सतत वाट पाही

डॉ. भगवान नागापूरकर
९००४०७९८५०
e-mail- bknagapurkar@gmail.com

समोर ये तूं केंव्हा तरी,
बघण्याची मज ओढ लागली,
फुलूनी गेली बाग कशी ही,
बीजे जयांची तूच पेरीली ।।१।।

कल्पकता ही अंगी असूनी,
दूरद्दष्टीचा लाभ वसे,
अंधारातील दुःखी जनांची,
चाहूल तुज झाली असे ।।२।।

शीतल करुनी दुःख तयांचे,
जगण्याचा तो मार्ग दाखविला,
सोडूनी सारे वाटेवरी,
आकस्मित तू निघूनी गेला ।।३।।

आस्तित्वाची चाहूल येते,
आज इथे केंव्हातरी,
तव आशीर्वादे जगतो सारे,
हीच पावती त्याची खरी ।।४।।

-- डॉ. भगवान नागापूरकर
९००४०७९८५०
bknagapurkar@gmail.com

एक अल्हड भोळी नदी
भटकून शहरात आली
मिळाली तिला ओळख नवी
गंदा नाला नंबर अकरा

टीप: अंबाझरी तलावातून निघणारी नाग नदी आता नाग नाला म्हणून ओळखली जाते. असी नदी असी नाला इत्यादी. बहुतेक शहरांच्या जवळून वाहणाऱ्या सर्व नद्यांना नाला म्हणून नवी ओळख मिळालेली आहे.

मराठदेशाच्या मातीचा गर्जा जयजयकार
मराठियांच्या छत्रपतीचा गर्जा जयजयकार ।।
उन्नत दुर्गम सह्यकड्यांचा
निबिड वनें, बेलाग गडांचा
जलदुर्गांच्या दृढ पंक्तीचा गर्जा जयजयकार ।।
मराठियांच्या छत्रपतीचा गर्जा जयजयकार ।।
चपळ, वायुसम घोडदळांचा
शूर मावळ्यांच्या टोळ्यांचा
गनिमी काव्याच्या क्लृप्तीचा गर्जा जयजयकार ।।
मराठियांच्या छत्रपतीचा गर्जा जयजयकार ।।
अतूट बुरुजांच्या रांगांचा
लखलख पात्यांच्या खड्गांचा
ढालीसम निधड्या छातीचा गर्जा जयजयकार ।।
मराठियांच्या छत्रपतीचा गर्जा जयजयकार ।।
पावन ईप्सित, जीनवनिष्ठा
ध्येयपूर्तता हीच प्रतिष्ठा
स्वराज्यअमृतघटप्राप्तीचा गर्जा जयजयकार ।।
मराठियांच्या छत्रपतीचा गर्जा जयजयकार ।।
शक्ति-युक्ति-नीतीचा संगम
प्रजासुखा कायम अग्रक्रम
श्रीरामासम शिवनृपतीचा जर्जा जयजयकार ।।
मराठियांच्या छत्रपतीचा गर्जा जयजयकार ।।

- सुभाष स. नाईक
मुंबई
M- 9869002126.
eMail : vistainfin@yahoo.co.in.
Website : www.subhashsnaik.com
www.snehalatanaik.com

प्रदीप निफाडकरांची गझल

नाही ग मी राजा
पण तू आहेस माझी राणी
आपल्या प्रेमाची नाही
वेगळी अशी कहाणी...

सांग मला एकदा
काय आहे तुझ्या मनी ?
जुन्या त्या आठवणींनी
नको डोळ्यात पाणी

नको होऊस तू दूःखी
थोड्याश्या विरहानी
प्रेम नाही होणार कमी
जरी ढळेल जवानी

आपल्या प्रेमाची नाही
वेगळी अशी कहाणी...

आपण फक्त जवळ बसावं
धुंद करेल रातराणी
आयुष्य असंच फूलत रहावं
कायम प्रेमाच्या फुलांनी

नाजुकशा कोमल शब्दांना
रंगवावं तू प्रेमानी
मीही गाईन तुझ्यासाठी
सुंदर प्रणयाची गाणी

आपल्या प्रेमाची नाही
वेगळी अशी कहाणी...

प्रेमाला नको ओहोटी
अगदी कोणत्याही क्षणी
भिजवत राहीन सदैव
तुला प्रेमाच्या लाटांनी

बांधला सुंदर ताजमहाल
मुमताजसाठी शहाजहाननी
प्रेम कसं व्यक्त करू माझं
नाही कोणतीही निशाणी

आपल्या प्रेमाची नाही
वेगळी अशी कहाणी

- डॉ. सुभाष कटकदौंड