रणभूमीवर समर प्रसंगी मृत्यु असता सामोरी
जीवनांची तत्वे सांगती गीते द्वारे श्रीहरी //धृ//

अर्जुन असूनी महारथी द्विधा झाली मनःस्थिती
सगे सोयरे तेथे बघूनी खालती बसला निराशूनी
कसे मारुं मी माझेच सारे भगवंताला प्रश्न विचारी //१//

जीवनाची तत्वे सांगती गीते द्वारे श्रीहरी

कुणीही नाही कुणाचे येथे नाते गोते क्षणिक भासते
सत्ता येथे चालते प्रभुची खेळणी सारी ठरते त्याची
तूं आहेस अर्जुना सोंगटी प्रभू ईच्छे फिरे पटावरी //२//

जीवनाची तत्वे सांगती गीते द्वारे श्रीहरी

कर तूं, नसे तुझे ते कर्म हा आहे केवळ प्रभूधर्म
सोडून द्यावीस फलआशा न येई केव्हां तुज निराशा
तत्वे सांगुनी आर्जुनासी संशय त्याचा दूर करी //३//

जीवनाची तत्वे सांगती गीते द्वारे श्रीहरी

विचार कर तूं आहेस कोण जाणार कोठे, येई कोठून
चक्रे फिरती अनेक तूं आहेस त्यातील एक
स्वतंत्र असूनी कांही अंशी अवलंबून तूं दुजावरी //४//

जीवनाची तत्वे सांगती गीते द्वारे श्रीहरी

गीता सांगे अपूर्व ज्ञान जीवनाची करी उकलन
प्रश्न त्यांचे सारे सुटती आत्मचिंतन जेव्हां करिती
केवळ समजतां गीतेला खरें समाधान लाभे उरीं //५//

जीवनाची तत्वे सांगती गीते द्वारे श्रीहरी

डॉ. भगवान नागापूरकर
९००४०७९८५०
bknagapurkar@mail.com

कोमेजणार म्हणून फूल उमलायचे राहते काय

अवतीभोवती सारे तुझ्या,

आहेत गुरू बसलेले,

जाण तयांची येण्यासाठी,

प्रभूसी मी विनविले ।।१।।

निसर्ग शक्तीच्या सर्व अंगी,

काही तरी असे गुण,

आपणासची ज्ञान असावे,

घेण्यास ते समजून ।।२।।

उघडे ठेवूनी डोळे तुम्ही,

बघाल जेंव्हां शेजारी,

काही ना काही ज्ञान मिळते,

वस्तूच्या त्या गुणापरी ।।३।।

सारे सजीव निर्जीव वस्तू,

गुरू सारखे वाटावे,

तेच आहेत ईश्वरमय,

तुम्हीच ते समजावे ।।४।।

डॉ. भगवान नागापूरकर

संपर्क - ९००४०७९८५०

bknagapurkar@gmail.com

त्रीभाव युक्त जीवन, सत्व रज तमो गुण

स्वभावाची अंगे तीन, सर्वात दिसून येती...१,

कांहीं असे सत्वगुणी, कांहीं असे रजोगुणी,

काही मध्ये तमोगुणी निराळ्या प्रमाणीं दिसे....२,

प्रेम, दया, क्षमा, शांति, कांहींचे अंगी वसती

सत्वगुण लक्षणें ती, कांहींत दिसून येई....३,

राग, लोभ, अहंकार, षडरिपू हेच विकार

त्यांतच तो जगणार, तमोगुण वाढवून....४

सत्व तमोगुणी पूर्ण, मिळणे फार कठीण

दोन्ही गुणांचे मिश्रण, रजो गुणी म्हणे त्याला.....५

डॉ. भगवान नागापूरकर

९००४०७९८५०

bknagapurkar@gmail.com

सांगु कसे मनांतरीचे
अव्यक्त, ते गुज मी

तुझ्या साऱ्या आठवांचे
क्षण स्मरतो सदैव मी

श्वासात या भास तुझा
स्वप्नातही जागतो मी

छळते मज रात्र सारी
विरघळतो तुझ्यात मी

जाहलाच सराव आता
तुजवीणही जगतो मी

घायाळ अंतरीचे उसासे
तवस्मृतीत, सावरतो मी

नि:शब्दी जरी भावप्रीती
जाणतो मौनी पावित्र्य मी

-- वि.ग.सातपुते ( भावकवी )

9766544908

रचना क्र.१७५

२१ /७ /२०२२

Dear Aai-Baba,

Via email, तुमच्याशी वाटतं,
Chat होईल perfect
deny नका करू,
please करा accept

तुमच्या बद्दलचं प्रेम, कर्तव्य, जबाबदारी,
नका समजू मी टाकलंय trash मध्ये,
safe आहे सारं मनाच्या,
document आणि draft मध्ये

तुमची शिकवण, तुमचा उपदेश,
हे तर anti-virus माझ्यासाठी,
download केलेत माझ्या,
अनुभवांच्या Network साठी

आणि हो, तुमचा एकही Message,
मी केला नाही delete
copy,paste करून,save केलाय,
brain मधल्या, folder आणि फायलीत

चुकून एखादी window,shutdown
झाली असेल माझ्या हातून
पण reboot करून, run होईल ती
backup plan मधून कारण.......

माझ्या काळजाच्या Hard Disk वर
तुमच्या संस्काराचे आहे Software
पण नकळत Hang होतात relations
सांभाळताना career आणि competitions

पटली ना खात्री आई बाबा?
कि तुमच्यासाठीच आहे,
space माझ्या Blog वर
reply करून sent करा.
mail माझ्या ID वर

शोधणार आहे तुम्हाला मी
Facebook वर वा Twitter वर
I swear आई बाबा
तुम्हीच तर आहात,
माझे खरे Browser

-- सौ. अलका वढावकर

घट्ट मिटूनिया ओठ
आता कुंडीत वाढेन
कुणास ना कळता
हळू गळून पडेन

शब्दा सहज वेचुनी फक्त लिहावे
झटपट, हवेतसे मुक्त गुंफीत जावे
काव्य म्हणुनी शब्दां उधळीत जावे
सत्यार्थ! जीवनाचे कुणी सांगावे.

काव्याभ्यास! वाचन,चिंतन, मनन
साधना आत्मचिंतनी सद्भाव असतो
शुकासारखे वैराग्य,वशिष्ठापरी ज्ञान
तिथे वाल्मीकी जैसा कवी जन्मतो

ज्ञाना, तुका, नामा, नाथा, कबीरा
समर्थ रामदासा,सांगा कोण वाचतो
धर्म ग्रंथांचा सांगा अर्थ कोण जाणतो
मूलमंत्र! मानवतेचा कोण जाणतो

मन प्रांगण! शब्दाक्षरी मनभावनांचे
संस्कारी शब्दस्पर्श वेदनांना शमवीतो
शब्दशब्द, सुखसंवेदनांचेच मोरपीस
भावकाव्य! शांतीचा सागर असतो

काव्योत्पत्ती यज्ञ! शब्दची समिधा
स्पर्श मनभावनांचा शब्दात बरसतो
अल्पशब्दी घनाशय,सर्वश्रेष्ठ प्रतिभा
ते कवित्व, साहित्यात्माच असतो

-- वि.ग.सातपुते.(भावकवी)

9766544908

रचना:-क्र. ९६.

२९ - ३ - २०२२.

सामाजिक असंतुलन हे दहशतवादाचे मुळ आहे. सत्तेची हाव, अधिकार नाकारणे, स्वत:च्या फायद्यासाठी दुसज्याला ओलीस ठेवणे, धर्मसत्ता लादणे, जाती भिन्नता, धर्मभेद तसेच समाजातील भिन्न संस्कृतीचे लोक एकमेकांबरोबर आणि एकाच राजकीय छत्राखाली व एकाच न्यायव्यवस्थेखाली राहायला नाखुश असतात. बरेचदा राज्यकर्ते एखाद्या भागाकडे दुर्लक्ष करतात व त्या भागाची प्रगती खुंटते त्यामुळे एकाच देशात आर्थिक भेदभाव निर्माण होतात आणि त्यातून आतंकवादाचा जन्म होतो.