कविता-गझल-चारोळी-वात्रटिका
-
स्वप्नातली अपूरी इच्छा
दुपारचे भोजन करूनी, आडवा झालो थोडासा
झोप लागूनी त्याच क्षणी, थंडावल्या साऱ्या नसा....१,
वाम कुक्षीच्या आधीन जाता, जग विसरलो सारे
स्वप्न पडूनी सुंदर मनी, वाटे आनंद देणारे.....२,
पाटी-पुस्तक हाती घेवूनी, पोषाख घाली शाळेचा
घेवूनी गेलो कन्येस माझ्या, नाद जिला शिकण्याचा....३,
खूप शिकूनी मोठी होईन, बाबा तुमच्या एवढी
खावू पुस्तक खेळणी आणा, बडबडीत तिच्या गोडी....४,
आई नको, परि तुम्हीच या, माझी शाळा सुटताना
टाटा करित गोड वदलि, शाळेमध्ये शिरताना....५,
येत असता घरि परत, दुकानी एका शिरलो
बराच खावू आणि खेळणी, घेवूनी मी परतलो....६,
उत्सुकतेने बघत असता, कुणीतरी हालविले
हाय वेड्या ! हे तर स्वप्न, तिनेच जे तोडले.....७,
क्षणभर आवक् झालो मनी, स्वप्न भंग पावतां
खंत वाटली उगाच एक, अपूरी इच्छा राहतां....८
डॉ. भगवान नागापूरकर
९००४०७९८५०
October 12, 2020
-
बाळाची निद्रा
चिंव चिंव करुं नकोस चिमणे, बाळ माझे झोपले
काय हवे तुज सांग मला ग, देईन मी सगळेकपाट सारे उघडून ठेवले, समोर ओट्यावरी
मेवा समजून लुटून न्यावे, डाळ दाणे पोटभरीघरटी बांध तूं माळ्यावरती, काडी गवत आणूनी
कचरा म्हणूनी काढणार नाही, ही घे माझी वाणीनाचून बागडून खेळ येथे, निर्भय आनंदानें
परि शांत न बसलीस तूं तर, जागेल बाळ तान्हेंचिंव चिंव करणे गीत आहे कां ? अंगाई तुमची
गावूनी आपल्या पिल्ला करीतां रमवी मने त्यांचीअसे असेल तर चालू ठेव तूं चिंव चिंव ते गाणें
शाहणा माझा बाळ तो ठावे त्याला सोसणेडॉ. भगवान नागापूरकर
९००४०७९८५०
bknagapurkar@gmail.com May 20, 2017
-
शाळेचा रस्ता
शाळेस रोज जाताना ।
मज विघ्ने येती नाना !किती पक्षी गाती गाणी
झाडावर म्हणती बसुनी“ये मुला, खेळु या मिळुनी !”
परि उशीर टाळायाला ।
मी निघे तडक शाळेला ।।१।।टोळ कसे गवतावरती
आनंदे टुणटुण उडती !
खेळाया बोलाविती
परि उशीर टाळायाला ।
मी निघे तडक शाळेला ।।२।।गारुडी वाजवुनि पुंगी
बोलावी झणी मजलागी !
बहु जमती जन त्या जागी
परि उशीर टाळायाला ।
मी निघे तडक शाळेला ।1३॥।बाजूस खेळणीवाला
वाखाणुनि अपुल्या माला
वेधितसे नकळत बाळां
परि उशीर टाळायाला ।
मी निघे तडक शाळेला ।।४।।वाटेतिल झाडें वेली,
हालविती पानें अपुली,
बोलाविती मजला जवळी !
परि उशीर टाळायाला ।
मी निघे तडक शाळेला ।।५।। June 24, 2026
-
किनारा
चल सखये,जरा विसावू नदी किनारी
बघ आठवांचा खोल डोह या किनारी
गुणगुणते तृप्त प्रीती इथे मनहृदयीची
साक्षी! नयनरम्य दीपमाळ ही किनारी।।१।।वाळुत झऱ्याझऱ्यातुन उमले प्रिती
ओसंडिते गं पावन गंगेच्या किनारी
ओढ निरंतर, सारितेला मिलनाची
चल सखये, जरा विसावू या किनारी।।२।।मिठीत घेवू, त्या साऱ्या गतस्मृतींना
भावगंधल्या सुखदुःखांच्याच किनारी
रूप,जीवनाचे प्रीतरंगलेले हृदयस्पर्शी
चल न्याहळू त्या निरव शांत किनारी।।३।।दरवळ! प्रितीचा बघ गगनी गंधला
इंद्रधनुचे प्रतिबिंब, तरंगते किनारी
भावासक्त! प्रीती दैवी जन्मांतरीची
अखंड वाहते गं बघ या गंगाकिनारी।।४।।-- वि.ग.सातपुते.(भावकवी)
9766544908
रचना क्र. १२८
२ - १० - २०२१.
October 8, 2021
-
सुखाचा डब्बा
जगातील वस्तू, वाटे आकर्षक
देह सुख देण्या, समजे त्या ठिक...१प्रत्येक गोष्टीला, डब्याचा आकार
सुखाचे वेष्ठन, ते चमकदार...२चमक बेगडी, फसवी सर्वाला
काय डब्यामध्ये, कळेना कुणाला...३झाकण उघडा, दुःख दिसे आंत
लपून बसले, प्रत्येक गोष्टीत...४हात लावताच, दुःख हाती येई
भासलेले सुख, नष्ट होत जाई...५डॉ. भगवान नागापूरकर
संपर्क - ९००४०७९८५०
bknagapurkar@gmail.com November 30, 2015
-
प्रत्येकाला इथं दुःख असतं
प्रत्येकाला इथं दुःख असतंअसतं फक्त ते दिसतं नसतं,हास्य वरवर सगळीकडे असंम्हणून त्यात ते कळतं नसतं..गैरसमज करणं इथं तरखूप सोप्प सहज असतं,किंवा गैरसमज करुनघेणं नित्य रोज होतं असतं..तू मला बोलला मग मीराग तुझ्यावर तो धरेन,दोन शब्द तुला जास्त बोलेनहेच हल्ली मग सगळीकडे दिसतं..दुसऱ्याला गृहीत धरणसहज मग होतं असतं,जबरदस्तीच गणित त्यातनकळत सहज घडतं असतं..हक्काने रागवणार ओरडणारमोठं माणूस आपुलकीच नसतं,झाली चूक तर दाखवणारं आताआयुष्यात मोठं माणूस समोर नसतं..नातं पण हल्ली उलगडत नसतंएकमेकांना काय हवे कळतं नसतं,साधा गजरा आणण पण प्रेम आहेजुन्या पिढीतील हे प्रेम आता माहीत नसतं..दोघांचं चुकलं जरास कुठे हल्ली तरओरडण राग हे नवरा बायकोत होतं,भांडण राग ह्यात वेळ सगळा जातोप्रेम करायला मग अबोला सोबत उरतो..फास्ट दुनियेत सगळचं फास्ट मगपैसा जवळ खूप ह्यातच सुख कळतं,गरजा कमी करुन थोडं तडजोड करुनआनंद मिळतो हे मग साधं गणित न कळतं..घरी आणि बाहेर पण नित्य हेचसगळीकडे घडतं ते असतं,हक्क आणि राग ह्यात पटकन रुसणंपण समुजन घेणं दुसऱ्याला होतं नसतं..कुणीही आवडून जावं सहज मनातअशी लोकं भेटणं आयुष्यात छान घडतं,नशिबात असेल तितकं दान मिळतंहेच तर जीवनाचं अंतिम सार ठरतंकुणी मनात गोड आवडून जावंअस हल्ली लोकांचं वागणं होतं नसतं,आणि आवडलं मनापासून कुणी तरते सांगणं पण हल्ली कठीण असतं..मोह व्हावा अगदी साध्या गोष्टींचापण त्या गोष्टी मिळणं अवघड ठरतं,देव करतो रचना ही अशी निराळीनशीबाचा दैव फेरा काय ते मग समजतं..मरणं सोप्प सहज हल्ली झालेजगणं फार कठीण होऊन बसलं,करोना कधीही घालेल घाला आताभीतीच हे संकट थोडं मनात असतं..कोण कधी फटकन जाईलकुणाला हे कधी माहीत नसतं,आज आहे क्षण आपला आनंदाचातरुण म्हातारं काही मरणदारी नसतं..आज करते स्वाती कविता हीपण उद्या माझं ही मरणं येऊ शकतं,नसेल मग मी ह्या जगात अशीकधीही श्वास जाऊ शकतो..हेच अंतिम सत्य आयुष्यातभरवसा जगण्याचा जरा नसतो,नको राग द्वेष कटुता भांडण सारेमेल्यावर मग हळहळ करणं उरतं..जीवनाचे सूत्र हे सहज साधेमाणूस अवघड ते करतो,समजून न घेणं दुसऱ्याला मगगैरसमजाचं दुष्ट चक्र ते फिरतं..वाचा कविता ही रसिकहोमनात किल्मिश कधी नसावं,येईल मरणं माझे कधीही मगकाळ समोर कधी येऊ शकतो..निसर्ग,फुलं,पाऊस,काव्यांतमन सहज बेधुंद मुक्त करावं,कुणी आवडलं मनापासून मगहृदयात गोड बंदिस्त करावं..कविता झाली माझी मोठी खूपतरी रसिकहो वाचा तुम्ही सारे हो,गंध कवितेचा मनात माझ्या नेहमीस्वातीच्या प्रेमात राहील तारा हृदयस्थ..-- स्वाती ठोंबरे. May 10, 2022
-
(लाडक्या) झुरळास
वा झुरळा,
खबरदार जर पंख फुलवोनी जाशील पुढे,
मुडदा पाडीन तुझा गधड्याहा मी मर्द मराठ्याचा वंशज असे
म्यान न करातले का तुला हे दिसे
दचकलो पाहून तुला मी न कीटका
मारुनच तुला मी टाकीन उसासे ॥क्षुद्रा जरी चावला होतास मला,
तरी शूर वीर मी न तुला चावलो
धर्मयुद्ध खेळीन शर्थीचे मी
हा पहा तलवार आणण्या चाललो ॥असेल रंग तुझ्यासारखा तिचा
पण गंजली म्हणून म्हणू नको
भ्यायलो तुला मी, समजून
विकट असा हासू नको ॥-यतीन सामंत
September 8, 2022
-
असा साप तो
असा साप तो कात टाकुनी शिरला ढोलीमध्ये
July 12, 2026
-
दुःख कसे विसरलो
काय केले दुःख विसरण्याला
युक्ति जमली नामीं, आनंद आणण्याला ।।धृ।।निराशेच्या काळांत
दुःख होते मनांत
हार झाली जीवनांत
शांत राहण्याचा मार्ग, त्यावर शोधला ।।१।।
युक्ति जमली नामीं, आनंद आणण्यालाचूक राई एवढे
दुःखाचा पर्वत पडे
मनीं पश्चाताप घडे
भोग भोगण्या, झालो तयार ।।२।।
युक्ति जमली नामीं आनंद आणण्यालाएकाग्र चित्तांत
जातां ध्यानांत
डूबता आनंदात
विसरुन गेलो जगाला ।।३।।
युक्ति जमली नामीं, आनंद आणण्यालासारी ऊर्जा जाई
ध्यानांत एकरुप होई
त्यांत ईश्वर पाही
ऊर्जा शिल्लक न राही, दुःख भावनेला ।।४।।
युक्ति जमली नामीं, आनंद आणण्यालाडॉ. भगवान नागापूरकर
संपर्क - ९००४०७९८५०
bknagapurkar@gmail.com April 15, 2017
-
मातीचा पुतळा
मातीचा पुतळा एक
फोडला कुण्या वेड्यानी
जीवंत पुतळे अनेक
जाळून टाकले शहाण्यानी ।।
एक करि तो पिसाट
ठरवी वेडा त्याला
अनेकाची उसळता लाट
धर्माभिमानी ठरविला ।।
अशी आहे रीत
नाहीं समजली मना
करुन विचारावर मात
श्रेष्ठ ठरे भावना ।।
डॉ. भगवान नागापूरकर
९००४०७९८५०
e-mail- bknagapurkar@gmail.com
September 21, 2018
Copyright © 2025 | Marathisrushti