प्रयत्न करितां जीव तोडून, जेव्हां यश तुम्हा न येई
सोडून देता त्याला तुम्हीं, नशिबास दोष देत राही..१

दोष नका देवू नशिबाला, मार्ग निवडले तुम्ही चुकीचे
का न मिळाले यश तुम्हां, मूल्यमापन करा प्रयत्नाचे...२

चूक दिशेने प्रयत्न होतां, वाहून जातो सदा आपण
यश जेव्हा मिळत नसते, निराश होवून जाते मन...३

पुनः पुन्हा प्रयत्न करूनी, यश न आले तुमचे हातीं
प्रयत्नाची दिशा बदलतां, जुळून सहजच सारे येती...४

डॉ. भगवान नागापूरकर
संपर्क - ९००४०७९८५०
bknagapurkar@gmail.com

एक पतंग वरी चालला, डोलत आकाशीं

भाळी त्याच्या यश कोरले, झेप घेई ती कशी //

भरारी घेई पतंग ज्याला, आधार दोरीचा

जाणीव होई येतां प्रसंग, त्याला कटण्याचा //

धरतीवरी कोसळत असतां, दृष्टी टाकी आकाशीं

इतर पतंग बघूनी बोलला, तोच स्वतःशीं //

" नभांग मोठे दाही दिशा त्या, संचारा स्वैरपणें

आठवण ठेवा त्या शक्तीची, ज्याच्यामुळें जगणें " //

-- डॉ. भगवान नागापूरकर

९००४०७९८५०

बागेतील तारका

व्याकूळ झाला जीव
प्रभू तुझ्या दर्शना
अर्पितो मी भाव
तुझीया चरणा ।।१।।

तेजांत लपले
तुझे दिव्य स्वरुप
नयना न जमले
टिपण्या ते रुप ।।२।।

निनादाच्या स्वरी तुच आहेस संगीत

कर्ण अवलोकन न करी ऐकण्या तुझे गीत ।।३।।

पुष्पातील सुवास तुंच आहेस सुगंध

न येई घ्राणेद्रियास ओळखता तो आनंद ।।४।।

मधुर रसाची फळे सर्वात तु बसलास

जिव्हेला मात्र न कळे तुझा सहवास ।।५।।

स्पर्शांत आहेस तूं माझ्या अवती भवती

समज न येई परंतु तुझी अस्तित्व शक्ति ।।६।।

इंद्रिये असमर्थ असूनी न शोधती तुला

ये मानव रुप घेऊन दर्शन देई मजला ।।७।।

अथवा दे मजलागी अपूर्व दिव्य शक्ति

समरस व्हावे तुझ्यांत हिच माझी विनंती ।।८।।

डॉ. भगवान नागापूरकर

९००४०७९८५०

e-mail- bknagapurkar@gmail.com

आम्हीच लावली येथे भांडणे दोन जमातीत
फोडावीत एकमेकांची डोकी हेच स्वप्न डोळ्यात ।

आम्हीच तारणहार असे बिंबवले तुमच्या मनात
धर्माचा कैफही आम्ही वाढविला तुमच्याच रक्तात
भिती बागुलबुवाची दाखविली सदा तुम्हाला
बनविले आम्ही पुन्हा पुन्हा ऊल्लू की हो तुम्हास ।

अशिक्षीत तुम्ही रहावे हाच ऊद्देश असे अमुचा
केले बहू प्रयत्न की अमुचा ऊद्देश सफल व्हावा
राहिलात तुम्ही अशिक्षीत ऊद्देश सफल झाला
धर्मांध तुम्हा बनवण्याचा डाव यशस्वी झाला ।

रक्ताळलेत हात तुमचे करुन हत्या निष्पाप अनेक
चटावली जिव्हाही अमुची चाखुनी रक्त नमुने अनेक
मातीत जाल तुम्ही ना काही सुतक आम्हाला
निवडणुकीत मते मिळवण्याचा फंडा यशस्वी झाला ।

-- सुरेश काळे
मो. 9860307752
सातारा.
१ आक्टोंबर २०१८

कुठे तु गेलीस न्याय देवते,

जगास सोडूनी याच क्षणी ।

अन्यायाची कशी मिळेल मग,

दाद आम्हाला या जीवनी ।। १ ।।

परिस्थितीचे पडता फेरे,

गोंधळूनी गेलीस आज खरी ।

उघड्या नजरे बघत होती,

सत्य लपवितो कुणीतरी ।।२।।

दबाव येता चोहबाजूनी,

मुस्कटदाबी होती कशी ।

शब्दांना परि ध्वनी न मिळता,

मनी विरताती, येती जशी ।।३।।

बळी कुणाच्या पडली तू गे,

मार्ग रोखीले तुझे कसे ते ।

अपयश येता सत्यालाही,

म्हणू कसा तूज ‘न्याय देवते’ ।।४।।

आज न आले यश जरी,

न्याय येईल उफाळूनी ।

अंतिम विजय हा सत्याचा,

जाणीव आहे ह्याची मनी ।।५।।

डॉ. भगवान नागापूरकर

९००४०७९८५०

bknagapurkar@gmail.com

विशालतेच्या गुणामध्यें उणीवतेचा लपतो भाग

चंद्रातील सौंदर्यामुळे आम्ही विसरतो त्याचा डाग

नदिकांठची चिखलमाती सांचलेली दिसते

परि निर्मळ प्रवाह वेगांत वाहून ती जाते

अथांग सागराच्या उदरीं नवरत्नाच्या खाणीं

विसरुन जातो खारेपणा दुर्लक्ष त्यास करुनी

सुंदर दिसे रुबाबदार तो पक्षी राज मोर

आवाज नसे चांगला परिं नाचतो बहरदार

आकर्षक वाटते मनास फूल गुलाबाच

लक्ष्य खेचले जातां विचार नसतो कांट्याचे

कित्येक आहेत विशाल ह्या भूतलावरती

जीवनांतील न्युनता भव्यतेत लय पावती

डॉ. भगवान नागापूरकर

९००४०७९८५०

सतत फिरे चक्र निसर्गाचे

सुख दु:खाचे...१,

एका मागूनी दुसरा असती

पाठोपाठ येती...२,

प्रत्येक वस्तूची छाया असते

पाठलाग करीते....३,

सुखाचे जाता काही क्षण आनंदी

समाधानाची होई गर्दी....४

लगेच अनुभव येतो दु:खाचा

काळ जाई निराशेचा...५,

पुनरपी येता सारे सुख

विसरूनी जातो दु:ख....६,

जे होत असते ते बऱ्यासाठी

म्हणती समाधाना पोटी...७,

समाधान शोधणे हेही सुख

त्यातच जगती अनेक...८

डॉ. भगवान नागापूरकर

९००४०७९८५०

bknagapurkar@gmail.com

काळजाच्या डबीत, मनाच्या कुपीत
जपलय् मी माझं इवलसं गुपित ॥

आहे त्याचा तर आनंद आहे
नसत्याची नाही उणीव काही
आनंदपरिमल दुःखाची मळमळ
कुठल्या भासाची, तळमळ न ठेवत
जपलय् मी माझं इवलंसं गुपित ॥ १ ॥

चक्रावणाऱ्या या चक्रव्यूहातून
गुदमरवणाऱ्या गाढ गर्दीतून विवंचनांच्या वावटळींमधून
शहाणपण माझं आटोकाट जपत
जपलय् मी माझं इवलंसं गुपित ॥ २ ॥

जीवाचा आटापिटा करुन
कभिन्नकाळ्या कातळातून
माणूसकीच्या दुष्काळातून
मायेचा पान्हा जिवंत झरत
जपलय् मी माझे इवलंसं गुपित ॥ ३ ॥

जीवघेण्या स्पर्धेच्या गर्दीतून
बुभुक्षितांच्या हव्यासातून
पायावर देणं, पाय नाकारुन
'पहले आप'चा पाढा पढत
जपलय् मी माझं इवलंसं गुपित ॥ ४ ॥

निसटलं त्याचा शोक न लेवून
आहे हाती जे ते सावरुन
ठुसठुसणाऱ्या भूतकाळाकडे
निर्धारपूर्वक पाठ फिरवत
जपलय् मी माझं इवलंसं गुपित ॥ ५ ॥

उपेक्षेच्या रणरणत्या उन्हात
माणूसकीच्या चेंगरत्या लिलावात
रुजू पहाणाऱ्या प्रत्येक आशेला
मुक्त जगण्याचा मक्ता देत
जपलय् मी माझं इवलंसं गुपित ॥ ६ ॥

ऐहिक बेड्या बेगड्या तोडून
विसावित मी शांतिच्या कुशीत
मीपणाच्या मोहाला सारुन
सांभाळत माझं 'माझेपण' खुशीत
जपलय् मी माझं इवलंसं गुपित ॥ ७ ॥

- यतीन सामंत

राधे, केवढा केशसंभार,
जीव गुंतला त्यात फार,
का असे ते मोकळे सोडशी,
केसांची जादू मिरवशी, --!!!

रक्षक की मी या विश्वाचा,
दुसरा तिसरा नच" कोणता,
असे असूनही बघ किती,---
केशकलापां पडलो फशीं,--!!!

केस तुझे मानेवरून रुळती,
बटां -बटां वाऱ्यावर खेळती,
बघावे तेव्हा मनसोक्त डुलती, ‌ अडके त्यात जीव, हीच भीती--!!!

सुंदर काळेभोर कुंतल,
खूप त्यात खोल गुंतती,
त्यातच सुवासिक तेलगंध, रात्रं-दिन पाडे मोही,--!!!

तुझ्या गोऱ्या मुखड्यावर,
केसांची महिरप काळी,
गोजिरवाणे रूप तुझे,--
येते त्याला मादक झळाळी,--!!

जीवघेणा मदनबाण मारा,
कसे तुझे कुंतल, करिती,
या माऱ्याने सर्वस्व हरलो
तुजसाठी क्षणक्षण झुरलो,
द्वैतातील अद्वैत साधुनी,--
दोन जीव लागले प्रेमापाठी,--!!!

हिमगौरी कर्वे.©

पुर्ण झाली
ज्ञानेश्वरी
वाङ् मयी
यज्ञ करी

विश्वात्मक
तुम्ही देवा
प्रसादाचा
द्यावा मेवा

नाथ माझा
हा निवृत्ती
सद्गुरु
करी तृप्ती

दुष्टपण
सुटावेच
मैत्रीस्तव
सत्कर्मेच

तम,पाप
नष्ट होवो
सर्वामुखी
घास जावो

त्रय गुणी
बाधा नको
षड् रिपू
देवा नको

ईश निष्ठ
समुदाय
मांगल्याची
असे माय

ज्ञानदिप
प्रकाशिले
आचरण
शुद्ध झाले

सज्जन हे
कल्पतरू
चिंतामणी
गाव जणू

संतजन
येती घरा
पसा दान
देती नरा

-- सौ. माणिक (रुबी)